[center]مع الصورهـ أعيش أحلآم وهي بالخاتمة , تصوير ..[ كـندآ 2008]
وأعزي قلبي المحروم , من خل ٍ تمناني
[size="3"][color="Gray"][font="Tahoma"]
السلام عليكم ..
صباح / مساء الخير ..
شخباركم عساكم طيبين ..
هذا تقريري عن رحلتي الى كندا صيف 2008
وان شاء الله اكون خفيف عليكم وتستمتعون معي بهالرحله مثل ما استمتعت بها ..
هذي خريطه توضح كندا بشكل عام عشان تآخذون نظره عامه ..
كانت الرحله بشكل سريع يوم وصلنا مونتريال ريحنا اول ليله وبعدين بدت مسيره الرحله الى القرى واتجهنا الا الشمال بمقاطعه كيوبك .. وبعدين اتجهنا الى مقاطعه اوتاوا ورحنا لشلالات نياقرا وجلسنا فيها ليلتين وبعدين شطفنا ترونتو ورجعنا الى مونتريال
وان شاء الله بدايه كل حلقه اكتب مخطط الرحله لنفس اليوم وباسم القرى والمدن ..
طبعا هالرحله كانت صدفه يعني مدري وشلون
كانت الجامعه كارفتني كرف موب صاحي يالله اتهنى بيومي ما يبقى منه شئ ..
فقلت لبوي قبل ما تبدأ الاختبارات هالصيف هذا بحلله مالي دخل بسافر برا ولا دبر لي صرفه .. قالي طيب وش رايك تخاويني في عندي مؤتمر بكندا بعد شهرين .. قلت قدام احجزلي معك
الحمدلله حجزنا بالخطوط السعوديه وكانت مده رحلتنا تقريبا اسبوع ونص .. وقدمنا على الفيزا الكنديه عن طريق مكتب فيفا ..
ويوم مرت 17 يوم تقريبا ويطلع جواز ابوي .. وانا وين جوازي .. وراح لهم الوالد يستلم جوازه وسألهم عن الجواز حقي وقالو للحين ما وصلنا شئ .. وابوي راسل السفاره يقولون الا حنا مرسلينه للمكتب .. قام وارسلهم مره ثانيه وحط خطين تحت اسمي ابوي يحاسبهم يقصدون جوازه ووقتها انا كنت بمزرعتنا انا واخوياي بعيد عن الرياض وانا احسابهم رفضو الفيزا وتوقعت ان ابوي قاعد يسلك لي عشان ما تخرب الاخلاق
بس يوم رجعت وانا على اعصابي دق عليهم نفس الكلام وانا ضايق صدري اقول ما تأخرو الا ان فيه بلا لاننا مقدمينهم مع بعض قلت شكلهم رفضو الفيزا
بس من بكرا بعد ما رجعت البيت الفجر قلت منب نايم لاين ما نكلمهم ويوم جت الساعه 8 واتصلنا عليهم وقالو ان الجواز صارو مرسلينه السفاره بالغلط لشركه Aramex قلت عطنا رقم الشحن وهو بأي فرع بس ,,
ما امداني اسكر السماعه الا وانا ماسك الدائري ودوسان ورحت لهم ويوم عطاني الظرف واطلع واشوف اشوا الحمدلله الفيزا مقبوله ..مواضيع عشوائيه ممكن تكون تعجبك اخترناها لك:
- سؤال عن افضل خطوط طيران لفانكوفر؟؟
- سؤال بخصوص عدد مرات الدخول والخروج من كندا إلى أمريكا
- مع الصورهـ أعيش أحلآم وهي بالخاتمة تصوير كنـــدا ٢٠٠٨
- افاااااااا يا كندا افااااااااا
- معلومات شاملة عن كندا دراسة
- مشكله في تعبئة النموذج
- مواعيد الدراسه بكندا
- موضوع شحن سيارة على كندا
- بخصوص شركات الجوال في كندا
- ثلاثون يوما ً في فانكوفير
- دراسة اللغه في كندا
- مواقـــــــع قد تهمك عن فانكوفــــــــــــــــــر الكنديــــة
- افضل خطوط طيران الى فانكوفر
- لازم ارجع السعودية عشان تجديد الفيزا ولا لا
- استفسار هام جداً جداً
- أستفسار بخصوص السفاره الكنديه
- يومين وماشي لأوتوادعواتكم ونصايحكم
- عاجل عاجل عاجل لاهل كندا بسررررررررررررررعه
- لمن لدية الخبرة فى موضوعى ارجو ان لا يبخل علية وانا فى ماليزيا
- أين وكيف طريقة التسجيل في نادي رياضي بكندا
المفضلات