الموضوع: ناوي ازورها بس عندي جم سؤال

السلام عليكم

كيف الصحه جمعيا ؟؟

يا جماعه انا بصراحه قاعد اخطط اني اروح اندونيسيا ع الصيف الياي وتحديدا مابين شهر 6 و 7 ادري بتقولون بدري ع السفر وشفيك متحمس بس انا هذا طبعي اي دوله ابي اسافر لها احب اعرف عنها كل صغيره وكبيره


طبعا عدد المسافرين 3 انا والمدام وولدي ووقت السفره راح يكون عمره سنتين و 3 اشهر ... طبعا مده الرحله بتكون 15 يوم انشاللع
والحين عندي كذا سؤال

1) متى تنصحوني احجز تذاكر السفر ؟

2 ) تنصحوني ازور جم مدينه وكل مدينه اقعد فيها جم يوم ؟

3) تنصحوني اسكن باي فنادق في مدن اندونيسيا ؟ وياليت تختارون لي فنادق يكون سعرها بحدود ال 50 دينار ك احد اقصى

4) هل صحيح اذا حجزت الفنادق قبل السفره بشهرين او اكثر احصل ع سعر ارخص من السعر قبل السفر بفتره بسيطه ؟؟

5) انا عمري كله احجز الفنادق عن طريق مكاتب سياحيه وودي احجز عن طريق النت بس الي يخليني ما احجز عن طريق النت انه اغلب الاسعار غير شامله الضريبه والافطار فالي عنده موقع يقدم الاسعار شامله الضريبه ووجبات الافطار لا يبخل علي

6) بخصوص المصروف اليومي جم يكفينا باليوم شامل التكاسي والتمشي ووالغدا والعشا ودخول الاماكن السياحيه ؟؟ انا كنت في ماليزيا شهر 7 الي طاف وكنت مخصص مبلغ 100 دينار كويتي في اليوم وكنت يوميا اطلع واستانس اخر وناسه فهل مثل هالمبلغ كافي في اندونيسيا ؟؟
علما اني مخصص مبلغ غير المصروف اليومي للمشتريات

وبس هذيل الاسئله الي عندي حاليا

وشكرا

*

مواضيع عشوائيه ممكن تكون تعجبك اخترناها لك:

• فنادق بالي
• ارجو منكم المشوره والنصيحه بخصوص منتجعات وفنادق بالي
• اهم الاسواق في اندونيسيا
• ممكن مساعدة لشخص عزابي
• أستفسار تكفوون
• استفسار بسيط من ذوي الخبرة الرجاء الدخول
• سفرتي لبالي بداية شهر خمسة كيف الجو في هذا الشهر؟
• طلب المساعدة في ترتيب جدول سياحي في بالي
• ارجوا منذوي الخبره في اندونيسياء
• استفسارات
• محتاج مساعدتكم في الرحله
• سؤال وأبغى الجواب الله لا يهينكم
• إستفسار عن التكاليف؟
• مالجديد في بلاد العمة ؟
• ابيكم تخططون رحلتي انا وزوجي بليز قبل افلس منها
• أنا إلي حطيت موضوع أحزم حقائبي إلى أندونيسيا وأود الاستشارة
• نصيحتكم لسكن عائلة في جاكرتا بونشاك باندونق
• امنيتي اسافررواحتاج مساعدتكم
• اريد فنادق بجاكرتا اذهب للاسواق مشي
• استفسار بسيط لاهل الخبرة بالفيزا

السلام عليكم

كيف الصحه جمعيا ؟؟

يا جماعه انا بصراحه قاعد اخطط اني اروح اندونيسيا ع الصيف الياي وتحديدا مابين شهر 6 و 7 ادري بتقولون بدري ع السفر وشفيك متحمس بس انا هذا طبعي اي دوله ابي اسافر لها احب اعرف عنها كل صغيره وكبيره


طبعا عدد المسافرين 3 انا والمدام وولدي ووقت السفره راح يكون عمره سنتين و 3 اشهر ... طبعا مده الرحله بتكون 15 يوم إن شاء الله
والحين عندي كذا سؤال

1) متى تنصحوني احجز تذاكر السفر ؟
من الحين احسن لك دامك عارف الوقت اللي بتسافر فيه إذا الله اطال في عمرك

2 ) تنصحوني ازور جم مدينه وكل مدينه اقعد فيها جم يوم ؟
على حسب ممكن يكون برنامجك كالتالي
2 جاكرتا 6 ايام الجبل 4 ايام باندوق اخر3 ايام جاكرتا
او
2 جاكرتا 5 ايام الجبل 5 ايام بالي واخر 3 ايام جاكرتا
طبعا اخر 3 ايام طبعا لزيارة معالم جاكرتا واسواقها والتسوق استعداد للسفر

3) تنصحوني اسكن باي فنادق في مدن اندونيسيا ؟
وياليت تختارون لي فنادق يكون سعرها بحدود ال 50 دينار ك احد اقصى
عندك فنادق مثل
اكماني او منهاتن او جراند حياة او كروان بلازا او مالرين بارك او الشيراتون وفنادق العاصمة كثيرة

4) هل صحيح اذا حجزت الفنادق قبل السفره بشهرين او اكثر احصل ع سعر ارخص من السعر قبل السفر بفتره بسيطه ؟؟
طبيعي وفيه مواقع تعطيك عروض حلوة باسعار مناسبة جدا اذا كان حجزك عن طريق النت

5) انا عمري كله احجز الفنادق عن طريق مكاتب سياحيه وودي احجز عن طريق النت بس الي يخليني ما احجز عن طريق النت انه اغلب الاسعار غير شامله الضريبه والافطار فالي عنده موقع يقدم الاسعار شامله الضريبه ووجبات الافطار لا يبخل علي
تقدر تدخل على موقع اقودا او موقع بوكنق وتختار الفنادق اللي تبيها بالفطور او من دونه ومع الضرائب وتحجز بالفيزا 00

6) بخصوص المصروف اليومي جم يكفينا باليوم شامل التكاسي والتمشي ووالغدا والعشا ودخول الاماكن السياحيه ؟؟ انا كنت في ماليزيا شهر 7 الي طاف وكنت مخصص مبلغ 100 دينار كويتي في اليوم وكنت يوميا اطلع واستانس اخر وناسه فهل مثل هالمبلغ كافي في اندونيسيا ؟؟
المبلغ كافي وحلو
علما اني مخصص مبلغ غير المصروف اليومي للمشتريات
امورك كلها تمام

وبس هذيل الاسئله الي عندي حاليا

وشكرا
العفو اخوي ولك كل الود
اخوك
ابو راكان

تسلم عزيز ابو راكان ع الرد السريع

حسب الي عرفته انك تنصحني اسكن في 3 مناطق

فايليت تعطيني بكل منطقه كذا فندق حلو وانا بعدين اختار وياليت حمامات وانت بكرامه فيها شطاف

وانا ودي ازور جزيره يومين او 3 وين تنصحني اروح ؟؟

رأيي تأخذ الخيار الثاني للبرنامج الذي وضعه أخونا ابو راكان

وهذا رابط السكن من تجارب الأعضاء

http://www.arabtravelersforum.com/travel432214/

أفضل الفنادق المناسبة للميزانية بجاكرتا ذكرها خبيرنا ابو ركان

وبالي برأيي الفلل الصغيرة بالمنتجعات السكنية ذات الغرفة الواحدة

مثل منتجع دريم لاند وغيرها من المنتجعات المناسبة

بالجبل الأفضل فندق سيروني هو المناسب لكم ولعددكم

هلا اخوي الكوكب الطائر

اعتقد انه فيلا حق شخصين كبار وطفل عمره سنين ونصف ما تنفع حتى لو كانت صغيره !! ولا تنسى اعتقد الفيلا اغلى من الفندق

وانا بصراحه احب اسكن في فنادق لاني احس فيها كل سبل الراحه وفوق هذا اعتقد انه الفنادق تكون قريبه من المجمعات والخدمات !!

ع عكس الفلل الي اعتقد انا بتكون عن الخدمات ....

*انتظر نصايحك + نصايح كل شخص سافر اندونيسيا

المشاركة الأصلية كتبت بواسطة بو حسن 83
http://www.arabtravelersforum.com/tr...0/#post6138108

يوم إن شاء الله



اتمنا من احد المشرفين تعديل هذه الكلمه
جزاك الله خير تم التعديل ياغالي

-----------------------------
الكوكب الطائر

مرحبا أخوي بو حسن

الذي ذكرته الفنادق بجاكرتا والجبل وذكرت الفلل ببالي بمنتجع رائع مناسب جداً ومن واقع تجربة

ويوجد بقربة شاطئ دريم لاند مع العلم بأن سعره لايفرق كثير عن الفنادق وأفضل بكثير من الفنادق متوسطة السعر

شاهد الرابط اعلاه وتجد الكثير من الفنادق وإن شاء الله تجد المناسب لك

تحيتي

لو تقدر تروح في غير الصيف راح تنبسط صح

لان الصيف زحمه جدا واسعار عاليه

هلا اخوي الكوكب الطائر

حبيت استفسر منك واخذ نصايحك

بخصوص منطقه الجبل شنو اسمها ؟؟ وشنو الفعاليات الي فيها وهل فيها رحلات بحريه ؟؟ لاني بصراحه ناوي اروح جزر

وهل الانتقال من جاكرتا الي الجبل يكون بالطيران الداخلي ولا للسياره وكم السمافه سواء بالطياره او السياره

نفس السؤال من الجبل الى بالي ....


وشكرا مقدما


وشكرا

هلا اخوي جاكرتاوي

والله كلامك صحيح بس يا خوك عندي المدام مدرسه فما تقدر تسافر الا وقت عطلتها

اندونيسيا بلد تقدر تسافر لها ..
في كل اوقات السنه ..
ولكن اخوي الرائع جاكرتاوي يقصد الزحمه ..
ووبالذات الجبل ..
ولكن في بالي الوضع يختلف تماماً ..
واذا ماتبي الزحمه روح بالي وريح راسك ..
وتقدر تحجزلها من النت ..
بالي تقدر تقول دوله في دوله ..
وهي زبدة اندونيسيا ..
وممتعه للشباب والعوائل ..
وحتى انها تصلح كشهر عسل لا ينسى ابداً ..

المشاركة الأصلية كتبت بواسطة بو حسن 83
http://www.arabtravelersforum.com/tr...0/#post6145720


بخصوص منطقه الجبل شنو اسمها ؟؟ وشنو الفعاليات الي فيها وهل فيها رحلات بحريه ؟؟ لاني بصراحه ناوي اروح جزر

اسمها بونشاك والفعاليات اللي فيها


حديقة تمان سفاري


(تذكرة الدخول للسيارة وفيها3اشخاص وطفل ب340000روبيه=147ريال )


ومشاهده الحيوانات بالسيارة واطعامها










وحضور عروض الحيوانات


*وهذه مواعيد العروض

1) الساعة 1 الظهر .... النمور
2) الساعة 1.30 الظهر .... كلب البحر
3) الساعة 1.45 الظهر .... الصقور
4) الساعة 2 الظهر .... الكاوبوي
5) الساعة 3.15 العصر .... الطيور والقرود

6) الساعة 4.30 العصر .... الفيلة


ثم ركوب تلفريك تمان سفاري



زيارة شلال شروق



ركوب الفيله



والتصوير مع الحيوانات المفترسه









زيارة حديقه الطيور






ملاهي الاطفال


ويوجد ألعاب مائيه فيجب إحضار ملابس سباحه ومنشفه




ثم التوجه إلى مطعم


كمنانا هو مطعم سعودي تقريباً عنده رز ولحم مندي ومشويات


ثم العوده إلى الفندق



اليوم الثاني


1-زيارة حديقه سيبوداس


منطقة حدائق واسعة على طريق تشيباناس وفيها شلال قريب ممكن توقف السيارة عنده



2-مجمع كوتا بوتقا ويمكن زيارة المجمع فقط في ايام الاجازة السبت والاحد



وفي بحيرة فينيسا ويمكن التجول فيها عن طريق القارب


وفيها ملاهي للأطفال


وتأجير الخيول



اليوم الثالث



الذهاب الى حقول الشاي ومشاهده البراشوت


ثم التوجه الى



telaga warna بحيرة الالوان

يوجد في قمة الجبل بحيرة صغيرة ورائعه يسمونها بحيرة الألوان
طريقة الوصول لها قبل مطعم رندوعلم يوجد مدخل على جهة اليسار
وهذى الطريق مؤدي لها بحيرة رائعة اسمها تلجا ويرنا حاول ان

تجلس وتتامل جمال الطبيعة .


اليوم الرابع


النزول لمسبح الفندق ثم


زيارة حديقة الزهور يفضل زيارتها من بعد الظهر الى 5العصر الحديقه تغلق الساعه5العصر


تذكرة الدخول للشخص 20000روبيه=9ريال


ويوجد بها ملاهي للأطفال وحصان ودبابات
















اليوم الخامس
عمل خروج مبكر من الفندق والتوجه إلى منطقه بوقور وهي منطقه بين جاكرتا



وبونشاك يوجد بها العديد من الأسواق التي تبيع شنط تقليد ماركات درجه أولى وثانيه



وإلكترونيات من لاب توب إلى أجهزة الجوالات ويوجد بها مطاعم مثل بيتزاهت



السوق اسمه (جامبو دوا)توجد محلات بيع الشنط بالدور الثاني بالقرب من السلالم الكهربائيه



وهل الانتقال من جاكرتا الي الجبل يكون بالطيران الداخلي ولا للسياره وكم السمافه سواء بالطياره او السياره

بالسيارة

نفس السؤال من الجبل الى بالي ....
بالي تروح لها عن طريق الطيران الداخلي يعني لازم ترجع لجاكرتا عشان المطار موجود فيها


وشكرا مقدما


وشكرا



موقع بوكينق يقدم لك السعر شامل الضريبه وفي كثير من الأحيان شامل الفطور أيضاً

سفرة سعيده إن شاء الله