السلام عليكم ورحمة الله وبركاته
الحقيقة دايما أفكر وأنا أكتب مواضيعي هني في بوابة السفر إلى أبوظبي.. إن تقضية إجازة في أبوظبي ممكن تكون مكلفة. بس مثل ما ذكرت مرة فيhttp://www.arabtravelersforum.com/travel887681/.. في أنواع مختلفة من الناس اللي تحب تسافر والبعض منهم يحب أخذ الفرص للتوفير
ومن هالفكرة استوحيت موضوعي اليوم، هذا الموضوع يعطيكم اقتراحات لنشاطات بأسعار بسيطة أو مجانية في مدينتكم أبوظبي. سواء كنتو سايرين بميزانية منخفضة أو مارين علينا بترانزيت وحابين توفرون فلوسكم.. موضوعي هذا لكم
وحدة من الطرق اللي تعتبر اقتصادية في التنقل هي المشي على الأقدام ربي يعطينا العافية والصحة. وبما إنه كل رحلة نسيرها في الباص تكلف درهمين.. تقدرون تشترون تذاكر يومية أو شهرية من محطات الباص أو السوبرماركت.
زيارة جامع الشيخ زايد الكبير
مستحيل إنك ما تشوفه لو مريت من جسور مدينة أبوظبي، المسجد طبعا دخوله مجاني وممكن بعد تنضم للجولات المجانية اللي يقدمها المسجد.. المعلومات الوافية عن جامع الشيخ زايد الكبير http://www.arabtravelersforum.com/travel878437/
السوق الإيراني
مكانه قريب على المينا وعلى سوق السمك. تشوفون التجارعلى قوارب الداو ومعهم البضاعة الإيرانية يبيعونها مكان ما ينزلونها من قواربهم، يبيعون نباتات، أواني طبخ والكثير من أدوات المطبخ البلاستيكية والعادية، غلايات قهوة، فخار.
منتزه خليفة
هذا هو أكبر منتزه في أبوظبي، فيه نوافير وحدايق وقطار.. وحوض أسماك .. ينظمون فعاليات للأطفال بعد (أحيانا يكون لها تكلفة ) وفيه حاليا فعالية "القارات الست".. معلومات المهرجانhttps://abudhabievents.ae/ar/pages/s...inents.aspx%20
سوق السمك
تلاقونه عند المينا.. أنصحكم تزورونه الصبح بدري عشان تشوفون السمك أول ما يصطادونه ويحطونه للبيع وهو طازج من البحر.. طبعا هذا أحسن مكان لشراء السمك.. لو تدفعون زيادة شوي للي ينظفون السمك أكثر عشان يكون جاهز للطبخ.. حتى بآخر السوق تقدرون تطلبون انها تنطبخ في آخر السوق
ميناء الداو
وانتو طالعين من سوق السمك ومعكم السمك ساخن إن شاء الله تمرون على المينا وتشوفون تجمع القوارب اللي صادت السمك في السوق..
التسوق والأسواق
الحين لو أنت من اللي يقدرون يقاومون الشراء والتسوق.. المشي في مولات وأسواق أبوظبي والتعرف على البضائع اللي متوفرة وتستانس بمشاهدة المعروضات.. تقدر تشوف الأسواق التالية:
سوق الذهب: مكانه قريب من مدينة زايد للتسوق وشوف الأسواق الكبيرة للذهب
سوق الخضار والفواكه: على طريق المطار قريب على البريد
السوق الإيراني مذكور هني
وتقدرون تشوفون هذا الموضوع عن المولات: http://www.arabtravelersforum.com/travel878071/
سحر المساء في أبوظبي سره في الأضواء الحلوة لان المدينة ما تنام بدري. دور حول المدينة مشي أوhttp://www.arabtravelersforum.com/travel887817/على الكورنيش، شارع حمدان، شارع المطار، شارع اليكترا…
إن شاء الله استفدتو إخواني وأخواتي
وسنة سعيدة إن شاء الله
مواضيع عشوائيه ممكن تكون تعجبك اخترناها لك:
- فزعه ياجماعه
- خبراء فنادق دبي
- ما هي الاماكن السياحية في دبي
- اطلنطس في العيد
- أحتاج معلومات لرحلتي لدبي
- شعاع تكمل بيع كامل حصتها في روتانا للفنادق
- فنادق جميرا و حديقة الوايلد وادي احجز من منزلك واستمتع بالعروض
- الى زوار دبي الدائمون ساعدوني
- استفسار هام بخصوص عياده ابصار في دبي ارجو المساعده
- استفسار عن الرحلات الجوية
- اريد فندق في دبي مناسب
- انا عندي ترانزيت حوالي عشر ساعات في دبي وين أروح
- ارجوا الرد بسرعه قبل لايعيي ابونا
- ضروررييي لمن سبق اجراء حجز عن طريق امياله في السكاي وردز
- شقق عائليه في دبي
- فندق Le Meridien Fairway
- سياحة دبي تدشّن سادس فندق تراثي بدبي
- الرجاء من الاخوة الأفادة مشكورين
- شكر جزيل لأصحاب وأعضاء المنتدى على هذا الفندق
- غلاء التكاسي سيارة مع سائق في دبي
المفضلات