الموضوع: الفــيــزا ،،،،، مللــت الإنتظــار

.. السلام عليكم ورحمة الله وبركاته ..

.. تحياتي لكم جميعاً ،،، طفشـت من إنتظـار الفيـزا بصراحة وماني عارف وش العمل معاهم :112: ..

.. نتصل تيلفون يقولوا لنا ،، ارسلوا اميل ولا فاكس ،، نرسل اميل وفاكس ولا احد يعبرنا ..

.. الجواز صار ناقع بالسفارة أربــع اسابيع اي من 19 جولاي ،، وماني عارف وش نهايتها معاهم ..

.. انا حـاسب حسـابي اني راح اسافر على 14 جولاي (اي بعد 25 يوم من ارسال الجواز) بس الرحلة تأجلت ،،، ..

.. فيه رحلة يوم السبت ( 19 جولاي ) و رحلة يوم الأحد (20جولاي) ،،، واذا ما جاء خلال السبت والاحد راح انتظر ولا فيه رحلة الا (26) جولاي ..

.. المشكلة دراستي في كندا 12 اسبوع ،، لو ما سافرت السبت او الاحد هذا راح تتقلص المدة الى 11 اسبوع ،، وانا حريص اني اخذ المدة كامله بدون نقصان :110: ..

.. حاولت مع السفارة بشتى الطرق ،، رسلت تذاكر الطيران ،،،، وقبول المعهد ،، لكن لا حياة لمن تنادي ..

.. وربي كرهت كندا بسببهم ،، وتمنيت اني رايح نيوزلاندا على الاقل ما فيه مرمطة الفيزا حقتهم :105: ..

.. مين يا شباب قدم الفيزا قريب من تاريخ تقديمي ووصلت ،، يمكن انا فيزتي قرب وصولها :114: ..

.. وكم اقصى مدة لاستخراج الفيزا السياحية ؟؟ انا خبري شهر بالكثير ،، ولا تغير هالكلام ؟؟ ..

..

مواضيع عشوائيه ممكن تكون تعجبك اخترناها لك:

• موج الورد ومن سافر لكندا ساعدني في إعداد تقرير مصور لسحر طبيعة كندا رحلتي
• كيفية الدراسة انجليزى فى كندا؟؟؟؟؟كيف؟
• كندا هـــــالي فاكس
• سؤال عن نياقرا
• اش رايكم؟؟؟؟
• سؤال مهم محتاج اجابة ذكية
• مدن قريبة من تورنتو
• تمديد الفيزا الدراسيه بكندا
• تكلفة السفر من مصر الى كندا
• ارجـوٍ الرد السريع والله ابغا الرد ضروري
• استفسسسسار
• توجيهات بخصوص النظافه ارجوا شاركة الجميع
• رايكم ضروري يا شباب ؟؟؟ الرياض
• ارجو الرد لمن لديه الخبرة ولمن جالس داخل كندا ارجوكم ساعدوني
• الواحد لما يوصل لفانكوفر وش يسوي بالجواز حقة
• إستفسار عن الدراسة والعمل في كندا تورونتو أو فانكوفر
• سؤال بخصوص الضمان المالي
• معاهد
• استفسار بخصوص التأشيرة الي كندا
• تورينتو او فانكوفر

المشاركة الأصلية كتبت بواسطة عمار1
http://www.arabtravelersforum.com/tr...3/#post2174198

.. السلام عليكم ورحمة الله وبركاته ..

.. تحياتي لكم جميعاً ،،، طفشـت من إنتظـار الفيـزا بصراحة وماني عارف وش العمل معاهم :112: ..

.. نتصل تيلفون يقولوا لنا ،، ارسلوا اميل ولا فاكس ،، نرسل اميل وفاكس ولا احد يعبرنا ..

.. الجواز صار ناقع بالسفارة أربــع اسابيع اي من 19 جولاي ،، وماني عارف وش نهايتها معاهم ..

.. انا حـاسب حسـابي اني راح اسافر على 14 جولاي (اي بعد 25 يوم من ارسال الجواز) بس الرحلة تأجلت ،،، ..

.. فيه رحلة يوم السبت ( 19 جولاي ) و رحلة يوم الأحد (20جولاي) ،،، واذا ما جاء خلال السبت والاحد راح انتظر ولا فيه رحلة الا (26) جولاي ..

.. المشكلة دراستي في كندا 12 اسبوع ،، لو ما سافرت السبت او الاحد هذا راح تتقلص المدة الى 11 اسبوع ،، وانا حريص اني اخذ المدة كامله بدون نقصان :110: ..

.. حاولت مع السفارة بشتى الطرق ،، رسلت تذاكر الطيران ،،،، وقبول المعهد ،، لكن لا حياة لمن تنادي ..

.. وربي كرهت كندا بسببهم ،، وتمنيت اني رايح نيوزلاندا على الاقل ما فيه مرمطة الفيزا حقتهم :105: ..

.. مين يا شباب قدم الفيزا قريب من تاريخ تقديمي ووصلت ،، يمكن انا فيزتي قرب وصولها :114: ..

.. وكم اقصى مدة لاستخراج الفيزا السياحية ؟؟ انا خبري شهر بالكثير ،، ولا تغير هالكلام ؟؟ ..

..



.. *تعديل : جــون ولي جولاي ..

انا ارسلته في 11جون وجاني في 14 جولاي بعد ما ارسلت لهم ايميلات وفاكسات عده واخر شي وجهت ايميل مباشر للسفير وخلال 24ساعه الا هم يرسلون لي ايميل ويقولون شيك على شركة الشحن بعد يومين

.. شكراً لك عزيزي ..

.. ولكن لو سمحت ممكن الإيميلات ارقام الفاكس اللي ارسلت لها ؟؟ ..

.. بنشب لهم لين يطلع جوزاي :105: ..

.. والله يعطيك العافيه..

لاتشكيلي ابكيلك
نفس الشي صار معنا
للحين ننتظرهم

.. والله ابتلشنا معاهم ، ..

.. لليوم ما وصل الجواز ..

..و للاسف ما راح اسافر الأحد ( اللي هو بكرة ) ، تأجلت رحلتي الى يوم السبت ..

.. اللي في المكتب يقول جوازك راح يجي يوم الأثنين ،، عاد مدري صادق ولا يبي يصرفني ..

..

أنا خذو جوازي أمس .. و الأوراق .. قبول المعهد و الجامعه ..


بيطلع خلال أسبوعين ...

^
^
^

تكفى نبي الواسطة



اليوم رحلتي

وفاتت

ومافي رحلة الى بعد 3 اسابيع وبيدفعوني 2900 ريال زيادة !!

اخوي اكتب امييل انا حصل معاي نفس ما حصل معاك
بس ايش سويت ,, كتبت ايميل وبينت لهم المشكلة
وبالاخر اكتب اسمك زي ما هو بالجواز يعني نفس اسبلينق
الجواز ورقم جوازك وتليفونك انا اول مرة ما ردو ثالث مرة ردو
وقالو بكرا يصدر من عندنا وبعد بكرا تستلم وطلع نفس كلامهم .

.. انا ارسلت لهم ايميل اليوم وهذا الإيميل للي يحتاجه ..

mailto:[email protected]

.. هذا طبقنا شهر كامل وجوازي للحين ما شرف :108: ..

.. رحت للمكتب اليوم يقولون لي رحلتي تأجلت الى 25\7 ،، اي يوم الجمعه هذا ..

.. عاد مدري الجواز يطلع والحق عليها ولا تتأجل كالعادة :110: ..

هههههههههههههههههه

صار معي نفس الشيئ واجلت سفري مرتين بسببهم

الله يعينكم عليهم

هههههههههههههههههه

نفسك سوووويت حطيت اسمي ورقم جوازي ورقم جوالي وايميلي وفاكسي وكل شي


بس بعد ثامن ايميل يمكن دقو علي جوال ومارديت

ارسلت لهم ايميلات وفاكسات زحمة قلتلتهم دقو مرة ثانية صفطووني ماردو لا ايميل ولا شي

.. انا رسلت للحين 3 ايميلات لكن لا حياة لم تنادي ..

.. ماني عارف وش اخرتها ،، وتوني مشيك على ارامكس ولا جاني شي ..

.. شكل الجواز ما راح يجي الا انا كاره السفره ومهون ..

.. اليوم بالضبط طبقنا 4 اسابيع و 3 ايام !!! ،، ما صارت ..

.. الله كريم ..

.. انا في اعتقادي الفيزا تاخذ بين 21 يوم الى 28 يوم في اسوء الظروف ..

.. الحين انا 31 يوم ولا جاني الجواز ،، ولازم يجي الجواز خلال الـ 4 ايام الجايه ولا رحلتي بتتأجل كالعادة ..

.. وارسلت 5 ايميلات لكن محد حولك ..

.. ما ادري وش اسوي ..

.. الإجازة قاعده تطير من ايديني والسبب السفارة ..

.. يعني اصدق الجواز يتم 4 اسابيع و4 ايام !!!!!!!!! رحلتي يوم الجمعه ولازم يجي خلال الـ3 ايام الجايه ..

انا قدمت في 30 جوون ... ( قدمت الطلب من قبل ... بنص شهر جون تقريبا بس رجعوه يبون اوراق زيادة )

ارسلت الطلب كاامل ومعلومات زيادة فيه بـ30 جون

ورحلتي على 20 جولاي ... وطارت علي

والحين غيرتها خليتها 5 أوقست ... وبالموت حصلتها ودفعوني فلوس كثير عشان التغير

ولو راحت علي الطيارة هاذي ... انسى احصل حجز ثاني !!

.. ابي افهم يعني ليش قلة الحياء هذي ..

.. ما فيه داعي يطول الجواز هالقد ؟! ..

.. حتى لو زحمة المفروض ما ياخذ اكثر من 28 يوم اي 4 اسابيع

والله يا اخوان غريبة ، أنا قدمت على تأشيرة سياحة بتاريخ 2 جولاي واتصل علي المكتب اليوم يقول تأشيرتك جاهزة تعال استلم جوازك ، يوم استلمته تفاجئت انهم أعطوني سنة ونصف ومتعدد السفرات ولله الحمد .
فإن شاء الله كلهم تأشيراتكم بتطلع هاليومين لا تنزعجون . ولكم كل التوفيق ،،،،

.. الله يسمع منك ..

.. لو ما سافرت الجمعة يمكن الغي فكرة السفر ..

.. كرهتهاااااااا بسببهم ..

انا المشكلة ياخوي مقدم الطلب من زمان ... وكان باقي عالرحلة شهر واكثر ... بس رجعوه عشان طلب مو موجود ويا الشروط !! ورقة قبول من معهد .. وماهو مكتوب هالشي حق الي يبي يروح شهرين ويجي

.. وجلس الطلب اسبوع وياهم .. وكان وياه ورقة مكتوب فيها يجب اعادة ارسال الطلب خلال شهر ولا بيعتبر لاغي ويبيلك تقدمه من جديد ... يعني الي تفهمه من هالكلام انهم بدو في عملية استخراج الفيزا .. سويت القبول وكل شي وارسلته لهم .. بالتاريخ المذكور

وكنت مطمن بصراحة لهالكلام الي قالوه ( لازم يعاد الطلب للسفارة مع القبول في غضون شهر )... عشانهم بدو في عملية الفيزا ومضى وقت ... وباقي وقت اقل ... وكنت متوقع انه بالكثير اسبوع ولا اسبوع ونص ويطلع ... لانه صارله اسبوع عندهم وباقي له اسبوع ولا اسبوع ونص .. الرحلة قربت ولا رد ولا خبر منهم !!

كلمت السفارة قلتلهم السالفة .. قالي طلبك راح تحسب له من التاريخ الجديد الي ارسلته فيه .. وقالي احسب شهر عالاقل

والسفارة ماراح يردو عليك ولا يكلمونك الا بعد شهر من تاريخ التقديم ..



طيب ردي للسفارة ... ياثوور انت وياه ..!! دامكم اخرتوني ورجعتو جوازي بعد اسبوع من يوم كان عندكم ... يا أنكم تخصمون لي اسبوع من مدة استخراج الفيزا !!! ولا عالاقل رجعتو لي الجواز ثاني يوم !!!
مو تخلونه اسبوع تتفرجون عليه عندكم وبعدين تقولون تعال اخذه .. !!
يعني ابي افهم ليش المرمطة وتضييع المصالح وتأخير الناس وتخسيرهم !! ... مفكرين الناس يدبرون حالهم في حالة التأخير بسهولة !!! وحتى لو أخرو ... انا ياشباب كل شي كامل ... واخروني وسفري قريب ... المفروض بعد ارسال الطلب لهم تكون في أولوية للطلبات يعني يحاولون سخلصون الامور بسرعة ... وخصوصا اني ارسلت لهم ايميلات كثير وفاكسات وصورة من التذكرة ... و ارسلت خطابات بالعربي والانجليزي يعد .. !!

انا صراحة ماكنت حاسب ان الجواز بيرجع عشان شي مو مطلوب من الاساس !! ... ناس واجد مشو بدون قبول معهد ولا شي .. !!!

الحين عشان مرمطتهم وتأخيرهم لي .. خسروني مبالغ في تغيير التذكرة ... وخسروني اجازتي !! ولو تتأخر عن 6 أوقست شكلي بكنسل السفر كله !!

لو ادري في مرمطة وعفسة من الاول ...وما اشتريت التذكرة ولا دفعت للمعهد ,, كنت حولت على نيوزلندا لافيزا ولاهم يحزنون

.. الله يعينا وياك عليهم ..

.. طفشونا حسبي الله عليهم ..

.. السفره هذي مخطط لها من سنتين ويوم حانت الفرصه خربوها ..

.. الله لا يعطيهم العافيه ..

الله يكون في عونكم جميعا .. لكل من حاول انه يتصل بالسفارة الكندية عن طريق البريد الالكتروني لكن لم يحصل على رد منهم .. شوري انكم تجربون ترسلون على هذا الإيميل
[email protected]
لاني ارسلت لهم رسالة على هذا العنوان قبل يومين وتم الرد على على استفساري صباح هذا اليوم .

لكل شخص ارسل رسالة عبر البريد الالكتروني للسفارة الكندية في الرياض ولم يتم الرد على رسالته .. شوري له انه يرسل على هذا العنوان والله يعينكم جميع .

Email: mailto:[email protected]

لاني عندما ارسلت استفسار على هذا العنوان قبل يومين تم الرد على رسالتي صباح هذا اليوم .

.. ارسلت رسالة للعنوان اللي اعطيتني ..

.. وجاتني رسالة تلقائيه تفيد ان الرسالة وصلت ..

.. جوازي بيكمل الـ5 اسابيع ولا حس ولا خبر ..

.. الله يستر بس

الله ييسر امرك ان شاء الله
انا قدمت اوراقي للسفارة للحصول على study permit في تاريخ 15 june وكان طلبي كامل ولله الحمد , قدمته بنفسي وذلك بارساله بواسطة ارامكس لا عن طريق مكتب الفيفا ولا غيره .. المهم ان الجواز وصلني وعليه التأشيرة ياربي لك الحمد يوم امس 22 july .

14 ايميل ياشباب ومافي رد !!

مو معقولين ذولي !!

ياشباب صرت اخاف ازعجهم بالايميلات ويردون لي الجواز

يا شباب المفروض اللي يجيه الجواز بالفيزا وبسرعه .. يا ليت يساعد اخوانه ويقولهم وش ارسل من اوراق بالضبط ووش كتب بالابلكيشن .. يعني لا يجي ويقول انا الحمد لله جوازي جاني بالفيزا وما طول .. طيب وش نسوي لك يعني !!

انا يا شباب اشد منكم .. انا جلس الجواز عندهم 26 يوم اخرتها يرجعون الجواز يقولون الحساب ما فيه مبلغ كبير ما يكفيك 6 شهور لاني مسجل بالنموذج اني بجلس 6 شهور وشاكين اني ما ارجع السعوديه !! من المفروض من السفاره التعيسه انهم يرجعون الجواز بدري علشان الواحد يمديه يدبر اموره .. مب لطعه واخرتها ما فيه شي ..

عجزنا نلقى ديره زي الناس بريطانيا ونيوزلندا ومليانه عررررب .. وكندا فيزا ما تطلع الا بلعنة الجدف .. وين نروح بالله !!

يا ليت الشباب اللي طلعت فيزتهم يحطون اجابات الاسئله اللي بالنموذج مثل ما ارسلها .. والحساب يوم يرسله كم كان فيه من مبلغ .. وهل ارسل قبول معهد وهل ارسل حجز مؤكد ولا لا ؟

ايه نسيت .. السؤال اللي بالنموذج اللي يقول وش عنوانك في كندا ؟ وش حطيتو بالضبط ؟ عنوان عائله ؟ ولا فندق معين

.. باركو لي شباب جاتني اليوم رسالة من السفارة تفيد ان الجواز طلع اسم 22 جولاي ..

.. وهذا نص الرسالة ..

Dear Applicant,

Your application has been finalized and sent out via Aramex on the 22/JUL/08 AWB# (5150154295). Please contact Aramex to retrieve your package.

..

^
^
لا تتحمس واجد بعدين تتحطم

جتني مثل هالرساله من السفاره بعد ما راسلتهم .. وقالو السبت تخلص يوم اتصلت من بكرا على المكتب قالو الجواز جا بدون الفيزا ..

يعني لا تصدق الا اذا شفت الفيزا قدام عيونك

وبالتوفيق وعطنا الاخبار اول باول

.. لا ابشرك توني مريت ارامكس واخذت الجواز وفي وسطه الفيزا ..

.. الحمد لله جات على خير ،، 34 يوم على ما طلع الجواز الموقر ( 4 اسابيع و 6 ايام ) ..

.. بس باقي ااكد الحجز اليوم ،، ويوم الجمعه نتوكل على الله ..

.. والله يعينكم جميعاً ..

الف مبروووووووك وتروح وترجع بالسلامه ان شاء الله

بس يا ليت اخوي عمار تذكر وش اللي ارسلته بالضبط للسفاره ؟

اتمنى ما تخلي شي ما تذكره بالتفصيل .. وارجع للرد اللي قبل ورد عليه ولا عليك امر ..

ويعطيك العافيه

مبررو يا اخ عمار1 على صدور الفيزا .

.. ابو تركي الله يبارك في عمرك ، فيه مواضيع عدة تشرح طريقة تعبيه الاستمارة ،، وبصراحة لا يحضرني اي شي حالياً ..

.. Aml06 الله يبارك فيك ،، سلمت على مروروك ..

.. خلاص تم تأكيد الحجز والرحلة يوم الجمعه ليلة السبت ..

.. ان شاء الله بسوي لكم تقرير شامل عن رحلتي ..

.. وجوزيتم خيراً ..

مبروك حبيبي والله يعطيك من خيرها ويكفيك شرها

المشاركة الأصلية كتبت بواسطة ابـو تركي
http://www.arabtravelersforum.com/tr...8/#post2192938

يا شباب المفروض اللي يجيه الجواز بالفيزا وبسرعه .. يا ليت يساعد اخوانه ويقولهم وش ارسل من اوراق بالضبط ووش كتب بالابلكيشن .. يعني لا يجي ويقول انا الحمد لله جوازي جاني بالفيزا وما طول .. طيب وش نسوي لك يعني !!

انا يا شباب اشد منكم .. انا جلس الجواز عندهم 26 يوم اخرتها يرجعون الجواز يقولون الحساب ما فيه مبلغ كبير ما يكفيك 6 شهور لاني مسجل بالنموذج اني بجلس 6 شهور وشاكين اني ما ارجع السعوديه !! من المفروض من السفاره التعيسه انهم يرجعون الجواز بدري علشان الواحد يمديه يدبر اموره .. مب لطعه واخرتها ما فيه شي ..

عجزنا نلقى ديره زي الناس بريطانيا ونيوزلندا ومليانه عررررب .. وكندا فيزا ما تطلع الا بلعنة الجدف .. وين نروح بالله !!

يا ليت الشباب اللي طلعت فيزتهم يحطون اجابات الاسئله اللي بالنموذج مثل ما ارسلها .. والحساب يوم يرسله كم كان فيه من مبلغ .. وهل ارسل قبول معهد وهل ارسل حجز مؤكد ولا لا ؟



الى الاخ ابو تركي .

ارجوا منك انت تفهم جيدا ما كنت قد كتبته من مشاركة سابقة قبل ان تصفني بالشخص الغير مساعد لاخوانه في هذا المنتدى الرائع .

عندما قرأت عن التذمر الحاصل من بعض الاعضاء حول عدم رد السفارة على ايميلاتهم احببت ان اضع عنوان بريدي آخر لاني سبق وجربته . اما انك تقول وش نسوي لك دام جوازك وصل وعليه الفيزا انت بكلامك هذا كأنك تلومني على كلمة الحمد الله .

بالنسبة لسؤالك عن متطلبات الفيزا .. كان المفروض انك تضع هذا الاستفسار قبل ما تتقدم لطلب التأشيرة . لكن ان شاء الله انه درس وتعلمت منه .
ان هنا ما الومك لكن انصحك .
ضروري جداُ ان تقدم ورقة قبول المعهد او الجامعة حتى يكتمل طلبك وتثبت انك فعلاُ رايح تدرس .

ادخل على هذا الرابط http://www.mbt3th.us/vb/showthread.php?t=36232

فيه شرح وافي عن استخراج الفيزا الدراسية ارجو ان تحصل منه على مبتغاك وإذا عندك اي استفسار ثاني بعد ماتقرأ التفاصيل على الرابط اللي وضعته لك عن التأشيرة لا تتردد انك تسألني ان شاء الله ابساعدك باللي اقدر عليه .

^
^
اولا مشكور اخوي على المساعده


ثانيا انا ما قصدتك ولا ذكرت اسمك في ردي ابدا وانا ما الوم احد يحمد الله .. انت حطيت ايميل وهاذي تعتبر مساعده .. لكن انا اشوف بعض الاعضاء هنا في المنتدى يجي يكتب رد ترى جتني الفيزا ويمشي ولا نشوفه .. يعني اهم شي نفسه ومصلحته ..

بالنسبه اني المفروض ان اضع استفسار .. انا ماني مسؤول اذا انت لم تتابع المنتدى جيدا .. راجع هذا الموضوع وستعلم اني لا احتاج الى درس لاتعلمه

http://www.arabtravelersforum.com/travel196946/

طبعا قبل ما اكتب الموضوع اللي حطيت لك رابطه .. كنت اعرف وش متطلبات الفيزا كامله من قرائتي لبعض المواضيع ولكن جاء موضوعي لاستفسر فيه عن حاجتين وهي اللي كنت خايف منهم .. والان رجع الجواز بدون فيزا للسبب الاول وهو كشف الحساب ..

شاكر لك مره ثانيه

بالتوفيق ان شاء الله اخوي عمار .. ان شاء الله تروح تستانس وتسفيد

ودعوااتك الحارة لنا تتسهل امورنا

انا صارلي 24 يوم الى الان من تقديم الطلب !!


ياشباب ... الظاهر ان السفارة الكندية ماراح ترد على اي ايميل ولا فاكس الا بعد ذهر من تقديم الطلب ...

عشان كذا بتوقف حاليا عشان مايزعلون مني الجماعة على زحمة الايميلات

^
^
^
.. انا ارسلت رسالة على هذا البريد mailto:[email protected] امس الساعه 10 الليل ،، اليوم اللي بعده الساعه 8 الصباح جاني الرد على الإيميل ..

.. بعدين ليش مستعجل ،، ترى السفارة ما راح تطلع اي طلب قبل شهر على الاقل من تقديمه خصوصاً الفتره هذي ..

.. بو تركي ،، من جدك تبي تقدم من جديد ؟؟؟ ترى كل اللي باقي بالإجازة 11 اسبوع( هذا اذا كنت طالب) ،، وانا حجزت على 10 اسابيع ،، ولا كان ودي 11 ،، لكن المعهد اللي سجلت فيه ،، ما عنده الا اسابيع زوجيه ،، ..

.. وان شاء الله تتسهل اموركم كلكم ..

انا بسبة تأخيرهم زيدت أسبوع للدراسة ... يعني بغيب اسبوع عن دراستي بالسعودية


وانا ذبحتهم ايميلات .... بالعربي والانجليزي ومكتوب فيهم قصة تقديم الطلب من اووول لاااخر شي ... وارفقت مع كل ايميل صورة التذكرة ... بس ما أثر فيهم هالشي !!

^
^
^
.. حركتك غلط ،، ارسل رسالة كل يومين ولا ثلاث،، لا تنشب لهم ..

.. وغير كذا ليش مستعجل ،، استخراج الفيزا في غير الموسم من 22 يوم الى 28 يوم ،، فما بالك بفتره الصيف ..

.. انا اقول تريث وكبر المخده وحط في بطنك بطيخه صيفي ،، تراها تجي على غلفه مثل ما صار معي بالضبط ..

.. وبصراحة الغلط غلطنا ،، المفروض مقدمين الفيزا قبل الصيف بوقت كافي ( يعني شهر او شهرين ) ،، لقد خلاص لا طاح الفاس بالراس ما تقدر تسوي شي ..

.. الله يعين الجميع ..

.. ابو تركي ،، كنت افكر في موضوعك ،، وحبيت افيدك ..

.. بصراحة ما الوم السفارة يوم رفضت طلبك للفيزا ،، لانك ما ارسلت قبول المعهد ولا قلت انك رايح دراسة والفتره طويله جداً ،، مستحيل تكون 6 شهور فتره سياحة !! ..

.. لذلك شي طبيعي يشكون انك ما راح ترجع السعودية وتفكر تهاجر او تشتغل بغض النظر عن الراتب في السعودية ..

.. لذلك قدم على فيزا طالب مش سياحية اذا حاب تقعد 6 شهور ،، وهي غالباً تاخذ بين شهر ونص الى شهرين ..

.. والله يعين الجميع

هلا اخوي عمار

والله كانت النيه اني ارسل قبول معهد بس كان ضروري ادفع الفلوس كامله للمعهد علشان اخذ القبول وهذا الشي بيأخرني اكثر بالتقديم للفيزا ..

لكن اللي يشتغل بالمكتب اللي قدمت عن طريقه الفيزا سألته عن القبول قالي ابدا مو مهم وحتى لو كانت المده اللي بتجلس فيها 6 شهور .. لكن ان شاء الله بالتقديم الثاني ما راح اخلي شي الا ومرسله لهم ..

غير كذا ما راح اغير بالنموذج واقلل المده بخليها على 6 شهور مثل اول اخاف يشكون بالوضع ولا وش رايك ؟؟

اليوم السبت ,, انشالله يجي شي من السفارة

يابوتركي .. انت لو تقلل المدة وتخليها مثلا 3 شهور ... لين تروح كندا موظف الجوازات اعتقد بيعطيك 3 شهور ...


بس يمكن الامور ايزي عندهم ... يعني لو تقول لهم غيرت رايي وبزيدها يمكن يعطيك ..

بس انت عطهم قبول المعهد حق شهر مثلا ... واكتب خطاب ولا ورقة انك راح تجلس اطول من شهر ... بس انت دفعت للمعهد شهر بس عشان ماتبي ترتبط بالمعهد ..

انا نفس الشي عبيت في الفورم اني راح ارجع بنهاية العطلة ... بس القبول الي جبته حق شهر بس من المعهد ... عشان انا مابي اعطي المعهد كل الفلوس بعد ..

لوسمحتو وين صرفتو الدولارات الكنديه
معي ريالات وابي احولهم
وتحويل الراجحي وانجاز وسمبا ماعندهم دولار ندي

.. اذا كنت من اهل الشرقية ،، انا حولت في مكتب العمودي للصرافه في شارع الملك خالد في الخبر ..

ابششششششششششركم شباااااب


توه جاني ايميل من السفارة ... مكتوب جوازك طلع اليوم مع ارامكس وبيجيك بكرة وكتبو لي رقم الارسالية


الحمدالله الحمدالله بس طلع ما تأخر زيادة :101: ... بس جالس افكر لو اروح استلم الجواز وما الاقي فيزا :109:
اااما عااد

Dear sir,

your passport will be sent out today by Aramex under AWB# ***********. You may collect your passport from Aramex tomorrow.

Regards


هذا الرسالة الي ارسلوها لي

بس مو مكتوب خلصت الفيزا ولا لا

.. على البركة ،،بشرنا اذا طلع في وسطه الفيزا ومتى رحلتك بالضبط ؟! ..

.. انا اليوم وصلت تورنتو والعائله جداً طيبه ومتعاونه وفيها شاب بعمري وواحد اصغر مني بـ 3 سنوات ..

.. بالتوفيق للجميع ..

اليوم بروح لهم اذا فتحو ارامكس وبشوف جوازي ...


والله يهنيك انشالله اخوي عمار ... وبالتوفيق لك

بالنسبة لي طلعت لي الفيزا خلال 15يوم بس

لكن الي في الفيفا قال لي اقصى مدة 25يوم ويمكن يطلعوها لك ويمكن لا على حسب السفارة

لو رايح بريطانيا اكثر مدة للفيزا سبوع واحد هذا اطول شيء لكن الاسعار مرتفعة هناك مقارنتا بكندا

غريبة...........زانا 3 اسابيع وخلصت...... بحمد الله

آخر ردين..

مو ملاحظين أن الأخوان يتكلمون في موضوع قبل سنة؟؟

أكيد شغلات كثير تغيرت..

بالتوفيق للجميع إن شاءالله

تحياتي,,

والله خوفوني وانشاء الله اشباب فى كندا الحين وامورهم طيبه والفال لنا

اخر ردين يا وفاتت خلتني احس باتفائل بعد التشائم وتهوينه
ههههه

وخاصتا اني حجزت المعهد والسكن