السلام عليكم ..كثرت الاستفسارات والاسئلة في الفترة الماضية عن كرنفال ريو دي جانيرو ...
فـ حبيت اعمل تقرير مبسط يجيب على تساؤلات الاعضاء مع بعض النقاط التي يجب مراعاتها
1. الكرنفال .. Carnaval in portuguese / Carnival in English
الكرنفال رسميا 4 ايام (عطلة رسمية للجميع) لكن الاحتفالات تبدأ قبلها وتنتهي بعدها.
كل مدينة لها كارنفال مختلف .. في هالموضوع راح يكون عن ريو دي جانيرو
2. الكرنفال نوعين:
الكرنفال في Sambadorme: هو عبارة عن حلبة كبيرة تقوم مدارس السامبا (8-10 مدارس) بالتنافس لمدة يومين. طبعا تحتاج الى تذاكر للدخول. الاسعار تتعتمد على المكان (منصة - مدرج - واقف) و اكيد الوقت. اذا قرب الكرنفال الاسعار تزيد. التذاكر تباع عن طريق الانترنت او المكاتب السياحية.
كرنفال الشارع: كل يوم من الظهر الي الليل. في عربات موسيقية (Blocos) تسير بالشارع والناس تلحقها. كل شي معلن .. التاريخ - الوقت - الحي - الشارع. الناس تلبس لبس تنكر يسمونه (Fantasia) .. اذا ناوي تروح .. خذ مع لبس حفلة ومضحك ههههه
3. الامان ـ Safety
طبعا سمعة ريو للأسف سيئة .. حتى البرازيلين خارج ولاية ريو عندهم هالتصور. واللي يقهرني يجيك واحد ما طب ريو او راح سياحة و يصورها لك على انها ساحة حرب.
ريو كـ حال اي مدينة كبيرة .. سواء في اوروبا او امريكا .. (يا رجل هيوستن اخطر من ريو).
البرازييلين شعب طيب بشكل عجيب وما هم عدوانيين .. اذا بيصير لك شي بتنسرق بس !!!
اذا .. لا تلفت الانتباه بـ ساعة ذهب او كاش كثير
خذ مع كاش حق صرف يوم وكاميرا (حتى جوال ما تحتاج) .. وخليك الاماكن اللي فيه ناس
سنة كاملة في البرازيل .. واذا سهرت ما ارجع الا 6 او 7 صباح وما صار شي ولله الحمد
ابتعد عن شارع Farme de Amoedo الموجود في ابانيما وقت الكرنفال .. الشارع فيه احسن المطاعم والمقاهي .. لكن هذا الشارع شارع الـ Gays .. اذا كان فاضي اوكي .. بس وقت الزحمة حط رجلك .. ليس للخطورة لكن للقرف !!
4. اماكن للزيارة:
ما راح اتكلم عن الاماكن في مدينة ريو نفسها .. راح تحصلها في المنتدى وفي النت. وقت الكرنفال الحياة صاخبة .. في اماكن قريبة من ريو للسياحة الهادئه نوعا ما (كل مكان صاخب وقت الكرنفال هههه)
بعض المدن المجاورة لمدينة ريو
Petrolpols : تسمى المدينة الامبراطورية .. المدينة كانت مكان تصييف للامبراطور وقتها بحكم جوها (فوق جبل) .. فيها قصور الامبراطور وكم متحف منها متحف اول من صنع طائرة Santos Domunt .. تبعد ساعة ونصف بالباص من ريو .. تطلع الصباح وترجع مع غياب الشمس .. بعد الغياب كل شي يغلق ..
Paraty: تبعد ساعة ونصف الى ساعتين .. مدينة اثرية على البحر .. تقدر تبات ليلة او افضل ترجع اخر الليل الى ريو
Ilha Grande: او الجزيرة الكبيرة .. فيها نشاطات بحرية و قوارب و غابة صغيرة .. تبعد ساعتين عن ريو
Buzios: تبعد عن ريو ساعتين وشوي ... هي شبه جزيزة .. فيها اكثر من 30 شاطئ كل واحد وله ميزته .. وفي بالليل بالسنترو اسم الشارع Rua das Pedras .. المكان اشبه بـ اوروبا من ناحية الشوارع الضيقة و المحلات والمطاعم .. مرة روقاااان .. مزدحمة بالارجتنيين .. لدرجة حتى بعض البائعيين واصحاب المحلات ارجتنيين غير المطاعم الارجتينية .. الفنادق موجودة لكن تسمى Pousada .. اكواخ فندقية هههه
Arraial de Cabo: اقرب من Buzios .. تمتاز بالشواطئ البيضاء والماء الصافي النقي فيها نشاطات بحرية .. غوص .. جولات بالقوارب الصغيرة .. مافيها خدمات خصوصا بالليل من ناحية المطاعم والمحلات .. اذا يا تكون الرحلة تخييم او على بعد 20 دقيقة مدينة لا باس بها اسمها Cabo Frio .. يصير النهار في الاولى و الليل في الثانية
Cachoeiras: هذي مش مدينة .. معناها شلالات بالبرتغالي .. موجودة في اكثر من مكان في ولاية ريو اشهرها في منطقة الجبال .. المشكلة المواصلات صعبة .. الباصات ما تنفع .. الناس تروح بسياراتهم الخاصة .. الفنادق او المكاتب السياحية (منتشرة بكثرة في كوباكبانا) تسوي رحلات الى شلالات.
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 625x469 .
Teresopolis: هذي موجودة في منطقة الجبال .. مافيها شي يذكر غير خضرتها والطبيعة
5. المتزوجين:قريت في احد المواضيع عن استفسار احد الاشخاص انه يخطط للسفر لـ ريو وقت مع زوجته. الفكرة ما فيه مشكلة لكن بس حبيت ابين الـ Life style خصوصا في ريو وقت الكرنفال. ريو وقت الكرنفال ابعد ما تكون عن الرومانسية.
.......
الموضوع كتب بسرعة .. اي استفسار ان شالله افيد
الصور من كاميرتي الخاصة .. ممنوع لطش الموضوع
CARIOCAمواضيع عشوائيه ممكن تكون تعجبك اخترناها لك:
- البرازيل
- رحلة الاستكشاف الى أمريكا الجنوبية
- سؤال لاهل الخبرة من العراقيين وغيرهم
- استفسار عن جمهورية الدومنيكان
- البرازيل
- رحلتي الى البرازيل
- «ريفييرامايا» المكسيكية
- محتار بين فنزويلا و الارجنتين ؟
- ان شالله سوف اسافر الى البرازيل لكاس العالم هناك ممكن مساعدة عندي بعض الاسئلة
- السفر إلى الأوروغواي
- لو حد عاوز اي استفسار عن البرازيل انا جاهز
- سؤال عن تذاكر كأس العالم ضروري
- أريد معلومات لإنجاز مشروعي ع المكسيك
- الارجنتين
- الأرجنتين وابتدأت الرواية مع الأسف كانت حزينة
- أاحد اعضاء المنتدى محتجز في مطار ساوباولو
- كارنفال ريو
- يوميات في البرازيل
- اللغة البرتغالية لزوار امريكا الجنوبية
- السفر الى جواتيمالا
رد مع اقتباس
؟؟ وهل تنصح بالذهاب لشلالات اجواسو لمده يومين؟؟ وسمعت من الاخ اخر فرصه انه فيه اجار فلل على البحر هل تعرفها او لك خبره فيها؟؟ واسف على الاطاله
المشاركة الأصلية كتبت بواسطة abo rema666
المفضلات