الموضوع: من أسبوع راجعه من تورنتو وإلي يبغي أي مساعده فاله طيب

السلام عليكم اخواني طبعا مثل ماشفتو العنوان صارلي أسبوع وانا راجعه من تورنتو الحمدلله على سلامتي لوووول

المهم حبيت أساعد كل من يفكر يزور تورنتو أحلى بلده زرتها

من إجراءات الفيزه لين العوده

وسلامتكم

مواضيع عشوائيه ممكن تكون تعجبك اخترناها لك:

• طلب أرائكم يا خبراء وزوار كندا تشتت من كثرة المعلومات ماشالله
• هــل هــذا هــو الشيــك المطلــوب مــن السفــاره ؟ ؟
• ترانزيت كندا
• افضل مدينة كندا
• البلاد التي تحتاج تأشيرة الى كندا
• كشف حساب لفيزا السائح ؟؟
• إلى أهل الخبرة
• تورونتو، مونتريال، كالجاري وفانكوفر
• بـــداية الدراســـــــــة في الجامعات الكــــنديــــة
• احتاج مساعده خبراء كندا
• اخواني ملاحظاتكم واقتراحاتكم حول التطوير الحاصل هنا
• ما ذنب من إجتهد وكافح وتعب ليصفع بقوانين وبنود تجرب عليه يومياً لا ترحم
• ماهي متطلبات الفيزا الدراسية بكندا ؟
• ياشباي متورط تكفون ردو علي الحين
• تكفووون بخصوص السكن مع عائلة
• اسئله احتاج لاجابتها التعليم المفتوح في كندا الجدوى والاعتراف
• ارجو الدخول هناك استفسار بسيط عن صلاحية الفيزا بالصور
• ارجو المساعده ولكم جزيل الشكر
• على طاري فانكوفرحفل السعوديين وين احصله
• تقريباُ يوم في كندا

الله يعطيك ألف عافيه أختي ويجعله في ميزان حسناتك

الله يسهل عليك مثل ما انتي حابه تسهلي على الناس

تحياتي

الحمدلله على السلامه

واهم شي حبيتي البلد فديت تورنتو:109:

سبحان الله الله جابك لي انا ابغى ابد في اجراءات الفيزا معي القبول وكل شي طبعن فيزا دراسية ياليت اعرف كل شي عن الاجراءات الفيزا والسكن في تورنتو .....

ويعطيك العافية اختي ......

الحمدلله على السلامة

أخي thelight انا سافرت كندا بفيزا سياحيه وبخصوص فيزة الدراسه إجراءاتهم مختلفه نهائيا وماعندي أي فكره عن فيزة الدراسه

وعن السكن رخيص وايد ممكن تسكن معا عائله أو تاخذ شقه لشخص واحد أسعارهم معقوله

وربي يسهل عليك يارب

الله يسلم كل من رد عليه يارب

الحمد لله على سلامتك

بس كم كلفت الفيزا

وكم أخذت وقت حتى طلعت

وشووووكرا

الله يسلمك كتاكيتي
الفيزا كلفت 230 درهم لكل شخص
والوقت إلي خذته فقط ساعه وحده

واشلون الاسواق في تورنتو ؟؟ واشلون اسعارهم وشنو نوع المحلات الي عندهم؟

عندي سؤال اذا ابغى اسكن في الداون تاون شقه بس شخص واحد وتكون فخمه كم تكون الاسعار لانو والله انا في فكتوريا الاسعار عندي ناااااااااااااااااار؟؟ طبعا شقه من غير اثاث اني بآثث

السلام عليكم
حمدا لله على السلامه

الا اقول كيف هي نسبه العرب الموجودين في تورنتو يعني كثيرين مره

وكم مده دراستك
وكم هي الكلفه الاجماليه من سكن واكل وشرب ومواصلات واجور معهد و و و و الى اخره ياريت تخبرينا كم كلفك السفر صراحه

واشلون الاسواق في تورنتو ؟؟ واشلون اسعارهم وشنو نوع المحلات الي عندهم؟
أختي ريوف البحرين بالنسبه للأسواق الصراحه ماعندهم أسواق رخيصه للمستوى المتوسط من الناس
يعني نحن كل أغراضنا خذناها من المراكز والمحلات إلي موجوده في الشوارع أسعارهم نفس المراكز بالضبط وعن نوعية المحلات إلي عندهم الصراحه وايد أشياء حلوه عندهم وتقريبا كل المحلات كانت عامله خصومات مثل محلات الأطفال والنساء والحقائب

ملاحظه أغلى شي شفته في تورنتو سعر الأحذيه في المراكز واايد اغلى من سعر بلادنا

أختي إذا حابه أحطلج أسامي المراكز فالج طيب

عندي سؤال اذا ابغى اسكن في الداون تاون شقه بس شخص واحد وتكون فخمه كم تكون الاسعار لانو والله انا في فكتوريا الاسعار عندي ناااااااااااااااااار؟؟ طبعا شقه من غير اثاث اني بآثث

والله اخويه بالنسبه للشقق الغير مفروشه ماعرف أسعارهم بس اتوقع أرخص نحن حجزنا شقه مفروشه في الداون تاون لمدة شهر ونص تتكون من غرفتين وصاله ومطبخ وحمام وغرفة طعام وأستور صغير وفي حوض سباحه وغرفة رياضه وسونا ويقدمون كوفي وكيكه وفاكهه كل صباح
سعر الشقه لمدة شهر 3000دولار

تسلمي يا بنت الشامسي بس ٣٠٠٠ مرررررررره غالي علي طالب زي حالاتي انا كنت احسب ترونتو ارخص من فكتوريا عشان كده كنت ابغا اروح هناك بس المبلغ ده !!!! فووووووق انشاء الله لما ابويه يشتغل معا الوليد بن طلال افكر اروح .. وتسلمي

اخويه احمد الصراحه احلى مافي كندا تعدد الجنسيات يعني مابتعرف الفرق بين الكندي والهندي مثلا الصراحه ماتمت جنسيه ماشفتها في كندا يعني في وايد عرب بس شويه صعب التعرف عليهم بس لاتخاف نسبة العرب كثييره


اخويه أنا كنت مسافره سياحه مش دراسه ماروم أفيدك بأي شي يخص الدراسه وبالنسبه للتكلفه لاتخاف ولا تحاتي أسعارهم وايد معقوله حاول ترتب نفسك وأن شاء الله كل شي يكون تمام

وإذا كنت ناوي تسافر فأنصحك بطيران الإمارات

مرااااااحب


بنت الششامسسي حمد الله ع السلامه ونورتي الامارات


بسس بتخبرج ششي منطقه اسسم لندن ستي في كندا لان يتني بعثه لها في الصيف ....؟



والسسموحه ع الازعاج

الحمد لله على سلامتك انا ان شاء الله طالع كندا بالصيف وادا ماعليك كلافة تعطيني اسم معهد جيد في تورنتو من كل النواحي(الاسعار-نسبة العرب)والفيزا الي بطلعها 3 شهور visitor
يعطيك الف عافية اختي وما قصرتي

نسيت اقولك كم التدكرة دهاب واياب

لو ابدرس من شهرين الى 4 اشهر
احتاج الى فيزه سياحية ؟ وكم السعر ؟
وكم ايجار شقة صغيرة لشخصين او 3 ؟ (بالدولار الكندي)

[QUOTE=mostrito;2857287]تسلمي يا بنت الشامسي بس ٣٠٠٠ مرررررررره غالي علي طالب زي حالاتي انا كنت احسب ترونتو ارخص من فكتوريا عشان كده كنت ابغا اروح هناك بس المبلغ ده !!!! فووووووق انشاء الله لما ابويه يشتغل معا الوليد بن طلال افكر اروح .. وتسلمي[/QUOT


أخويه السعر إلي ذكرته كان لمدة شهر ولعائله كبيره بس أسعارهم وايد رخيصه يعني ممكن أدورلك شقه في شارع إليزابيث يمكن يكون سعر الشقه 40 دولار يعني 120 درهم لا تخاف من الأسعار أرخص شي عندهم السكن

المشاركة الأصلية كتبت بواسطة الودودي
http://www.arabtravelersforum.com/tr...2/#post2857992

مرااااااحب


بنت الششامسسي حمد الله ع السلامه ونورتي الامارات


بسس بتخبرج ششي منطقه اسسم لندن ستي في كندا لان يتني بعثه لها في الصيف ....؟



والسسموحه ع الازعاج



هلا أخويه الودودي انته قصدك لندن سيتي وله كيوبك سيتي الفرنسيه لانه الصراحه ماجد سمعت عن لندن سيتي سو سيرج في القوقل يمكن يظهرلك بس عني انا الصراحه ماسمعت عنها وربي يوفقك في البعثه

المشاركة الأصلية كتبت بواسطة pretty boy
http://www.arabtravelersforum.com/tr...7/#post2859217

الحمد لله على سلامتك انا ان شاء الله طالع كندا بالصيف وادا ماعليك كلافة تعطيني اسم معهد جيد في تورنتو من كل النواحي(الاسعار-نسبة العرب)والفيزا الي بطلعها 3 شهور visitor
يعطيك الف عافية اختي وما قصرتي



الله يسلمك من كل شر اخويه انا سافرت سياحه مش دراسه ماعندي أي معرفه بالمعاهد في كندا ممكن اهل الخبره في الدراسه يفيدونك وعن نسبة العرب كثيره ومافيها خوف

بس كيف انته رايح دراسه وبتظهر فيزة سياحه إذا انته رايح سياحه وتفكر تدرس في المدة إلي بتكون فيها موجود بكندا فملاحظتي لك أخويه لاتذكر في الفيزه أنك رايح تدرس لانه إجراءات الدراسه مختلفه نهائيا عن الفيزه السياحيه
وطبعا الفيزه الدراسيه أكثر تعقيدا من السياحيه

سعر التذكره على طيران الإمارات 5700 درهم ذهاب وإياب

المشاركة الأصلية كتبت بواسطة دانة المطر
http://www.arabtravelersforum.com/tr...9/#post2859339

لو ابدرس من شهرين الى 4 اشهر
احتاج الى فيزه سياحية ؟ وكم السعر ؟
وكم ايجار شقة صغيرة لشخصين او 3 ؟ (بالدولار الكندي)



دانة المطر يفضل تاخذين فيزة سياحه لانه في المطار بيعطونج الفيزه لمدة 6 شهور يعني يكفون للدراسه من شهرين لين 4 شهور وبالنسبه للسعر والله ماعندي فكره

وعن الإجار أسعارهم وايد حلوه ويعتمد على المكان إلي بتسكنون فيه سبق وذكرت الأسعار من 40 دولار لليوم الواحد في الشقق المفروشه مب الفنادق يعني بشكل عام الشقه المفروشه أرخص من الفندق

مرررراحب


بنت الشامسي من الامارات لتورنتو كم سااعه وعلى اي طيران سسرتي ..؟



وكيف الجووو فالصيف ,,..؟

السلام عليكم
اختي ممكن تزوديني بالشقق او الفنادق في تورنتو
وهل يتوفر الحجز عن طريق الانترنت؟
وشكرا

الحمدلله على السلامة.......حبيبتي بنت الشامسي
آنا رايحة تورونتو على شهر 7 إن شاء الله ياليت لو تفيديني بالأماكن السياحية والرحلات
والله ييسر لج أمورج مثل ما قاعده تيسرينها علينا....:115:

المشاركة الأصلية كتبت بواسطة الودودي
http://www.arabtravelersforum.com/tr...0/#post2865110

مرررراحب


بنت الشامسي من الامارات لتورنتو كم سااعه وعلى اي طيران سسرتي ..؟



وكيف الجووو فالصيف ,,..؟



هلا أخويه الودودي

من الإمارات لين كندا 15 ساعه ونص سرت على طيران الإمارات وسعرها كان 5700 درهم الصراحه الطياره ماعليها كلام الجو في الصيف يقولون وايد حلو احلى من الشتاء بوايد فأنصحك انك تزورها في الصيف

المشاركة الأصلية كتبت بواسطة fida
http://www.arabtravelersforum.com/tr...2/#post2909682

السلام عليكم
اختي ممكن تزوديني بالشقق او الفنادق في تورنتو
وهل يتوفر الحجز عن طريق الانترنت؟
وشكرا



هلا ب أهل الكويت الغالي من ناحية الشقق والفنادق في تورنتو في كل سكه بتحصل فندق

عندك شارع إليزابيث كله شقق مفروشه
وشارع البلور وهو شارع الماركات فيه فندق الماريوت
وشارع البي فيه فندق ديلتا أكثر الناس تسكن فيه

وعنا نحن سكنا في الجرج ستريت في التاون إن سوتس وكل هاي المناطق كنا نروحلها مشي وقريبه من بعض

هي نعم يتوفر الحجز عن طريق النت بس ما انصح أنك تحجز بالنت لأنهم يطلبون رقم بطاقت الفيزا

المشاركة الأصلية كتبت بواسطة mashael
http://www.arabtravelersforum.com/tr...9/#post2909859

الحمدلله على السلامة.......حبيبتي بنت الشامسي
آنا رايحة تورونتو على شهر 7 إن شاء الله ياليت لو تفيديني بالأماكن السياحية والرحلات
والله ييسر لج أمورج مثل ما قاعده تيسرينها علينا....:115:



هلا اختي مشاعل الله يسلمج يالغاليه

بالنسبه للأماكن السياحيه عندج وايد أماكن طبعا اولهم شلالات نياجارا أنصحج تسيرين لها بروحكم من دون أي رحله سياحيه لانهم وايد غاليين يعني تأجرون سياره وتاخذون معاكم خريطه وتتبعون الطرق وبتوصلون لها في خلال ساعه من الداون تاون لين نياقارا أنشاء الله بتستانسون وايد وفي هناك حديقه وايد حلوه بس كانت مسكره يوم رحنا لها لأنه كان شتاء بس شكلها وايد حلو يعني حديقه ترفيهيه

وبالنسبه للمراكز في الداون تاون في مركز إيتون وايد كبير و
أسعارهم حلوه مو كل شي غالي ولا كل شي رخيص يعني معقول

وفي شارع الماركات bloor street وايد حلو كل الماركات موجوده في هذا المكان

إذا رحتو عن طريق القطار تراه في كل محطه يكون في مركز مثال

نحن خلينا محطة البلور هي المحطه الرئيسيه لأي مركز كنا نبغي نزوره لأنها أسهل محطه ههه

*1_من البلور لين كندي ستيشن عقبها نغير من كندي لين سكاربروه ستيشن نكون وصلنا لين سكاربروه سنتر

*2_ من البلور لين الدفرين ستيشن نكون وصلنا لين الدفرن مول هذا المول حلو صغير بس لازم تمشون دقايق لين ماتصولون له من المحطه لين المركز أسألو أي شخص إذا ضيعتوا

*3_ من البلور لين اليوركديل ستيشن وعقبها نغير المحطه لين الفيرفيو مول هذا المكز وايد حلو وكبير ممكن تسؤلون أي حد عنه أسمه الفيرفيو مول

*4_ وفي اليورك مول وايد حلو من البلور لين ؟؟؟؟؟ شكلي نسيت أسم المحطه بس ممكن تسألون أي حد

وفي محلات the bay وايد حلوه عندهم أشياء راقيه وماركات عالميه حق الخقه ههه امزح

وفي السيتي هول خلف الإيتون سنتر ساحة التزلج مكان حلو وفي عداله كرافانه لبيع النقانق المشوي لذيذه لحم حلال إلي يسوونه أصلهم أفغانيين لذيذ يم يم

المهم هاي الاماكن السياحيه إلي اعرفها وإذا في غيرها اكيد حد من الأخوان والاخوات بيساعدونج

أعذريني على التقصير أختج بنت الشامسي

السلام عليكم ورحمة الله وبركاته .. آنـآ ابغا ارسل ولدي كندا طلعت الفيز بعون الله .. وقبلوه الحمد الـله وحجزتله في خطوط الآتحـآد وموعد الذهـآب 25_6_1430 وطيب الي آنـآ خيـآفه منه يوم ينزل في ابوي ظبي الي عنده حل يقولوي والله لدعيله..وهو عمره 13 وسوآل الثـآنـي كيف خطوط الآتحـآد ..؟ وآرجو الرد السريع

مشكورة ماقصرتي والله عزيزتي
سهلتي علينا وايد

المشاركة الأصلية كتبت بواسطة بنت الشامسي
http://www.arabtravelersforum.com/tr...6/#post2835956

الله يسلمك كتاكيتي
الفيزا كلفت 230 درهم لكل شخص
والوقت إلي خذته فقط ساعه وحده

صراحة انا ودي اقدم على فيزهـ سياحة وخايف انو تطول المسأله
لكن ودي اعرف كيف اخذت الفيزهـ منك ساعة وحدهـ

اذا فيه طريقة .., ماعندي مشكله اروح الأمارات واقدم الطلب بنفسي

يعطيكي العافيه اختي ع المجهود الطيب .. واللي ما نستغربه على اي واحد راح لكندا ...:tongue:

بس بغيت اسألك سؤال عن تورنتو ... هل يوجد اندية رياضيه هناك بغرض انقاص او الحفاظ على الوزن ؟؟

طبعا مع ما تحتويه الاندية الرياضيه في العاده من مسبح وملاعب وفله ولعب ؟؟؟
لأني الصراحه جسمي حلو ولا ابي اسمن هناك ،،،
ويـــعطـــيك الف عافيه ...،،،

يعطيك العافية اختي العزيزه ... والصراحه في هذا القسم يتأخر الرد ع الاستفسارات .. بس انتي ان شاء الله تكسرين هذي القاعده ...

بغيت اسال عن الاندية الرياضيه في كندا ... او لياقيه .. يعني زي بودي ماستر او وقت اللياقه في الرياض ...
لاني ان الصراحه انسان رياضي

:101:مشكورة حبيبتي عالرد
وما منج قصور

اختي ندا العرب أنشاء الله ولدج مابيلاقي أي صعوبات في مطار أبوظبي بالعكس الامان موجود في الامارات وعن طيران الإتحاد الصراحه روعه من احسن الخطوط للرحلات الطويله وأنشاء الله ربي يوصل ابنج بالسلامه لأرض كندا


وبالنسبه لأخواني إلي يسألون عن النوادي الصحيه هي نعم فيه منها الكثير وأسعارهم خياليه أتذكر شفت وايد منهم في شارع اليونق ستريت وكلهم كانوا عاملين خصومات خياليه فلا تفكرون في كل لفه بتحصلون نادي صحي

عندكم عند سوبرماكرت الرباع إلي في شارع اليونق في مركز صحي شكله راقي

[quote=بنت الشامسي;2857272]عندي سؤال اذا ابغى اسكن في الداون تاون شقه بس شخص واحد وتكون فخمه كم تكون الاسعار لانو والله انا في فكتوريا الاسعار عندي ناااااااااااااااااار؟؟ طبعا شقه من غير اثاث اني بآثث

والله اخويه بالنسبه للشقق الغير مفروشه ماعرف أسعارهم بس اتوقع أرخص نحن حجزنا شقه مفروشه في الداون تاون لمدة شهر ونص تتكون من غرفتين وصاله ومطبخ وحمام وغرفة طعام وأستور صغير وفي حوض سباحه وغرفة رياضه وسونا ويقدمون كوفي وكيكه وفاكهه كل صباح
سعر الشقه لمدة شهر 3000دولار[


اهلين حبيبتي ..بنت الشامسي..موضوعك جاي في محله انا متشتته وحاسه اني ضابعه لاني لي شهرين وانا ادور بالنت انا وزوجي وماحصلنا نتيجه بالنسبة للسكن :108:
انا باذن الله رايحه تورنتو في 3-7 يعني اقل من شهر باقي واحنا لسى ماحجزنا السكن..
احنا عددنا6اشخاص انا وزوجي واولادي وحاجزين للخادمة بس للان ماطلعت فيزتها
حابين نسكن شقة مفروشه راقيه وفيها مرافق زي اللي ذكرتيها
وحابين نسكن في النورث يورك....او الداون تاون لان احنا بندرس اولادنا في معهدeslوهو على شارع دان ميلز في النورث يورك..بس عادي لو ماكان قريب مرةلاننا بنستأجر سيارة
يالله احس اني كثرت عليك..تحمليني ياعمري..انتظرك على احر من الجمر
**للمعلومية كان زوجي هو اللي يدور ومالقى وقلت له شكلي انا اللي باجيبها وضحك يتحداني تكفين ساعديني ياحلوه
ومشكوره

يعطيك الف عافيه حبيبتي انا ان شاء الله ممكن انزل ترنتو في 15-8 وحجلس فيها اسبوعين حنا 3 كبار 2 طفلين وودي في شقه مفروشه تاون داون وتكون قريبه من الاسواق والحياه هنا وسعرها حلو ما يزيد2000
ربي يسلمك

أختي ام أضواء وبنت مضاوي الشقق المفروشه موجوده بكثره في الداون تاون

أختي ام أضواء انصحج تسكنين في تاون إن سوتس المكان وايد حلو ومميز كل شي بيكون قريب منكم مقابله فيه سوبرماركت وخلفه بعد يعني مافيه صعوبه وبالنسبه لمنطقة الدن ميلس بتكون قريبه عن طريج القطار أنصحكم بأستخدام القطار وبالنسبه لإيجار السياره أحس انه وايد غالي عندهم تأجير السياره انتو وميزانيتكم نحن سكنا شهر ونصف في الداون تاون أستخدمنا التاكسي والقطار وأجرنا سياره أحس انه أسهل شي كان بالنسبه لي القطار حبيته وايد وأسهل وعن أكلنا أول الأيام كنا ناكل من المطاعم تعبنا كل يوم من برع تعرفنا على جماعه الله يذكرهم بالخير في كندا دلونا على السوبرماركت الرخيص نيوفرلز أسعاره رخييييييييييييييييييييصه وايد كنا ناخذ أغراض ونطبخ في الشقه طبعا من عيوش وسمك وربيان وغيره ههه



أختي بنت مضاوي مثل ماذكرت للاخت ام الأضواء عندج التاون إن سوتس موقعه وايد حلو قريب من الأسواق والسناتر ومحطة القطار وخلفه في شارع كله شقق مفروشه ممكن تغيرون إذا ماعجبتكم الشقه إلي بتسكنو فيها

بنت الشامسي شكران لردك بس ابي اسئلك وش احسن شارع ممكن اسكن فيه يعني ابي شارع كامل من مجميعو ممكن اقضي يومي فيه كله يعني ابي السنتر ( عشان اقربلك مثل اكسفورد في لندن كل شي حولي وكل شي قريب مني) الله يعطيك العافيه

يعطيك الف عافيه حبيبتي بنت الشامسي ..ماقصرتي ياحلوه بس انا ودي اعرف اي رابط للسكن اقدر ادخل عليه واحجز عن طريق النت..ومشكوره ياعمري

المشاركة الأصلية كتبت بواسطة بنت مضاوي
http://www.arabtravelersforum.com/tr...7/#post2999447

بنت الشامسي شكران لردك بس ابي اسئلك وش احسن شارع ممكن اسكن فيه يعني ابي شارع كامل من مجميعو ممكن اقضي يومي فيه كله يعني ابي السنتر ( عشان اقربلك مثل اكسفورد في لندن كل شي حولي وكل شي قريب مني) الله يعطيك العافيه





لا شكر على واجب أختي عندج شارع اليونق وشارع بلور

المشاركة الأصلية كتبت بواسطة ام اضواء
http://www.arabtravelersforum.com/tr...2/#post3004222

يعطيك الف عافيه حبيبتي بنت الشامسي ..ماقصرتي ياحلوه بس انا ودي اعرف اي رابط للسكن اقدر ادخل عليه واحجز عن طريق النت..ومشكوره ياعمري




الله يعافيج اختي

عندج هذا الرابط وممكن تتصلين فيهم

http://www.towninn.com/

يعطيك العافية


أنا بدي أدرس لغة انكليزية بتونتو وحابب أعرف تقريبا


سعر شقة(أستديوة) غرفة وصالون يعني بالشهر

وطرق المواصلات يلي بتورنتو المتاحة

واذا في أي ملا حظات

السلام عليكم..

أختي بنت الشامسي,ارجو منك ان تفيديني عن اقرب الفنادق ل(الاكاديمية العالمية للغة في كندا)في مدينة تورنتو.

ويكون رخيص نوعا ما,وايضا ابغى شقق سكنية صغيرة لشخصين وايضا رخيصة*_^.واذا عندك فكرة كيف اوصل من المطار للفندق فورا.

ونفسي اني اتعرف على بنات في تورنتو قبل ان اذهب اليها..

الله يجزاك خير على كل ماتفعلينه.

السلام عليكم كيف حالك ياختي الحمد لله على وصلك سالمه الى بلادك
حبيت اسالك بخصوص الفيزا السياحيه الوالد قدم عليها من 5 شهور تقريبا بسبب انشغاله بالسفر

اهلين...كيفك حبيبتي؟
معليش بادوخ راسك شوي...بس والله ماشاء الله عليك انت اللي دايما جاهزه للرد سريعا
انا رحلتي الخميس بأذن الله على الخطوط الكندية
وحبيت اسألك ياقلبي عن الشنط؟
وزنها ؟
عددها؟
يعني انا وزوجي ومعاي اولادي 5
وكنت عامله حسابي كل واحد بشنطته..وانا وزوجي في شنطه وحده كبيره ..ومانبيها تتعدى الوزن المحدد
يعني لو الوزن مثلا 30 يصير كل واحد منهم مايتعدى ال30 كيلو بشنطته بس شنطتي انا وزوجي تصير ماتتعدى ال60 كيلو؟
فهمتي علي ياحلوه؟
ومشكوره وآسفه لازعاجك