الموضوع: رحلة شبابيةوينكم يا أهل الخبرة

السلام عليكم

أسعد الله أوقاتكم بكل خير وعافية


أخواني أبسألكم إحنا 4 شباب إن شاء الله الذهاب يوم 19 أكتوبر والرجعة يوم 29 أكتوبر


بالله اللي قد سافروا وعلى حسب خبرتهم هناك


كم بتكلف تقريبا السفرية كاملة

علما إن الرحلة سوف تكون أول يوم في جاكرتا وبدها 4 أيام الجبل و3 أيام بالي وبعدها آخر يومين في جاكرتا

وأقصد من التكلفة قيمة السكن والأكل والمواصلات ؟؟ ووش أحسن نصرف الفلوس إلا دولار وإلا روبية ؟


وكيف نظام السكن في جاكرتا وفي الجبل وفي بالي ؟ هل هي فنادق أو فلل ووش الأحسن بما إن عددنا 4 ونبي المكان الواسع

وما أدري نحجز السكن من هنا وإلا لما نروح هناك عشان نشوف على الطبيعة أحسن ؟

لأن فيه ناس يقولون هالأيام هناك زحمة وما يمديكم تلقون سكن إلا بالقوة


الله يجزاكم خير أدري طولت عليكم لكن ما أستغني عن خبرتكم


تحيآتي

مواضيع عشوائيه ممكن تكون تعجبك اخترناها لك:

• احببت منكم المشوره والنصح في موضوع
• من مسافر مبتدأ الى كل خبير في اسرار العمه
• ابي اعرف مناطق بالي ضيعت
• ارجو المساعدة عاجلا لافضل العروض
• حاليا في جاكرتا
• للخبراء فقط
• رحلة اندويسيا ارجوو المساعدة
• دلوني على فنادق رخيصه في بالي
• السفر للعمه جروب عائلة امل مساعدتكم
• النجده قبل عن ادهي بنفسي
• أول سفرة إلى إندونيسيا أرجو المساعدة
• مكاتب الامانات
• اربع شباب رايحين الى اندونيسيا بس ما نعرف شيئ
• ياشباب الفزززززعه رحلتنا بعد يومين
• رحلتي في ابريل ،،، جدولي واستفسارات صغيرونه
• استفسارات لرحله عائلية
• خبراء جزيرة بالي
• ترتيب لـ شهر عسل
• تم الحجز وآريد منكم برنامج مناسب حبايب
• ما هي أفضل الجزر في اندنوسيا فزعتكم بليز

اهنن فيك ياشيخ
وربي كل الاسئله الي براسي انت كتبتها انا بعد رايح في بدايه نوفممبر واربعه اشخاص بعد يعني لاخلا ولاعدم ممنكم صح كل شي ممكتوب بالتقارير بس فيه اشياء مااحس انكم تدققون فيها يعني مثلا الحجز مره واحد ينصحك تحجز من هنا من بوكينق ومره واحد يقول لا من مكتب كاها وحتي لو بغيت احجز من بوكينق دخلت فيه وفحطت فيه واااجد ما فيه تقرير طريقه الحجز من بوكينق ادري بعد انا طولت بس لاني حسيت انك متوهق ممثلي ههههه ولا هنت ياشباب ولبا قلوبكمم ننتظركم يااهل الخبره

هلابكم اخواني الكرام
الميزانيه مختلفه يا غالي من شخص لا خر بحسب مقدرته الماليه الافضل هو وضع حد الميزانيه الممكنه من قبلكم سوا انت اخوي توف لوف او سحر اندونيسيا والاخوان يردون عليكم اذا بتوفي معكم ولا بتقصر
كمثال انتم رحلتكم حسب سوالك 10 ايام بيوم ذهاب وعوده يعني يومين اخصم منها الباقي 8 ايام
الراي الاول قبل الميزانيه عشان ترتاحون تشيلون بالي من الرحله بالي تحتاج علي اقل تقدير رحله من 13 يوم او حولها واكثر لان فيها سفر داخلي مدته ساعتين الا ربع طيران رايح جاي ومعها انتظار في مطار وشيك اوت وشيك ان


هذا رايي الا اذا ملزم علي بالي شي ثاني يمكن ترتيبه بس بيكون متعب لكم برايي المتواضع الافضل تقضون الرحله بجاكرتا وما حولها افضل للرحله من كثر السفر بالاخص توكم واصلين من سفر مدته 9 ساعات بدون الانتظار في مطار واجراءات انها سفر شنط جوازات فيزا الخ

اذا قررت شيل بالي من الحسبه علي اربعه اشخاص احسب حسابك كالاتي :
100 دولار مجموع الفيزا لاربعه اشخاص كل شخص ب 25 دولار + 600 الف روبيه مجموع ضريبه مغادره لاربعه اشخاص بمعدل 150 الف روبيه للشخص
خل نقول 200 دولار خلها علي جنب

*الاساسيات للرحله سكن ووسيله نقل
السكن مختلف في جاكرتا الافضل تسكنون بشقق مفروشه مثلا شقتين بنظام غرفتين نوم بكل شقه او شقه بثلاث غرف وفيها شرير اضافي
سعر الشقق متفاوت فيها ابو 85 دولار مثل السون وهي سيئه وفيه الغالي يصل ل 200دولار للشقه بغرفتين وفيه متوسط بين 120 و160 دولار للشقه بغرفتين او 3 غرف

وفيه طريقه اخري تاخذون فندق غرفتين بسرير مزدوج يكفي اربعه اشخاص بغرفتين
او اذا ميزانيتكم راهيه كل واحد بغرفه مثلا
زي ما اجبتك اولا الميزانيه تحدد الاجابه الصح والافضل بحسب رغبه السائل وليس العكس

اذا عرفت عدد ايام رحلتك ورتبت الايام كم يوم تقعد بجاكرتا تضرب عدد الايام بقيمه السكن المتوقعه
وفي بونشاك كمثال اذا كانت خيار رحلتكم الثاني للتوجه لها السكن هنا مختلف ايضا فيه فلل غاليه وفلل رخيصه لاربعه اشخاص السكن عاده يكون بحدود 60 الي 120 دولار معقول بحسب موقع الفيلا وكمالياتها
سوا فيلا خاصه او منتجع
وعشان تكون بالسيف مود وتحسب حسبه مضمونه تحط ميزانيه سكن لكل يوم مثلا 150 دولار للبونشاك ومازاد ان وجدت سكن مناسب بسعر اقل خير وبركه

النقل في جاكرتا الافضل هو تكسي اذا مشاوريكم قليله بيوفر عليكم اذا تبون توفير
واذا تبون ترتاحون طق سياره بسواقها بين 45 الي 55 دولار لليوم

ومثلها للبونشاك السياره ضروريه فيه اذا بتوفر في البونشاك ممكن اليوم اللي بترتاح فيه تاخذ دبابات بماشوير قريبه وتخل يالسواق يروح بهل يوم - لكن تنتبه ان لقيت سواق كويس ان تركته ممكن ثاني يوم ما تلقاه ولا يجيك لانه بيدور زبون اخر حط هالامر ببالك
وعليه لو بغيت ترتاح علي الاخر اضرب عدد الايام ب 50 دولار مثلا للتنقل بسياره خاصه معك من اول لاخر الرحله

كذا تعرف كم ميزانيتك بالظبط المتوقعه والباقي يكون نثريات لاكل وشرب ومزارات سياحيه

وراح اعطيك معدل مناسب بالريال لرحله مريحه لاربعه شباب
يوميه 850 ريال واقل هذي ميزانيه مظغوطه ومتعبه تحتاج الي بحث عن اقل سعر وتوفير قدر ممكن وحظ احيانا بايجاد سن مناسب
ميزانيه 1000 ريال لليوم لاربعه اشخاص ميزانيه جيده ومناسبه جدا
ميزانيه 1200 ريال لليوم ميزانيه راهيه باذن الله

نجي لاهم سوال طرحتوه السكن
السكن ببونشاك مافيه افضل واسوا فيه ابحث بنفسك لانه اغلب السكن فيه عباره عن فلل شخصيه او منتجعات ريفيه لا تقدم خدمه حجز من النت يعني باقرب لكم كنك طالع للثمامه او للهدا تدور سكن بالفلل او الاستراحات تدور وتدور الل ييعجبك وتشوفه بعينك او انك تدور بتقارير الاعضاء وتشوف فللهم وغالبا يحطون ارقام حجزها من حارس مثلا تدق تسئل عن السعر وفاضيه ولالا قبل سفرك لها بيوم مثلا

السكن بجاكرتا الشقق عليها ظغط الاسبوع الفائت بسبب كثره السياح بعد بدايه العام الدراسي لان كثير من الناس يبحث عن هذا الوقت بعد بدايه العام الدراسي ليبتعد عن زحمه الحجوزات العائليه والطيران فيه
لكن الزحمه اقل من الصيف اكيد
اذا تبي شي مضمون الافضل تحجز من النت من بوكينق او اقودا ليله ومعك فيزا تجرب موقع السكن ناسبك ادخل النت وسو حجز بقيه الايام وانت وحظك لانه ممكن ما تلقي حجز بيوم ثاني يكون الحجز ممتلء وعليه لازم تعتمد علي تقارير الاعضاء ونصائحهم عن السكن والشقق
هذي طريقه او الاخري اذا كانت ميزانيتك راهيه زي ماقلنا تتجه لكاها اول ما توصل ان وجدت سكنك الل يتبيه شي حلو لان كاها يعطي خصم جيد غالبا بجاكرتا لكن المشكله ان الوحدات اللي يحجزها بكل موقع مو كثير
وان ما وجدت من كاها ستجد من الموقع نفسه غالبا او ممكن تمشي يومك بالسكن بموقعاخر او فندق بغرفه نوم مزدوجه
يعني الحلول موجده وجاكرتا مدينه الفنادق بس السعر والميزانيه هي الفيصل والحكم
اتمني تكون الصوره متضحه الان لكم واي سوال حاضرين للغالين

كفيبت ووفيت يالغلا ويعطيك الف الف عافيه الله لايحرممنا من نصائحك الذهبيه

ما قصرت أخوي



ومن ناحية الفلوس نصرفها بالروبية وإلا بالدولار ؟؟

الصرف الان جيد هنا هذا العام والروبيه سعرها ينزل له اسبوع تقريبا اذا وجدت صرف جيد مثلا الان الصرف هناك تقريبا للريال = 2390 روبيه تزيد وتنقص قليلا
ممكن تلقي هنا صرف ب 2330 وحولها الفارق جيد وبسيط ممكن تصرف ربع المبلغ روبيه عشان تريح دماغك لاول الايام لين تتعود علي عملتهم
* عب الروبيه ان صرفتها حتي لو صرفها جيد هنا ان ورقها واجد كل مئه دولار مثلا = 8 اوراق فئه 100 الف روبيه وزياده فراطه يعني الورق بيصير واجد معك

وعليه الافضل تصرف بس مبلغ بسيط حق اول كم يوم ان وجدت صرف جيد هنا والباقي وزعه بين ريال ودولار
مثلا نص الميزانيه حولها دولار فئه مئه دولار ويكون جديد الاصدار من 2009 مثلا واعلي
والنص الثاني خذه معك فئه خمس ميه ريال

هناك تصرف الافضل مثلا جاكرتا وما حولها بونشاك مثلا الصرف للريال الان بيكون افضل من الدولار كقيمه تصرف الريال اذا وجدته افضل سعر - وبالي مثلا الدولار افضل من الريال تصرف الدولار ببالي ان وجدته افضل قيمه من الريال لان الريال مايصرف واجد ببالي + بالي سعر الصرف فيها عاده اقل من جاكرتا عاده وغالبا

لاتشيل هم هذا السوال الان الفوارق بسيطه غير مجديه كثير اذا رحلتك ايام معدوده بالسفره كلها ستجد فارق بسيط بين ريال او دولار علي متوسط الرحله كامل
الاهم كما نبهتك فئه خمس ميه ريال وفئه مئه دولار جديده وحاول انك ما تصفط الاوراق للصرف لان بعض الصرافين يعطيك سعر اقل بريالين الي خمسه ريال بعملتهم لو كانت الورقه مسفوطه ومعفطه مثلا كنوع من طرق الكسب الير مشروع لهم وانت مظطر تصرف فماراح يهمك هلفارق البسيط
ومهم تاخذ معك دولار ك 300 دولار مثلا ان قررت تاخذ ريالات فقط هذي لزوم الفيزا والتامين لبعض الفنادق تطلب عمله دولار و عشان ماتخسر عمله تحويل من ريال لدولار ثم روبيه - الفارق ايضا بيكون ضئيل لو صرفتها واكثر لو رجعت بمبلغ مالي بدولار وحبيت ترجع تصرفه هنا لريال هذا ان قررت ان لا تحول لدولار

ياسلام عليك يابو خالد ..
ابدعت وكفيت ووفيت ..
مازلت اشعر بأني تلميذ حين أقرأ اجاباتك الرائعه مثل روعة وجودك بيننا ..
الله لا يحرمنا طلتك الحلوه ..

اخوي jaka


تراني استفدت من ردك الييييييييييين تقول بس ..

احبك يا شيخ ..

المشاركة الأصلية كتبت بواسطة إبراهيم الفهد
http://www.arabtravelersforum.com/tr...4/#post6195754

اخوي jaka


تراني استفدت من ردك الييييييييييين تقول بس ..

احبك يا شيخ ..:d



وفيه احد مايحب ابو خالد !!
الله عليك يابو خليل ..
ابو خالد لما يجي يطل يفيد الكل ..
الله يسعده بالدنيا والآخره ..

احبكم الله وحبب خلقكم فيه وما انا الا عود بطرف حزمه اخواني الكرام وهذا بعض مما عند الاخوان لا غير وصدقوني ردودي وجهودي ما تجي نقطه في بحرهم الله لايضرهم ولهم الشكر وجزيل الامتنان

الله يبيض وجيهكم ما قصرتوا

وجزاكم الله الف خير

اخوي انا الان اكتب من اندونيسيا وحنا اربع شباب...

اذا بتسوي مثلنا..اول ماوصلنا المطار اخذنا سياره ب500 الف روبيه وعلى الجبل....وجلسنا نهجول ندور سكن لين قفلت معنا...وسكنا بمجمع اسمه كوتابونقا....ثلاث غرف ب700 الف روبيه ...هذا اول يوم ۔
الايام اللي بعدها سكنا بفلل شكرو طبعا هي مجمع وانصحك فيه اذا كنتم شباب كل شي حولك وكله شباب سعوديين..۔
وكل شي تحتاجه موجود....احنا اخذنا فله 4 غرف كبييييره ...ب800 الف روبيه..جلست فيها 5ايام.وفلتنا رقمها 22 اذا تبغاها موقعها رهيب۔
عاد اذا تبغا تنسق في وحده اسمها عيشه كلمها وحاول تحجز من الان عشان لاتتهجول مثلنا رقمها 081386264975

وبعدين حجزنا على بالي بكج فندق وتذاكر وسواق لمدة ثلاث ليالي واربع ايام ب330 دولار للشخص...حجزنا من مكتب بافقيه اللي بالجبل ...بس قندقهم اسمه هاريس توبانا ماعجبني...وبالي حلوه..۔

اذا تبغا نصيحتي اذا حجزت فله في الجبل حاول تتفق مع سواق من الجبل يجيك للمطار وياخذك الجبل...عشان لاتتهجول...

طيب يالدحمي وكيف الحجز على البكج ؟ وش اللي عليهم ووش اللي عليكم ؟


ومن ناحية السواق كيف ألقى سواق باليوم كامل يعني ما يفارقنا إلى وقت النوم في الجبل ؟

وفي بالي هل يحتاج سواق خاص وإلا التاكسي أحسن ؟؟

وعندك أرقام فلل في الجبل ؟؟ عشان نحجز

المشاركة الأصلية كتبت بواسطة tof lof
http://www.arabtravelersforum.com/tr...2/#post6228002

طيب يالدحمي وكيف الحجز على البكج ؟ وش اللي عليهم ووش اللي عليكم ؟


ومن ناحية السواق كيف ألقى سواق باليوم كامل يعني ما يفارقنا إلى وقت النوم في الجبل ؟

وفي بالي هل يحتاج سواق خاص وإلا التاكسي أحسن ؟؟

وعندك أرقام فلل في الجبل ؟؟ عشان نحجز

اخوي توفي لوفي .۔
بالله انت تبي تروح بالي عشان تتهجول ؟؟
بكج يعني لو سكنوك في اسوء ماراح تقول لا !!
وهذا مااتفقنا عليه والخخخ !!
انا من الناس اللي انصح بالايتعاد عن هرجة البكج في بالي .۔
بالي مثل حروف الهجاء الف باء تاء ثاء .۔
سهل جدا تربت امور سفرك فيها .۔
السكن وبرامج السياحيه المختاره .۔
ولا تلتزم لا في بكج ولا يحزنون .۔
ما راح اقولك ان المسألة مسألة نصب !!
ولكن البكج طبطب وليس يطلع كويس !!
بالي ضروري جدا جدا يكون معاك سواق كل يوم .۔
حتى تقدر تسمتع بروعة وخيال بالي .۔
لا يوجد تكسي في بالي .۔
فقط سواق بالييوميه .۔
وانصحك بسواقي احسان .۔
وااذا كان مشغول اكيد راح يدبر لك سواق كويس يتكلم عربي زيه .۔

طيب أخوي عاشق الشلالات ؟


وش الفعاليات اللي في جاكرتا ؟ وفي الجبل ؟ وفي بالي ؟؟

حتى نتمكن من زيآرة أكثرها

المشاركة الأصلية كتبت بواسطة tof lof
http://www.arabtravelersforum.com/tr...8/#post6230068

طيب أخوي عاشق الشلالات ؟


وش الفعاليات اللي في جاكرتا ؟ وفي الجبل ؟ وفي بالي ؟؟

حتى نتمكن من زيآرة أكثرها

اخوي توفي لوفي .۔
جاكرتا .۔
مافيه شي عاديه عاصمه زيها زي غيرها من العواصم .۔
فيها حديقة موناس التاريخيه .۔
ومدينة وشاطئ انشول الترفهيه الرائعه .۔
واندونيسيا مصغره ( تمان ميني ) .۔ ( يوم كامل ) .۔
الجبل هناك عدة اماكن حلوه ورائعه وجميله .۔
مثل تمان سفاري (حديقة وشلالات سفاري ) .۔ (يوم كامل ) .۔
او تمان مطهري ( ركوب القوارب المطاطيه في الجبل ) .۔
او بحيرة الليدو .۔ والبراشوت .۔
ومطل مطعم رندو علم .۔
مصنع الشاي .۔ حديقة الزهور .۔
بالي .۔
جزيرة بالي جزيرة لن ولم تمل منها .۔
انا شرحت لك برنامجي .۔
وارجع اكتبه لك .۔
شوف جزيرة بالي سهل جداً ترتب فيها .۔
جدول كامل متكامل .۔
المهم انت وش تبي بالضبط من برامج .۔
طبيعه خلابه مغامرات شلالات الخخ .۔
وكل هذا يرجع للسواق .۔
انت ترتب معاه كل شي .۔
كل يوم مكان .۔
وكل يوم اكتشاف جديد في بالي .۔
اعطيك نبدة مختصره عن جلوسي في بالي .۔
سبعه ايام وسته ليالي .۔
اليوم الاول .۔ يوم الوصول واختيار السكن .۔
الثاني .۔ يوم كامل في الالعاب البحريه بشاطئ نوسا دوا .۔
الثالث .۔ منطقة انغلونغ الساحره ورحلة الرافتينغ ومزارع القهوه .۔
الرابع .۔ شاطئ دريم لاند .۔ يوم كامل .۔
الخامس .۔ يوم الطبيعه .۔ شلالات جتجت .۔ بحيرة البودقول وبراتان .۔
تاناه لوت .۔ بحيرة موندوك .۔ جاتي لوي .۔
السادس .۔ مدينة الروعه والخيال المدينه المائيه .۔ الوتر بوم في بالي .۔ يوم كامل .۔
السابع والاخير .۔ ايضاً بحيرة البوقول وبراتان ومزارع الفراوله وشلال موندوك ومنطقة باتشونغ ومنطقة مانغوي .۔
وهكذا انت ترتب بنفسك اللي تبغاه .۔
وكل هذا يعتمد ع السواق اللي معاك .۔
انا كان معي سواق ممتاز اسمه احسان .۔
انصحك فيه كثيراً .۔
اخوي اغلب المناطق اللي رحتها مصورها ومنزل لها مقاطع صوت وصوره حتى
تقدر تآخذ فكره اكبر واكثر .۔

طيب أخوي عآشق الشلالات الله يوفقك وما قصرت على المعلومات




والسكن في بالي بما إن إحنا 4 أشخاص هل نأخذ فيلا وإلا فندق وإلا شقة ؟

وش المناسب من ناحية السعر ومن ناحية الإتساع لنا

المشاركة الأصلية كتبت بواسطة tof lof
http://www.arabtravelersforum.com/tr...2/#post6228002

طيب يالدحمي وكيف الحجز على البكج ؟ وش اللي عليهم ووش اللي عليكم ؟


ومن ناحية السواق كيف ألقى سواق باليوم كامل يعني ما يفارقنا إلى وقت النوم في الجبل ؟

وفي بالي هل يحتاج سواق خاص وإلا التاكسي أحسن ؟؟

وعندك أرقام فلل في الجبل ؟؟ عشان نحجز



البكج يشمل تذاكر طيران رايح جاي ....ويشمل فندق مع الافطار....ويشمل سائق يوم كامل...فقط لاغير۔

وبالي تحتاج سواق خااص۔

ارقام فلل الجبل اللي اعرفها حقت فلل شكرو عايشه رقمها بالرد اللي فوق۔

وبالي ماحسيتها ذاك المكان الخطير...يعني اشوفها عاديه....شاطيء اسمه كوتا ....يسمونه اهل بالي ديرتي بيتش يعني الشاطيء القذر...وشاطيء نوسا دوا حق ألعاب بحريه..دبابات بحر...وبراشوت طريقته يسحبك مع قارب ...وقارب الموزه ..كمان يسحبك قارب سريع....انا مابلعتها ألعابهم.۔

اطلق مافي بالي التجديف بالنهر...ولاغيره ماعجبني......بالنسبه لشلالات قيت قيت مشوااار اربع ساعات مع الزحمه واخرتها شلال صغير اللي بالجبل اكبر واحلى منه۔

المشاركة الأصلية كتبت بواسطة de7my
http://www.arabtravelersforum.com/tr...2/#post6233362

البكج يشمل تذاكر طيران رايح جاي ....ويشمل فندق مع الافطار....ويشمل سائق يوم كامل...فقط لاغير۔

وبالي تحتاج سواق خااص۔

ارقام فلل الجبل اللي اعرفها حقت فلل شكرو عايشه رقمها بالرد اللي فوق۔

وبالي ماحسيتها ذاك المكان الخطير...يعني اشوفها عاديه....شاطيء اسمه كوتا ....يسمونه اهل بالي ديرتي بيتش يعني الشاطيء القذر...وشاطيء نوسا دوا حق ألعاب بحريه..دبابات بحر...وبراشوت طريقته يسحبك مع قارب ...وقارب الموزه ..كمان يسحبك قارب سريع....انا مابلعتها ألعابهم.۔

اطلق مافي بالي التجديف بالنهر...ولاغيره ماعجبني......بالنسبه لشلالات قيت قيت مشوااار اربع ساعات مع الزحمه واخرتها شلال صغير اللي بالجبل اكبر واحلى منه۔

اخوي دحمي اذا انت تشوف بالي عاديه ؟؟
اجل وش عجبك في الجبل ؟؟
جزيرة بالي درة من درر آسيا .۔
وكنز مكنون في اندونيسيا .۔
انت لم تعرف اسراره .۔
احلا مافي بالي الطبيعه الساحره والمذهله .۔
والتقاء البحر مع الطبيعه الخلابه .۔
وكل مافي بالي ممتع ورائع وجميل .۔
اروع مافي بالي الشلالات اللي تستمتع بالذهاب لها .۔
اذا تشيل هم روحة الشلالات .۔
إللي في بالي .۔
اعتبر انك اصلا مارحت بالي .۔
ولم ترى السحر الموجود فيها .۔
بالي اقولها للمره المليون ليست كوتا .۔
وكوتا ليس هو بالي .۔
جزيرة بالي لو تجلس فيها عشر ايام ماتكفي لاكتشاف روعتها .۔
وطبيعتها الربانيه الخلاقه والمذهله لابعد حدود .۔
اتحدى لو ذهبت لبحيرة براتان والبودقول !!
وشفت السحر الموجود فيها .۔
اتوقع اللي يحبون الجبل يحبونه لاشياء معينه !!
وليس للطبيعه الموجوده فيه .۔
لان طبيعة بالي احلا واجمل واروع .۔

مشكووورين ما قصرتوا

أنا كتبت موضوعي هذا أطلب اللإفادة فقط وأنتو ما قصرتوا مشرفين وأعضاء على عيني وعلى راسي


وأطلب من أحد المشرفين أو المشرفات إغلاق الموضوع

بحكم انني في بالي حاليا واول مرة اسافر لها .۔ فــ ٣ ايام ما تكفى للاستجمام واستكشاف جزيرة بالي
فيها اشياء روووووووووووووعه
انصحك ببالي .۔ لكن حط في بالك انها غاليه ..

مشكوور أخوي جمال ما قصرت

[QUOTE=jaka;6195714]الصرف الان جيد هنا هذا العام والروبيه سعرها ينزل له اسبوع تقريبا اذا وجدت صرف جيد مثلا الان الصرف هناك تقريبا للريال = 2390 روبيه تزيد وتنقص قليلا
ممكن تلقي هنا صرف ب 2330 وحولها الفارق جيد وبسيط ممكن تصرف ربع المبلغ روبيه عشان تريح دماغك لاول الايام لين تتعود علي عملتهم
* عب الروبيه ان صرفتها حتي لو صرفها جيد هنا ان ورقها واجد كل مئه دولار مثلا = 8 اوراق فئه 100 الف روبيه وزياده فراطه يعني الورق بيصير واجد معك

وعليه الافضل تصرف بس مبلغ بسيط حق اول كم يوم ان وجدت صرف جيد هنا والباقي وزعه بين ريال ودولار
مثلا نص الميزانيه حولها دولار فئه مئه دولار ويكون جديد الاصدار من 2009 مثلا واعلي
والنص الثاني خذه معك فئه خمس ميه ريال

هناك تصرف الافضل مثلا جاكرتا وما حولها بونشاك مثلا الصرف للريال الان بيكون افضل من الدولار كقيمه تصرف الريال اذا وجدته افضل سعر - وبالي مثلا الدولار افضل من الريال تصرف الدولار ببالي ان وجدته افضل قيمه من الريال لان الريال مايصرف واجد ببالي + بالي سعر الصرف فيها عاده اقل من جاكرتا عاده وغالبا

لاتشيل هم هذا السوال الان الفوارق بسيطه غير مجديه كثير اذا رحلتك ايام معدوده بالسفره كلها ستجد فارق بسيط بين ريال او دولار علي متوسط الرحله كامل
الاهم كما نبهتك فئه خمس ميه ريال وفئه مئه دولار جديده وحاول انك ما تصفط الاوراق للصرف لان بعض الصرافين يعطيك سعر اقل بريالين الي خمسه ريال بعملتهم لو كانت الورقه مسفوطه ومعفطه مثلا كنوع من طرق الكسب الير مشروع لهم وانت مظطر تصرف فماراح يهمك هلفارق البسيط
ومهم تاخذ معك دولار ك 300 دولار مثلا ان قررت تاخذ ريالات فقط هذي لزوم الفيزا والتامين لبعض الفنادق تطلب عمله دولار و عشان ماتخسر عمله تحويل من ريال لدولار ثم روبيه - الفارق ايضا بيكون ضئيل لو صرفتها واكثر لو رجعت بمبلغ مالي بدولار وحبيت ترجع تصرفه هنا لريال هذا ان قررت ان لا تحول لدولار


هل مر عليك دولار اصدر في 2009 ؟

والله تمرمطت مالقيته كل العالم يقولون مافي وآخر اصدار للدولار 2006