الموضوع: اي ستفسارات عن فانكوفر انا حاضر

سلام عليكم
كنت في يوم من الايام محتااااار ومتردد ولا اعرف كيف ابدا ولا كيف رايح انتهي في اختياراتي وقرارتي ولاكن الحمدلله ان الامور تسهلت وبتوفيق من رب العالمين ,,,, صحيح سويت أخطاء ومن هذا االجانب ماودي الاخوان الي طالعين لكندا يسوون نفس الاخطاء مره ثانيه ودي يستفيدون من خبرات غيرهم ويتفادون اخطائهم على العموم انا متواجد حاليا في فانكوفر وحاضر ارد على اي استفسار يتعلق في هالموضوع في النطاق الي عندي فيه خلفية ومعرفة وهي ماتتعدا معاهد اللغة الانجليزيه في فانكوةفر وبعض الجامعات فيها وانواع التدريس في بعض الكليات والمعاهد وبعض مدارس البزنس والكليات العامه وانواع السكن وتكاليفه او اماكن السياحه والترفيه أو اي استفسار من اي نوع رايح اجاوبك عليه في حالة معرفتي فيه ,,,

مواضيع عشوائيه ممكن تكون تعجبك اخترناها لك:

• مشكله في تعبئة النموذج
• أول مشاركة لي قربوا بالله
• افضل اماكن التجميل في مونتريال
• الفرق بين مكتب الفيفا وارامكس في استخراج الفيزا الكنديه
• بخصوص كندا اللي يجاوبني بدعيله بقيام الليل
• احتاج معلومات عن مونتريال
• سؤال عن متطلبات الذهاب كنجستون
• مالي غيركم بعد الله ياليت تفيدوني في كل شئ من ألف إلى الياء
• السلام عليكم رحمة الله وبركاته لو سمحتم
• وش باقي مازرتة في فانكوفر
• ضــروووري اخــوانــي فـي تــرنــتــو
• قررت أسافر في جولاي لفانكوفر لمدة شهر سياحة
• خطوط اتحاد الامارات من ابريل
• موقع يجد لك اي معهد في اي مكان بمواصفاتك
• فزعتكم في مونتريال وتورنتو
• بليز ردوا علي بسرعه
• استفسار صغير الله يجزيكم الخير
• اسه وافضل وسيلة سفر من جدة الى تورنتو كندا ؟؟؟؟؟؟؟؟؟؟؟
• كيف اطلع فيزة الى امريكا
• تخصص

السلام عليكم ورحمة الله وبركاته :

أخي Pppp أود أن اتقدم لك بالشكر وذلك بمبادرتك بالمساعدة والعون لاعضاء المنتدى عامه ولي شخصياً عند ردك على العضو (عجوب ) .

في البدايه الحمدلله أنك مبسوط ( ماشاءالله ) وهذا شي يفرحنا جداً ، لكن ودي أعرف كم لك في فانكوفر وماهي المدة التي سوف تجلس بها ، واي معهد تدرس ، ان أن شاءالله أبجي لكن خايف من غلاء الاسعار لأن بعض الناس يقول فانكوفر حلوه بس غالية جداً ، كم تتوقع يأخي مصرف الشهر مع السكن مع العايلة الكنديه من غير مصاريف المعهد لاني مبتعث ،وبعدين ابسالك عن الحجز أناحاجزعلى الخطوط البريطانية وعندي حجز ثاني على السعودية ثم الكنديه من لندن أيهم أحسن !!!! معليش ابلشناك بالاسئلة لاكنت تحمل ورد على راحتك .
بعدين أي خدمه من الرياض أنا مستعد أو توصيه لايردك إلا لسانك .

إذا كنت مشغول بدراسه ولاشي لاترد على إميلي لين تفضي تمامــاً .
وتقبل تحياتي ،،

اخوك المتعاون

وعليكم السلام ورحمة الله وبركاته

اخوي pppp حياك الله, موفق ان شاء الله والله يستر عليك في حلك وترحالك. اخوي حبيت اسئل بخصوص الجامعات اللي في فانكوفر او الكليات. بقيت لي كليه واو جامعه لتخصص المحاسبه او نظم ادارة المعلومات " m.i.s " وتكون جيده يعني مش صعبه. طبعا لمرحله البكالوريوس وياليت يكون فيها طلاب خليجين. ومادري تعرف لي كليه اقدر اوفر منها قبول في القريب العاجل. واخر سؤال اخوي وش رايك في كلية. Camosun College في فكتوريا.
شاكر لك اخوي طرحك لهذي الخدمه وعساك على القوه. والله يستر عليك.

لو سمحت ... وللفائدة العامة

ممكن توضح لنا الاخطاء التي وقعت فيها حتى نستفيد نحن رواد المنتدى منها ... :107:

أخوي pppp أتمنى لك أسعد اللحظات في المدينة الساحرة فانكوفر

مجرد أبي أسمع أخر أخبار فانكوفر منطقة منطقة وشارع شارع
شارع جورجيا وروبسون وخصوصا شارع قرانفل والسينما اللي هناك والمطعم الفرنسي ( عنده كريب روعه )
ولا تنسى تتعشى بالبرج الطويل ( نسيت اسمه ) مطعم دوار وجلسته حلوة واسعاره معقوله نسبيا

اللللللللللللله الله يافانكوفر لي فيها ذكريات رائعة وأتمنى اعيدها بأقرب فرصة ولا تفوت أي لحظة في فانكوفر وخصوصا التصوير في كل مكان

أتمنى لك الفائدة والمتعه وترجع لنا سالم غانم
وتقبل تحياتي

الأخ العزيز / Ppppppppppp المحترم

أود أن اشكرك على ردك لي وللزملاء واهتمامك وإذا دل هذا فأنه يدل على حسن ذاتك ، متمني لك كل توفيق أنشاءالله .

ودي أسالك بس أني مٍٍٍٍٍٍٍٍٍٍٍٍٍٍٍٍٍٍٍٍٍٍٍســـــــــــــــــــــــــ ـــــــتــــــــــــحــــــــــــــــــــي.

أي خدمة أن مستعد من الرياض ، ونتمنى اللقاء على الخير ،

تحياتي ،،،،

Pppp جزاك الله خير اخوي على الرد الطيب. وان شاء الله اشوف موقع الجامعه. وياليت تقولي الجامعه فيها عرب. ومشكور وماقصرت.

صباح الخيرات
هلا اخوي المتعاون ماسوينا ترا شي ,, بعدين اسال لاتستحي واذا شي خاص فيك عندك الرسايل الخاصه ولا يردك الا لسانك ,, ويعطيك العافيه على عرضك الطيب.
اخوي راعي الشرقية تسلم يالغالي
بنسبه للجامعة بصراحة ماادرست فيها لاكن اتوقع رايح تحصل فيها لانهم مشالله مليانين السعوديين في كل مكان تشوفهم لاكن معلومة دقيقه ماعندي بحكم اني مادرست فيها لاكن انت ممكن تراسل الجامعة وتقولهم ماذا ممكن يرسلون لك نسبة الطلاب الاجانب عندهم انا سويتها مع مدرستي قبل ماجي هينا وبلغوني بالنسبه

مشكور أخوي pppp على ردك

وعلى الرغم من وجود الهوملس في شارع قرانفل إلا أن الواحد مايستغني عن التمشي هناك وللمعلومية ان فانكوفر لها جو أخر ليلااااااااااا وكتب عن فانكوفر ليلا كثير واكيد كله عن قرانفل


أما قضية الصور اللي عندك واعجابك فيها فلن نسامحك إذا ما نزلت لنا منها ولو شوي بس

وكيف اخر اخبار الاستعداد للاولمبيات الشتويه في فانكوفر وويسلر2010 ( أنا كنت موجود وقت ما فازوا في استضافتها والمساكين طاروا من الفرحة وأنا معهم فرحان )

أكرر تحياتي لك وأتمنى لك التوفيق دائما وأبدا

الله يعطيك العافية أخوي Ppppp والله يعينك ويساعدك على تحقيق أهدافك .
بصراحة أشعر أنك شخص كريم ومتعاون هذا مما جعلني أشارك بهذه الفقرة ، دعواتي لك .
تقبل تحياتي .
:107: :113: :101:

هلا اخوي pppp

اول اشكرك على هالبادره الطيبه والنبيله
الي تدل على حسن ذاتك انك تفيد اخوانك
الراغبين بالدراسه بكندا

وتفيدهم من واقع تجربتك

ودي اسئلك

لماذا اخترت فانكوفر بالذات

انت اكيد سمعت عن فانكوفر قبل ما تروح لها وجمعت عنها معلومات

ولكن بعد ما شفتها وعشفت فيها هل كانت اقل مما سمعت عنه ام مثل ما سمعت عنها ام اجمل حتى مما سمعت


كيف معهد كنديان كولج وهل تنصح فيه؟

وبالنسبه للدراسه لمدة 6 شهور كم يبي له ميزانيه


وهل المدينه فيها سعوديين ؟؟ وهل هم كثار ام قله

وكيفك الحين بالانجليزي عقب 4 شهور يعني تمشي حالك وتقدر تعتمد على نفسك بكل شي؟
وكيف الجو عندك الحين؟؟
ومشكور
واسف على الاطاله

هلا اخوي نجد فعلا مثل ماقلت التمشي ليلا روقان وهدوء مامثله مثيل بس مو في البرد طبعا :109:
بنسبه لاستعاداتهم ماشالله الناس شغاله دعايات من الحين وتوظيف وتخطيط وبدئوا بتركيب الشعارات في ويسلر وبعض المناطق يعني مشالله شكله رايح يكون استضافة جميله جدا وفي مدينه اجمل ....
بنسبه للصور انشالله رايح اسوي اختيارات على بعض الصور وانشالله تستمتعون فيها
واخيرا يعطيك العافيه يارب على دعواتك ,, وعلى فكرة متى كنت هينا ومتى رجعت وكيف تشوف نفسك في الانجليزي بعد رجعتك ؟؟؟

اخوي طالب علم الله يجزاك كل الخير على الدعوات الطيبه الي ماتطلع الا من الطيبين امثالك وشكرا على مرورك الكريم .

مرحبا اخوي يزيد وعساك على القوة وتسلم على كلماتك الجميله
بنسبه لختياري فانكوفر لان ماعندي خيارات كثيرة ,, خيار امريكا مستبعدة نهائيا ولا فكرت فيها من الاساس وبنسه للخيار الثاني كان بريطانيا و كان الوقت الي قررت اروح فيه سعر الجنيه الاسترليني مرتفع بشكل قوي جدا حيث سعر الجنيه الاسترليني ذاك الوقت حوالي سبعة ريال وحاجه يعني تخيل اول كاان بخمسه ريال وارتفع لحدود السبعة ونص اذا ماخانتني الذاكره وهذا سبب ارتفاع اسعار المعاهد البريطانيه والمعيشه بطبيعة الحال تبي ترتفع , بنسبه لخيار استراليا والي كنت افضله واكنت اتمنى تحقيقه لاكن ماكتب الله نصيب بسبب ان الوقت ماخدمني حيث ان تأشيرتهم تجلس فترة طويــلة على بال ماتطلع يعني قالو لي احسب من الشهر وانت طالع يمكن توصل للشهرين فما حبيت اني اغامر خصوصا ان الوقت ماكان يخدمني فما ضل قدامي الا كندا وبنسبه لختياري بالتحديد فانكوفرهو بصراحة اني ماحب البرد وهي تعتبر ادفى منطقة في كندا ,, بصراحة وجدت فانكوفر مثل ماتخيلتها وخصوصا اني دخلت على مواقع في الانترنت تشرح لي عنها وعن الاماكن السياحيه فاخذت فكرة وكانت الاختيار نوعا ما ولله الحمد موفق

بس لفت انتباهي هينا وبصراحة يستائ الواحد منه هوانتشار المخدرات بشكل رهيب وفيه نوع من انواع الدخان ( يسمونه ميروانا) هو محرم دوليا ويعتبر من المواد المخدره يعني يباع في الشارع عينك عينك يجونك ناس يعرضونه عليك بعض الاحيان بشكل مباشر والمشكله انك ماتسلم منهم لانك تشم بعض الاحيان ريحه كريهه في الشارع لما تمر من عند مجموعة مثلا تستخدمه وبالطبع تتاذى منها وبعد تشوف الناس الي تتعاطى مخدرات مثل الهوم لس مثلا يتلوى في الشارع يمكن يكون مستخدم مخدرات او حاجه زي كذا وبنسبه لي عندي معهد قريب من شارع مشهور في الحاجات هذي وتقريبا بعض الاحيان كل اسبوع او كل اسبوعين اشوف منظر مقزز يتعلق بالمناظر هذي ,
هذا من الجانب السئ لاكن من الجانب الحسن بصراحة الناس جدا روعة ومتعاونين على حد خبرتي معاهم وناس متعودين على الطلاب الاجانب فعندهم الاستعداد يشرحون لك مرة وثنتين وثلاث لحد ماتفهم في المطاعم او المقاهي او المكتبات او اي مكان عام او خاص الابتسامه تشوفها في كل من تكون عينك في عينه بالصدفة , احترام , ثقة ....
سألتني عن المعهد بصراحة لو أخوي سألني السؤال هذا مارايح انصحه يجي لنفس المعهد وهذي وجهة نظر شخصية لاني رايح ادله على معاهد افضل ويستفيد منها ويطور نفسه بشكل اسرع فطبعا رايح تكوني نصيحتي لخوي هي نفسها نصيحتي لك :107:
بنسبه لتكاليف مثل ماذكرت اعلاه وبصرحى عندي عليها تحفظات كثيرة لانك انت الي تتحكم في تكاليفك مو التكالف هي الي تتحكم فيك يعني الاساسيات المدرسه تكلفك في حدود 1000دولار شهريا ممكن تزيد ممكن تنقص على نوعية الكورس وقوة المدرسة السكن يبيدا لك من 600 لحد 800 دولار شهريا ويبقى لك مصروف جيب الي ممكن تخليه 1000 كأجراء احترازي لحد ماتعرف كم ممكن تصرف شهريا ,
المدينه فيها سعودين والمدارس يمكن ماتخلى من سعودي فيها :115: بصراحة عددهم اشوف انه عدد لابأس فيه
بنسبه لغتي الحمدلله فيه تحسن لاكن مو كبير مرة بصراحة مثل ماأطمح لاكن تحسنت عن اول ماجيت بكثير
واعتمد على نفسي في كل حاجه , بنسبه للجو دخل الشتا علينا وبصراحة برد :110: يعني خمس درجات توصل في الليل الايام هذي يعني الان درجة الحراره 8 واحنا الساعة وحده الظهر والشمس ابشرك اليوم طالعه علينا لنا حدود اسبوع الظاهر ماشفناها :112:
واخذ راحتك اذا عندك اي استفسارات

من عيوني يانجد

اخوي ppp شكراا لطرحك هذا الموضوع وعندي لك استفسار انا ان شاءالله بخلص الجامعة على الفصل الثاني وناوي اني اخذ لغة بعد التخرج يعني بحدود سنة وان شفت ان الوضع ماشي كملنا الماستر ولكن استفساري هو هل يمكن ان اطقلي سيارة في كندا وهل الاجراءات معقدة وسمعت ان الاسعار هناك منخفضة نسبيا ......بس لاتقولي مالك داعي باالسيارة والمشاوير قريبة والباصات تكفي انا بصراحة ابغى الف كندا ...وفي استفسار ثاني وش اقرب ولاية امريكية لفانكوفر وكم تبعد؟ومشكور اوي :surf

مرحبا أخوي pppp
شكلك مو راضي عن معهد كنديان كوليج ... ممكن توضح الأسباب ؟؟؟ وايش هي أفضل المعاهد هناك ....
وشكرا لك على تواصلك الدائم وسعة صدرك ... والله لا يحرمنا أمثالك ....

هلا ابو عبدللطيف وحياك الله ,,,
بنسبه لسؤالك عن السيارة اعرف واحد من الزملاء كان هينا الصيف واشترا له سياره صغيرة نسيت اسمها بمبلغ 2000 دولار وباعها بعد شهرين بحدود 1600 ماني متذكر بالضبط الذاكره عندي مش ولا بد المهم ولاتنسى انك لازم تدفع ضريبه على كل حاجه تشتريها بحدود 14 في المية وبعد لما تبي تشتري سيارة فيه اجراءات لازم تسويها مثل التأمين الالزامي ماعرف كم سعره والمشكله ان المواقف كلها بفلوس يعني تبي توقف لازم تدفع والبنزين عندهم غالي واخيرا شي ضروري انه يكون عندك رخصه ,, بعدينتبي تلف كندا بالسيارة تراها قاره كندا يعني من الغرب للشرق قطعته بالطيارة بحدود خمس ساعات يعني لو تبي تقطعه بالسياره يمكن يبي لك وقت طويل :114: , بنسبه اقرب مدينه امريكيه هي سياتل تبعد حوالي ساعتين عن فانكوفر لاكن بعطيك نصيحه استخرج تاشيرة لامريكا اذا عندك نية تروح لهم قبل ماتجي لكندا عشان تقدر تستخدمها هينا واذا تبي تروح لامريكا عندك كاليفورنيا ساعتين ونص من فانكوفر بالطياره للوس انجلوس


واتمنى لك التوفيق

مرحبا اخوي yaz7
هي تعتمد على الشخص في تقييمه لانها انطباعات شخصية سمعت من واحد يقول معنا في الفصل سبعة طلاب سعوديين :114: خصوصا المراحل المبتدئة وعلى كلامه يقول انهم بعض الاحيان يتكلمون عربي في الفصل فيخربون على بعض ,, بنسبه الي اشوف ان الأفضل ان تكون الحصص في المدرسة متفرقة يعني فصل مستقل للكتابه وفصل مستقل للاستماع وفصل مستقل للقواعد وتكريبات الجمل وفصل للتطوير القدرات الكلامية يعني بالطريقة هذي يكون عندك مستوى معين في القراءه ومستوى معين في الكتابه وتكون في الفصل المناسب لك وتطور نفسك بشكل سليم يعني يمكن تكون مبتدئ في الكتابة وفي الكلام ممتاز في المعاهد العادية بيعطونك مستوى عالي لاكن في الحقيقه عندك نقاط ضعف في اماكن اخرى يمكن ماتأهلك انك فعلا تكون في المستوى العالي وهذي وجهة نظري واتمنى تكون واضحه للجميع بنسبة للمعاهد الي تطبق هذا النظام في التعليمومعهد جامعة اليو بي سي واعرف معهد ثاني لاكن للاسف اسمه مو على بالي
وفيه طبعا كليات ثانيه ماتطبق هذا النظام ومعرفة بسمعتها الجيده مثل فانكوفر كيمونيتي كولج وهي كلية حكومية تهتم بالمخرجات اكثر من الامور المالية
وانشالله اني قدرت اقدم شي واضح لكم :114:
وحياكم

مشكور اخوي Ppp وماقصرت ..بس عندي استفسار ثاني لو ماعليك كلافة الى وهو هل تنصح با الدراسة في امريكا لان الصراحة امريكا تحصل ولايات كنك جالس في الرياض من ناحية الجو لاني بصراحة ما اتاقلم مع البرد :108: يعني لو سمعت من طلاب محوليين من امريكا وتجاربهم في الفترة الماضية من ناحية تعامل الشعب والاجراءات الحكومية والحياة بشكل عام......واسف على الاطالة

للأسف يالغالي ماعندي خلفية عن امريكا ولا اعرف احد الان عنده خبرة فيها ,,,

الأخ الكريم PPPPPPPP السلام عليكم ورحمة الله وبركاته
أخي الكريم كنت أريد الاستفسار عن الجامعات الكندية خصوصا جامعة بريتش كولومبيا و كيف المدينة اللي هي فيها . لأني عندي النية إن شاء الله إني أكمل في الجامعة الدكتوراة في التربية فإذا عندك علم عن المنطقة أو الجامعة أرجو مساعدتي و إذا في إمكانية السؤال عن التكاليف الدراسية بالنسبة للجامعة بمرحلة الدكتوراة و هل يوفرون نظام المنح schoolar ship ، علما أني متزوج ولي ثلاث أطفال يعني أبغى أسأل عن أسعار الشقق المعقولة و غيره .
و إذا ممكن أعرف رينج عن التكلفة بالنسبة لمعهد لغة إنجليزية طبعا السكن في شقة منفصلة مش مع عائلة .
أسف على الاطالة و كثرة الطلبات و الأسئلة .
تقبل تحياتي

أخوي Pppp المحترم أود بداية أن اتقدم لك بالشكر لطولة بالك علي وعلى الأعضاء الباقين ودى تفهمك فأن دل هذا فأنه يدل على حسن ذاتك - صرنا مثل المصريين إذا صرنا نبي شي نمدح - .
امسك أعصابك وخذ الأسئلة :
1 - أنا أن شاءالله أبجي وزميل لي إلى فانكوفر في 7 يناير 2005م أبدرس لغة بمعهد تابع لجامعة بريتش كولمبيا والمعهد عارض علينا السكن بسكن تابع للمعهد بسعر 150 دولار لليوم الواحد لمدة عشرة أيام قبل الانتقال إلى Home Stay،،، وش رائك أفضل ولا الفندق وكم اسعار الفنادق تتوقع.
2 - مطالب باجتياز التوفل 550 بعد نهاية اللغة كم تتوقع من الفترة الزمنية للحصول علية حيث أن لغتي الآن 30% .
3 - وش رائك بالمعهد المذكور إذا كان عندك فكرة عنه .
4 - وش توصي أول مانصل أن نفعله كخبرة لك سابقه حيث أنا وزميلي خبرتنا بالسفريا صفر على الشمال ، حيث أبعد ماوصلنا جسر البحرين بس وصلنا الجزيرة الي بالجسر ورجعنا .

والله أني مستحي منك من كثر الأسئلة بس أنت عطيتنا وجه قوة .

تحياتي لك ياعزيزي ،،،،بانتظار الرد .

وعلى فكرة ترى والله من ثقتي فيك أبعتمد على الله ثم عليك باتخاذ بعض القرارات الت يسالتك عنها ...

مرحبا pppp
الشكر الجزيل لك ولاهتمامك بالرد على جميع الاستفسارات .... والله ماقصرت ... وعلى الشباب إنهم يدعوا لك بالتوفيق كأقل واجب لرد جز بسيط من جمايلك علينا كلنا ... وبالتوفيق ان شاء الله دنيا وآخرة أخوي ...

أخي وعزيزي pppp :
شكرا جزيلاااااااااااا على الصور الجميلة وإن كنت أطمح بالمزيد لكن على راحتك وفضوتك
وشكر أخر لك على جهودك الجميلة مع أعضاء المنتدى والله يعطيك العافية على هالمساعدات ، الصراحة حاولت أني أساعدك ببعض الإجابات لكن ذاكرتي خائنة نسيت بعض التفاصيل المهمة ولكن فيك الخير والبركة .

ضاق صدري لما شفتك تتشكى من الهوم لس في فانكوفر لكن صدقني عددهم قليل وشرهم على انفسهم مقارنة ببعض المدن الأخرى في العالم أما قضية الماروانا وخلافه فهم محصورين في مناطق التشاينا والقاز تاون وشارع قرانفل طبعا ولكن قل ما تشاهد مشاكل وعصابات ومطاردت امنية في فانكوفر فأعجبني الأمان فيها ليلا وخصوصا نورث فان

لكن محاسن وروائع فانكوفر تغطي على سلبياتها النادرة بكثيرررررررررررر

هلا اخوي yaz7 الله يعطيك العافيه يارب وتراني ماسويت حاجه والله , وشكرا لك مرة ثانيه على مرورك الكريم ,,,

هلا اخوي نجد ومرحبا بك وتسلم على مرورك , بصراحة مثل ماتفضلت الهوم لس شوي مؤدبين اذكر مرة كنت اسولف مع واحد في الشارع وقطع كلامنا عشان يطلب فلوس ولما قلت له اسف قعد يتأسف انه دخل بيننا وقطع السالفة وكان متحسف وجلس يعتذر يمكن دقيقه ...
بنسبه للصور صدقني رايح اسوي الي اقدر عليه لاني ماقدر ارفعها من المنتدي مباشرة يمكن عشان الحجم لذلك اروح ارفعها لموقع ثاني ثم اجيب الرابط واحطه هينا لاكن انشالله تنحل

أخوي ppp تحياتي الحارة لك على التفاعل معنا ، الاسعار التي اعطيتن إياه بالدولار الكندي أو الدولار الأمريكي ،، حيث أن الأسعار التي اعطيتك إياه بالدولار الكندي .وهل الفندق قريب من الجامعة بريتش كولمبيا .وهل يومين قبل بدء الدراسة للوصول لفانكوفر كافية .
تقبل تحياتي ،،،،
***********************************************
أخوي طالب علم : تحياتي ودي أستفسر منك عن طريقة دراستك هل هي لغة فقط أو اعتقد دكتوراه هل أنت مبتعث أو على حسابك ،، حيث أن المعهد هذا يعتبر مرتفع التكاليف مثل مقال أخوي Pppp لكني أنا مبتعث من قبل الحكومه يعني ماني دافع شي للمعهد أرجو التوضيح حتى استطيع إفادتك بالشكل المناسب لك،،،،أما بالنسبة للتأشيرة لاتشيل هــم مجرد ماتجيب قبول من أي معهد أو جامعة وتقدمها للسفارة الكندية وتعمل الكشف الطبي تعتبر أن التأشيرمعك بنسبة 99% .
وأي استفسار أنا حاضر .
تحياتي لك ،،،،وايضاً تحياتي لـــــــــppppp

pppp

ما شاء الله عليك
احييك على رحابة صدرك , هذا يدل على اصلك الطيب

:107:

هلا اخوي المتعاون ,,,
الاسعار بالدولار الكندي , بنسبه للبعد عن جامعة برتش كلومبيا بعيده لان الجامعة مثل مافي الخريطة الي ارفقتها بعيده شوي عن الداون تاون بحيث تبعد حوالي 20 ال 30 دقيقه يمكن تزيد على حسب موقعك في الداون تاون والزحمه, ويومين قبل الدراسه جيدة على الاقل تروح مرتين للجامعة بالباص عشان تعرف الطريق وتعرف نظام الباصات
عندك موقع لشبكة المواصالات http://www.translink.bc.ca/ تقدر تعرف كل حاجه عن طريق الموقع
وتمنياتي لك بالتوفيق يارب

مرحبا زمان الصمت اشكرك على مرورك الكريم يعطيك العافيه
تحياتي للجميع

هل الجو ثلج في تورينتو الآن !
وكم الريال السعودي

الف شكر على المعلومات القيمه

اخوي ppppياريت تعطينا نصيحة عن افضل معهد لدراسة اللغة في فانكوفر من حيث المناهج والمكان والسستم بناء على خبرتك وياريت تكمل جميلك برابط المعهد على الانتر نت

السلام عليكم ،وهذه أول مشاركة لي في هذا المنتدى
بصراحة اللي خلاني أشارك هو تفاعلكم في المنتدى ( منورين المنتدى) :107:
أما بخصوص رابط المعهد فتفضل http://www.vec.ca/arabic/1/
وفقك الله ياأخوي shebeeeeh،،،،
والف شكر للعزيز pppp

مشكور اخوي راصد المنتدى على سرعة تجاوبك وطيب ردك
احب اسألك عن المعهد هذا هل هو مجرب ام لا
لاني قرات عن المعهد هذا من قبل ولكن يلزمني سؤال احد المجربين له ليخبرني عن مدا مصداقية الموقع الخاص بهم وعن نوع ومكان المبنى وكفاءة المدرسين وهكذا
ايضا ما الافضل التسجيل مباشرة عن طريق الموقع الخاص بالمعهد ام التسجيل عن طريق احد المكاتب في الرياض ياريت تساعدني على اتخاذ القرار المناسب وشكرا لك

هلا والله تراني ماقدمت الى الواجب ، على العموم انا مثلك أبحث عن معهد جيد ،أما بخصوص أفضلية التسجيل (بصراحة ماأدري) ولكن الأخوان تراهم مايقصرون انشاءالله .
أتمنى من الأخوان أن يردوا على أسئلتك وعن الايجابيات والسلبيات للمعهد حتى نستفيد منهم
( وينك يامرهووووووف تكفى الفزعة ) :114: مع أجمل تحياتي

اي والله وينك يامرهوووف مانستغنى عن ترتيبك

اخوي pppp كيفك
لفت انتباهي بالدفع للمعهد لان الوكالة قالتلي ادفع المبلغ كامل لـ معهد EF وما رأيك بهذا المعهد .
هل يمكنني ان ادفع دفعات مثلا شهر و شهرين .
انا اخذ شهر عام ثم فصل اكاديمي مكثف 6 اشهر هل اقدر ادفع الشهر الاول ثم ادفع الفصل الاكاديمي .
لان المطلوب41420 ريال سعودي .


تحياتي لك

أخي العزيز nez@r وفقك الله،،،

أبغى أسألك سؤال بالنسبة لـــ 41420 ريال هل هي شاملة (السكن ، المعهد ، الوجبات ، المصاريف اليومية )

ولا ..........مو ؟ يعني كل شيء.


[align=center][move=right]الله يوفقك و يختار الأفضل ......................... مع أخلص تحياتي.[/move][/align]

اخي nez@r

نصيحة لوجه الله

احرص مع المكتب ان يكون المعهد يوفر لك خيار الـ cancellation insurance

هذا تأمين ما يزيد عن الـ 150 دولار تدفعه لهم فوق فلوسك واذا ما عجبك المعهد تقولهم بوقف دراسه وبسحب فلوسي ومن غير ما تذكرلهم الأسباب وبكذا يروح عليك التأمين وترجعلك فلوسك

بعدين على حد علمي مافي شي اسمه شهر عام وبعدين اكاديمي مكثف لأن المنهج واحد بس الاختلاف في الـ elective
يعني انتبه لا يتفلسف عليك صاحب الوكاله ويغريك لأني اعرفهم راعين فلسفه زايده


واي خدمه انا حاظر

اتمنا اكون افدتك عشان تدعيلي

تحياتي

راصد المنتدى
هي شاملة السكن غرفة مفردة + الوجبات (افطار - عشاء) + الاستقبال من المطار + المعهد + التأمين الطبي + استخدام الكمبيوتر :101: ماني محتاجة المحمول يكفي .

زمان الصمت
الله يكثر من امثالك وييسر أمورك
cancellation insurance
موجودة المعهد اضافها وليس الوكيل :105:
عام من الساعة 9 الي 12
مكثف من الساعة 9 الي 3
الاضافة في المحادثات هذا على حسب كلام الوكيل

يعني انتبه لا يتفلسف عليك صاحب الوكاله ويغريك لأني اعرفهم راعين فلسفه زايده
كلامكم صحيح

من حسن حظي قابلت مندوب ال ef في الوكالة

لكن شكلي باحول لبرطانيا الكورس في لندن والسمستر في مانشستر

لان سمعت ان التأشيرة تاخذ 6 اسابيع وكذا يروح على الشهر لانة مهم بالنسبة لي قبل السمستر

تحياتي لكم

1000 شكر لأخي العزيز nez@r
بصراحة كرهتني في كندا طالما بتروح لبريطانيا ........... عموماً الله يوفقك وتحصل على اللي تبغاه
الشكر لك،،،،،،

السلام عليكم ورحمة الله وبركاته
الله يجزااااااك خير ياخوي على هذا الكلام اللي انت تقوله ونشالله ينكتب في ميزان حسناتك

السعر جدا غالي

واذا تبغى السعر الحقيقي بعطيك اباه لمعهد ef واذا تبغى تروح لندن في معهد جدا رخيص ونفس طلباتك في ستة اشهر لا يتجاوز الثلاثين الف