السلام عليكم ورحمة اللة
اريد اشراك اخوانى الاعزاء بتجربتى مع القنصلية الامريكية بدبى
تطلب ان تملاء الابليكيشن DS-120 من على موقع القنصلية على النت
http://dubai.usconsulate.gov/index.html
ولابد ان تكون بياناتك كلها صحيحة ومن واقع الباسبور
ثم تحدد ميعاد بردو من خلال نفس الموقع
والاوراق المطلوبة
1- الباسبور الاصلى
2- كشف حساب لاخر 6 شهور مختوم من البنك
3- كشف التعريف من مكان العمل موضح فية الوظيفة والراتب
ويوم المقابلة بتذهب بدرى شوية ياريت من 7 صباحا هتاخر شوية يمكن لبعد الساعة 12 ظهرا
ووقت المقابلة مع المختص هيسالك عايز ترووح لية بالتاكيد يكون جوابك للسياحة وتذكر بعض المواقع اللى انت نفسك تشوفها هناك وياريت تقول المواقع على نفس الولاية اللى هتروحها ..
جاوب اى سوال بطبيعية ومتكدبش فى اى اجابة
وانشاء اللة يقتنع بيك
هناك عدة احتمالات
1- القبول فى نفس الوقت ووقتها الباسبور مش هيرجعلك فى نفس الوقت هيرجعلك بعد حوالى 4 ايام عمل عن طريق الامبوست ..
2- ممكن يطلب منك اوراق تانية ويديك ميعاد تانى ...
3- ودة غالبا انة بيقولك اوكى لكن الفيزا هتاخد وقت لاجراءات ادارية وبيديك وصل اصفر وفى رقم وكمان الباسبور
الرقم دة مهم لانك من خلالة بتتابع الحالة بتاعتك من على الموقع على النت وبعد فترة بيظهر رقمك تروح تودى الباسبور وبعد 4 ايام عمل بيجيلك عن طريق الامبوست انا الفيزا كلها من المقابلة لحد لما الفيز اخدتها بخمس سنين اخدت 10 ايام ودة الطبيعى ...
4- فى حالة الرفض بيديك الباسبور وبيديك ورقة فيها سبب الرفض وتقدر تقدم تانى بعد كدة ..
اتمنى ان مشاركتى تفيد اخوانى واى سؤال اتفضلو انا فى الخدمة ..مواضيع عشوائيه ممكن تكون تعجبك اخترناها لك:
- استفسار عن القبول في الجامعات
- الي عنده خبره في معاملات السفارة ارجو الدخول للأهمية
- شهر عسل والبلشة الي تحتاج حل
- ما الحل مع الفيزا ؟؟؟
- اين افضل مكان للتسوق في امريكا
- يا أهل الخبرة ساعدوني
- أحتاج خطة زمنية للإجازة الصيفية
- الرجاء المساعده مشكله في التذكره
- الرجاء عدم التطنيش ساعدوني
- ابي أتأكد قبل المقابلة
- المبلغ المطلوب فى كشف الحساب
- ارجو المساعدهابي سكن شقه في نيويورك
- الشقق في لوس انجلوس
- ارجو المساعدة من فى امريكا الان ؟؟؟
- مخطط لشهر العسل ،، ابغا مساعدتكم يا اهل الخير
- اســعاااااااااااااااااااااااااار خيييييييالية
- ستة أيام في أورلاندو
- استفسار هل السفر لسوريا سبب في رفض الفيزا
- الى الاخ وليد او او من لدية معرفة
- استفسار رحلة الى أمريكا
المفضلات