هلا والله بأهل الخبر .... أخ يا زين الخبر وأهلها
حبيبي ، أول شي اتمنى لك التوفيق ، ثاني شي ، كيف الخبر وأهلها ... تراني مرة مشتاق لها
المهم : الصراحة ودي أخدمك بس ترى معلوماتي ما هي بالحيل ، بس إن شاء الله تنفعك
أنا ألحين في فانكوفر ، طبعا على حسب معلوماتي ، الكل يفضل فانكوفر لأسباب كثيرة ، الأمان و الطبيعة الخلابة والجو الحلو على مدار السنة وكثرة السياح الأجانب يعني ما رح تحس إنك غريب ، أصلا بتحس إنك في كوريا أو الصين من كثرتهم ... وإيضا لا تنس كثرة المدارس والمعاهد
بالنسبة للمعاهد ، الصراحة يمدحون معهد اللغة التابع لجامعة برتش كلومبيا ( U B C) ويمدحون المعهد التابع لجامعة (vcc) عندهم معهدين على ما اتوقع .
طبعا نصيحتي لك لا يهمك وجود العرب من عدمهم ، بقدر ما تهتم بمستوى المدرسة وقوة برنامجهم
لأنك بتحصل معاهد ما فيها عرب ، بس الخوف إنها تكون خرييييط ، يعني ما عندهم سالفة ، حق فلوس بس ، وكثير ما هم ، وبعدين خلك ذيب وشد حيلك ، وتقدر تظبط نفسك إذا كان عندك عزيمة صادقة
وإنتبه ، وإحرص ، لا تدفع المبلغ كامل ، لا حق المدرسة ولا حق السكن
لأنه يمكن ما تعجبك المدرسة ، او العايلة ما تعجبك ، فيكون عندك خيار للتغيير ، أما إذا عطيتهم فلوسهم كلها , فالله يخلف عليك .
بالنسبة للتسجيل والحجز ، خلك من المكاتب واسعارهم
إدخل على موقع المدرسة الي تبغاها ، وأبد ... بتسجل ويظبطونك عن طريق الإيميل
طبعا اتوقع بتقولي ما عندي لغة ، مش مشكلة ، شوف لك اي واحد حبيب عنده لغة ويظبطك :101:
واقترح عليك إنك تقرا مواضيع الاخ : اسبرنزا ، عن فانكوفر ، لاني الصراحة استفدت منها وجزاه الله خير
أتمنى لك التوفيق ، ولا تنس أن تكون خير سفير لدينك ووطنك
واعتذر عن هذي المعلومات المخربطة بس عساها تنفعك
المفضلات