[center]مع الصورهـ أعيش أحلآم وهي بالخاتمة , تصوير ..[ كـندآ 2008]
وأعزي قلبي المحروم , من خل ٍ تمناني
[size="3"][color="Gray"][font="Tahoma"]
السلام عليكم ..
صباح / مساء الخير ..
شخباركم عساكم طيبين ..
هذا تقريري عن رحلتي الى كندا صيف 2008
وان شاء الله اكون خفيف عليكم وتستمتعون معي بهالرحله مثل ما استمتعت بها ..
هذي خريطه توضح كندا بشكل عام عشان تآخذون نظره عامه ..
كانت الرحله بشكل سريع يوم وصلنا مونتريال ريحنا اول ليله وبعدين بدت مسيره الرحله الى القرى واتجهنا الا الشمال بمقاطعه كيوبك .. وبعدين اتجهنا الى مقاطعه اوتاوا ورحنا لشلالات نياقرا وجلسنا فيها ليلتين وبعدين شطفنا ترونتو ورجعنا الى مونتريال
وان شاء الله بدايه كل حلقه اكتب مخطط الرحله لنفس اليوم وباسم القرى والمدن ..
طبعا هالرحله كانت صدفه يعني مدري وشلون
كانت الجامعه كارفتني كرف موب صاحي يالله اتهنى بيومي ما يبقى منه شئ ..
فقلت لبوي قبل ما تبدأ الاختبارات هالصيف هذا بحلله مالي دخل بسافر برا ولا دبر لي صرفه .. قالي طيب وش رايك تخاويني في عندي مؤتمر بكندا بعد شهرين .. قلت قدام احجزلي معك
الحمدلله حجزنا بالخطوط السعوديه وكانت مده رحلتنا تقريبا اسبوع ونص .. وقدمنا على الفيزا الكنديه عن طريق مكتب فيفا ..
ويوم مرت 17 يوم تقريبا ويطلع جواز ابوي .. وانا وين جوازي .. وراح لهم الوالد يستلم جوازه وسألهم عن الجواز حقي وقالو للحين ما وصلنا شئ .. وابوي راسل السفاره يقولون الا حنا مرسلينه للمكتب .. قام وارسلهم مره ثانيه وحط خطين تحت اسمي ابوي يحاسبهم يقصدون جوازه ووقتها انا كنت بمزرعتنا انا واخوياي بعيد عن الرياض وانا احسابهم رفضو الفيزا وتوقعت ان ابوي قاعد يسلك لي عشان ما تخرب الاخلاق
بس يوم رجعت وانا على اعصابي دق عليهم نفس الكلام وانا ضايق صدري اقول ما تأخرو الا ان فيه بلا لاننا مقدمينهم مع بعض قلت شكلهم رفضو الفيزا
بس من بكرا بعد ما رجعت البيت الفجر قلت منب نايم لاين ما نكلمهم ويوم جت الساعه 8 واتصلنا عليهم وقالو ان الجواز صارو مرسلينه السفاره بالغلط لشركه Aramex قلت عطنا رقم الشحن وهو بأي فرع بس ,,
ما امداني اسكر السماعه الا وانا ماسك الدائري ودوسان ورحت لهم ويوم عطاني الظرف واطلع واشوف اشوا الحمدلله الفيزا مقبوله ..مواضيع عشوائيه ممكن تكون تعجبك اخترناها لك:
- الى الطلاب اللي درسو في كندا ومازالو يدرسون يتفضلون
- ورقة السماح
- يا شعب المنتدى
- مونتريال وتورنتو او فانكوفر ساعدوني رجاء
- ياشباب اللي عنده معلومات عن كندا يتفضل هنا؟
- ممكن الدخول والمساعدة
- ترانزيت الرياضلندنتورنتو
- استفسار عن الطيران الداخلي في كندا ؟؟
- ساعدوني حصلت القبول مزال التأشيرة
- الاربعاء راح اكون في فانكوفر
- العـــــــــــــــيـــــــــــد
- بعثه مجلس ابوظبي التعليمي للطلاب المتفوقين
- السفاره الكندية في الاردن او الرياض؟؟
- مقابلة السفارة الكندية من الألف إلي الياء
- الكاميرات في فانكوفر
- فزعتكم يالنشاما وانتم يالمشرفين
- هل صحيح مطار هيثرو لا يسمح الا بشنطه واحده؟؟
- إستفسار عن تذاكر السفر
- معلومات عن مدينة
- اخواني الي عنده معهد كويس في فانكوفر للدراسة الانجليزي يدخل
المفضلات