السلام عليكم ورحمة الله وبركاته
أصبّح عليكم أخواني
عساكم بخير؟
مفاجآت هالصيف ما تخلص، وطبعا أخوكم"اللي هو أنا هههه" من الناس اللي تدورعلى المفاجآت وين ما كانت وخاصة الرياضية
البارحة اكتشفت وحدة من النشاطات المائية اليديدة اللي أحب أجربها فأقرب فرصة ممكنة، وهي مغامرة أكثر من إنها نشاط، وبصراحة أحس إنها تجربتين ف وحدة..
تجربة الطيران والسباحة فنفس الوقت .. اممم تحمستوا ؟؟؟
هالمغامرة أو النشاط إسمه ..
فلاي بورد Fly board
إذا كنتو تحبون المغامرة والحماس مثلي، أكيد هاللعبة بتعجبكم
فلاي بورد هي أجدد وسيلة للترفيه في البحر، تعطيكم قدرة إنكم تطيرون في السماء وتغوصون في مياه الخليج مثل الدلافين.
يقولون بتسبح مثل السمكة … لكن مع فلاي بورد أحس بتسبحون بسرعة ورشاقة مثل الدلافين
شوفوا هالفيديو البسيط عن فلاي بورد
https://www.youtube.com/watch?featur...&v=m4Bm3cs9TFo
تعمل فلاي بورد Fly board بنظام تشغيل يسمح للماء المضغوط بدفع الجهاز اللي تلبسونه على الماء حسب السرعة والقوة اللي تفضلونها.
قوة دفع الماء الكبيرة بتخليكم تتحكمون بإرتفاعكم فالسماء وتغوصون في الماء وتتشقلبون وتسون حركات بهلوانية …
هاللعبة أو المغامرة موجودة حاليا ف جزيرة ياس ..
والحلو إنكم تقدرون تجربونها أي وقت من:
11 صباحا- 6 مساءا
ومن:
الإثنين – السبت
ويفضل انكم تحجزون من قبل.
اما عن الأسعار فهي بالباقات والأسعار التالية:
30 دقيقة فلاي بورد – 300 درهم إماراتي (82 دولار أمريكي) للشخص الواحد
60 دقيقة فلاي بورد- 500 درهم إماراتي (136 دولار أمريكي) للشخص الواحد
واو… رهييييب صح ؟!!!
الحلو بعد أنه في خصومات خاصة للمجموعات المكونة من 5 أشخاص وأكثر يعني تقدرون تروحون مع أصحابكم عشان تستانسون أكثر كمجموعة.
وللي يحب منكم يعرف معلومات أكثر، ممكن تزورون الموقع الالكتروني http://www.flyboards-uae.com/
للاتصال :3071 817 050
شرايكم؟؟ تتفقون معاي إنها تجربة مائية فريدة من نوعها.
إذا فكرتو فيوم في شعور الكائنات البحرية وهي تقفز فوق البحر وترجع لأعماقها أعتقد الحين تقدرون تعيشون التجربة بنفسكم.
شو رايكم ؟ تجربونها ؟؟
مواضيع عشوائيه ممكن تكون تعجبك اخترناها لك:
- سؤال عن مستشفيات دبي
- أفتتاح مطار آل مكتوم الدولي بجبل علي
- ابي رايك ب ضروري
- وش رايكم بالمقهى الثلجي؟؟؟؟؟؟؟
- فندق الريفيرا
- قرية الثقافة واجهة فاخرة على خور دبي
- الحجز الالكتروني
- الي جرب فندق المنزل بليز يفيدني بتجربته معاهم
- مساعدده اخوي ابو احمد
- لو تكرمتوا رحلتي ايام و أووووول مره ازور دبي ساعدوني بليـــــــــــــز
- سؤال اجواء دبي بالعيد
- بسافر بالنقل الجماعي وش رايكم؟
- الموقع المميز أين هو؟
- هل يوجد ايجار سائق مع سياره
- ممكن اعرف اوقات المجمعات في دبي بوهيل
- شارع صلاح الدين وينه بالضبط
- استفسار عن محل ؟؟؟
- تجربة لي في رفع صور في المنتدى
- رحلة الى الدوحة من السودان عن طريق دبي عندي كم سؤال اذا سمحتو
- مساعدة بخصوص فندق
رد مع اقتباس
المشاركة الأصلية كتبت بواسطة مسافرأبوظبي
المفضلات