الموضوع: الجواز الأمريكي ما الحل ؟؟؟؟؟؟؟؟

السلام عليكم ورحمة الله وبركاته
باختصار يا أخوان قبل سنتين 2009 حصلت على التأشيرة وزوجتي المولودة في أمريكا تعقدت
أمورها طلبات موظفة السفارة للحصول على الجواز هي :
1- جواز والدها القديم عام 83 م
2- شهادة ميلاد زوجتي الأصلية - زوجتي عندها شهادة ميلاد من المستشفى
3- شهادة تخرج والد زوجتي الأصلية


بالنسبة للطلب 1 كلمت عمي وراح أمس الجوازات قالوا نعطيك برنت لاخر 15 سنة فقط
وقلت ما ينفع أعملي وكالة أنا اروح وأحاول أيش رأيكم يطلع معاية شي في الجوازات ولا لا ؟

بالنسبة للطلب 2 قرأت في كم موضوع وجود موقع يطلعلي الشهادة أيش هذا الموقع وكيف أتعامل معاهم؟

بالنسبة للشهادة عندي صورة من شهادة عمي رأيكم تكفي ؟


ملاحظة ( أمس كلمت القنصلية في جدة وقالت الطلبات شهادة الميلاد الأصلية وكشف درجات
أبو زوجتي وما جابت سيرة جوازه القديم قالتلي شي يثبت أنه كان في أمريكا )

المطلوب ( وجهوني وساعدوني لأني تعبت ولكم جزيييل الشكر )

مواضيع عشوائيه ممكن تكون تعجبك اخترناها لك:

• استفسار عن استخراج الفيزا الامريكية في دبي
• استفسار بخصوص تذاكر السفر المحلية في امريكا؟
• سؤال مستعجل عن
• افضل التذاكر للطيران داحل امريكا
• جواز السفر الامريكي
• ماهي افضل وارخص وسيله للتنقل لعدد راكب في نيويورك
• عندي دعوة لحضور مؤتمر هل الأفضل للمقابلة جدة أم الرياض
• اطبع موعد السفاره
• محتاج نصيحة لرحلتي القادمة لامريكا
• انا من مواليد امريكا ولاكن
• ما هي أسباب إلغاء (كشط) الفيزا السياحية في المطار؟
• استفسار للاخوان ألي طلبوا شهادة ميلاد أمريكية أون لاين
• ياليت تساعدوني الله يخليكم ؟
• اول مره في الاراضي الامريكية فزعتكم في المخطط وكم سؤال
• شقق فندقيه ميامي
• فزعتكم ياشباب ويابنات عن الجواز الأمريكي
• افضل مستشفى الاطفال التجميل
• كيف اوزع يوم في كاليفورنيا ؟
• سؤالي هل تعبتوا من هذي الملاحظة من السفارة للذين لديهم اوراق زرقاء وصفراء
• فندق لاس فيجاس

عشان أسهل الموضوع أكثر لو ذهبت زوجتي الى القنصلية ومعها شهادة الميلاد الأصلية وكشف درجات والدها
وصورها تتسهل المسألة ؟

كيف أحصل على كشف درجات عمي ما هو الموقع اللي يساعدني وشكرا لكم.

عزيزي

اهم شي جوازه او كشف الدراجات اهم شي شي يثبت انه كان يدرس في امريكا في هذه الفترة !!

وايضاً شهادة الميلاد الالصية اذا هي الي تقول انها موجودة فهذا هو المطلوب !!

اتمنى لكم التوفيق ,,

انا معاي الجواز الامريكي وطلعت قبل سنه !!


بالنسبه للجواز المطلوب كان ست اشياء طبعا الصور الخاصه بالجواز الامريكي الجواز القديم المرافق لجواز الوالد او الوالده شهادة الميلاد الاصليه جوازك السعودي وايضا تعبي الفورمات من القنصليه

ونصيحتي لك روح للقنصليه انت وزوجتك لاتكتفي بالتليفون !!


لأن تعقيد الطلبات يختلف من موظف لموظف يعني انا طلعت جوازي من قنصلية الظهران بس لما كنت بالرياض وابي اطلعها طلبوني طلبات تعجيزيه شوي مثل جيب صورك من انت صغير حتى كبرت !!


شكرا لك

الاخوان ما قصروا الله يجزاهم خير

وهذه اضافه مني .. للمشاركه .. لعلي افوز بدعوه ...

0
0
0

حبيبي الغالي :

جوازات اهلها ( ابوها وامها ) اهم شي بصراحه ...
لكن عدم وجودها مو يعني خلاص ..

كثير من اللي طلعوا جوازات امريكيه ما كان عندهم جوازات اهلهم ..


الحين اهم شي بالنسبه لك هو :
-ما يخص الوالد :جيب اي شي يثبت ان ابوها كان في امريكا وقت ولادة زوجتك ... مثلا شهاده .. خطاب ... تعريف ... جواز سفر
ممكن تدعم هالشي ببعض الامور مثل : رخصه قياده - رقم السوشل سكيورتي له عنده - بطاقات البنك - بطاقه طبيه - اي بطاقه .. ( مو شرط يكون متوافق مع ولاده زوجتك .. يعني اي تاريخ )

-ما يخص الوالده: جيب اي شي يثبت ان الام سافرت لامريكا ... شهاده .. خطاب .. تعريف .. جواز سفر .. موعد مستشفى - رخصه .. سوشل .. بطاقه بنكيه او طبيه ... اي بطاقه ( مو لازم يكون متوافق مع ولادة زوجتك .. يعني اي تاريخ )


-ما يخص صاحب الطلب ( زوجتك ): لازم شهادة الميلاد الاصليه لزوجتك ... واذا مو موجوده فلا تشيل هم ... تقدر تجيبها عن طريق النت ..
ولو عندكم اي شي يثبت تواجدها هناك فهو يساعدكم اكثر ... مثلا كرت التطعيم - شهادة دراسيه روضه مثلا -




طبعا تعبي النموذج ... اذا ما تعرفه علمنا .. عشان نجيبه لك ...
وتجيب صورتين 5 في 5

وتروح لهم ما بين 1 و 3

ولا تنسى المبلغ 513 ريال

وتراهم يتكلمون عربي فلا تشيل هم الانجليزي ..

ممكن يسئلونكم ليه تاخرتو - ليه سافر ابوكم - وليه تبغون الجنسيه

واتفق مع كلام الاخ الكريم خمرور بان الطلبات والتعقيدات تختلف من شخص الى شخص ..

وسلامتكم

وعطونا الاخبار

أخ Impact يعطيك العافية زوجتي زي الكثيرين عندها شهادة من المستشفى وطبعة رجولها وصورها في أمريكا
أيه الموقع اللي عن طريقه أطلع شهادة أصلية وهل الموقع يصدق الشهادة أو يختمها ولك جزيل الشكر.

أخ خمرور يعطيك العافية كلامك سليم مية المية التعقيد كان في السفارة وأتوقع القنصلية أسهل لك جزيل الشكر.

أخ النهر الجاري جزاك الله ألف خير ويسر الله أمورك كلها كفيت ووفيت بالنسبة لجوازت والد ووالدة زوجتي القديمة أتلفت ما في حل غير البرنت من الجوازات أو كشف الدرجات غير كذا عندي صورة من شهادة عمي الخطوة الجاية
بأحاول بنفسي أروح الجوازات وأطلع البرنت بأي شكل وبعدها خطوة شهادة الميلاد الأصلية والله المستعان.

راسلوا الجامعة اللي درس فيها ولد زوجتك علشان يرسلون كشف الدرجات خلال اسبوعين ان شاء الله توصلكم و أكيد ان شاء الله بيطلعون لكم الجواز بس اهم شيء صور لمراحل عمرها و أيضان شهادة الميلاد و إذا فيه بطاقات عندكم رخصة قيادة او بطاقات فيزا أثناء وجودهم في أمريكا . و أعتقد النهر الجاري كفى و وفى

مواقع طلب الشهادة كثيرة وهذه منها :

http://www.vitalchek.com/express-bir...tificates.aspx

http://www.usbirthcertificate.net/

بالتوفيق

ان قدرت اخوي تتحصل على برنت من الجوازات ارجوك تخبرنا بالطريقه ضروري وجزاك الله خير.....

أختي أم خالد مسألة كشف الدرجات حتكون في حالة فشل البرنت وإن شاء الله تتيسر جزاكي الله ألف خير.

أخي Impact الله يعطيك ألف عافية ما نستغنى عن لمساتك الذهبية .

أخي temari إن شاء الله تتسهل واعلمكم أش صار معي.