الموضوع: سفرتي كل يوم تقرب وقلبي ينبض

السلام عليكم ورحمة الله وبركاته

مســــــاء الخــــير

أحبتـي وأخوتـي وصحبتـي ,,

أعضـاء هذا المنتـدى الغالـي وروادهـ ,,

نجـوم هـذه البـوابـة , وروادهـــا ,,

بإذن المولى عز وجل سوف أســافر وأترك هذا البلد الطاهر الى كــنــدا بعد شهر تقريباً وقلبي ينبض من

الخوف فارجوا من الله الثبات وأن يحفظني الله من كل مكروه وأن يوفقني الله لما يحبه ويرضاه..

المهم ارجو منكم مساعدتي في بعض الامور وهي:

كيف اخراج الفيزه هل في مواعيد وتاخير ووو الخ...

من ناحية المعيشه والغلاء و الجــو كيف الاوضاع

أفضل مدينه في كندا وأفضل معهد لاني أبي أخذ اللغه ثم أكمل الدراسه الجامعيه بإذن الحي الذي لا يموت

أنا متخوف بالحييييل من ناحية التغتيش والتحقيق في مطار كندا و انا ملتزم ولله الحمد لكن مادري هل

الشئ عادي ولافي شئ الله يستر :110:

كم اسعار التذاكر وأفضل الخطوط لا صحاب الخبره

من ناحية اللغه والله أني ما أنام بالليل لاني بالانجليزي 10% فقط راح اخذ دوره بس قلبي يقرصن يالله رحمتك:110:


سمحوني راح أطول بالأسئله شوي استحملوني شوي ولكن الخوف ومايسوي لا اله الا الله

من ناحية الباصات وكيفيتها وكم الاسعار

أيضاً أول يوم عند العائله كيف راح أروح لمعهد وأنا تاج هاج في اللغه وكيف اتصرف

في الختام لا اقول الا الله يــجزاكم كل خير ولا يحرمكم الله الاجر

أسألكم بالله أن تدعـوا لـي , بالتوفيـق والسدّاد والثبات , والخيــر ..

فـي آمــــــــان الله ,,

مواضيع عشوائيه ممكن تكون تعجبك اخترناها لك:

• ابى مساعده بليزز
• معاهد اللغة
• من المطار إلى الهوم ستاي
• ارجو من اهل الخبره مساعدتي
• كم أسعار البلاك بيري و الأي فون في كندا ؟
• في مطار تورونتو
• موعدي كان يوليو واليوم ولا توجد أي أخبار
• المعـاانــااة وصـل لـ
• استفسار بسيط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
• معاناه مع السفاره الكنديه ارجوا المساعده
• نداء إلى خبراء تورونتو أرجو المساعدة
• ممكن عنوان خطوط الـ فانكوفر
• اخر سعر صرف الدولار الكندي
• مهم ياليت الكل يدخل بالذات الي رايح فانكوفر
• هل محلات الحلاقه في كندا تحلق الوجه ؟؟ ولا بس الشعر ؟؟؟
• عايز حد اعصابو رايقة استفسار عن كندا
• من أسبوع راجعه من تورنتو وإلي يبغي أي مساعده فاله طيب
• هل هناك قانون مثل حضور الطلاب مثل امريكا
• تورينتو
• محتاج آرائكم يا شباب

ادعو لك بالتوفيق اخوي والله يسهل امرك

الشي الاخر طبعا لازم تقدم للفيزه عن طريق مكتب ارامكس او الدي اتش ال

بعدين يااخوي لا تقلق كندا مريحه ولا تخاف بس يفضل بالليل ما تطلع كثير

اتاكل على ربب العباد وباذن الله بيسهل امرك

الشي الثاني ماعندي خلفيه عن اي مدينه سوا تورنتو

البلد مريحه كثير

بالتوفيق لك ولجميع الاخوه المسلمين

البلد امان وسهلا جدآ وانشاءالله امورك تمام

السلام عليكم أخوي أبو عبدالله .. أسأل الله بأن يوفق ويسهل درب جميع طالبي العلم , وقد قال الرسول صلى اللـه عليه وسلم : (( من سلك دربا يلتمس فيه علما , سهل الله له طريقا الى الجنة ))



كلام الأخوان صحيح كندا بلاد آمنة ويوجد فيها المسلمون والمساجد والشوراع والمحلات العربية وحتى نساء محتشمات باللبس الاسلامي (( العباءة الاسلامية ))


أخوي سوف أساعدك قليلا في فهم اللغة وكيفية دراستها من نصائح وتعليمات ومواقع ..
ولكن اذا أنت مستعد وعازم فأخبرني , والله يسهل لك دنيا وآخره

ملحوظة : ان شاء الله سوف أكون هناك بعد أقل من شهرين باذن الواحد الأحد

نيوزيلنــدا

حبيبـي..
هدي من نفسك ترا الوضع جدا طبيعي ومافي لا تفتيش ولا شي يعني لا تقلق نفسك ع الفاضي
مو انت اول واحد تجي هنا ولغتك مو جيده في ناس جوا ومايعرفوا شي ومشيوا
اما بالنسبه لتذاكر اشوف خطوط الاتحاد حلووه بس انت قبل سفرك خذلك جوله على المكاتب يمكن تلقى ارخص
والمعاهد في كثيررره بس بما انك راح تكمل جامعه فاانصحك بمعهد تابع للجامعه لان تدريسهم اكاديمي ويعودك ع جو الجامعه
اما المعيشه في تورنتو تقريبا تقريبا 7000 ريال كل شهر سكن مع عائله ودراسه

والله يسهلك ويوفقك

واتمنى من اخونا نيوزيلندا

يحط لنا تجربته مع اللغه

:101:

اخي العزيز
هدي اعصابك
وقبل كل شي اتوكل على الله
بالنسبة ليا انا ولا عمري رحت على كندا

بس بعض زميلاتي بيدرسوا هناك

ويقولو الشعب جدا طيب ومتعاون

انت اول ما تروح للعيلة

اعطيهم اوراق المعهد وهم راح يساعدوك

ونحن نستودعك الله

ونتمنى ترجعلنا بشهادة حلوة

ولا تنسانا من تقايرك

وتقبل فائق احترامي

اخوي الله يوفقك وتوصل بسلامة لا تخاف ابد ترى تمشي بسهاله ولما توصل تحس براحه هذا عادي كلنا مرينا بشي ذا قبل سفر وبعدين حتى لو كنت ملتزم وشي يعني لو تشوف اخواتنا كيف ماشين في داون تاون بحجاب كامل الله يوفقهم ان شاء الله ويكثر من امثالهم يعني توكل على الله

هلا بك اخوي ابو عابد وتوصل بالسلامة ان شاء الله

معاك اخوك راشد من كندا تورنتو اي سؤال تبيه اساله يالغلا ومانقصر ان شاء الله

شوف وناخوك تورنتو تعتبر اكثر مدينة في العالم من حيث تعدد الجنسيات وابشرك المساجد فيها واجد والمسلمين فيها واجد مابالغ ان قلت لك في كل شارع راح تشوف مسلم من العرب او غيرهم ان كانت ذو لحية فهنا مليون واحدة عنده لحية وياغريب خلك اديب ان كنت ماشي حالك مع نفسك ماحد راح يتعرض لك وحتى الشرطة وناخوك مستحيل يوقفك ويكلمك الا اذا سويت شي مخالف يعني لاتشيل هم ابد ابد ابد من ناحية الدين والعنصرية مافيه الا كل خير والله يعز الاسلام والمسلمين وقبل السفر بكم يوم يالغالي اكيد راح تحس بالضيقة وغيرها وكلنا مرينا بهالحالة وهي شي طبيعي لكن اضمن لك ان شاء الله والضامن الله انه مايمر شهر او اسبوعين الا وانت مستانس .

بالنسبة للاجابة على استفساراتك ليتك حطيتها على شكل نقاط وناخوك عشان تكون الاجابات واضحة بالنسبة لك ولو اني اشوف ان موضوعك مستعجل شوي لانك ماقدمت على الفيزه اساسا وماتدري يمكن يقبلونها او يرفضونها ههههههه .
ولاتنسى ان اوقات ممكن تطول الفيزة خاصتا انك تبيها فيزة ستيودنت انا اذكر يوم قدمت خذت علي ثلاث شهور وزميلي يوم قدم خذاها في شهر يعني انت وحظك . فانت بامكانك تتفق مع بعض المكاتب يجيب لك قبول معهد لمدة سنة مثلا ويطلع لك الفيزة وتعطيه مبلغ معين الف او الف وخمس ريال وتريح راسك .

ونا انصحك تروح تورنتو لانك بترتاح فيها ان شاء الله وابشرك العرب موجودين والمقاهي العربية متى ماحسيت بالضيقة بامكانك تفر عندهم وتضرب لك راس شيشة يامطوع هههههه

الله يجزاكم خير على الردود الطيبه

المشاركة الأصلية كتبت بواسطة rshoody
http://www.arabtravelersforum.com/tr...0/#post2799920

هلا بك اخوي ابو عابد وتوصل بالسلامة ان شاء الله

معاك اخوك راشد من كندا تورنتو اي سؤال تبيه اساله يالغلا ومانقصر ان شاء الله

شوف وناخوك تورنتو تعتبر اكثر مدينة في العالم من حيث تعدد الجنسيات وابشرك المساجد فيها واجد والمسلمين فيها واجد مابالغ ان قلت لك في كل شارع راح تشوف مسلم من العرب او غيرهم ان كانت ذو لحية فهنا مليون واحدة عنده لحية وياغريب خلك اديب ان كنت ماشي حالك مع نفسك ماحد راح يتعرض لك وحتى الشرطة وناخوك مستحيل يوقفك ويكلمك الا اذا سويت شي مخالف يعني لاتشيل هم ابد ابد ابد من ناحية الدين والعنصرية مافيه الا كل خير والله يعز الاسلام والمسلمين وقبل السفر بكم يوم يالغالي اكيد راح تحس بالضيقة وغيرها وكلنا مرينا بهالحالة وهي شي طبيعي لكن اضمن لك ان شاء الله والضامن الله انه مايمر شهر او اسبوعين الا وانت مستانس .

بالنسبة للاجابة على استفساراتك ليتك حطيتها على شكل نقاط وناخوك عشان تكون الاجابات واضحة بالنسبة لك ولو اني اشوف ان موضوعك مستعجل شوي لانك ماقدمت على الفيزه اساسا وماتدري يمكن يقبلونها او يرفضونها ههههههه .
ولاتنسى ان اوقات ممكن تطول الفيزة خاصتا انك تبيها فيزة ستيودنت انا اذكر يوم قدمت خذت علي ثلاث شهور وزميلي يوم قدم خذاها في شهر يعني انت وحظك . فانت بامكانك تتفق مع بعض المكاتب يجيب لك قبول معهد لمدة سنة مثلا ويطلع لك الفيزة وتعطيه مبلغ معين الف او الف وخمس ريال وتريح راسك .

ونا انصحك تروح تورنتو لانك بترتاح فيها ان شاء الله وابشرك العرب موجودين والمقاهي العربية متى ماحسيت بالضيقة بامكانك تفر عندهم وتضرب لك راس شيشة يامطوع هههههه

السلام عليكم ورحمة الله وبركاته

مســــــاء الخير يالغالي

وجابك الله

أخي الخوف زال بعض الشئ وهذا بفضل الله ثم بفضل كلامك الجميل والطيب

أستفساري عن الدراسه وهذا شوي مخوفني لان الدراسه عندهم قويه جداً

أنا محتار بين تخصصين الصيدله والمختبرات وأبيك أذا ما عليك كلافه تنصحن

وهل المجالين صعب الدراسه عندهم مثل الطب والهندسه عندهم صعب ولكن هل المجاليين هم

صعب بعد ولا لا من ناحية السفره أجلت لضروف وهذا أحسن لي أنا لكي أستفسر واسأل وووو الخ

المهم أنا أدري أني كثرت الهرج شوي ولكن سمحنا وأنا أيضا محتار بين دولتين كندا ونيوزلندا بالنسبه

للدراسه وصعوبتها فقط

نسأل الله عز وجل التوفيق والسداد

والله يجزاك كل خير ولا يحرمك ربي الاجر

بحفظ الله ورعايته.

وعليكم السلام ورحمة الله

وان شاء الله يزول الخوف كله يارجال لان مافيه شي يستاهل الخوف هو فقط توتر وقلق بيكون في اول الايام لان العادات متغيرة والغربة والاشتياق والحنين للوطن وبعدها بتتعود على الوضع وايزي .

بخصوص التخصصين اللي ذكرتها لي والله يالغالي ماعندي علم عنهم لكن شوف وناخوك أن خيرتني بين كندا ونيوزيلندا بقولك في مجال الطب اختار كندا ولا تشاور وطلاب الطب والصيدلة هنا ياكثرهم .
وبعدين يالغالي من ناحية التخصص لاتشيل هم ابد وناخوك أنت اساسا ان جيت هنا بتدرس لغة يعني يبيلك سنة حولها بهذي المدة الطويلة بأستطاعتك تسأل لحد ماتطفش عن التخصصين فلاتشيل همه لانه بدري التفكير بهذا الموضوع .

ونسيت اقولك بالنسبة للجو في كندا ان كنت من النوع اللي يكره البرد فهذي بتكون مشكلة لان تقريبا ثلاث ارباع السنة الجو عندهم بارد الصيف هنا ممكن اربع شهور او ثلاثة والباقي كله بارد وغير الاشهر اللي تنزل فيها الثلوج .

وبالتوفيق يالغلا واي استفسار حاضرين

اخوي رشودي انا عندي قبول جامعه بس ماعندي قبول معهد رايك اقدم على قبول الجامعه عشان اطلع الفيزا
مع العلم اني راح ادرس في معهد قبل الجامعه

هلا بك اخوي ذا لايت

شوف يالغالي لو تجيب قبول معهد افضل لك وحاول تخلي قبول المعهد لاطول فترة ممكنة وان قدرت تجيب قبول لمدة سنة او تسع شهور حلوو .
قبول الكلية اللي معك جايبه عشان البعثة انت؟ يعني مشروط او شنو

المشاركة الأصلية كتبت بواسطة أبو عبدالله 333
http://www.arabtravelersforum.com/tr...4/#post2771802

السلام عليكم ورحمة الله وبركاته

مساكم الله بالخير


أحبتـي وأخوتـي وصحبتـي ,,

أعضـاء هذا المنتـدى الغالـي وروادهـ ,,

نجـوم هـذه البـوابـة , وروادهـــا ,,

بإذن المولى عز وجل بعد شهر تقريباً وسوف أسافر الى كندا أول ثلاث أشهر تعليم لغه وبعدها الدراسه الجامعيه بإذن الله تعالى وأنا متخوف من هذه الرحله والسبب اللغه الانجليزيه يالله تستر:110:

وعندي بعض الاسئله وارجو منكم أن تستحملوني

أولاً الفيزه وما أدراك ما الفيزه كيفيت استخراجها وكم يأخذون وهل تتأخر وهل في تعقيد ووو الخ,,

أيضاً من ناحية كندا أفضل مدينه و أفضل معهد ترشحونه لي لاني ما أدري وش السالفه

و أفضل خطوط طيران وكم أسعار التذكره

ومناحية العائله كيف أتعامل معها وأنا ما أعرف الا هلو و قود مور نينق مع أني راح أخذ دوره بس خائف أنه ماتفيد يالله رحمتك:110:

ومن ناحية التفتيش والتحقيق في مطار كندا وأنا ولله الحمد ملتزم وخائف أروح فيها :110:

و بالنسبه للجو عندهم كيف الاوضاع

وأيضاً الباصات كيف أقص بطاقه كيف أروح الى المعهد من أول يوم ولا لا

وكيف احصل على قبول في المعهد والسكن مع العائله

واخيراً أسال المولى عز وجل أن يجزاكم كل خي أن لا يحرمكم الاجر

أسألكم بالله أن تدعـوا لـي , بالتوفيـق والسدّاد والثبات , والخيــر ..

فـي آمــــــــان الله ,,

على اي اساس يتسافر بعد شهر و انت ما تعرف المعهد اللي بتروحه و لا طلعت فيزا بعدك؟ ترا بتطول الفيزا

وعليكم السلام ....

أولاً الفيزه وما أدراك ما الفيزه كيفيت استخراجها وكم يأخذون وهل تتأخر وهل في تعقيد ووو الخ,,
انا الى اعرفه من الرياض وتقدم على فيزا للدراسه والى اعرفه مش اقل من اسبوعين فاكثر .

أيضاً من ناحية كندا أفضل مدينه و أفضل معهد ترشحونه لي لاني ما أدري وش السالفه

اكثر الناس تتكلم عن تورينتو وفانكوفر وتقدر تستفيد من واضيع الاعضاء ...

أفضل خطوط طيران وكم أسعار التذكره

عندك خطوط الخليج بعدين تبدل الطيران الكندي من اوربا ..
الامارات - الاتحاد - الاردنيه ( وانت قارن الافضل وعلى حسب المدينه المقصوده).

ومناحية العائله كيف أتعامل معها وأنا ما أعرف الا هلو و قود مور نينق مع أني راح أخذ دوره بس خائف أنه ماتفيد يالله رحمتك

توكل على ربك وان شاء الله بتفيد أذا حاط في بالك ماراح تفيد اكيد ماراح تفيد والعكس وحاول هاليومين تتعلملك كلمتين تمشي فيهم حالك وبوابه اللغه الانجليزيه ماتقصر في المنتدى أن استفدت منها صراحه .

ومن ناحية التفتيش والتحقيق في مطار كندا وأنا ولله الحمد ملتزم وخائف أروح فيها

الى اعرفه ان الى يجون دراسه مايفتشون ((((لاتنسى تسوي الامقريشن بالمطار قبل لاتطلع من مكتب الامقريشن ))))).

بالنسبه للجو عندهم كيف الاوضاع

تقدر تفيدك بعض المواقع الى تفصل حالت الطقس كل يوم وحاله الطقس بالاوقات امختلفه لليوم ابحث بقوقل (( اتوقع بعد شهر على كلام اخواني بالنهار حر وباليل شوي براد .

وأيضاً الباصات كيف أقص بطاقه كيف أروح الى المعهد من أول يوم ولا لا

أنت اذا لقيت المعهد حاول قد ماتقدر يكون السكن قريب ،والباص فيه له اشتراكات شهريه هذا الى سمعته .

وكيف احصل على قبول في المعهد والسكن مع العائله

اتوقع تحصل من بعض المكاتب قبول وسكن .

اتمنى أفدتك بشي ولو القليل .... ويوفك ويوفق كل طالب وطالبه للعلم ...

باسمك اللهم الرحمن الرحيم أبدأ ,,,

أقول و بالله التوفيق,,,

أولا ,,, كيف بتسافر بعد شهر و انت ما طلعت فيزا ولا حددت المدينة اللي بتروح لها :114: ,,, المسألة يا أخي مطولة ,, ماهي شغلة جيتكم خذوني :108: ,, الفيزا لحالها يمكن تاخذ اكثر من شهر ,,,

ثانيا ,, اللي فهمته من كلامك انك ناوي تكمل دراسة جامعية هناك ,, هذا يعني انك ستذهب بفيزا دراسة وليست سياحة ,, و العادة ان فيزا الدراسة تاخذ شهرين فاكثر ,,, لان فيها فحص طبي و يحتاج انك ماخذ قبول من معهد قبل ما تقدم على الفيزا ,,,

ثالثا ,,, اذا فهمتنا وش وضعك بالضبط من ناحية الفيزا و المعهد ,, عطيناك رابعا وخامسا و سادسا ,, أما الآن فما راح يفيدك الكلام عن افضل الخطوط او كيف تركب الباصات هناك اذا انت اصلا ما عندك فيزا,,

أخوي كمل أوراقك بالأول وأقري المواضيع هون كتير عن كندا لغاية ما تخلص أوراقك بتكون حصلت علي بنك من المعلومات

ربنا يوفقك

تحياتي