الموضوع: استفسارين محتاجين اجابه باسرع وقت

السلام عليكم

حبيت اسألكم بالنسبه للي بيطلع فيزا كنديه .. كم يحتاج يكون برصيد الحساب ؟؟

هل هم يدققون بالشي هذا ؟ يعني لازم يكون ما يقل عن مبلغ معين ؟؟

علما اني موظف وكشف الحساب مبين انه ينزلي راتب ..

ثاني استفسار .. بالنسبه لحجز الطيران انا حجزت عند الخطوط الكنديه وخط الرحله

الرياض - لندن ( على الخطوط السعوديه ) والحجز انتظااااااار :112:

لندن - كالجاري ( على الكنديه ) ok

وعطاني مبلغ 7600 ريال .. هل المبلغ مبالغ فيه وممكن احصل حجز وقيمه افضل ولا لا ؟؟

يا ليييييييت تساعدوني باسرع وقت ممكن وشااااااااكرين لكم ..

مواضيع عشوائيه ممكن تكون تعجبك اخترناها لك:

• هل أجد لديكم عناوين موتيلات؟؟
• بالله استفسار عن السفارة الكنديه ارجو المساعده
• موقع لأهم أحداث كندا
• شلالات نيجرا
• ياشباي متورط تكفون ردو علي الحين
• الفيزا في سفارة أبو ظبي
• تكفون بخصوص الفيزا
• الجو في فانكوفر
• هل كندا دولة اقتصادية وجيدة للعمل اقصد هل هي دولة اقتصادية ؟؟؟؟؟؟
• شباب ستفسار انا طالب في بريطانيا وناقل الىكندا ان شاء الله
• انا رايح بعد اسبوع لكندا لندن اونتاريو كل واحد يدخل يعطيني نصيحه
• لمن زار كوبيك ستي
• هل من مسافرين شهر سبتمبر القادم؟
• كم تكلف الدراسةسكنمعيشة لمدة سنة في كندى ؟
• مسافر بعد يومين وعندي استفسار بخصوص المحمول
• تضخيم موضوع فيزا الزيارة
• سوال عن الدراسه بكندا ؟
• مساعده عاجله جدا للاخ والاخوان والاخوات الخبراء في كندا
• يوم والى الان انتظار شايل همها
• استفسار عن التأشيرة وعن الحجاب في كندا

وينكـــــم

هلا ابو تركي

تأخرنا بالرد عليك؟

كنت نايم والله لو ادري انك بتكتب موضوع كان صحيت :109:

بالنسبة لكشف الحساب دامك تستلم رواتب خلاص

يعني اهم شي مايكون الحساب فاضي بدون دخل


وبالنسبة لسعر التذكرة طبيعي لأننا بموسم والظاهر انك تأخرت شوي بالحجز

وبعدين متأكد ان فيه على الكندية لندن كالجاري دايركت؟

لأن حسب علمي لازم ترانزيت في تورنتو :114:

هلا ابو جنا

ابشرك طلع ما عندي حجز من الرياض - لندن على الخطوط السعوديه والهندي اللي حجزت منه ما عنده سالفه .. اتصلت على الخطوط وقال ما عندنا حجز ابد باسمك !!

بالنسبه للطيران الكندي ايه يروح من لندن لكالجاري مباشره ..

المشكله الحين من الرياض لندن على الخطوط السعوديه ما فيه امل اللي عنده حل يا ليت يفيدنا نبي اي خطوط بس بسعر معقول شوي

فيه استفسار ثاني رسوم الفيزا ال 75 دولار وين ادفعها بالضبط ؟

اخوي ابوتركي بالنسبه لطيران ارخص انا اشتريت تذكرتي على الخطوط المغربيه ب4919 على خط رياض-كازا-مونتريال-كازا-رياض,,,واما بالنسبه للرسوم تروح للبنك وتطلع شيك مصدق بالاسم اللي موجود عندك في الابليكيشن بمبلغ 75دولا كندي وتعطيه لشركة ارامكس مع كامل اوراقك وتاكد انك عبيتها جميعا جيدا تراهم علل في السفاره وارامكس تنبسط لان كل ماراحت اوراقك او رجعت تدفع 90ريال وانت ماشي

هلا فتى الوجيد

يبدو انك ما ركزت بالموضوع

انا رايح لكالجاري مب مونتريال

ومونتريال بعيييييييييييييييييده جدا عن كالجاري من اقصى الشرق الى اقصى الغرب

عموما هي ممكن تفيد اذا فيه طيران ثاني غير الطيران الكندي يروح من مونتريال الى كالجاري او مدن ثانيه .. ممكن يطلع السعر ارخص

شكرا لك

والله يابو تركي جرب خطوط bmi

هي والسعودية الوحيدين اللي يودون للندن من الرياض دايركت..

واذا مافيه شف الخطوط الفرنسية او لوفتهانزا رياض باريس كالجاري او رياض فرانكفورت كالجاري..

بالتوفيق

الله يعطيك العافيه ابو جنا

طيب بالنسبه للفيزا يحتاج اني ارفق مع الاوراق حجز الطيران ويكون مؤكد ؟ ولا عادي بدون حجز !!

ولازم قبول معهد .. ولا علشان انها فيزا سياحه 6 شهور ما يحتاج ؟

طبعا مدة دراستي بتكون اقل من 6 شهور ..

الى الان سويت كشف حساب لاخر 6 شهور وتعريف بالراتب و3 صورر .. وش باقي بالضبط غير اللي ذكرته فوق ..

عادي رح على المغربية زي ماقال الرجال ورح مونتريال ومن مونتريال رح على كالجاري على خطوط كندا

المشاركة الأصلية كتبت بواسطة ابـو تركي
http://www.arabtravelersforum.com/tr...5/#post2093195

الله يعطيك العافيه ابو جنا

طيب بالنسبه للفيزا يحتاج اني ارفق مع الاوراق حجز الطيران ويكون مؤكد ؟ ولا عادي بدون حجز !!

ولازم قبول معهد .. ولا علشان انها فيزا سياحه 6 شهور ما يحتاج ؟

طبعا مدة دراستي بتكون اقل من 6 شهور ..

الى الان سويت كشف حساب لاخر 6 شهور وتعريف بالراتب و3 صورر .. وش باقي بالضبط غير اللي ذكرته فوق ..



عشان تفك نفسك من المسائلة بالمطار خلك قانوني ارفق حجز الطيران المؤكد مع قبول المعهد عشان تطلع فيزا دراسية

لأن لو فيزتك سياحية وشافوا معك اوراق قبول او معاهد دراسية رحت في سين وجيم :108:

هلا ابو جنا

وينك يا شيخ تاخرت

طيب الحجز حقي ما تأكد الى الحين .. لازم اجيب نفس الحجز اللي بروح عليه

ولا عادي اجيب لهم حجز مؤكد اي شي او على اي طيران ثاني ؟؟

بالنسبه لنوع الفيزا بالبدايه بنموذج الطلب حق الفيزا يسألون فيه يقولون انت جاي للدراسه ولا سياحه ولا عمل ؟؟

طبعا انا اكتب سياحه على اساس انها 6 شهور

كيف اجل ارفق قبول معهد ؟ وانا ما طلبت انها للدراسه بالسؤال الاول ؟

اخر سؤال .. طبعا من ضمن الاسئله اللي بالنموذج يسألون من تاريخ كم الى كم جالس في كندا ..

انا سجلت 5 شهور و25 يوم تقريبا .. بعدين يجي سؤال بعدها يقول كم المبلغ اللي بيكون معك هناك خلال فترة جلوسك في كندا .. لازم اكتب مبلغ كبير بما ان الفتره طويله .. لان كشف الحساب موضح فيه ان المبلغ اللي في حسابي قليل .. لكن معي تعريف بالراتب من العمل ..

افاااااااااااادتك تكفى باسرع وقت .. ودي اخلص واقدمها بسرعه

يعطيك العااااافيه

المشاركة الأصلية كتبت بواسطة ابـو تركي
http://www.arabtravelersforum.com/tr...5/#post2103315

هلا ابو جنا

وينك يا شيخ تاخرت

طيب الحجز حقي ما تأكد الى الحين .. لازم اجيب نفس الحجز اللي بروح عليه

ولا عادي اجيب لهم حجز مؤكد اي شي او على اي طيران ثاني ؟؟

بالنسبه لنوع الفيزا بالبدايه بنموذج الطلب حق الفيزا يسألون فيه يقولون انت جاي للدراسه ولا سياحه ولا عمل ؟؟

طبعا انا اكتب سياحه على اساس انها 6 شهور

كيف اجل ارفق قبول معهد ؟ وانا ما طلبت انها للدراسه بالسؤال الاول ؟

اخر سؤال .. طبعا من ضمن الاسئله اللي بالنموذج يسألون من تاريخ كم الى كم جالس في كندا ..

انا سجلت 5 شهور و25 يوم تقريبا .. بعدين يجي سؤال بعدها يقول كم المبلغ اللي بيكون معك هناك خلال فترة جلوسك في كندا .. لازم اكتب مبلغ كبير بما ان الفتره طويله .. لان كشف الحساب موضح فيه ان المبلغ اللي في حسابي قليل .. لكن معي تعريف بالراتب من العمل ..

افاااااااااااادتك تكفى باسرع وقت .. ودي اخلص واقدمها بسرعه

يعطيك العااااافيه



تأخرت عليك لأني أرد من الدوام والجمعة والسبت ويكند :106:

ايه اعتقد جيب لهم نفس الحجز عادي حتى لو انه انتظار..

بالنسبة للفيزا اكتب انها دراسية وارفق قبول المعهد

صدقني صجة ورجه لو اخذتها سياحة وشافوا او عرفوا بالغلط ان معك قبول معهد او اية مستندات تثبت انك جاي للدراسة..

بالنسبة للمبلغ يارجال حط لهم بالحساب مبلغ من اي احد واطبع كشف حساب بعدها اسحب المبلغ ورجعه لصاحبه واذا معك كريديت كارد يكون احلى واحلى

وصلى الله وبارك :24: