الموضوع: شي يضيق الصدر التأشيره ماطلعت والرحله يوم الأربعاء

دخلت الفيزا للسفارهـ الكنديه في تاريه 13 جون

الجين التاريخ 5 جولاي

يعني 21 يوم

وموعد بدأ الدراسه في 14 جولاي

والرحله يوم الأربعاء 9 جولاي


بصراحه ضاق صدري مره

ليش تعامل السفارات معنا بهذا الشكل !!

الحين نفيدهم بدراستنا عندهم

وهو طايحين فينا تلطيش بالشكل هذا!!


باقي 3 ايام

ما ادري تطلع فيها الفيـزة او لا

لأن الحجز بالقوه لقيته . وتذكره سعرها مناسب

والأدهى من كذا . ان موعد دراستي كان قبل شهر وأجلته شهر قدام


يعني معقوله راح أجل شعر ثالث بسبب الفيزه؟؟؟

مواضيع عشوائيه ممكن تكون تعجبك اخترناها لك:

• السفر بالسيارة من واشنطن إلى كندا
• ماهي متطلبات الفيزا الدراسية بكندا ؟
• بخصوص شركات الجوال في كندا
• ترانزيت الرياضلندنتورنتو
• الإخوان المتواجدون في كندا
• استفسار وطلب المساعدة
• شقق فانكوفر
• كم تستغرق سحب الفيزهـ من كندآ
• نص سؤال
• استشاره ماليه لمن سبق له السفر لكندا
• عااااجل ارجو الرد
• دولار هل تكفي في كندا
• مين يقدر يفيدني ؟؟؟؟؟؟
• الذهاب الى الملحقية الثقافية في اتاوا
• رايح لكندا الصيف وأبي شوركم
• الــســفــاره الــكــنــديــة
• كيف اطلع فيزة الى امريكا
• اسعار التذاكر الى فانكوفر ؟؟
• محتار بين معهدين في فانكوفر
• استفسار ضروروي ياخوان

انشاء الله تطلع الفيزه هاليومين لا تحمل هم شكلك محبط من الوضع لا شيل هم انشالله بكره يكلمونك ويقولون لك اطلعت
وتروح وترجع لنا بالسلامه

لا تشيل هم أنا باقي ماقدمت عليها أصلا وسفري يوم 19 جولاي ودراستي كذلك

اسمع لازم ترسل لهم فاكاسات فوق المليون فاكس الين يردون عليك وكلمهم وشوب عليهم ترى حنا كذا سوو فينا وبهذلتهم بالفاكسات الين عطونا التاشيرة قبل السفر بيوم


تحياتي............

اخوي carlton

اي والله محبط جدا وحالتي النفسيه دمار لان عندي ضروف معينه مايعلم فيها الا الله .. موضوعي غير عادي ابدا .. لازم اطلع على الرحله هذي يوم الاربعاء


----------------




اخوي الليث

وش اكتب بالفاكس ؟؟

اقول تكفون ؟؟ هو معهم قبول المعهد يعرفون موعد دراستي

بس فيهم وصاخة الامريكان ماعليهم مني ابدا

والله يا الغالي انا حالتي متل حالتك واخس انا اجلت سفري مرتين والمشكلة بعد 5 اسابيع من تقديم الطلب للسفارة جاني الجواز وفيه الفيزا طيب مين المسؤال عن الوقت لاي اضع رحت للمكتب ابغا اقدم شكوى قلي احمد ربك انو الفيزا جات وانشاء الله الاسبوع الجي طالع


والسفارة السنة هاذي معقدة الاجرات بشكل مو معقول انا اعرف ناس كتير سافرو كندا الفيزة جاتهم في 10 ايام الي 3 اسابيع بس السنة هاذي كل الناس يشتكو


انتا اخوي مالك غير الانتظار انا كنت اتصل على السفارة وارسلهم ايميلات لكن بدون فائدة لمن طابت معاهم ارسلولي الفيزا


انا مقدر شعورك والله انا جاتني فترة كنت فيها جد محبط وافكر اني اكنسل السفر خير شر لكن الوالد كان يقلي اصبر انشاء الله كل تاخيره فيها خيره

انتا اصبر وانشاء الله تجيك

الحمدلله على كل شي

الله يهديك يا ابن الحلال .. كان المفروض انك قدمت اوراقك قبل ستة اسابيع من موعد سفرك على الاقل حتى تريح راسك من التفكير والقلق اللي راح يصيبك بسبب تأخير التأشيرة . حسب ما هو مكتوب في موقع السفارة ان الاجراءات تأخذ من اربعة الى ستة اسابيع لاستخراج study permit .

الله يسعدك بوصول التأشيرة خلال هاليومين .

افضل حل ارسل فاكس وايميل ووارفق معهم تذكرة السفر وبعدين ازعجهم اتصالات..

نفس الحاله
طيارتي الاسبوع الجاي والفيزا ماطلعت
مع انهم قايلين ا15 يوم وتطلع

يارب وش الحل ""_

انا نفس الحالة ياخوي وخايف والله

المشكلة حالتي انا اخس !! ماقدمت الا متأخر ,,

وديت لهم الجواز مع الاوراق ورجعوهم لي بعد اسبوع وقالو يبون قبول مدرسة ... سويت قبول وارسلته بتاريخ 30 جون

وانا سفري تاريخ 19 جولاي على طيران الخليج .. والدراسه ب21 جولاي

والتذكرة حصلتها بالموت والهلاك ... وسعر ولا احلى وهي الوحيدة ...

ارسلت لهم ايميل قبل شوي وقلتلهم ان التذكرة بالصعوبة حصلتها و والدراسة بتبدأ قريب .. وارفقت لهم صورة من التذكرة


وبرسل لهم فكس بعد ... بس انشالله يستجيبون

الله ييسر أموركم جميعا
طمنونا وش صار عليكم...؟

ها يا اخوان وش صار؟
بالنسبه للي تأخروا ارسلهم فاكس بحجز الطيران وموعد بدء الدراسة وممكن يستعجلون لك فيها
انا حجزي يوم 23 جولاي ومقدم على التأشيره من 3 اسابيع ياخوفي ما تطلع بس

انا ارسلت لهم ايميل فيه صورة التذكرة وانشالله يعطوني وجه ويردون

وبكرة برسل لهم فكس ...


بالنسبة للايميلات ياشباب كيف استجابتهم ..؟ يطولون في الاستجابة ولالا ؟


اخوي الغامض انت عالاقل مقدمها من 3 اسابيع يعني انشالله قريب تطلع ...

انا اخس منك بالف مرة ... صارلها اسبوع عندهم بس .. وانا سفري بعد اسبوعين !!

يااخوان نصيحتي الشخصية...

الفاكس افضل من الايميل.. لاتنسى في الفاكس وضع ارقام اتصال خاصة بك والاهم ضمان انها ماتكون مغلقة (خاصة وقت الصباح بداية دوام السفارة من الساعة 8 صباحا)...

انا شخصياً قبل سنة تقريباً رجعت للسعودية اجدد الفيزا وتأخرت الفيزا اكثر من المدة المحددة وماكان فية وسيلة اتصال على السفارة للاستفسار او بالاحرى كنت ارسل لهم ايميلات ومايردون!! ارسلت لهم فاكس وردوا علي مباشرة وقالوا ان جوازاك طلع من السفارة من اكثر من اسبوع راجع شركة الشحن اللي انت مرسل عن طريقها!! رحت للمكتب الفرعي لآرامكس وماقدر يفيدني!! رحت للمكتب الرئيسي اللي في السلي وبعد عناء وجهد جهيد حصلوا جوازاي!! آرامكس للاسف عملهم غير منظم كما هو الحال مع دي اتش ال خاصة باوقات الزحمة!! لهذا اي شخص ارسل اوراقة عن طريق ارامكس بالذات نصيحة يروح لمكتبهم الرئيسي في السلي ويعطيهم ارقام الجوازات ورقم بوليصة الشحن!!

للاسف انا ماكنت الشخص الوحيد واكثر من شخص من الشباب السعوديين الموجودين هنا في كندا كانت له تجارب سيئة مع ارامكس، ميزتهم الوحيدة انهم الارخص!!

اتمنى ان مااحد يغير حجوزاته لانه لايوجد حجوازات بديلة الان، اضافة يمكن ان السفارة الان تعمل بمبدأ الاولوية يعني اللي رحلتة اقرب تنتهي اوراقه اول فلهذا توقع استلام الجواز في اخر يوم ولاتنسون انكم بموسم اجازة وضغط وزحمة..

بالتوفيق للجميع..

اليوم الأربعاء يا اخوان

للأسف فاتتني الرحله

لأن الجواز ماوصل

لاحول ولا قوة الا بالله , طول بالك اخوي
وكل تأخيرة فيها خيرة باذن الله ... راسل المعهد ..
وراسل السفارة بالايميل .. يردون لك بنفس الوقت تقريبا مايتاخرون ..
.....
انا انتظرهم لي 27 يوم ولا وصلت ,, قالو بتوصل ان الله راد 14 جولاي ..

حسبي الله عليهم ... الله يساعدك أخوي ويعوضك انشالله

بهذلو خلق الله حسبي الله عليهم !!


انشالله تطلع لك باقرب وقت ... والله يعوضك انشالله برحلة أحسن ...


والله يعينك تحصل رحلة ثانية ... كل شي غاااالي .. وهذا اذا حصلت

انا قدمت في 16 جون واضطريت ااجل رحللتي كانت بـ 7 جولاي لكن ارسلت ايميل للسفارة اول مرة ما ردو الثانيه كتبته بالعربي وبالاخر كتب الاسم بالانقليزي ورقم الجواز ورقم الاتصالارسلته بيوم 5 جولاي بعد 12ساعه ردو علي وقالو بيوم 7 جولاي تصدر التأشيرة يوم 8 الساع 9 صباح دق علي ارامكس وللمعلومية السفارة برسالتها لي تقول احنا ما نتعدا 21 يوم ابد لا تخاف وطلعو زي ما قالو ...

لكم الشكر جميعا على تفاعلكم الطيب يا اخوان


ابشركم طلعت في تاريخ 9 جولاي

اكتب هذا الرد ظهر يوم السبت ليلة الاحد

والرحله من مطار الدمام الساعه 2ونص ليلا - من الدمام - لندن - فانكوفر



دعواتكم لي بالتوفيق

لأني تعبت بما فيه الكفايه ونفسيتي تدمرت على الاخير وكل شوي طالع لي مشكله

لو بقولها لكم كرهتوا السفر للدراسه