الموضوع: افتراضي بعد اسبوعين زواجي ولا عند المدام جواز سفر ما الحل؟؟

السلام عليكم ورحمة الله وبركاته ...
زواجي بعد اكثر من اسبوعين والمدام ماعندها جواز وانا باقي ماقصيت التذاكر.... سؤالي هو:
1- هل بعد زواجي اقدر اقص لها الجواز في يوم والا يومين ؟؟
2- هل اقدر املي الاسبلينج اللي ابغاها لمكتب الجوازات او اقدر ارجع لمكتب الخطوط ويغير لي الاسبلينج اللي ابيه بعد ما اقص التذاكر ....والا الاسبلنج ماله داعي لو كان مختلف ؟؟
3- بالعربي بقي معاي وقت والا لا ؟؟
مع العلم اني صار وسافرت لاندونيسيا وعندي خبره لا باس فيها بس المشكله في الحجز والجواز والسلام ختام ....

مواضيع عشوائيه ممكن تكون تعجبك اخترناها لك:

• الله يجزاكم الجنة ساعدوني في برنامج شهر العسل
• خبراء بالي أتمنى الدخول
• ايهما افضل بالسكن او
• اول مره لـ اندنيسيا وابي مساعدتكم
• تحويل الفلوس نحولها من المطار بـ بنك الراجحي او من مكان ثاني
• لاهل الخبرة في التسوق هونج كونج
• استفساري عن فندق داخل مطار جاكرتا او قريب
• عدت من بالي ونسيت ساعة يد فاخره بالفندق مساعدة
• استفسار
• السفر من بالي إلى كوالالمبور
• الله يكرمكم -سؤال عاجل بالنسبة لبالي
• بخصوص البرامج السياحية في جزيرة بالي
• وين اسكن في بالي شباب
• نص شهر عسل وابي جدول له كويس الله يسلمكم
• خبرا التذاكر والحجوازت شغالتي وعودتها
• استفسار عن بونشاااك ارجووو الررررررررررررررررررررد
• اوضاع اندونيسيا
• استون مارينا
• تخطيط لرحله في بداية
• استفسار عن السكن والسائق والصرف

اولاً اخي الغالي الف الف مبروك
والله يسعدكم يارب .۔
ثانياً اذا كنت اضفتها في كرت العائلة الخاص بك بأمكانك استخراج لها جواز من بكره
واذا ماتمت اضافتها فلابد من الأظافة اولاً ومدة اصدار الجواز لاتتعدى اليوم او اليومين بالكثير على حسب الزحمه ۔

بالنسبة للأسبلنق فهذا الشي اللي يحدده موضف الجوازات لأن فيه اسماء عنده محفوظة بالأنجليزي على الجهاز يعني عند كتابة الاسم بالعربي يوضح له بلأنجليزي
ولاتستطيع ابداً معرفة ذالك قبل اصدار الجواز
بالنسبة للحجوزات
لاتستعجل لان المهم في الحجز هو الاسم حسب الجواز
وماتقدر تغير بعدين


بالعربي على قولتك فيه وقت بس حرك نفسك
والله يوفقك
واذا زبطت معك لا اوصيك بطيران الامارات
حتى لو غالي شوي بس رح ترتاح

الله يوفقكم وييسر امركم يارب

الف شكر يالغالي انا ما اضفتها لسى ولكن عندها بطاقة واريد استخراج الجواز بناءا على البطاقة ...وشكرا على تجاوبك

اخي العزيز بالنسبة للسبلنغ تقدر تحجز وعند التقديم على الجوازات تقدر تعطي موظف الجوازات السبلنغ اللي تريد

ونبه الموظف ان تريد هذا السبلنغ لا تشيل هم

اخوي بالنسبه للجواز خلنا نقول ساعة وانت مطلعه بس سدد الرسوم قبلها في اليوم الاول انا مطلع جوازي يوم السفر ههههه بالنسبه للاسبل كلم موضف الجوازات وقل ابغاه كذا بس مو تخرب الاسبل مرة واحده عاد هههههه والله يوفقك

ماهو السبليغ تفكون انا مسافر لا يكون شي ناقض وتضيع الرحلة على علمآ بأني مسافر مع العايلة

المشاركة الأصلية كتبت بواسطة d7wmi
http://www.arabtravelersforum.com/tr...8/#post6256748

ماهو السبليغ تفكون انا مسافر لا يكون شي ناقض وتضيع الرحلة على علمآ بأني مسافر مع العايلة

اخوى الغالى

الشباب قصدهم ب السبلنغ هو التهجئه الصحيحه للاسم اى ان تكون حروف الاسم الى بالجواز مطابقه لحروف اسم المسافر فى التذكره

وهذه تدقق عليها الخطوط السعوديه بالذات والا بقيه الخطوط لو فيه غلطه بسيطه بس رقم الجواز مطابق تمشى ماتدقق واجد

بالنسبه لكاتب الموضوع اذا حاب تصدر جواز سفر لازم تصدر لها كرت عائله اذا بتراجع الجوازات بصفتك الزوج او انها تروح هى بالبطاقه بس مع والدها لان شرط حضور ولى الامر انت من غير كرت العائله شخص غير معترف فيك عند الجوازات !!! حتى عقد النكاح ماينفع

تحرك ويمديك تخلصهم فى 4 ايام بالكثير وخاصه اذا كنت فى الرياض الموضوع مايطول

الف مليون شكر لكل من رد يا اخوان وعرفتكم دائما هكذا ساذهب غدا للجوازات والله يتمم اللي فيه الخير

للافادة يا اخوان اليوم رحت الجوازات وقالي الموظف اكتب الاسبلنج اللي تبيه وانا اسجله لك في الجواز والسلام ختام

الف شكر لحسن اخلاقكم وحسن تعاملكم ...
امس قصيت التذاكر لكن يا اخوان هل اخراج الجواز ياخذ وقت وهل لابد انه الاهل يكونون معاي لما اقص الجواز وماهي متطلبات قص الجواز للنساء ...

اخراج الجواز غالباً يطلع بنفس اليوم تقدم الصبح الظهر تاخذهـ حسب الزحمه

دفع رسوم أستخراج الجواز

تعبئة استمارة استخراج الجواز

صورة من كرت العائلة مع وجوب احضار أصل كرت العائلة للمطابقة

صورتين او ثلاث شمسية للأهل وتكون الخلفية بيضاء

ولا يلزمك أحضارهم معك

غالباً أستخراج الجواز في نفس اليوم مثل ماذكر أخونا موهوب القصيم

لكن الإحتياط واجب أستخرج الجواز قبل سفرك بوقت كافي

الف شكر خوي موهوب القصيم واخوي الكوكب الطائر ..۔
الله يعين على كرت العائلة هل ياخذ وقت هو الاخر وماهي متطابات استخراجه ... واسف على كثر الاسئلة لكن اخوكم مقبل على حياة زوجية وهالامور غائبة عني والسلام ختام ...

اخي العزيز

اذا تبغى نصيحتي اذهب غدا للاحوال المدنية واسالهم عن مدة استخراج كرت العائله

واذا شفت ان الموضوع مطول

كلم والد زوجتك خليه هو اللي يستخرج جوازها ولا تنسى تعطيه السبلنغ

وبكذا تضمن ان الجواز استخرج

وبعدين طلع كرت العائلة على راحتك

الف شكر اخوي نديم لكن اقدر اسافر بدون كرت العائلة بس بعقد القران والا لا؟؟

اخي الكريم من ناحيه ياخذ وقت الجواز انا طلعت جوازي في 3 ساعات يعني اذا مافيه زحمة على طول يطلع


اما النقطه الاخرى مالي علم فيها بسس انا جددت جوازات الاهل بدون حظورهم ومادري عن اصدار جواز جديد

اما المتطلبات مالي علم فيها وياليت انك سئلت موظف الجوازات حتى يفيدك بسس ادخل موقع الوزاره يمكن تحصل

معلومه تفيدك

اخيرا اتمنى لك التوفيق والسعاده

تحياتي لك

الف شكر اخوي مشاعر انسان على مشاعرك ... ولازلت انتظر راي الاخوان

اخي الحبيب هذا ما اردت نقلة من الموقع

إجراءات الحصول على جواز السفر السعودي
1- حضور صاحب الطلب شخصياً أو ولي الأمر للنساء والقصر ولا يقبل التفويض عند تقديم الطلب .
2- الأبناء البالغين سن الخامسة عشر من العمر فإنه يلزم حصولهم على بطاقة الهوية الوطنية مع حضور ولي الأمر لمن هم دون سن الحادية والعشرين عاما لأخذ موافقته مع صاحب الطلب باستثناء من كان متزوجاً .
3- إحضار بطاقة ( الهوية الوطنية ) لإصدار الجواز وصورة واضحة منها أما النساء والأبناء القصر يجب إحضار (بطاقة العائلة الأصل) وصورة واضحة منها.
4- إحضار صورتين حديثتي التصوير مقاس 4× 6 ملونة والخلفية بيضاء غير فورية أو مسحوبه ويشترط ان تكون بالزي السعودي .
5- تسديد رسوم إصدار الجواز آلياً .
6- تعبئة الاستمارة الخاصة بذلك مشتملة على كافة المعلومات وفق الحقول المخصصة وباللغتين العربية والإنجليزية.
7- حضور مقدم الطلب شخصياً عند الاستلام أو ولي الأمر بالنسبة للنساء أو الأبناء القصر على أن يوقع بإمضائه واسمه الصريح بأن الصورة الشخصية الملصقة على جواز السفر ويذكر رقمه وتاريخه ومصدره هي صورة زوجته أو أبنته أو أخته أو غير ذلك حسب نموذج التعبئة .

ملاحظة /عزيزي مقدم الطلب يرجى التاكد خلو سجلك من المخالفات المرورية.http://www.moi.gov.sa/wps/portal/!ut...0SkM2SzgwNTE!/http://www.moi.gov.sa/wps/portal/!ut...0SkM2SzgwNTE!/

وهذا موقعهم

http://www.gdp.gov.sa/?id=2048

واهم شي ان لايكون عليك او عليها مخالفات مرورية والامور عادية ويطلع بنفس اليوم او اليوم الثاني
واسف على الاطالة

اولاً .۔ الف الف الف مبروك .۔احلا شئ فيك الشعار يجنن ويهبل بعد .۔فدييييييييييييتك ياشيييييييخ .۔ياليتك في مكه كان قدرت اخدمك .۔اخوك موظف بالجوازات .۔شوف الجواز شرط اساسي كرت العايله اذا تبي تتطلعه انت .۔وزي ماقلك اخونا المبدع حيو مافي زيو .۔الموضوع ماياخذ معاك اربعه ايام بالكثير .۔الاهم تتحررررررررررك اللحين وتزبط امورك .۔وبالتوفيق ياغالي .۔ويشرفني زيارتك لقريري عن بالي .۔المكان الاجمل لقضاء شهر عسل لا ينسى ابداً .۔اخوك الاتحادي .۔ عاشق الشلالات ..

الف شكر اخوي جميل وشاكر لك مشاعرك الطيبه ...۔

اما انت ياعاشق الشلالات احرجتني بحلاوة لسانك الله يرحم والدينا ووالديك قول امين وان شاء الله بالي في الحسبانو بنروحي لها اذا ربك كتب .۔

السؤال يا اخوان اذا ابوها طلع لها جواز اقدر اسافر عادي مو لازم اوضح صلة القرابه يعني في المطار لازم اذن ولي الامر للسفر؟واذا كان لازم عقد النكاح ما ينفع ؟؟؟

ومشكور على تواصلكم