أخواني السلام عليكم ورحمة الله وبركاته
في ظل التطور وعالم السرعة اللي وصلنا له ولله الحمد..
والكثير من المعالم والأشياء القديمة اللي تعودنا عليها بدأت تختفي .. ومن الأشياء اللي كلنا تعودنا على وجودها وأكيد أكيد زرناها .. الأسواق التقليدية الشعبية ..
الحلو فالسوق الشعبي انكم تقدرون تتسوقون فجو بسيط وبطابع تراثي قديم.. وزيادة على هذا ان الأسعار تكون دائما معقولة والواحد يجرب المبايعة مع العاملين ويحاول ينقص فالأسعار ..
ومن أهم الأسواق التقليدية أو الشعبية اللي بعدها موجودة ف http://www.arabtravelersforum.com/travel401475.html :
سوق السجاد والسمك والخضروات والفواكه في الميناء
وسوق مركز التجارة العالمي - اللي هو مكان السوق القديم السابق في أبوظبي واللي تم تطويره وبناءه على هيئة مركز مغلق بس فيه الطابق التقليدي البسيط..
http://www.arabtravelersforum.com/travel400110.html
طبعا كلنا نعرف أن السمك من أهم الأطباق عندنا ..
وشو أحسن مكان لشراء السمك غير سوق السمك اللي قرب ميناء زايد، اللي تقدرون تلاقون فيه السمك الطازج بكل أنواعه ..
وطبعا اللي يدل على جودة السوق هو عدد الناس اللي تزوره كل يوم وانا واحد منهم طبعا لووول
وبالقرب من سوق السمك تلقون سوق الخضار والفواكه
بالنسبة لي أحب أخذ الفواكه والخضار من هالسوق ، لأن فيه الكثير من المحلات وتقدر تفاوض في الأسعار وتبايع وتشوف أنواع مختلفة من الفواكه والخضار اللذيذة ..
احساس جميل لما تنزلون لسوق الخضار وتشوفون الخضروات الطازجة والخيارات العديدة اللي عندهم وبالنسبة لي ما قدرت الا ان اشتري كل الفواكه والخضروات اللي اشتهيتها في ذاك اليوم.
ومثل ما ذكرت فالبداية .. بجنب هالأسواق يوجد سوق السجاد
واحب اشارككم بمعلومة قالي إياها واحد من البائعين ان سعر السجاد يُحدد بعدد العقد اللي تكون في البوصة المربعة فكلما زاد عدد العقد كان السجاد أجود واغلى ..
فلما تشترون سجاد لا تنسون هذه المعلومة المهمة وحاولوا قد ما تقدرون تاخذون فكرة عن اسعار السجاد قبل الشراء.
والجميل في هالنوع من الأسواق انه السعر قابل للتفاوض مثل ما قلت وهالشي من الأمور اللي تخلي للشراء والتسوق فهالمكان متعة بحد ذاتها،
أعترفلكم اني مب شاطر فالمفاوضة على الأسعار، لكن لازم يوم أروح مثل هالأسواق يكون معاي حد شاطر لووول.. فحاولوا قد ما تقدرون تحصلون على أرخص الأسعار في السوق.
وإذا تبون تزورون سوق شعبي فيه الكثير من المعروضات التراثية التقليدية أكيد بيكون سوق المركز التجاري العالمي خياركم ..
في كل مرة أزور السوق القى شي مميز ومختلف، وخاصة انه فيه أكثر من ٢٥٠ محل تلاقون فيها مشغولات يدوية وعبي ومجوهرات وحناء وعطور وملابس تراثية وغيرها الكثير ..
ومن الأماكن اللي أحب ازورها بعد هي سوق مدينة زايد اللي فيه أكثر من ٤٠٠ محل لبيع المستلزمات المختلفة من الأقمشة للإكسسوارات للملابس والعطور . . وبالإضافة بعد للذهب واللي تخصص له مبنى كامل
ومركز مدينة زايد مكانه في طريق المطار وطريق المرور
وهذه صورة لسوق مركز مدينة زايد من الخارج
والحلو انه بهالسوق انكم تلاقون الذهب على يمينكم ويساركم وفيه الكثير من الخيارات اللي بتحبونها.
وهذه باختصار جولتنا على الأسواق الشعبية في أبوظبي والصراحة التسوق بهالأسواق ممتع أكثر من مجرد تسوق ..
واللي يجربها يعطيني رايه
مواضيع عشوائيه ممكن تكون تعجبك اخترناها لك:
- عوزة منكم تنوروني الله يخليكم
- قطار دبي متعة للمتسوق ورجل الاعمال
- احذر من فلاي دبي
- لا انا ولا زوجي نعرف تكفون علموني جزاكم الله خير
- عاجل ابي شقق عائلية بدبي وابوظبي
- ادوات تزين الشعر وين القاها في دبي
- «أبوظبي للسياحة» تتوقع مليوني نزيل و غرفة فندقية جديدة في
- اعتماد برنامج احتفالات الدولة باليوم الوطني الاربعين لمدة يوم
- اقتراحاتكم لرحله عائليه في ديسمبر محتاجك لمساعدتكم؟
- استفسار عن الطريق الى الامارات
- افتتاح «سنترو المنهل روتانا أبوظبي» بـ غرفة فندقية
- محتار وين اسكن
- مفاجآت صيف دبي
- تكفون فندق وشاليه بالإمارات مع عائلتي
- ما رأيكم في فندق مونارك دبي
- لوسمحتوا اريد افضل الشقق السكنية في مدينة العين وياليت ارقام هواتفهم
- دبي افضل وجهة عربية سياحية للسعوديين
- اليازي بنت زايد خبيرة الامارات ولايهونون الاعضاء
- عراقي معي الجنسية السعودية واريد الذهاب الي الامارات
- إستفسار عن فنادق دبي
المفضلات