الموضوع: هل هذا صحيح ماحصل في السفاره الكندية ؟؟ مصيبه ياناااااس

السلام عليكم ياشباب .... مصدوم انا اليوم :110:

اليوم جاني اتصال من احد المكاتب اللي في شارع الثلاثين بالرياض .. ويبلغني ان تأشيرات كندا متعطله حالياً بعض الشي حسب الأيميل اللي جاهـ من السفاره الكندية ... :105:

ويقول احتمال تأشيرتك تتأخر الى 28 مايو .. وانا جراء تعديلات على استخراج التأشيرات الكندية وتستغرق شهرين تماما.. :110:

وجوازي الأن له في السفاره الكندية 33 يوم بالضبط لحد الأن :114:

ياجماعه وربي فكرت اكنسل كل حجوزاتي واتوجه الى بريطانيا .. :110:

او نيوزلاندا .. :surf

تعبت من الانتظار .. لي اكثر من 40 يوم جالس بالبيت

على فكره انا موظف بنك ومرتبط مع البنك بدوام في شهر 11 يعني بكذا قلت مدة دراستي للغه وانا صفررررررررررررر في الانجليزي واسبوع واحد يفرق معي في الدراسه :110:

شرأيكم ياجماعه ابي ردود حاااااااااااااااااااااااااااااااااااااااااااااااار ه ... اخوي سعد واخوي سلمت يمناك وباقي الاعضاء شاركونااااااااااا

شكرا لكم وفي انتظار ردودكم

مواضيع عشوائيه ممكن تكون تعجبك اخترناها لك:

• لايفوتكم بطولة الفروسية الدولية في كنتاكي سبتمبر
• هل من الضرورى خطاب دعوة من كندا لتأشيرة السياحة ؟
• فيزا البزنس
• اكيد جوابي عندك يا كريم سبلة
• لاتبخلوني علي بس قولوي وش افضل فانكوفر ولا مونتريال
• ضروري مافيه وقت ابي مساعده
• لاهل الخبرة في فاااااااااااااااااااااااااااااانكوفر وفكتوريااااااتكفون المساعده
• تحذير يمنع وضع الإيميل الشخصي
• هل تعرف احد خذ معه الابتوب لكندا ومرمطوه بهذلوه
• هل الجواز الامريكي يغنيني عن الفيزا الكندية ؟
• المواصلات في فانكوفر
• مندوب الجامعات الكنديه في المملكة قريباً الدمام جدة
• تقريري عن فانكوفر ضايع بجنه
• رايكم في خط السير يا أخوان
• هل يمكن العمل و الدراسة في كندا
• طلب مشورةدراسة في كندا يااحلى ناااااس
• ياريت
• كيف اقدم الحجز
• احتياجات طفلتي في كندا
• وجدت فقط جامعتين لتخصصي في كندا شرايكم ؟

بسم الله الرحمن الرحيم

والله اخ امير انا انصدمت من موضوعك لإني اتمنى لك كل خير وكل اعضاء المنتدى الكرام انا واعوذ بالله من كلمه انا مثلك موظف بنك ماقدمت اجازتي وانا اخوك الا لما خلصت اوراقي بس مدام ياخوك انك قدمت اجازتك قبل لا تطلع التاشيره وتخلص اوراقك استعجلت مره بس ماينفع الكلام الحين مالك الا انك تغير البلد وبإسرع وقت عشان يمديك ع اللغه فيه خيارات واجد لك في دراسه اللغه بريطانيا واستراليا ونيوزلاندا ومالطا وبريطانيا تاشيرتها ماتستغرق اربع وعشرين ساعه بس غاليه وفيه نيوزلاندا مناسبه وان شاء الله انها خيره واتمنى لج التووووووووفيق من كل قلبي وللجميع

اخوي امير بكلمتي
أحزني موضوعك لأني بصراحه احسبك خلاص سافرت كندا ,, وكنت ادعيلك ان الله يوفقك

مدة التأشيرة لبريطانيا تاخذ يوم واحد
انت انتظر تأشيرة كندا الي اخر فرصه واذا ما طلعت حول لبريطانيا ... لأن اجراءاتها سهله وسريعه

ولا تنسى تصلي صلاة الأسخارة

الله يوفقك يكتبلك الخيره

يالله

والله زعلت عليك

بس محلولة خذ فلوسك واقرب حجز وروح نيوزيلندا

امكن الله كاتب لك خيره

والانسان مايدري وين الخيره

صلي الاستخارة وتوكل على الله ونيوزيلندا خيار جيد جدا

وانا كنت بروح لها في البداية

شوفلك حجز وتوكل على الله (ماعاد في وقت) ميزتها 3شهور بدون فيزا

وارخص من كندا

الله يوفقك اخوي

ولاتزعل والله خيره

انا ناوي اقدم الطلب يوم الثلاثاء الجاي شلون مايمديني ..عسى إن شاء الله ازمة موقته ويرجعون لـ 15 يوم

السلام عليكم - اخوي امير بكلمتي - انا سافرت نيوزلاند مرتين وبالتحديد لمدينة كرايست جيرج بالساوث لاند وكانت الرحلتين جدا رائعه , انا انصحك انك تروح لنيوزلاند حتى التأشيرة خذيتها من المطار بدون اي تأخير لمدة ثلاثة اشهر , انا رحت سياحة مارحت دراسة, واذا قررت تروح نيوزلاند لازم تطير على الماليزيه لعدة اسباب-الأول_ السعر مناسب ,واذا تأخرت الرحلة يوم او يومين تعطيك الخطوط الماليزية اقامة مجانيه بأحد فنادق كوالالمبور بالذهاب والعودة ,على فكرة اذا الرحلة راح تتاخر سوف يعطيك موظف الخطوط الماليزية حجز الفندق بالذهاب والاياب من مكتبهم بجدة- السبب الثاني _انه الخطوط الماليزية تمر بالاجواء الاستراليه فقط بدون اي توقف بأحد مطاراتها وهذا السبب يفيدك علشان الاستراليين اذا وقفت بأحد مطاراتهم لازم تأخذ فيزة (ترانزيت) وهذا يسبب لك تأخير , راح يكون خط الرحلة _ _ جدة ,كوالالمبور,اوكلاند وبالعكس ,وتوقفك في مطار كوالالمبور مايبي منك اخذ فيزة ترانزيت , الفيزة تأخذه وانت واقف عند موظف الجوازات , والتعامل جدا راقي ومحترم ,على عكس الاستراليين (ملاعين والدين) , على فكرة مكتب الخطوط الماليزية مكانه بجدة ,تقدر تأخذ رقمهم من دليل الهاتف 905 وأي استفسارات اخرى انا حاضر وأخدم اعضاء المنتدى بعيوني .....

يسلم لي وجودكم وتواجدكم اخواني .. وربي لولا الله ثم انتم مت قهرررررررررر ..

سلمت يمناك .. يسلم لي حضورك والله ان صادق استعجلت بس انا مابديت الاجراءات لاني كنت متوقع ان البنك يرفض اجازتي ... وطبعا يوم وافقو عليها عطوني من شهر 5 الى 11 فقط .. ومثل ماانت شايف انتصف شهر 5 ومتأخر الحين ..

مشكوور يالغلا على ردك لي .. وفعلا افكر في بريطانيا كثير بس خوفوني الناس انهم يقولون شعبها غير ودي ابدا .. مشكور

***

هلا بك اخوي سيد المدينه .. ويسلم لي حضورك وردك .. انا صليت الاستخاره .. والله اني متردد انتظر او اخلص واطلع بريطانيا لان فعلا قالو لي انها يومين وتسافر .. بس على مايقولون .. اخاف تكون هذي كذبه ابريل متأخره

الله يعينك اخوى والله انا حسبتك طلعت لكن ان شاء الله خيره لك ولنا:114:

والله الظاهر انا مستحيل اطلع برا السعودية:110:
قدمت اوراقي قبل كم يوم لكن خيره ان شاء الله


لكن اذا شفت انك تأخرت اطلع نيوزلندا لان كثيرين مايمدحوا البريطانيين #
حتى انا اذا ماخلصت اوراقى ابطلع نيوزلندا
وترها ارخص:24:


وبالتوفيق ان شاء الله

هلا بك اخوي dulla
فعلا كثيرين مايمدحون الشعب البريطاني .. بس التدريس اللغه في بريطانيا افضل بكثير

بس للأسف الشعب والمعامله سمعت انها متعبه ومتخوف من هالشي انا

.. بالنسبه للغلاء اهي مسأله 5 شهور .. وماتفرق معي الحمد لله يعني لو اكثر ممكن اتأثر

وشكلي بصبر على كندا والاجر على الله

مشكور يالغالي

الله يوفقك اخوي .. طالما ان اجازتك ابتدت ترى ما عندك وقت تضيعه .. اسجحب جوازك مباشرة من السفاره وتوكل على الله ورح لنيوزلاندا ترى ثلاث ايام وانت مخلص امورك والله يوفقك

ياحبيبي ياامير توكل على الله وروح نيوزيلندا


شوي واقابلك في بوابة نيوزيلندا

وبقلك وين تروح وايش تسوي


والله يوفقك

والله الظاهر انها كذا

بس ياجماعه انا همي الاهم التعليم .. وليس همي الترفيه او الأرخص

وطبعا كما تعلمون التعليم في كندا وفي بريطانيا ماهو .. يعني شهرين في كندا عن 5 شهور في نيوزلاندا .. حسب كلام الاخوه اللي راحو هنا وهناك

وربي مره ابي كندا بس للأسف تعقدت .. وزي ماتقولون جاني خمول وصرت معاد احس بااي شي يعني تحطمت ..

بس بكره بكلم السفاره لآخر مره اذا حسيت ان الموضوع مطول كنسلت واستخرت الله من جديد على نيوزلاندا او بريطانيا ..

والله يوفق الجميع يارب

مشكورين

ياخي صدقني مافي فرق كبير

وانا رديت على موضوعك

وتراني قاعد في النت منتظر ردك

وترى الدراسة تعتمد على الشخص مو على المكان

في ناس تعلموا في بيتهم على التلفزيون بدون استاذ ولا شي

بعدين ياخي ربي يكتب

وان شاء الله ماكتبلك الا خير

لاتتحطم ولاشي

انت مادفعت شي

حول على طول

انا كنت ناوي نيوزيلاندا وبعدها استراليا

وفي النهاية بروح كندا

استخير الله وخلي الوالدة تدعيلك

والله يوفقك

مشكووور اخوي سعد وفعلا مثل ماقلت

الدراسه تعتمد على الشخص .. وبريطانيا مثل ماتقول تمتلي سعوديين ومن الطبقه العليا بعد يعني الناس الفوق

هذا اللي سمعته

خلني اصبر وش رايك ..؟

اصبر اسبوع .. ؟ ولا اشد العزم على اوكلاند

اخووي امير بكلمتي رووح والله معك على نيوزيلاندا ولا تشاور ما في وقت واجازتك بتخلص وانت تفكر بصراحه انا كنت مؤيد لك نيوزيلاندا ومثل ما قالوا لك الشباب ارخص وافضل وعند أصحااب الخبره اللي هو انا بس انا ما رحت الله ما كتبها في واحد فر مخي وقال لي لا تستعجل بس اتوقع حدي ماليزيا و ارجع لأني حظي منحووس مثلك يا امير

غريبه :114:

بعد الإتصال بالسفاره تبيّن انهم ماغيروا شي نهائي في إستخراج الفيزا

يعني 15 يوم كالعاده

لكن إذا عندك مشكله معينه أو نواقص ... أكيد راح يتأجل الطلب وهذا يمكن اللي صار معك

عموماً أنصحك وبقوه بكندا

بريطانيا كلها سعوديين

أحد الزملاء يدرس حالياً في أحد المدن الصغيره ولاحظ ( الصغيره ) في بريطانيا

سألته عن الطلاب المتواجدين اللي معه في الكلاس

قال 13

قلت له وش جنسياتهم

قال 4 سعوديين .. و2 اماراتيين .. ووحده من ليبيا والباقي من شرق آسيا وامريكا الجنوبيه !!

يعني أكثر من نصف الفصل ابو عرّاب

يقول الدنيا قالبه ضحك ووناسه .. والدراسه ماجبنا خبرها بسبب الطلاب اللي معنا :112:

حبيبي انا قدمت فيزا كندية بنص شهر اربعة ميلادي .. واسبوعين والحمد لله وهي عندي ...

مافيها اي مشاكل الحمد لله

تاكد اخوي ان اوراقك كاااملة وارسلهم فاكس او ايميل كاستفسار ... تراهم يردو عليك بكل احترام وذوق


تحياتي للجميع

الله ياجماعه اني ماادري ... هل فيه نواقص او لا .. يعني ماردو علي ولا قالوا اي شي في اوراقي

للعلم . انا جبت كشف حساب في مبلغ كبير .. وجبت تعريف من العمل .. يبين فيه راتبي وكل شي .. وجبت شيك مصدق بااسم السفاره الكنديه .. وكل هالاشياء باللغه الانجليزيه وصوري موجوده بخلفيه بيضاء ومكشوف الرأس والمكتب جاب لي قبول في المعهد اللي تورنتو .. يعني وش باااااقي

أ خوي امير بكلمتي

الامر خيره ان شاء الله

طيب اجل موضوع الدراسه للسنه الجايه ان شاء الله

واعتبر اللي حصل درس لك ورتب امورك بهدوء واكيد الاجازه لاتقدمها الابعد ماتخلص من كل شي

الاجازه هذي ما كتب الله لك روحه فيها يمكن خيره

انصحك اجل الموضوع ولاحق خير ان شاء الله

السلام عليكم

الكل اعتقد اني سافرت وانتهى الموضوع لكن لا

انا بحريني ورحت بو ظبي عشان اقدم على فيزاورفضوها ورجعوني خايب يقولون 140.000 ريال مو كفايه

رديت البحرين ورفعت المبلغ الى 50.000 دولار كندي ورفضوها اليوم جاني الرد مثل الصاعقه ذبحوني والله

سؤاليييييييييييييييييييييييييي

شسوي شسوي شسوي ويقبلون فيزتي تعبت معاهم ابي اروح اشوف مستقبلي

اللي عنده حل لا يبخل:110:

المشاركة الأصلية كتبت بواسطة srn005
http://www.arabtravelersforum.com/tr...6/#post1999316

أ خوي امير بكلمتي

الامر خيره ان شاء الله

طيب اجل موضوع الدراسه للسنه الجايه ان شاء الله

واعتبر اللي حصل درس لك ورتب امورك بهدوء واكيد الاجازه لاتقدمها الابعد ماتخلص من كل شي

الاجازه هذي ما كتب الله لك روحه فيها يمكن خيره

انصحك اجل الموضوع ولاحق خير ان شاء الله



وربي رأيك على عيني ورأسي .. بس مايندرى وش يصير السنه الجايه .. انا موظف بنك وليس بالسهوله اني احصل مثل هالاجازات اللي بدون راتب وبعدين الأن فات الفوت .. لانه راح عليها شهر .. ومااقدر اكنسل الاجازه .. ولو كنسلتها هل بااضمن السنه الجايه . ؟ يعني مدام في يدي 5 شهور استفيد منها وماعندي مشكله في نقص شهر او زياده شهر .. بس المشكله اني الغي كل الشهور صحيح تأثرت علي دراستي ووقتي راح في جلوسي بالبيت بس مثل ماقلت لعل الامر خير ...

وبعدين السنه الجايه نحاول نأخذ اجازه ثانيه هههههههه ... مشكور يالغالي وماقصرت ..

اخوي فقد الأهل غربه انت شكلك بدرس جامعه .. يعني تكمل دراستك العليا .. صدقني ماعندي اي معلومه عن استفسارك .. بس انا غيرك تماما انا مجرد لغه ياطويل العمر

تحياتي للجميع

المشاركة الأصلية كتبت بواسطة فقد الاهل غربه
http://www.arabtravelersforum.com/tr...8/#post1999628

السلام عليكم

الكل اعتقد اني سافرت وانتهى الموضوع لكن لا

انا بحريني ورحت بو ظبي عشان اقدم على فيزاورفضوها ورجعوني خايب يقولون 140.000 ريال مو كفايه

رديت البحرين ورفعت المبلغ الى 50.000 دولار كندي ورفضوها اليوم جاني الرد مثل الصاعقه ذبحوني والله

سؤاليييييييييييييييييييييييييي

شسوي شسوي شسوي ويقبلون فيزتي تعبت معاهم ابي اروح اشوف مستقبلي

اللي عنده حل لا يبخل:110:

أخوي أنا أتذكر إنك قلت في أحد مواضيعكـ إنك جبت كشف حساب بمبلغ 14000 ريال وليس 140000 ريال لأنه فيهـ فرق .. وبعدين أتذكر إنك قلت أنك رفعت المبلغ إلى 5000 دولار كندي يعني 19000 ريال وبعدين رفضوكـ

موضوعكـ سهل يا أخي الموشوع وما فيهـ إن كشف حسابكـ أقل من 50000 ريال بس هذه المشكلة ..
لأن من الشروط إنه يكون كشف حسابك ما يقل عن 50000 ريال .. يعني رصيدك الحالي تسعة عشر ألف ريال يعني خمسة آلاف دولار كندي يعني مو خمسين ألف .. صح ولا أنا غلطان .. إذا كنت غلطان صحح لي ..

يا إخوان أنا مقدم أوراقي على السفارة لي تقريبا حدود الأسبوع ولا جاني إلى الآن رفض ... هل يعني أوراقي ماشية بسكل سليم أو لا ؟؟!! خصوصا إن راعي المكتب يقول إن ما جاك رد من السفارة في حدود 10 أيام للاكمال الناقص هذا يدل إن أوراقكـ ماشية تمام التمام .. خصوصا إن كشف الحساب مبلغ كبير شوي يعني راهي ولله الحمد ....
وش رايكم يا إخوان ؟؟!!

اخ امير وربي قلبي معك بس اذا تبي نصيحه اخ غير المكتب وغير الدوله انا البنك ماوافق على الا ثلاثه شهور استغل وقتك وانا اخوك الظاهر المشكله من المكتب تعبان لاني سويت نفس طريقتك جبت تعريف بالراتب وكشف حساب والمكتب خلص لي كل الاجرات حتى طلوع الفيزا وانا كنت مقدم بعدك وجات ولله الحمد الفيزا واتمنى لك التوفيق يارب وللجميع

المشكلة من مكتب الفيفا
لإنه بطي في تعاملة والمفروض كان تأخذ ارامكس (سريعين جداً)
وبعدين اوراقك كان من المفروض تعملها بنفسك بدون المرور على الكتب السياحي (يعني من يدك ليد مسؤل مكتب ارامكس) وانا سالتهم اليوم وقالو لي إذا بتقدم من اليوم يمديك وزيادة انك تأخذ الفيزا .. وهذا اللي بسويه إن شاء الله.. مباشرة مع مكتب أرامكس.

هلا بك اخوي سلمت يمناك لا انا البنك معطيني سته شهور

وبالطقاااااااااق بحب الخشوم على قولتهم وكلمت فلان وعلان هههه

ياطويل العمر تيغير المكتب مراح يفيدني بشي لاني بتأخر من جديد وجديد وتغير الدوله اهوا اللي ممكن يفيدني .. بس انا قلت بصبر لي اسبوع ثاني .. على فيزا كندا ووان الله اراد طلعت وانا ماطلعت مالي الا نيوزيلاندا .. والله اقوى

ورحت اليوم للطيار والغيت حجزي اللي هو المفروض اليوم الرحله .. وخليتها مفتوحه وسألتهم قلت هل ممكن بالتذكره نفسها اروح لنيوزيلاندا قالوا عادي بس تدفع فرق السعر طبعاً .. بس في ناس كثير مانصحوني في اتحاد طيران يقولون انها تنزل استراليا .. وقالوا لي الطيار بإمكانك تسترجع سعر التذكره قلت كويس بس خليتها مفتوحه في الذهاب وقلت بااصبر اسبوع اذا ماحصل شي استرجعت التذكرت ورحت على الماليزيه على نيوزيلاندا

مشكورين اخواني وربي يوفقكم

وااااااالله الدنيا بخير دام فيها امثالكم ياجماعه الكلمه منكم تخليني احس بااحساس حلو ومشاركتكم لي تكفيني

صحيح حولي اقاربي واصحابي .. وعز الله انكم وفيتو محلهم وجزاكم الله خير على آرآكم ونصايحكم

بس انا قاهرني شي لو ماكتب لي الله لكندا

اخوي
اذا تاخرت الفيزا عن 15 يوم ارسل لهم فاكس تستفسر عن الفيزا حقتك
انا جلست فيزتي عندهم 13 يوم وصجيتهم اتصالات
وبعد 16 يوم بالتمام ارسلوها لي
ارسل لهم فاكس في اسرع وقت
او حول لنيوزيلندا وريح نفسك انت ما انت ملزوم تروح كندا
يعني انا رحت كندا لاني ادرس في الجامعة انجليزي ولهجة امريكية عشان كذا رحت كندا
لكن انت ماعليك اهم شي لغة
وترى الدراسة في نيوزيلندا والا كندا كلها تعتمد عليك وعلى اجتهادك
الله يوفقك

السلام عليكم
الأخوان في المنتدى وفوو وكفوو
ومالي إلا الدعاء
فأنا أسأل الله العلي القدير إنه ييسر لك أمورك ويكفيك شر هذه السفرة
ياليت تبلغنا وش يصير معك وش هو قرارك في النهاية
إحنا بالخدمه في أي وقت

جلاد العيون يعلم الله قد ايش اثر فيني ردك .. ودعاءك ويعلم الله قد ايش اقشعر جسمي وصفعتني اخوي صفعه محترمه وذكرتني ان الانسان مسير وليس مخير وان الله اللي كاتبه لي بيصير

مشكووور اخوي على ردك وربي لايحرمنا امثالك وبوافيكم ان شاء الله وش صار معي أول بأول وماننحرم وأٍسأل الله ربي ان يجمعني واياك عند نهر الكوثر ومع الجميع ان شاء الله ..

هلا بك اخوي wooden والله ماقصرت في ردك ياغالي وفعلا ارسلت فاكس مثل ماقلت من اسبوع والى الأن لايوجد رد واتصلت عليهم وقالوا لي ارسل فاكس بدون الاتصال لانه مايفيدك الاتصال .. والى الأن ماشفت شي من عندهم .. اللي مريحيني وسبق اني ذكرته معي شخص في المكتب اردى من حالتي وله 2 شهرين واهو مطامر معهم لاهم اللي وافقو ولا هم اللي رفضوا يعني معلقينه ...

بس انا اخذت قرار بااصبر اسبوع واحد بس واذا ماصار شي بغير على نيوزيلاندا

شكرا لك وتمنياتي لكم بالتوفيق