الموضوع: افيدوا اخوكم بيسافر لأول مره

السلام عليكم ورحمة الله وبركاته

اخواني الله لا يهينكم نبي تسااعدوني
انا حجزت انا وواحد من اخوياي في تاريخ 28 اكتوبر والعودة في 9 نوفمبر
على الخطوط الاماراتيه
وحنا اول مره نسافر لأندونيسيا ولا ندري وش نسوي ولا وين نروح
نبي نستفسر عن اول شيء الاموال ناخذ معنا كاش كل الفلوس او فيها مشكله
وهل تقبل هنا نسحب عن طريق الصراف من حسابنا البنكي هنا
ووين نروح اول ما نوصل نبقى في جاكرتا والا ننتقل للجبل ووش الاماكن اللي تنصحونا فيها نزورها
ووشلون نلقى السواقين والا ناخذ التكااسي
ومثل ما قلت احنا اول مره نسااافر .۔
ولازم نمر السفاره نسجل الجوازات او لا ؟


وفي الاخير اشكر القائمين والاعضاء في هذا الصرح الكبير

(اعذروني على الاسلوب اول مره اكتب موضوع )

ولكم كل الشكر

مواضيع عشوائيه ممكن تكون تعجبك اخترناها لك:

• ممكن فزعتكم يا شباب
• استفسارات متعدده حلا الدلوعه
• خبراء مكاتب الاستقدام باندونسيا ساعدوني وبسرعه
• رحلة الى اندونيسيا نود الافادة ؟؟
• هل تنصحوني باخذ سيارة طوال فترة اقامتي
• ابي فزعتكم في برنامج رحلتي واقتراحاتكم
• شقة ايجار بالشهر في إندونيسيا
• وين اسكن في باندونق ولا لمبانق؟؟
• اول مرة اسافر ومحتاج نصايحكم
• رحلتي في ابريل ،،، جدولي واستفسارات صغيرونه
• رايكم بالسفر بالطفل الرضيع مناسب والا تعب عليه وعلينا آآرآآئــكم لآآعدمنـــآكم
• مساعدة في جاكرتا
• مدينة باندونق
• ارجو المساعدة خلال الاسبوع هذا ضروري ابي ابني مسجد في اندونيسيا
• للي يعرف
• استفسار عن السفر و شهر عسل
• ساعدوني لاني بتزوج وبقضي شهر العسل للخبراء فقط
• عدة استفسارات مسافر جديد
• يا اهل الخبره تعالو شوي
• ارجوا الإجابة جزاكم الله خير

وعليكم السلام ورحمه الله وبركاته

مرحبا أخوي

ممكن تقسيم أيام رحلتكم بين جاكرتا والجبل وباندونق

او

جاكرتا وبالي والجبل

والأفضل أخذ كافة مبلغ الرحله كاش ووضع مبلغ احتياطي ببطاقة الصراف

وهذا رابط أرقام واسماء السائقين

http://www.arabtravelersforum.com/travel389407/

ومازال لديكم المتسع من الوقت لأخذ معلومات كافية ووافيه عن البلد

من خلال أطلاعكم على مواضيع وتقارير اعضائنا الكرام

بالنسبة للسفارة ممكن أخذ رقم فاكس السفارة وارسال لهم صوره من الجواز

دون الحاجه للذهاب لهم ويمكن ارسال الفاكس من الفندق الذي تسكنه او من أي مكتب

من مكاتب الجبل وتضع فيها كافة معلوماتك مثل رقم الجوال وأماكن السكن المراد السكن فيها

يعطيك العاافيه اخوي الكوكب

بس اذا كان المبلغ حول 15 الف ما يصير مشاكل في المطار او على الاقل زي ما اسمع من الاخوان ان الموظفين ياخذون (هديه)

ماعندك مشكله بالمبلغ إن شاء الله ستين الف وإذا قالك هديه اعطيه الطناش ولا كأنك تسمع شئ

يعطيك العاافيه اخوي الله لا يحرمنا منك

بس استفسار ثاني (اذا تسمح ) اخذ المبلغ بالريال سعودي واصرفه كله من المطار روبيات ؟؟

وحجز الشقه على ما فهمت من نصائح الاعضاء احجز من مكاتب كاها في المطر ؟؟

اعذرني ثقلت عليك

أخوي شوف موضوعي هذا

http://www.arabtravelersforum.com/travel634898/


انا امس بالليل وصلت بالسلامه الحمد لله


أنصحك نصيحه أخويه لا تروح بدون ما تقرا كل صغيره وكبيره عن اندنوسيا يعني لا تروح زي تقول بتعلم وبخارج

نفسي لا أنصحك أنك تقرا وتروح وأنت متعلم (زروووووووووووووولي)يعني ظروري


وبقولك شئ من اللي شفته باندنوسيا


أحجز الفندق من الحين والأفضل من بوكينق أنا حجزت في بالي من بوكينق أرخص من يوم تحجز من عندهم

التكاسي لا تاخذ الا حقين الشركات وأنت طالع من المطار على الفندق سياراتهم صغار

زي اليارس ولونها أزرق عليها شعار زي الحمامه

وخليه دايم يشغل العداد


خذ معك قاموس و خريطه مصغره حقت الطرق من النت


يالله سلام أنا مستعجل برجع لك

يعطيك العافيه ابراااهيم

ويالله انتظرك لا تطول

المشاركة الأصلية كتبت بواسطة hammadsaud18
http://www.arabtravelersforum.com/tr...2/#post6201812

يعطيك العاافيه اخوي الله لا يحرمنا منك

بس استفسار ثاني (اذا تسمح ) اخذ المبلغ بالريال سعودي واصرفه كله من المطار روبيات ؟؟

وحجز الشقه على ما فهمت من نصائح الاعضاء احجز من مكاتب كاها في المطر ؟؟

اعذرني ثقلت عليك



إذا النيه على جاكرتا والجبل وباندونق خذ الريال وحول من السعودية 4000 ريال إلى روبيات لزوم الايام الأولى

ولاتصرف كامل المبلغ عند وصولك أصرف بالمعقول لكل يومين ثلاثه ايام

إذا ماتبي تتوهق بحجز السكن أحجز من احد المواقع السياحية مثل بوكينق واقودا وهذه تحتاج إلى بطاقة فيزا

وبطاقة تسوق الراجحي ممتازه ومجربة

عدنا وأتمنى لكم سفره سعيده

الجبل بكل صراحه ما جيته لكن الشباب يقولون حلو لانه برامجه حلوه وومتعه


شوف كل شئ بيعدي سهالات وابسط من ما تتخيل

مو أنت لحالك رايح اندنوسيا بتلقى كثير سعودين وكثير منهم فاهم

_أول ما تنزل من الطياره بالسلامه لا تتقدم خلك أي واحد تحس أنه فاهم قدام ونفس الأجراءات سوها

-عديت من الاجراءات و(أبو هديه ) ابو هديه واحد مجمرك العالم كلها كان قدامي ياباني وجمركه هههههههه
الياباني قعد خمس دقايق وبعدين فهم اول مره يمر عليه البخشيش

-خذ شناطك بنفسك بيجونك يقطون وجيهم عليك أصفطهم بس بطريقة محترمه أول مره واللي يكثر لا تعطيه وجه

-بعد ما تاخذ شناطك وتروح جهة التكاسي بتلقى مكاتب الصرف أصرف فلوسك شوف سعر الصرف هنا وكاسرهم

وأعرف وش اللي لك وأش عليك تعلم عد فلوسهم من الحين صدقني بتنصدم أذا شفت الفلوس بيدك

أجع صارف 3000 الاف سعودي ب 6 مليون وعليها ولا في الأحلام

شوف أنا مشت معي الطريقه هذي مثلا ورقة الروبيه ال50000 تساوي بالسعودي تقريبا 22 حولها الدعوه تقريبيه

أحسن من انك تنخم خاصه انك بتوصل وأنت تعبان ولا بتجمع مثلي

شوف الحسبه البسيطه يا غالي اذا بغيت تعرف الروبيه كم تساوي بالريال مثلا ورقة ال50000 الف روبيه تشيل منها

3 اصفار تبقى 50 قسمها على اثنين طلع لك 25 أنت كذا قربة من سعر الصرف أحسن من أنك ما تعرف وأذا

أنت شاطر بالرياضيات أجل احسبها بطريقتك

بعدها يا طويل العمر

_خذ زي ما قلتلك السيارات الصغار حقت الشركات ولازم تكون حاجز لك فندق عشان ما تتعب التنقل

يوم وصلت فريت اكثر من فندق ما لقيت حجز وفي الاخير سكنت في حاره ما فيها ولا سعودي

روح مكتب سياحي ورتب لك حجوزات الفنادق على حسب أيام قعدت في كل ديره


-اذا وصلتوا بالسلامه وريحتوا بتلقون تكاسي عاديه والا خذوا الارقام من عند الشباب هنا وكلموهم

وأتفقوا معهم بالأسعار العاديه يوم كامل يسويلك برنامج يوريكم خيارات واجد المهم

يا الخوي العذر والسموحه أذا طولت عليك ولا تفكر واجد أنك بتتعطل والا بتتوهق خلك ماشي أوكيو وأذا لك

باللعب لا أحسبها الف مره

وبالتوفيق لك

يعطيك العافيه ابو خليل ما قصرت

انا والله جالس ادور الحين سكن في موقع بوكنق زي ما قال اخوي الكوكب لقيت اشياء حلوه بس المشكله انه ما معي بطاقة فيزا وقاعد الحين ادور مع الشباب اي واحد معه فيزا بحجز بيها
ملاحظه # فيه فندق تنصحني فيه في جاكرتا اريح فيه يومين
وشكرا لك

الدعوة بسيطة افتح حساب بالراجحي واطلب منهم بطاقة تسوق ورسومها 100 ريال بالعام الواحد

ومايناسبكم هي الشقق الفندقية بجاكرتا مثل استون مارينا واستون راسونا وبوري كازا بلانكا واريادوتا سمنقي

مرحبا اخوي
واسأل الله ان يسهل عليكم وتروحو ترجعو بسلامه
والله يالغالي ذكرتني بنفسي قبل لا اسافر وانا اسأل عن هذا وذاك وهذا احسن شيئ انك تسأل ولا تخلي شي في بالك الا وسألت عنه
وعلى فكره ترى البلد والله سهله جداً وشعبها طيب ومبتسم دائماً
وعن الهديه والله ماتعرضت لهذه الكلمه الا مره وحده فقط ومن اطفال يعني ماحد قالها لي لا في مطار ولا في غيره
وبنسبه لصرف المبلغ انصحك تخليه كل بريال السعودي وتحاول تصرف اقل شيئ 2000 ريال من بلدك قبل لاتطلع وترى والله مافي فرق مابين عندنا وعندهم يعني تقريباُ نفس السعر لأني اذكر صرفت من صراف العمودي اللي في البلد في جده وكان سعر الريال مقابل الروبيه = 2270 وعند وصولي هناك نقص السعر وصرفت بأقل من هذا السعر
نصائح عامه .۔ ومن اهمها ارجو الا تحط في مخيلتك بأن البلد رخيص وماتعمل حسابك في مبلغ معقول وبعدين تتوهق هناك لأن بصراحه البلد ليست رخيصه
حاول ان تكون تنقلاتك في جاكرتا كلها عن طريق تاكسي الطائر الأزرق ولا تطلع من المكان الا وانت عارف العنوان
عند شراء اي شيئ لابد من المفاصله لأنهم يبدون من فوق ومع المفاصله تأخذ الشيئ بأقل مما قال بكثير
حاول تحجز الفنادق من موقع اقودا الموقع رائع وارخص بكثير من مكاتبهم وحتى من الفنادق نفسها وفيه برنامج مكافأت
وفي الأخير اسف على الأطاله وارجو ان اكون ساهمت ولو بشيئ قليل
والله يفقكم وتسعدو برحلتكم

هيما2
يعطيك العافيه وانا اخوك
اي والله صادق لازم نسأل ونستفسر ونعرف البلد قبل لا نجيه مع ان باقي 28 يوم على الرحله بس قلت باخذها من الحين ومالنا الا الله ثم اخواني في العرب المسافرون وقلت بغثهم شوي بسألتي لين يجي وقت الرحله الا وانا عارف كل شيء وحافظه
بس يا اخوك المواقع ما تقبل الا فيزا وانا والله ما مامعي حتى قلت بحجزه عن طريق واحد من الشباب بس قالوا لازم تكون بإسم اللي بيسافرون عشان ما تصادفون مشاكل هناك

المشاركة الأصلية كتبت بواسطة hammadsaud18
http://www.arabtravelersforum.com/tr...2/#post6213242

هيما2
يعطيك العافيه وانا اخوك
اي والله صادق لازم نسأل ونستفسر ونعرف البلد قبل لا نجيه مع ان باقي 28 يوم على الرحله بس قلت باخذها من الحين ومالنا الا الله ثم اخواني في العرب المسافرون وقلت بغثهم شوي بسألتي لين يجي وقت الرحله الا وانا عارف كل شيء وحافظه
بس يا اخوك المواقع ما تقبل الا فيزا وانا والله ما مامعي حتى قلت بحجزه عن طريق واحد من الشباب بس قالوا لازم تكون بإسم اللي بيسافرون عشان ما تصادفون مشاكل هناك

ماعندك اى مشكله انا حاجز لكم واحد عن طريق الفيزا ولا صار معهم شى

ولا يطلبونها اذا وصلت ولو طلبها قله ضاعت !! اهم شى فى الموضوع اسمك ورقم جوازك مطابق للجواز
وهم بطريقتهم لو شكوا انك مستخدم بطاقه واحد ثانى بدون علمه راح يبلغوا بنك صاحب البطاقه وراح يدقوا على خويك ويسالوه وخويك راح يبلغهم ان العمليه صحيحه

ماراح يعقدوك ولا شى .. وش تتوقع يعنى يلغى الحجز ويقلك مافيه سكن لين تجيب البطاقه والمبلغ مخصوم ونازل فى حسابهم !

اول شئ تروحون وترجعون بالسلامه
سفركم علي طيران الامارات إختيار موفق وراح تستمتع بالسفر معهم
قبل وصولك للجوازات جهز الكرت +التذاكر ...بآخر رحله طلب
الموظف التذاكر عشان يتأكد كم المده اللي بأقضيها بجاكرتا
الجزء الآخر من الكرت إحتفظ به بالرجعه يحتاجوه عليه غرامه
إذا فقدته ...لاتدفع هديه لأي أحد إنت جاي بالنظام مالأحد عليك شئ ..۔
بطاقة الصراف خليها إحتياط لاتسحب منها إلا للضروره ..۔
صراف hsbc توجد به اللغه العربيه إذا ماتجيد اللغه الانجليزيه ..۔
بالنسبه للدفع بالفندق لك الاختيار مابين الدفع كاش أو بالفيزا ...

يعطيكم العااافيه من جد استفدت كثيرررر منكم
الله لا يحرمنا ان شاء الله منكم
خلاص انا قررت اخذ مبلغ 10000 كااش وبحول 5000 من هنا والباقي من هناك
وبحط الباقي في صراف بنك سامبا ان شاء الله