الموضوع: رحلتي لفانكوفر

السلام عليكم..

كيفكم..ان شاء الله بخير

أول شي ابشركم الفيزا طلعت بعد تعب وعناا شهرين ونص

ورحلتي لفانكوفر قربت وانا بصراحه ما استعديت ابد ياليت تكفون تقولون شي وش اجيب معي

وبخصوص الملابس اشتري من هناا والا اشتري من هنااك احسن

مواضيع عشوائيه ممكن تكون تعجبك اخترناها لك:

• احتاج الي السؤال عن مدينة هاليفاكس
• وين السفارة الكندية
• شركة كنديه للسفر لكندا
• السلام عليكم ماهي المساعدات التي يقدرون الاقارب المساعدة للسفر لكندا
• لمن لديه سابق تجربه بالطيران؟
• درجة التوفل المطلوبه في ميقيل او كونكورديا
• تقرير الى فانكوفرحصررررررري
• عندك استفسار تبغى معلومة ؟ القيصـر يجيبك من فانكوفر
• ماهي اسهل جامعه في كندا؟؟؟؟
• ممكن خدمه ؟؟؟
• كندا معلومه ضروريه تكفون قبل السفر
• اجابات الاسئلة الاكثر شيوعا
• اسالة بخصوص الهجرة الي كندا
• ابي اعرف كيف اعبي الاستمارة التي توزع في الطائرة
• اش رايكم بهاليفاكس
• ترقبوا تقريري من كندا من طق طق لين اتاوا
• تعالوا بالله ابيكم
• كيف تكون الاجواء بفانكوفر بشهر
• فزعتكم يا حبايب كندا
• جزيرة كان كون

اخوي بالنسبة للمواضيع الي انت كاتبها كلها موجود في القسم سوي بحث وبتلقى الي يسرك
لكن انا ابي انصحك نصيحه اذا انت رايح للدراسة البكلوريس
ادري في جامعه ولا كليه لها معهد انجليزي يعني لاتدرسه الحاله
عشان ماتتورط بشهاده توفل ولا غيره
واذا تبي نصيحه اخ ابعد عن فانكوفر مامنها الا وجع الراس
كل شيء غالي على غير سنع بالرغم انه موجود في اماكن ثانية بارخص من كيذا بشكل عام
سواء ماركه ولا غيره والتخفيضات في اماكن اكثر من فانكوفر
وحتى اللغة اذا تبي تطبق اللغه صح ابعد
فانكوفر ماراح تحصل الا شرق اسيا حتى الي يبيعون مايعرفون يتكلمون كلمتين على بعضها
لان الاغلب جاي يتعلم انجليزي وجاي يتشتغل فايطبق للغته على ظهرك
انصحك بالتوجه للقرى راح تحصل اللغة الصحيحة وتستفيد خذ نصيحه مجرب
لي في فانكوفر مايقارب السنتين لو ماعشت في قرية في البداية صدقني ماستفدت حرف واحد
لاني من جيت فانكوفر انعدمت لغتي وابشرك صرت اقول سانكيو بدال ثانكيو

والله يوفقك

يعطيك العافيه اخوي

بس خلاص اوراقي جااااهزه بس ناقصني امر اركاااب وأتوكل على الله

والي سمعته عن فانكوفر غير كلامك مرررره

والله توني راجع منها ... صار برد الحين ... خذ لك ملابس دافيه .. بس مو مره مره

عادي لاتخاف ولاشي ولا تجيب اغراض زحمه معاك ... كل شي موجود هناك والبلد سهله وامينه

يعطيك العافيه يالغالي وماقصرت

المشاركة الأصلية كتبت بواسطة riyadh..boy
http://www.arabtravelersforum.com/tr...0/#post2435885

يعطيك العافيه اخوي

بس خلاص اوراقي جااااهزه بس ناقصني امر اركاااب وأتوكل على الله

والي سمعته عن فانكوفر غير كلامك مرررره




مدام الي سمعته غير تجي بأذن الله وتجرب بنفسك وتذكر الاقتباس هذا

بالتوفيق عزيزي

خذ الملابس من الرياض وهذي نصيحتي ارخص واحسن
لا تقرب تشتري من كندا غلاء على غير سنع
واذا رحت هناك راح تعرف معنى اللي قلته لك

المشاركة الأصلية كتبت بواسطة زامورانو
http://www.arabtravelersforum.com/tr...0/#post2438325

خذ الملابس من الرياض وهذي نصيحتي ارخص واحسن
لا تقرب تشتري من كندا غلاء على غير سنع
واذا رحت هناك راح تعرف معنى اللي قلته لك



والله اخوي انا اختلف معاك مادري ليش تقول غالية
الحمدلله الحكومه مو مقصره معاك راتب واخر حلاوة
والبضاعة الي هينا افضل من السعودية بمراحل ؟؟؟؟

اخوي صاحب الموضوع اذا تبي تشتري ملابس صح وزينه تعال هينا واشتر والاسباب واضحة

اول شيء كل شيء هينا اصلي حتى لو كان صيني الصيني الي عندنا غير الي في السعودية !!
ثانياً البضاعه الي هينا تنفع للبرد الي راح تشوفه يعني جاكيتات السعودية ماتمشي هينا لاتدفي ولا شيء
قطعت قماش الا اذا تبي تجيب فروة :109:

تحياتي لكم