الموضوع: تكفون بخصوص الفيزا

شباب فزعتكم


اول شئ السلام عليكم


بخصوص الفيزا والله يا جماعه طاح عليه جدار...


مرسل قراطيسي من اسبوعين بالضبط

ولا حس ولا خبر

والمشكله وقتي ضيق .. واخاف انهم راعين طويله


وش السوات ؟؟


الي عنده طريقه استفسر عن طريقه والا نصيحه لانهم والله شابين كبدي ..



شورو ا علي ... لان سفرتي قريبه ..

اخوكم..
متوهق بعمره

مواضيع عشوائيه ممكن تكون تعجبك اخترناها لك:

• ياشباب انا صارت لي مشكلة مع السفارة ادخل من فضلك
• مــوســوعــة الــدراســة فــي كــنــدا
• فقط جوال نوكيا يعمل في كندا ؟
• شيك الفيزا للسفارة هل يجب ان يكون لي حساب في البنك
• هل فيزاة الزياره تمدد في كندا ارجوكم
• مساعدة ضرورى ياشباب
• أستفسار مهمجدا ارجوا الاجابه
• طلب غريب جدا من السفارة ؟؟ تكفووون تكفوون ساعدوني ماعندي وقت
• لا انصحكم بالسفر الى كندافليس فيها شئ يستحق عناء السفر لها
• الملتي انتري
• أيهما أفضل للدراسة فانكوفر أو تورنتو ؟
• بخصوص التأمين الطبي
• مسافر ان شاء الله الى فانكوفر والي تورنتو يالربع
• أرجو من أصحاب الخبرة بتأشيرة زيارة كنداتوجهي للطريقة المناسبة للحصول على الفيزا
• مين يفك لنا هذه الالغاز اكن له من الشاكرين ؟
• افيدوني الله يجزاكم خير
• كم نستغرق من الوقت من الرياض الى هونج كونج الى فانكوفر ؟؟
• سؤالين للي في معهد وسؤال عن تذاكر الملحقيه
• اشتعال النار في طائرة ركاب في تورونتو بكندا
• مونت فيرنون اجمل ما في امريكا

ههههه

وسع صدرك يارجال

علمني متى مرسل أوراقك بالضبط ؟

إذا أنت مرسلها يوم الإربعاء فترى السفاره ماتستلمها إلا يوم السبت وعليك الحساب

الوقت اللي تقول عليه السفاره هو 15 يوم

ممكن تزود يوم أو يومين بعدها

لذلك ممكن تتصل على السفاره وتنشب في حلوقهم وتقول رحلتي الليله وأبيكم تحولوني على قسم التأشيرات

وإذا ردوا عليك إسألهم

أو ترسل فاكس أو إيميل وهذا اللي معمول فيه طبعاً عند السفاره

والله يكتب اللي فيه الخير

مرحبا اخوي

انت ارسلتها منذ اسبوعين ومتى ناوي السفر ؟؟ اذا باقي للسفر اسبوعين مثلا بصراحة وقتك ضيق شوي لان الفيزا جلست عندهم بالضبط 26 يوم .. لكن انت ارسل لهم ايميل على mailto:[email protected] او اتصل عليهم على الرقم 01/4882288 او فاكس رقم 01/4889657
ولا تنسى تسوي حجوزات الطريان من الان والا والله راح تتوهق من جد عاد امر الفيزا هين امام حجوزات الطيران .. والله انت ما شفت الفلم الي انا سويته لحد ما ضبطت حجز والله ولي التوفيق

ديفينو..


الله يعدي عنك ومشكور على ردك

هل نشبة الحلق بمثل هالجنس ينفعبهم مثل ما ينفع بنا اذا نشبنا بحلوق وزاراتنا ؟؟ والا يبي يسحبون علي؟


فهووود
انا معطي الاوراق لارامكس يوم الاحد 25\ماي.. وانا عادي مو مساله تاخروا بس ياخي ابيهم يقولون امورك تمام .. لو بايميل ..

لان طيارتي بـ19 جون واخاف يسحبون علي .. او يتاخرون .. فهل تجدي المتابعه معهم والاتصال ؟؟ وهل تسرع من الاجراءات ؟؟

تصدقون عاد ان هالروحه متعسره من يومه ...

من اخذت تعريف من الجامعه .. الختم الانجليزي ضاع ..
ثم جيت ابطبع كشف حساب وتعطل البنك والله

ثم لسالفه الطياره وتكنسل الحجز مرتين

شكل امي داعيه على روحتي

وما انسى اشكر جميع من رد علي لا تخلينا ياللي رادين عليك 20

والله يوفقهم ويسهل عليهم ... ويطلع فيزتي بالسلامه من ارض اولئك..


اخوكم ..

المشاركة الأصلية كتبت بواسطة divino
http://www.arabtravelersforum.com/tr...1/#post2055361

إذا أنت مرسلها يوم الإربعاء فترى السفاره ماتستلمها إلا يوم السبت وعليك الحساب

ار



اخوي انت متأكد أنا ارسلت اوراقي قبل اسبوع تقريبا واتصلت على ارامكس قالو ا لي بأنه تم تسليم الاوراق بتاريخ 29 / 5 /2008 يعني يوم الخميس بالليل

meki

هل نشبة الحلق بمثل هالجنس ينفعبهم مثل ما ينفع بنا اذا نشبنا بحلوق وزاراتنا ؟؟ والا يبي يسحبون علي؟

نعم تنفع هههههههههه

إتبع التعليمات اللي في الرد الآلي وحاول تكلم الموظفه وإحشرها .. وقل إن رحلتك بكرا أو بعده عشان تتفاعل معك وعلى الأقل تعطيك خبر مع إنك حسابياً مفروض تستلمها يوم الإربعاء تقريباً .. يعني إنتظر شوي وترى عندك وقت

abr5577

نعم هذا بعد ماسألت مندوبين أرامكس .. أفادوا بإن الإرساليه إذا كانت مستلمه يوم الإربعاء فهي لا تصل إلى السفاره الكنديه إلا يوم السبت .. لأن السفاره لا تعمل يوم الخميس !!

والله يسهل عليكم ويكتب اللي فيه الخير

قول متعسره هههههههههههههههههه انا لو اقول لك كل شيء سويته طلع لي مشكله فيه لكن الي نفعني اني ماخذ احتياطاتي من بدري بدري

انا قدمت على الفيزه قبل السفر ب 50 يوم عشان اعرف ارتب اموري بخطة بديلة الى نيوزلندا وانا اعتقد هالترتيب بيصلح لك المهم ولله الحمد الفيزا وصلت لي بعد 26 يوم لكن انا ارسلت ايميل قبل لا توصل باسبوع وارسلت فاكسين وبعد اسبوع جات المحروسة

يا أخوي لا تستعجل تونااااااااااااا :24::24:

أنا صاارت لي ظرووف ألعن منك ... تخيل إني كنت مجهز أوراقي بدري وكنت معتمد على مكتب مشهوووور جدا .. لكن الله لا يوفقهـ عطيته اسم المعهد اللي أبيهـ أنا وواحد معي . وقال لنا خلاص أنا دبرت لكم قبول هناك تعالوا عطوني أوراقكم وضربنا مشوااار من القصيم لللريااااض :113: وسلمنا أوراقنا له ..

تخيل الأورااق جلست عندهـ 20 يووم وهو يكذب علينا يقول إني بااعثها من زماااااان ... ويوم شفنا الوضع أثرهـ كلااااك لا بعث الأورااق ولا شي ... قالنا إن المعهد يقول ادفع مقدم قبل ما نعطيك ورقة القبووول قلنا له ليش ما قلت لنا هالكلام من زماااان ؟؟!!
ورحنا للريااض وأخذنا أوراقنا واعتمدنا على أنفسنا في كل شي بدينا نراسل المعهد إلى أن دفعنا الفلوووس وعطونا قبول وبعثنا أوراقنا مع القبووول للسفااااارهـ يوم الثلاثاااااااء قبل المااضي واليوم الأحد :114:
يعني لها الآن 12 يووم :24::24: وننتظر الرد الحين لان طيارتنا في 25 جووون :110:

لا تخاف ... أنا فيزتي جلست عندهم اقل من 3 أسابيع ... يعني حوالي 17 يوم تقريباً أو أكثر ... ما أذكر بالضبط

لكن وصلتني ولله الحمد ... بدون ما أكلمهم أو أرسل لهم شي ..

شوف إذا ماجاتك خلال هالاسبوع اتصل عليهم ... إذا ماجاتك قبل يوم الثلوث اتصل عليهم

يا راعي القصيم ... هلاببلدياتي ..
انت ما دريت ان المكاتب نصابين واننا ضايعين ؟؟

يا رجال قسم بالله .. يجيب لك معهد فااااشل كله سعوديين .. ويصبخك بذيك القيمه ..

انا راسلتلي معهد طيب .. ورخيص لا باس ارخص من اي اف بواجد .. وبنفس الوقت ارسلولي القبول بيومين .. ووناسه .. ويقولونلي لو ماجازتلك لاالعائله حنا نغيره لك وبدون ما تدفع زياده .. وهذا المهم ..

مهب مكاتبنا الي تروح هناك كانك تدرس بالربوه كلهم مو بس عرب ولا بس سعوديين .. قسم بالله تلقى ولد جيرناكم ..





والله انا يا جماعه ابعطي سداح فرصه .. لحد الثلاثاء لاني عندي اختبارات هاليومين ومنب فاضي..


وابنشب بحلوقهم عقبه .. والله ييسر ...

لاني مكمل اوراقي .. لدرجه شهاده التطعيم الي او ما ولدت قبل 24 سنه مرسله لهم

يعني والله لو يدورون اي شئ ناقص مهب لاقين ان شالله ..

وهذا الي غاثن ..


عموما الي يعدي عن الي ردوا علي ..

وابدعيلهم وانا متدودل بالجو ان شالله


اخوكم
..

المشاركة الأصلية كتبت بواسطة meki
http://www.arabtravelersforum.com/tr...0/#post2056260

ديفينو..


الله يعدي عنك ومشكور على ردك

هل نشبة الحلق بمثل هالجنس ينفعبهم مثل ما ينفع بنا اذا نشبنا بحلوق وزاراتنا ؟؟ والا يبي يسحبون علي؟


فهووود
انا معطي الاوراق لارامكس يوم الاحد 25ماي.. وانا عادي مو مساله تاخروا بس ياخي ابيهم يقولون امورك تمام .. لو بايميل ..

لان طيارتي بـ19 جون واخاف يسحبون علي .. او يتاخرون .. فهل تجدي المتابعه معهم والاتصال ؟؟ وهل تسرع من الاجراءات ؟؟

تصدقون عاد ان هالروحه متعسره من يومه ...

من اخذت تعريف من الجامعه .. الختم الانجليزي ضاع ..
ثم جيت ابطبع كشف حساب وتعطل البنك والله

ثم لسالفه الطياره وتكنسل الحجز مرتين

شكل امي داعيه على روحتي

وما انسى اشكر جميع من رد علي لا تخلينا ياللي رادين عليك 20

والله يوفقهم ويسهل عليهم ... ويطلع فيزتي بالسلامه من ارض اولئك..


اخوكم ..



اجل شكلي انا وياك بيوم واحد

وعلى فكره انا مقدمها 20 مايو والا الان ماجت

دعواتكم بس

اجل وش اقول انا مقدم بدايه مايو .. وللحين مااطلعت .. وفيزا سياحيه ليتها دراسيه .. شئ محبط صراحه

# سؤال .. هل اقدر ادفع للمعهد وانا هناك عن طريق ماستر كارد الأهلي ؟؟ او كيف هي الطريقه للدفع للمعهد

ابغى إجابه ضروريه لو سمحتوا ؟؟

هاي يو ..

هذا علم يضيق الصدر...

وراه الى الحين ماجت!!!!


شكل طيارتي بتطير وانا ماجتن !!

الله ييسر ..

اخوي ..
عليك بنشبه الحلق..

خلنا ننشب لهم

بيسرها الله ان شاء الله

السفاره يردون على الإستفسارات بسرعه وخصوصاً اللي عن طريق الايميل

اليوم أرسلت إيميل لهم

ساعتين زمن وهم رادين عليّ

ها وش صار يا اخوان؟
وكم تأخذ فترة؟
انا المكتب عطاني انا والوالد الاوراق وبكره بنعطيه كم تتقعون تاخذ وقت؟
وحنا وقت السفر نبغاه تقريبا بـ 19 الى 25 جولاي يعني بهالفتره,,تتوقعون تطلع الفيزا؟

المشاركة الأصلية كتبت بواسطة divino
http://www.arabtravelersforum.com/tr...2/#post2061952

السفاره يردون على الإستفسارات بسرعه وخصوصاً اللي عن طريق الايميل

اليوم أرسلت إيميل لهم

ساعتين زمن وهم رادين عليّ




ومعقوله؟؟؟؟؟وش مرسلهم عربي ولا انجليزي

لهم يوم مابعد ردو علي

المشاركة الأصلية كتبت بواسطة meki
http://www.arabtravelersforum.com/tr...2/#post2058992

يا راعي القصيم ... هلاببلدياتي ..
انت ما دريت ان المكاتب نصابين واننا ضايعين ؟؟

يا رجال قسم بالله .. يجيب لك معهد فااااشل كله سعوديين .. ويصبخك بذيك القيمه ..

انا راسلتلي معهد طيب .. ورخيص لا باس ارخص من اي اف بواجد .. وبنفس الوقت ارسلولي القبول بيومين .. ووناسه .. ويقولونلي لو ماجازتلك لاالعائله حنا نغيره لك وبدون ما تدفع زياده .. وهذا المهم ..

مهب مكاتبنا الي تروح هناك كانك تدرس بالربوه كلهم مو بس عرب ولا بس سعوديين .. قسم بالله تلقى ولد جيرناكم ..





والله انا يا جماعه ابعطي سداح فرصه .. لحد الثلاثاء لاني عندي اختبارات هاليومين ومنب فاضي..


وابنشب بحلوقهم عقبه .. والله ييسر ...

لاني مكمل اوراقي .. لدرجه شهاده التطعيم الي او ما ولدت قبل 24 سنه مرسله لهم

يعني والله لو يدورون اي شئ ناقص مهب لاقين ان شالله ..

وهذا الي غاثن ..


عموما الي يعدي عن الي ردوا علي ..

وابدعيلهم وانا متدودل بالجو ان شالله


اخوكم
..



خخخخخخخخخخخخخخخخخ
أولا لا تغلط على الربوة لأن كل خووااالي بهـ :108::108:

ثانيا : أنا انتظر رد الفيزة إلى الآن وأنا مثلك عندي اختبااراات هاليومين بجامعتنا الموقرة وما أدري و أبدي :110::110::110:

ثالثا : أنا ما ودي أصل لمرحلة إرساال إيميل للسفااارة ..
ما راااح أرسل إيميل للسفاارة إلا يووم الأحد يعني إذا تمت الفيزة عندهم 19 يووم ولا عطوني إيااها

رااابعا : الأخ من بريدهـ ولا من وين بالضبط ؟؟ :114::114::114:

خامساا : مافيه خامسااااا .. ما أقول إلا الله يعني :109::109:
وبالنسبة للأخ اللي يقووول إنه بااعث فيزته من بداية ماي أنا أقوله إذا كنت بااعثها عن طريق مكتب فأبشركـ تراها إلى الحين بدرجهـ ولا طلعت :112::112:
لأأن هذي طريقة المكاتب وأسأل مجرب وأنا أخوووكـ .. يصكوون عليها إلى ما يضيق عليك الوقت

وأخيرا دعواتكم لي بالتوفيق عندي اختبااراات :x1:

ديفينو....

تعال

وشلون .. وش قالوا لك ..

حددوا لك يوم عشان الفيزا تطلع ؟؟؟؟

والا دلهوا السالفه ؟؟

لان الكلام كثير ..

بس اهم شئ يقولون اليوم الفلاني تطلع به الفيزا..


اخوك..

ابشركم ارسلت ايميل للسفااااره اليوم وردوا لي .. وقالوا امورك تمام .. وعدون بيرسلونه خلال فتره قريبه ..


راعي القصيم ..
انا ما غلطت على الربوه .. بالعكس ونعم بس مو معقوله تروح لديره 17 ساعه بالطياره واخرتها تلقى جيرانك هناك قهر ..

وبعدين .. والقصيم ما به الا بريده !!!!!!!!!!!!!!!!!!!!!!!

من عنيزه باريس نجد يا كابتن ..



بالتوفيق ..

اخوكم

هلا بكم

أرسلت لهم خطاب أمس بالعربي على الفاكس والإيميل

بعدها تقريباً بساعتين جاني رد بالانجليزي طبعاً وقالوا فيه :

معاملتك تنتهي اليوم .

بدون تحديد هي قُبلت أو رُفضت

اليوم الثاني إنتظرت الإرساليه ماجاني شي

إضطريت أكلم السفاره اليوم الصباح وأنشب في حلوقهم

وبالفعل حاولت مع الموظفه مع إنها رفضت التجاوب معي في البدايه

لكن بعد ماقلت لها إن رحلتي بكرا ولازم أعرف وضعي

أخذت إسمي .. وخلتني أنتظر تقريباً دقيقه ورجعت قالت لي الجواز اليوم يطلع مع أرامكس

نفس اليوم العصر .. والجواز عندي

وسلامتك

والله يكتب لك اللي فيه الخير وكل مسلم

^
^
الموظفه كيف قدرت تواصل معها .. انا دقيت على رقم السفاره يرد علي الرد الالي لواحد يتكلم انجليزي بس مافهم كلامه كاامل

ياليت تعطيني رقم التحويله الله يخليك .. انا مليت وانا انتظر الفيزا .. والله لو إنها جنسيه كان خلصت !!!!!


انا ارسلت إيميل للسفاره امس وردوا علي اليوم وقالوا اوراقك بتخلص في 21 من يونيو ... يعني بعد إسبوع شوي
السؤال # .. بحاله طلعت الفيزا .. وانا ناوي ادرس اربع شهور .. كيف اعرف مده إقامتي هناك .. اقصد من الي يحددهاا .. السفاره هناا
او في المطار بعد مايشوفون موعد عودتي للسعوديه .. ضروري ابغى جواب الله يخليكم علشان اتوهق في موعد العوده بحاله ماصار الي ابغااه ؟؟
مع العلم إني مقدم على فيزا سياحيه


معليش ياراعي الموضوع . قلبنا موضوعك استفسارات ..

يحددون يالذيب من تاريخ اليوم الي صدرة فيه الفيزا مدة 6 شهور وبعدين تنتهي وعليك الحساب

المشاركة الأصلية كتبت بواسطة " عبدالله "
http://www.arabtravelersforum.com/tr...1/#post2065141

^
^
الموظفه كيف قدرت تواصل معها .. انا دقيت على رقم السفاره يرد علي الرد الالي لواحد يتكلم انجليزي بس مافهم كلامه كاامل

ياليت تعطيني رقم التحويله الله يخليك .. انا مليت وانا انتظر الفيزا .. والله لو إنها جنسيه كان خلصت !!!!!




أول مايرد عليك الرد الآلي إختر رقم 3 عشان اللغه العربيه

بعدين إختر ( تأشيرة الزيارة والإقامه المؤقته )

بعدها إختر المده التي يستغرقها الوقت لصدور الفيزا

بعدها إضغط صفر

وحاول مره وثنتين

إذا ردت عليك الموظفه

إنشب في حلق حلقها :109:

عموماً أنت معك عشر أيام تقريباً من الآن

يعني ان شاء الله امورك طيبه

بالنسبة لتحديد المده السفاره راح تحط وقت على تأشيرتك

يعني مثلاً 21-6-2008 إلى 21-12-2008

لكن المده الرسميه راح تاخذها بعد ماتصف سرا طال عمرك عند حقين الجوازات في كندا ويسألونك ويتأكدون من أوراقك الدراسيه .. وبعدها راح يعطونك المده الخاصه بفترة جلوسك في البلد وهي غالباً راح تكون مثل ماعطتك السفاره اللهم فرق بسيط .. يزيد أو ينقص أحياناً :101:


meki :113:

زين أجل ردوا عليك الربع ؟؟

اله يسهل امورك وموفق يارب

والله يا شباب انا حالتلي حالة متلكم رحلتي 20 جون ولحد دحين السفارة لاحس ولا خبر ولي تقريبا 20 يوم مقدم عليها مدري تطلع قبل موعد السفر او لا؟؟؟؟؟؟؟؟؟؟؟الله يستر

لان طيارتي بـ19 جون واخاف يسحبون علي .. او يتاخرون .. فهل تجدي المتابعه معهم والاتصال ؟؟ وهل تسرع من الاجراءات ؟؟

ممكن اعرف يا الغالي متى وقت الاقلاع واليوم ووقت الوصول للندن وقت الاقلاع من لندن




واسف جدا على اللقافة بس تكفى لا تواخدني :101:

أقول تقدرون تعطوني رقم السفاره الله لا يهينكم...

الله يعطيكم الف عافيه ياشباب على التجاوب السريع

طيب استفسار اخير اذا ممكن ... انا عندي تذكره بس الغيت حجزها الاول علشان الفيزا ماوصلنتي
هل فيه غرامه اذا جيت احدد موعد سفر جديد ... اذا فيه غرامه .. ياليت تقولون كم .... لاني باخذ موعد جديد للذهاب و العوده