السلام عليكم
الحمدلله وصلت فانكوفر بسلام وقد كان لهذا للمنتدى فضل كبير علي وبعض المنتديات الاخرى بس حبيت اشرح لكم معاناتي مع السفاره الكنديه في الرياض علشان مايصير لكم زي الي صار لي
قدمت على الفيزه عن طريق ارامكس في 28 /5 يعني قبل الرحله بشهر بالتمام لاني سالت السفاره كم تجلس الفيزه وتخلصونها قال من 15 الى 20 يوم بالكثير وانتظرهم ثلاث اسبابيع مادقوا لا السفاره ولا ارامكس والله وادق على السفاره قالوا مانجاوبك الا على الايميل او الفاكس وارسل لهم ايميل يوم الثلاثاء واحتري الرد اربعه ايام ولا جاء والله ويضيق صدري اليوم الاحد والرحله السبت بعد اقل من اسبوع وارسل ايميل ثاني وانتظر يوم ولا ردو وارسل الثالث ولا ردو:112: يوم جاء يوم الثلاثاء وادق عليهم قلت لي 25 يوم ولا جاني رد وارسلت ثلاث ايميلات قالو ارسل فاكس بالانجليزي وقلهم ان رحلتك بعد اربعه ايام والله وارسل لهم و اقل من ساعه الا رساله على منهم جتني الجوال قالو ارسل تعريف عمل الوالدو كشف حسابه بالانجليزي مع اني معطيهم كشف الحساب حقي وقايل لهم انه انا الي بروح على حسابي لاني موظف المهم الوالد مسافر برى الرياض ولاهوب جاي الا بعد روحتي بيوم:114: قلت مالي الا اخوي الكبير اخذ من كشف حساب وتعريف ويالله الحق ارسلها بالفاكس الساعه وحده الظهر ودوامهم بخلص اربع العصر والله ويخلص دوامهم يوم الاربعاء بدون مايردون والخميس والجمعه مافيه دوام يعني بيداومون السبت وانا رحلتي السبت الساعه اثنى عشر الليل يعني ضاع الحلم راحت فانكوفر:110: يوم جاء يوم الخميس الليل قلت بروح ارجع تذكرتي للمكتب الي طلعتها من عنده عشان ماتروح علي فلوس التذكره 7760 الله يخلف يوم رحت لهم قال لازم تجي يوم السبت الصباح علشان الخطوط السعوديه مداومين مااقدر الغيها الحين يوم جاء يوم السبت وانا في طريقي للمكتب والتذكره معي قلت ياولد بجرب ادق على السفاره اخر مره وادق واقول لهم لي شهر مقدم والرحله اليوم الليل قال خلاص مر السفاره الساعه 12 الظهر ومعك التذكره خفت انهم بيسوون لي مقابله وخرابيط لانه مستحيل يسلموني الجواز الاعن طريق ارامكس لاني ماحاسبتهم ولازم ياخذون حسابهم والله وادخل على قسم الفيز في السفاره وقال وش اسمك قلت قيد الانشاء والله وينطل علي الجواز فيه الفيزه بتاريخ اليوم يعني ماحطوها الا بعد ماكلمتهم هوحلم والاعلم :109: واطلع من عندهم وعلى البطحاء سيده اصرف دولارت كنديه ب3.75 يعني زي الامريكي لانه مو متوفره في البنوك واقعد اشتري بعض الاغرض لاني ماكنت شاري اي شي من فبل ابد لكن الحمدلله لحقت اشتري بعض الاغراض الضروريه والباقي الله يعينني على الغلاء اشتريها من فانكوفر...........
واي سوال انا حاضر وتحت امركم...........مواضيع عشوائيه ممكن تكون تعجبك اخترناها لك:
- كم سؤال ع الطاير
- بالله ريحوا راسي في هالكم سؤال
- أرجو مساعدتكم يا شباب
- صـــــور تنقل لنا روعــــة المنــــاظر الطبيعيه في كنـــــــدا
- ماهو ارخص طريق لفانكوفر ؟
- عـــاجل ومهم ، الفزعة ، سفرتي الاسبوع الجاي ابيها
- هل احتاج فيزا ترانزيت
- استفسارات بسيطه الله يجزي من يجاوب عليها الجنه لاني مستعجل وابيها ضروريـ
- ماجستيراللغويات التطبيقية
- ابسافر ادرس لكندا ولكن مادري عن المده
- كنت ناويه اسافر كندا بس خوفتوني بشاويكم للسفاره الكنديه
- أستفسار
- تقريري عن فانكوفر ضايع بجنه
- قررت ان ادرس في كندا على حسابي وارجو المساعده
- مساعدتكم ضروري الله لايخليني منكم
- لأهل كندا وبس
- تبي تتمشى بكندا؟ تعال ادلك
- عااااجل أوتاوا شهر
- اول مره اسافر وعندي كم سؤال الله لا يهينكم
- المكاتب اللي تتكفل بكل إجراءات السفر والدراسة ؟؟
رد مع اقتباس
المشاركة الأصلية كتبت بواسطة fms
المشاركة الأصلية كتبت بواسطة المجاهد هزبر
المفضلات