بسم الله الرحمن الرحيم
شكرا لكل اللي تابعني و زار صفحاتي اللي كتبت فيها كل اللي أحسه مفيد لك كمسافر لأبوظبي لأول مرة
من الفنادق للمطاعم للنقل والجو والمعالم السياحية في أبوظبي..التغطية مستمرة إخواني وأخواتي
.. تابعوني
الوطن يستاهل المتابعة.. يستاهل التعب والحمدلله دوما
أبوظبي من يقصد رحابك ملقياً
قصائده للناس ما خاب مقصدا
فللشعر هيأتِ أسبابَ شهرةٍ
تُرى كسطوع البدر ليلاً على المدى
معتوق
شوفوا هالصور القديمة.. وقولولي شو تحسون لما تشوفونها
تم التقاطها ما بين عامي ١٩٦١ - ١٩٨١
لاحظتوا أن كل الصور فيها سيارات؟؟
نعم!
السيارات القديمة والكلاسيكية خصووووصا الأمريكية لها معجبين كثار في العالم الغربي والعربي. كملوا معاي هالتقرير الحلو
وإن شاء الله تستانسون مع هالموديلات والسيارات المختلفة واللي يعرضها متحف العين للسيارات الكلاسيكية.
مقدمة سريعة عن المتحف
قام راشد التميمي بتأسيس متحف العين للسيارات الكلاسيكية في الثاني من ديسمبر عام ٢٠٠٩. واللي حاليا يعرض حوالي ٢٥ سيارة من النوع النادر والغير مألوف واللي تم جمعها من مختلف مناطق الإمارات العربية المتحدة في السنوات الأربعين الماضية. السيارات الخمسة والعشرين اللي فالمتحف محاطة بآلاف التذكارات التاريخية الإماراتية.
موقع المتحف:
للتواصل مع المتحف
الموقع (متوفر باللغة الإنجليزية بس)
http://www.alainclassiccarsmuseum.net
الهاتف :
00971506231323
البريد الالكتروني:
[email protected]
متحف السيارات الكلاسيكية في العين فيه شيء ممتع لكل الناس. كييييييف؟
هالمتحف فيه صور تاريخية مثل اللي عرضتها في أول الموضوع.
وفيه بعد بعض الأغراض المعبرة عن الثقافة الإماراتية
طبعا السيارات المعروضة تشمل حقبة طويلة بين ١٩٠١ و١٩٨٠ ومنظمة بطريقة جميلة وبجانب كل سيارة تتوفر معلومات وافية ودقيقة عن السيارة
وهالشي اللي يعطي جو للمتحف واللي ممكن يكون تعليمي ومسلي إذا حبيت تروح مع عائلتك
استمتعوا بصور المتحف وسياراته في مناسبات مختلفة
عرض للسيارات النادرة فقط
أنا حاولت اخمن هالسيارات.. صححوني يا إخواااان!
جاغوار كرايسلر بونتياك؟؟؟ صح؟
AAMC Function
في عالم السيارات فقط يتحول اللون الأحمر ليكون ملك الألوان!!
هذا رآيي المتواضع هههههههههه
والكورفييييييت فاير بيرد تتقدم
!
السيارات الأمريكية هي الآجمل كلاسيكيا! أحب أسمع رايكم بالموضوع
و المرسديس ما تضر أبدا
والدراجة لها نصيب بالمتحف
فخامة انستغرامية لووووول
والحين أحب أودعكم بالفوكس..
المتحف حلو ودمه خفيف...
بصراحة أتمنى أنهم يطورونه أكثر ويضيفون سيارات أكثر تكون أكثر ندرة وإثارة
لا تنسووون تحاولون تخمنون السيارات اللي فالصور..!
أتمنى يكون أعجبكم ….
عساكم طيبين دوم
أخوكم مسافر أبوظبيمواضيع عشوائيه ممكن تكون تعجبك اخترناها لك:
- مارأيكم في شقق دار السندس ميرديان
- إستفسار عن الوزن بدرجة الطيران
- مساعدة بالنسبة للسكن
- ابي الفزعة ثلاثة اسئله
- افضل اسعار إجارات السكن في دبي
- سوري يحتاج لفيزا ؟
- الدلافين
- سؤال مهم؟
- الطريق من الرياض لدبي القديم طريق الاحساء بالتفصيل
- رحلتنا الى دبى ارجو المساعده
- مسافات
- رأيكم في شقق الزيتون بدبي وكم تلفونهم ؟
- ممكن استفساااااااااااااااااااار
- مشورتكم
- شهر عسل في الإمارات العربيه ياليت تخدموني
- الفزعه يآأهل دبي ، واللي سآفرو هنآك بآلسيآرهـ
- فزعتكم فزعتكم فزعتكم فزعتكم فزعتكم فزعتكم فزعتكم
- ادور ع مطعم
- يا عشاق دبي
- عاجل للمساعده مطلوب شقق فندقيه ابوظبي
رد مع اقتباس
المفضلات