مرحبا اخوي
انا في نفس المدينة
وبصراحه المعهد الي اتبيه ili مره سيء تبع فله وبس وعلى فكره انه ما يدخل جامعه يقولن انهم يدخلون جامعه بس ماادري عشان فيه اكثر من واحد اعرفه درس في نفس الماعهد ولا دخله وبصراحه اخوي جاء في الصيف وسجبته هناك عشانه معهد مهب اكادمي ولا شي يعني يعلمونك الغه محادثه بس ما يهتمون في اشياء ثانية
وبالنسبه لمعاهد ثانية فيه عندم الي إيس كوست الي هو يدخلك الدالهاوزي او عندي التسل الي انا ادرس فيه ويدخلك السانت ماري وفيه معهد ثالث الي هو سي ال ال سي وبصارحه انا ما ادري عنه بس يقون عنه انه تبع وساعت صدري
وإذا محتاج اي معلومات ثانيه انا في الخدمه
اخوي تحت السؤال نضام المعهد التابع للجامعه مايوفر لك القبول ولا يفيدك فيه الا في الانجليزي مايحتاج تختبر توفل اذا تخرجت من معهد الجامعه زي المعهد التابع لل Ubc انا ادرس فيه حاليا المعهد يعتبر افضل معهد في فانكوفر لانه تابع لاعرق جامعه في فانكوفر وتعتبر ثاني افضل جامعه في كندا ان شاءالله اكون افدتك واي سؤال انا جاهز اما بالنسبه لنسبتك وكم الجامعه تطلب انا غير متأكد منها لكن الubc اصعب قبول من الجامعات الاخرى
omar998
تحملني شوي .......... يعني حتى لو درست في المعهد التابع للجامعه و كملت جميع كورسات الانجليزي بنجاح
مايقبلوني ادخل الجامعه؟؟؟؟ عشان نسبتي........ هذا قصدك
بالله ابي امل لو بنسبه بسيطه الان فيه جامعات تقبلني بنسبتي؟؟
لو اني بدخل مجال الهندسه ( من زين النسبه وهندسه ) ايش المجالات المسموح فيها للهندسه بس الميكانيكا و الكهرباء
فقط؟ مافيه معماريه؟
فيه بنات سعوديات مسموح لهم يدرسون هندسه معماريه؟؟
بليز ابيك ترد على كل اسئلتي .....
عزيزي mo0oj:
انا عشت في هاليفاكس لمدة سنة وعشت في ادمنتون 6 شهور. ومريت على كثير من اجزاء كندا وامريكا كمان.
اولا من ناحية المساحه ادمنتون اكبر بكثير.
من ناحية الوناسه هنا يجي الكلام، راح تستغرب كثيرا اذا قلت لك اني على الرغم اني في ادمنتون الا اني اشتاق وبشده الا هاليفاكس لاسباب كثيره. لكن تعتمد بشكل كبير على سبب الزياره اذا كان لغه وسياحه اذا لا تغير عن ولاية برتش كلومبيا ومدنها الخلابه (فكتوريا، فانكوفر،بانف،جاسبر، والائحة تطوووول) او اذا انك تحب التاريخ والحضاره عندك مونتريال وكيبيك وترونتو واتوا.. الخ لكن انا هنا اتكلم عن المعيشه طويلة الامد (سنة فما فوق) هنا انت تنظر لاشياء اخرى وماتهمك السياحة بشكل اساسي (انا يهمني الأيجار، الجامعات ومستواها،سهولة القبول، طبيعة الشعب والسكان واهم من هذا كله طبيعة الجاليه العربيه هناك هل هم متواجدين بكثره او لا وبالنسبه لي هل فيه سعودين كثر او لا؟، هل مدينة طلاب يعني الطلاب يشكلون فيها اغلبيه او لا؟؟) كل هذي اسأله مهمه.
خلاصة القول: موضوع المعهد لا تقرب Ill ,CLLC لانهم من اسؤ المعاهد مقارنة بالبقيه. افضل شئ
http://www.ecslcanada.com/ وفيه واحد ثاني اسمه التيسل تبع جامعة السانت ماري بس تراه صعب يعني يشددون في الدرجات بحكم انه تبع الجامعه.
هاليفاكس مدينه متوسطه (450 الف نسمه) فيها جميع الخدمات،، اذا تقارنها مع ادمنتون من ناحية الامان تعتبر جنة.. اهلها من الطف الناس الي قابلتهم الا الآن وتقارنهم بادمنتون مافيه مجال للمقارنه.
الايجارات ارخص بكثير من ادمنتون: انا اول مثال على ذلك كنت محصل شقه (غرفتين نوم وصاله وحمامين ومطبخ وبلوكونه+موقف سياره مدفء+مصعد والماء والتدفئه عليهم ،، والتشطيب خمس نجووووم وفي افخم منطقه في هاليفاكس الي هي (بدفورد) كل هذا ب (900 دولار كندي شهريا) .
في ادمنتون على الوايت افنيو (منطقه مخيسه )غرفة نوم+صاله+مصبخ+حمام، لايوجد مصعد وفي الدور الثالث ولا فيها مروحة شفط الله يكرمك والتشطيب نجمتين بالكثير (850 دولار شهريا) اتوقع انه لامجال للمقارنه.
الجاليه العربيه (السعوديون بالاخص) انا ادري ان اهل ادمنتون بيزعلون علي لكن والله ان الشباب السعوديين في هاليفاكس افضل 100 مره من ادمنتون ولا يوجد مجال للمقارنه نهائيا ،، تقولي انا ما احتاج احد وراح اعتمد على نفسي 100% اقولك انا اول واحد قالها وعجزت خصوصا في الدراسه راح تحتاج احد يشرح لك الي مافهمته يساعدك في الواجبات يعلمك من افضل دكتور يدرس الماده ... الخ وهنا الشباب في هاليفاكس والله انهم شقرديه واهل جود وكرم ما حصلت مثلهم الا الآن.
السبب في نظري ان اغلب السعوديين الي في ادمنتون هم من مبتعثين سابك واغلبيتهم صغار سن بعضهم لم يبلغ ال 18 حتى،، تخرجوا من الثانويه وجاؤ رأسا الى هنا. وانا لا اقصد الاساءه الى احد لكن لاتتوقع من شخص 17 سنه انه يفزع لك، وفي بعض الاحيان تكون معلوماتك افضل منه.
الطقس: الطقس في كندا عموما بارد جدااااااااااااا يعني في الشتاء خصوصا يناير توقع انها تصل الى -25 الى -39 درجة مئويه ،، طبعا هذا اشد شئ ما قد سمعت انها قد تعدت كذا ،،
ارجع مره ثانيه واقولك اذا تقارن هاليفاكس بادمنتون لا يوجد مجال وانا كفيلك في هذي .
هاليفاكس ابرد شئ توصل -39 وفي فتره قصيره جدا بينما اغلب الشتاء المعدل -8 الى -10 .
ادمنتون من اسبوعين واصله -28 والشتاء مابعد دخل حتى الان.
السيارات في ادمنتون مزوده بكيبل كهرب في الكبوت، اول ماوصلت في الصيف استغربت وما وجدت احد يفسر لي وش وظيفة السلك لكن لما جاء الشتاء اكتشفت ان برد ادمنتون يجمد زيت المحرك وتحتاج السياره الى نصف ساعه تحميه في الصباح :115:
يامال العافيه اخوي jadal فعلا كفيت ووفيت ......
وفعلا بعد بحث وتحري (عن طريق الانترنت ) وبفضل معلوماتكم القيمة :24:
اكشتفت ان هاليفاكس بالنسبة لي افضل وجهه للشخص الباحث عن دراسة اكاديمية.......................(وانشاالله قربيا في هاليفاكس) :8888:
وفي الختام احب اشكر جميع الاعضاء اللي شاركوا في الموضوع سواء بمعلومة او تعليق ..........
تحياتي................
مرحبا اخوي
معهد الـ VCC هو تابع لي (Vancouver Community College)
اذا كان هذا صحيح بصراحه ممتاز
لانه انا لما كنت في فانكوفر قالوا لي انه افضل معهد بسبب انه تابع للكلية
وان تدريسهم ممتاز وجادين مو مثل بعض المعاهد الاخرى
وعلى ما سمعت انه جادين في عملية الغياب وهذا من مصلحة الطالب
اما بالنسبة لمعهد VEC انا ما درست فيه لكن رحت لهم
وبصراحه المبنى حقهم فخم وكبير وكل الخدمات متوفره للطلاب
وفيه ميزه ان الفصل الواحد ما يكون فيه اكثر من 10 طلاب
انا كان لي اصدقاء يدرسون في هذا المعهد وكانوا يمدحونه من ناحية التدريس والمدرسين
واتمنى اني قدرت افيدك
والسلام ختام
السلام عليكم ورحمة الله وبركاته
صباح / مساء ..... الخير على الجميع
اخوكم مبتعث الى كندا
لدي بعض الاستفسارات واتمنى الاجابة عليها لتمام الفائدة لي وللجميع:
1- ماهو افضل وارخص مكتب لاحضار القبولات من الجامعات الكندية ب (جدة)؟
2- ماهي افضل الجامعات في بكالوريوس الهندسة تخصص هندسة صناعية او انتاج وتكون دراسة الجامعة ليست معقدة ؟؟
3- هل هناك موقع معين يمكننا معرفة مستوى الجامعات في قسم الهندسة ؟؟
4- ماهي افضل المدن التي تجمع بين الدراسة والسياحة وقلة تكلفة المعيشة ؟
5- ماهي الجامعات التي ينصح بمعاهدها وماهي الجامعات التي لاينصح بمعاهدها ؟
6- هل يلزم اجتياز اختبار التوفل بدرجة 550 للدخول الى الجامعات او يمكن باجتياز مستويات معينة في احد المعاهد والدخول في الجامعه ؟
7- ماهي الجامعات والمدن التي سوف ترفض الذهاب اليها اذا اتاك قبول من الوزارة؟
8- ماهي المدينة و الجامعه التي قدمت للقبول فيها (لبكالوريوس او ماجستير الهندسة)؟
9- ماهي انطباعاتكم عن دراسة الهندسة في كندا وماهو مستوى دراسة الهندسة بكندا بين انحاء العالم ؟؟
هذه استفساراتي وجزى الله خيرا من قام بالرد عليها جمعا او على بعضها .
تحياتي للجميع
هلا فيك اخوي
بجاوب على اسئلتك بالارقام
1- يقولون مكتب العطاس
2- اخوي انت بتدرس في كندا يعني الجامعات كلها 100% لانها تحت اشراف الحكومة
3- لا اعلم
4- هذه انقزها. مافيه شي اسمه دراسة وسياحة وقلة معيشة . فيه دراسة وسياحة وغلا ( فانكوفرو تورنتو ومونتريال
وفيه رخيصة زي ساينت جونز وهاليفاكس بس مملة
5- اهم شي لاتدخل الا معهد تابع لجامعة وماعليك كلها تمام.
6- اذا كان المعهد تابع لجامعة مو لازم اختبار التوفل بس تتجاوز مستزى معين وتبدأ الدراسة
المشاركة الأصلية كتبت بواسطة wooden
http://www.arabtravelersforum.com/tr...7/#post1792137
هلا فيك اخوي
بجاوب على اسئلتك بالارقام
1- يقولون مكتب العطاس
2- اخوي انت بتدرس في كندا يعني الجامعات كلها 100% لانها تحت اشراف الحكومة
3- لا اعلم
4- هذه انقزها. مافيه شي اسمه دراسة وسياحة وقلة معيشة . فيه دراسة وسياحة وغلا ( فانكوفرو تورنتو ومونتريال
وفيه رخيصة زي ساينت جونز وهاليفاكس بس مملة
5- اهم شي لاتدخل الا معهد تابع لجامعة وماعليك كلها تمام.
6- اذا كان المعهد تابع لجامعة مو لازم اختبار التوفل بس تتجاوز مستزى معين وتبدأ الدراسة
يعطيك العافية اخوي
اخر ماتوصلت اليه انه افضل المدن السياحية والدراسية هيا يااما فانكوفر او تورنتو
طيب وش هي الجامعات القوية في الهندسة في تورنتو وفانكوفر
تحياتي لك
الله يسلمكم ويعافيكم
حمدالله على السلامه
حبيت اسالك اجراءات المطار .. هل كان فيه تفتيش على الاب توب و السيديهات و الهارد ديسك ؟؟؟
ايش كان مسار الرحله و على اي خطوط ؟ و كم ساعه اخذت و كم ساعه قعدت ترانزيت ؟
والله مافي لا تفتيش ولا شي كله كلام في كلام أنا يوم وصلت مطار لندن هيثرو كان في وحده تفتش وكان الأب توب في شنطه صغيره حملتها معي داخل الطائره وسألتها لازم أطلعه قلت نوووو بس حطيتها في السير وشلت الجاكيت والجزمه أكرمكم الله وبس لايفتشو هارد ديسك و لا شي بالنسبه للسديات مادري صراحه لأنه كان معي سيديات أصليه تبع الجهاز بس حطيتها في الشحن وماحد فتشها
بالنسبه للرحله كانت الخطوط السعوديه ثم الكنديه وكان مساره الرياض لندن فانكوفر من الرياض لندن يمكن 7 ساعات ومن لندن إلى فانكوفر يمكن 8 ساعات وبالنسبه للإنتظار في مطار لندن يمكن 6 ساعات
الحمد لله على السلامه
بس كم كلفتك الرحله ؟ وعلى اي مدينه وقفت " الترانزيت "
وفي سعودييين كثار ولا لا؟
شكرا
بالنسبه للتكلفه كلفتني تقريبا 47000 ريال سعودي مع التذاكر وسكن العائله ووجبتين يومياً بدون المواصلات ولا المصاريف الشخصيه بالنسبه للترانزيت لندن وبالنسبه للطلاب السعوديين إلى ألحين يمكن حصلت 6 طلاب في المعاهد إلى أنا فيه إلي هو فانكوفر إنقلش سنتر
الف الف الحمدلله على السلامة
اخوي انا الصيف الماضي رحت TORONTO والوضع كان واندرفل wonderful ورحت لمده 8 اسابيع وكلفتني قرابه 30 الف ريال طيب ....انا رايح مره ثانية بس ابغى اعرف هل فانكوفر افضل ...وكم كلفتك ولمده كم
تقبل تحياتي يالغالي
اخوك
كندي التقى بالممثل Paul Adelstein في تورونتو
هلا أخوي صديق الهمس بالنسبه لتورنتو والله مارحتها عشان كذا ماقدر أقولك هي أفضل ولا فانكوفر بالنسبه للتكلفه كتبتها فوق (كندي التقى بالممثل Paul Adelstein في تورونتو)مافهمت قصدك
على العموم مشكورين ألف شكر وأي أسئله ثانية حاضرين
بـــــــــاي
الله يسلمك أخوي أبو وليد
والله الأجواء على كيفيك في الصباح يعني شوي برد يعني يبغالك كوت ولا جكيت بس وفي الظهر الجو حلو يعني برد خفيف نوعا ما بس في أخر الليل توصل الحراره -2 بس في هذا الوقت إنت في البيت والبيت مره دافي يعني ومو يزي عندنا في الرياض برد يعني برد والله إنه يدخل في العظم تعرف وش أكثر شي يبرد فيك وجهك بس مايبرد إلى الوجه وتقول الحرمه إن الجو راح يبرد وينزل ثلج ومطر مدري عنها بس لما أصحى الصبح أحصل الماء جامد في الشارع وكذالك الزرع يصير لونه أبيض على خضار
بالنسبه للعائله والله الحمد لله تمام الظاهر إنهم كوريين أو يبانيين أكلهم تمام والحرمه عارفه إني مسلم وماكل لحم خنزير بس في مشكله أو ماهي مشكله والله مدري إنه في ناس ساكنين عند نفس العائله كل واحد في غرفه بس والله إنهم هاديين وطيبين بالنسبه للغرفه كل واحد معاه دولاب ومكتبه صغيره وإنترنت وأدراج وسرير وتلفزين فيه يمكن 100قناه
وأي سوال ثاني حاضر
اولاً: الحمد لله على السلامة
ثانياً: عندي بعض الأسئلة أتمنى منك الإجابة عليها
1/ كيف تعرفت على المعهد اللي تدرس فيه حالياً وكيف سجلت فيه ، هل عن طريق مكتب أم عبر الإنترنت وإذا كان عن طريق مكتب فهل هو في الرياض وهل له فرع في جدة ؟
2/ بالنسبة عن انطباعك عن المعهد هل هو جيد ؟ وكيف تعاملهم مع الطلبة ؟
3/ انت ذكرت في البداية بأن تكلفة الرحلة 47000 ريال ولكن لم تذكر المدة فكم هي المدة بالتحديد ؟
4/ هل كان في استخراجها الفيزا بالنسبه لك أية صعوبات ؟
5/ مارأيك في مدينة فانكوفر بشكل عام هل هي مدينة جميلة ، وهل هي مناسبة للدراسة ، وهل هناك عرب كثر فيها ؟
هذا ويعطيك العافية ومشكور على تجاوبك مع اعضاء المنتدى ومشاركتهم موضوعك ورحلتك .
وألف شكر يالغالي ، والله يوفقك . ويستر عليك .
الحمد لله على سلامتك اخوي جنرال .......
عندي سؤال قسم بالله طلعلي الشيب في راسي كل واحد يعطيك جواب غير عن الثاني
سؤالي هو بالنسبة لوزن العفش اذا كنت حاجز على الخطوط السعودية الى هيثرو وبعدين على الكندية يعني مثل حالتك ........
السعودية الوزن المسموح هو 32 كيلو الكندية 23 كيلو
الحين في حالتي وش الوزن المسموح لي هل هو 32 ولا 23
سلام ....
الله يسلمك ويطول عمرك
بالنسبه للوزن والله وأنا أرتب الشناط وزنتها في البيت وخليتها شنطتين كل شنطه 20 كيلو وشنطه صغيره داخل الطائره ولم أواجه أي مشاكل مع الشناط بس والله مادري هل هو 32 أو 23 , ياخي خلها شنطتين كل شنطه 23كيلو وشنطه معاك داخل الطائره وريح نفسك بالنسبه لمطار هيثرو شفت ناس معاهم شناط وأكياس ماحد قالهم شي... وعذرني على القصور..
مشكور وماقصرت بس حبيت استفسر
لو كانت المده 3 شهور كم تتوقع تكلف ؟
مشكور ويعطيك العافيه
والله تقريبا النص يمكن 24000 والله أعلم ,إتصل على المكتب إللي حطيت رقمه فوق وإسأله كم تكلف
مشكور ياخوي
وماقصرت على إجاباتك الشافية
ويعطيك ألف عافية
بس كان عندي سؤال ونسيت أسألك إياه في البداية :
وهو بالنسبة للمبلغ اللي ذكرته هل دفته بالكامل مقدما
أم أن هناك إمكانية الدفع بالتقسيط ، وهل دفعته قبل السفر
وانت مازلت في الرياض .
وشكراً لك وسامحنا ياخوي غلبناك معانا
والله يعينك ويجزاك بالخير
لا مافي تعب ولا شي
بالنسبه للمبلغ أنا قمت بدفعه كامل في الرياض بس تقدر تدفعه في كندا بالتقصيد كل إسبوع مثلا والأفضل إنك تسأل المكتب عشان تتأكد..
هلا يالغالي
حبيت اسألك عن أكاديمية جيوس للغات
هل فيها طلاب عرب واسيويين كثيرين
وكم تكلفة السكن مع العائله تقريباً في الشهر
وش رايك في شرق فانكوفر هل هي بعيده عن الداون تاون
واسمحلي على الإطاله جعل عمرك يطوووول
تقبل ودي
هلا أخوي
والله الأكادميه ماعرف عنها شي أسف
لاكن العائله تكلف على النحو التالي:-
- رسوم المعهد الخاصه بإيجاد السكن : 150 دولار كندي.
- تكلفة السكن للغرفة الواحدة :25 دولار كندي (وجبتان)، 27 دورار كندي (3) وجبات
يمكن تراجع موقع المعهد عشان تعرف أكثر رح قوقل وأكتب Vancouver English Center وراح تحصل الموقع
بالنسبه لشرق فانكوفر والله مادري وين باضبط حدد لي عشان أقولك بعيد ولا لا لأن فانكوفر كبيره
إن شاء الله وفيت وأي سوال ثاني في الخدمه
هلا أخوي me11 إنشاء الله نتلاقى
الله يسلمك أخوي meedo_23 بالنسبه للسكن والله مادري بس أنا ساكن جنوب شرق الداون تاون شارع فكتوريا درايف ومكان حلو ماهو بعيد عن السكاي ترين يعني يمكن محطتين لين أوصل الداون تاون بجانب المعهد إلى أدرس فيه بالنسبه للسكاي ترين هل هو محصور في الداون تاون لا السكي ترين يمشي من جنوب شرق فانكوفر إلى شمال غرب فانكوفر إلي هو الداون تاون وهاذي صوره تبين موقع محطات السكاي ترين علامة القطار هي المحطات والخط الأسود الغامق هو السكه
إنشاء الله وفيت
هلا بكـ اخوي الجنرال ..
ماقصرت اخوي وجزاك الله خير على خدمتكـ ..
بصراحة اللي مثلكم قليلة كلمة الشكر بحقهم ،، واقصدك انت ومشرفنا BeeBoo وغيركم من الأعضاء اللي يقدمون خدماتهم ..
عـالعموم ان شاء الله راح اكون بـفانكوفر في نهاية شهر فبراير ،، وانا مسجل في معهد VCC ..
وهذي استفساراتي :
انا خايف اني ابتلش اذا جيت اروح للمعهد ،، هل هناك اكثر من سكة حديد بوسط فانكوفر ،، لأني اخاف يكون سكن العائلة بعيد عن محطة القطار ..؟؟
انا سمعت انه بوسط المعهد لازم ألبس بدلة رسمية ،، يعني مو جنز و تي شيرت عادي ،، ولكن بدلة رسمية مثل اللي يلبسونها رؤساء الدول مثلاً
هلا أخوي عبودي تشلساوي ويعطيك العافيه ولا شكر على واجب
بالنسبه للداون تاون يوجد خمس محطات للسكاي ترين ومعهدك لازم تنزل في محطه الإستيدوم
Stadium Skytrain وبعد ماتنزل من القطار وتطلع من المحطه تمشي على طول تحصل المعهد على يدك اليمين الصوره التاليه توضح المقصود:-
بالنسبه للبدله أول مره أسمع في حياتي هذا الكلام لاتصدق إللي يقولون أصلا أهل كندا نادرا ماتحصل أحد لابس بدله رسميه إلى في الموسسات والشركات كلهم بنطلونات جنز وجاكيتات.
المربع الأزرق معهدك الدائره السوداء المحطه
وهذي صوره ثانيه توضح أكثر:-
بالنسبه للمصاريف إعذرني والله مادري لأن مالي إلى سبعه أيام هنا يعني توني ماصرفت كثير بس إلى الأن صارف يمكن 200 دولار طبعا طلعت شريحه جوال والغداء برا ومواصلات وحلويات بس يمكن تصرف يمكن ها مو أكيد من 350_550في الشهر والله أعلم
إنشاء الله أكون وفيت واي سوال ثاني حـــــــــــــــاضر,,,
هلا أختي صاحبة السمو
والله المعهد جيد لا كن تعرفين إنك في كندا يعني يمكن تشوفين كل واحد معاه قيرل فريند وكل واحد وطبيعته لما يكون معاه قيرل فريند
وبصراحه ياختي ماشفت ولا وحده سعوديه أو مسلمه في المعهد ولا في فانكوفر أصلاً
فالذلك إعذريني على الإجابه الغير واضحه
لأني غير متأكد من كون البلاد الأجنبيه مناسبه لأخواتنا المسلمات والسعوديات وكذالك شفت بعض الإخوان مسوين قصات لشعرهم كأنهم مو عرب حتى التصرفات إختلفت وأنا أعتقد إنها عادات غير جيده
وعذروني على صراحتي وإعذريني أختي صاحبه السمو
على هذه الإجابه الغير واضحه
شكراً,,,
انا انصحك في كلية pgic
http://www.pacificgateway.net/
درست فيها جدا قويه ..
أشكرك أخوي wooden على طرح هذا الموضوع الأ أن عندي تحفظ في دراسة اللغة في هاليفاكس والسبب هو أن هاليفاكس مليانة عرب وبالذات سعوددين وأيضاً عدد المعاهد في هاليفاكس قليل وهذا يعني أن أعدد الطلبة السعوديين تكون كبيرة في كل معهد
أنا أكلمك عن نفسي أنا قبولي في جامعة دالهاوزي وعزمت أني أدرس في معهد جامعة ساينت ماري أو أيست كوست ولكن بعد مشاورة أهل الخبرة واهل هاليفاكس ما أحد نصحني أني أدرس اللغة في هاليفاكس وسبحان الله بعد الاستشارة والأستخارة صرفت النظر عنها والحمد لله على قضاه
The General H
لا هنت يالغالي ولكن يالحبيب إجابتك عن غرب فانكوفر ما كانت واضحه
ياليت تسأل أحد أو العائله هل غرب فانكوفر (العقارات البريطاينه )
قريب من الداون تاون أو بعيد..؟؟وهل المحطات قريبه وكم محطه لازم أعبرها من غرب فانكوفر إلى الدوان تاون (محطه محطتين)..!
تكفى تكفى لا تنساني
بيض الله وجهك بنتعبك يالحبيب والمعذره يالغلا
تقبل ود أخوك
جراند ماركيز
اخوي فكتوريا ماقد رحت لها لكن على ماسمعت انها مدينة صغيرة وزينة بس فيها عدد من الاسيويين
هذا اللي اعرفه عنها
لكن فيها المعهد اللي في جامعة فكتوريا يمدحونه
اخوي مودرن
صحيح انا معاك انه عدد الطلاب العرب زايد شوي ( مع العلم اني يوم درست كانوا 2 عرب في فصلي و7 كوريين
لكن ميزة هاليفاكس انه غالبية سكانها من اصول اسكتلندية
انا كنت اطلع من المدرسة على البيت واسولف مع جيراننا الى غروب الشمي وارجع اذاكر ( الشباب اللي معي العرب كانوا كل يوم طلعات ووناسة تقول انهم في الرياض حتى المطعم اللي يروحون له يتكلمون بالعربي مع العامل
الله يوفق الجميع
هلا فيك اخوي الجنرال ..
أولاً // انا حجزي مثل حجزك عن طريق الخطوط السعودية وبعدها عـالكندية ،، وحبيت استفسر هل الخطوط الكندية سيئة مررررة ،، او عادية ،، لأني قريت كم مرة انها سيئة مرة وبدا يجيني الخوف منها .؟؟
ثانياً // كم معدل صرفك اليومي ؟؟ طبعاً ما اقصد الأشياء اللي تشتريها مرة وحدة بس مثلا شريحة الاتصالات او مثلاً تشتري جهاز من عندهم ،، بس اقصد الصرف اليومي الطبيعي ؟؟
هلا أخوي سنيورا والله للأسف مادري بس إلي أعرفه إنك تروح السفاره الكنديه وتقولهم أنا فيزتي طالب أبغى تجديد ويجددوهاوإعذرني على الإجابه
هلا عبودي تشلساوي بالنسبه للخطوط والله ممتازه ماهي تعبانه زي مايقولون
أما بالنسبه للصرف إذا كان معاك غداء من العائله من الهوم الستي قصدي وإذا ماتبغى تشرب كوفي ولا ببسي يمكن ماتصرف ولا هلله بس إذا تبغى كوفي وحلويات وببسي يمكن تصرف 6دولار وإذا ماعندك غداء من الهوم ستي يمكن تأخذلك وجبه من ماكدونالد ب5.50 دولار
فاهم علي إنشاء الله وإذا مافهمت خبرني بس
المفضلات