أخواني متابعي الرياضة
كلي حماس مع اقتراب كأس العالم ٢٠١٤ .. بالتأكيد بتكون سنة رهيييبة!!
اللي ما يقدرون يحضرون المونديال في البرازيل مثلي، نبا ندور على أفضل الخيارات عشان نتابع المباريات هالسنة، وعن نفسي أحب أتابع المباريات مع أصدقائي عشان الحماس هههههه،
عشان جي سويت بحث عن أفضل الأماكن اللي الواحد يقدر يتابع فيها المباريات بكل حماس وراحة وبأفضل العروض، وخاصة انه معظمها يكون في فترة المساء وهاي فرصة ذهبية عشان نستانس مع أصدقائنا
وهذه أخواني مجموعة من الأماكن اللي شفتها ممكن تكون مميزة لمتابعة مباريات كأس العالم ٢٠١٤ في http://www.arabtravelersforum.com/travelarab311/
خيمة فيرمونت باب البحر
للي يحبون الأجواء العربية وخاصة أن المباريات بتكون هالسنة فرمضان، تقدرون تجربون ….
فيرمونت باب البحر
اللي خصص خيمة ضخمة خارجية على الشاطئ عشان تستانسون وإنتوا اتابعون المباريات بجو مبرد ومجهز يكفي لـ ٦٠٠ شخص..
والجميل انه الخيمة فيها اربع شاشات عملاقة بالأضافة لـ 12 شاشة بلازما تخليكم تشوفون المباراة بوضوووووح يخليكم تحسون أنكم على ارض الملعب.
وبالنسبة للاسعار:
سعر الدخول للخيمة ١٠٠ درهم وتحصلون على قسيمة شراء للمشروبات، وطبعا تتوفر المأكولات حق اللي يجوع مع التوتر ههههههه
وإذا تحبون تتعرفون أكثرعن الخيمة والعروض اللي فيها تقدرون تتصلون على الرقم
026543238
وهاي الخريطة عشان تتعرفون على الموقع بالظبط
http://www.fairmont.ae/abu-dhabi/map...emapdirection/
فندق شانغريلا، قرية البري
وبعد عندكم خيار ثاني .. واللي هو
فندق شانغريلا، قرية البري
خيمتهم لها طابع عربي مميز مزودة بكل وسائل الراحة عشان تتابعون كأس العالم ٢٠١٤
وعندهم توزيع صوت رهيييب وصورة من اوضح ما يمكن عشان تستانسون بفوز فريقكم .
والجميل بعد ان الخيمة فيها جوائز وعروض مثل ربح طاولة لستة اشخاص والاستمتاع بالطعام والشراب اللي تصل قيمته ل ١٠٠٠ درهم.
ان شاءالله اروح هالخيمة وأفوز بشي من هالجوائز ههههههه
بالنسبة للأسعار:
الدخول 85 درهم شاملة قسيمة مشروبين منعشين يعني سعر حلو جدا.
إذا تحبون تتعرفون على تفاصيل أكثر تقدرون تتصلون على هالرقم
025098888
وهاي الخريطة
http://www.shangri-la.com/ar/abudhab...ap-directions/
قاعة دو في جزيرة ياس
قاعة دو من الأماكن الحلوة اللي تقدرون تحضرون كأس العالم ٢٠١٤ فيها، وهي قاعة غنية عن التعريف بموقعها المميز والجو الحلو اللي تقدرون تستانسون فيه.
وهالسنة
بتتحول قاعة دو لأضخم قاعة لعرض مباريات كأس العالم ٢٠١٤ في أبوظبي، ولا تنسون بعد انها تحتوي على قسم تراثي وبازار للي يحبون التسوق بعد المباراة او حتى تحبون تتمشون شوي خلال الشوطين.
وللي عنده أولاد الحلو بعد أن القاعة فيها منطقة للعب الأطفال واللي تقدرون تستغلونها خلال المباراة عشان تستمتعون بوقت اكثر راحة
ومن موقعهم الالكتروني أخواني تقدرون تعرفون تفاصيل أكثر
http://www.duforum.ae/en/events/world-cup/
وهاي خريطة الموقع
http://www.duforum.ae/en/the-location/
جميرا في ابراج الاتحاد
اكيد في وايد منكم للحين ما زارو جميرا في أبراج الاتحاد، فأنصحكم تجربونها هالصيف وخاصة عشان اتابعون مباريات كأس العالم ٢٠١٤ فهالمكان الرووووعة!
في أبراج الاتحاد تقدرون تتابعون المباريات وانتوا جالسين قريب البركة فأجواء وايد حلوة وطبعا مجهزينها بشاشات كبيرة ونظام صوت مميز عشان تندمجون مع المباراة لابعد حدود
وبعد تستانسون بأشهى المأكولات من مطعمهم المشهور نهام اللي محضر "منيو" خاص بكأس العالم ٢٠١٤
أحاول اتخيل الأطباق اللي ممكن يقدموها !!
ولمعلومات أكثر أكيد تقدرون تتصلون على
028115555
أو إذا تحبون تتعرفون على الأبراج موقعهم تقدرون تقرأون http://www.arabtravelersforum.com/travel898373/
فندق وسبا القرم الشرقي أبوظبي
وللي يحبون يحضرون المباريات لكن فمكان بعيد عن الزحمة .. اكيد بيكون القرم الشرقي هو مقصدكم عشان تستانسون وانتوا تشجعون فريقكم المفضل بجو حلو وممتع
جلستهم بتكون على سطح الفندق ومع المنظر الخلاب والخدمة المميز أكيد بيكون هالمكان واحد من خياراتكم عشان اتعيشون جو المباريات وتكون ليلتكم مميزة بعد
بالنسبة لي أحس هالمكان من الأماكن اللي احب أجربها وخاصة انه متابعة المباراة بتكون مميزة.
وهذا أخواني رقمهم عشان تتصلون وتحجزون أمسيتكم
026561000
أوتقدرون تقرأون عن الفندق والسبا في موضوع أخوي عامر لمعلومات أكثر http://www.arabtravelersforum.com/travel905438/
والحين وقت السؤال المهم أخواني :
شو فريقكم المفضل هالسنة وشو المكان اللي بتختارونه عشان تشجعون فريقكم المفضل؟
شاركوني
مواضيع عشوائيه ممكن تكون تعجبك اخترناها لك:
- متى يقاوم معرض دبي للسيارات ؟
- بالنسبه للنت في دبي وش احسن طريقه؟؟
- الفندق الانسب
- شقق سلوان يرجى الحذر منها قبل الحجز فيها
- فــندق ميـديـا روتانا هوتــيل بــآلــصــور
- ماكان العشم يا جارمنقصة معاناة
- استفسار ياهل الامارات الكرام
- راديون ساس بلو ملينيوم الشارقة
- أبراج الاتحاد كل ما تحتاج إليه في مكان واحد
- سؤال عن الباص
- أبي خدمة عاجلة
- الامارات تتصدر الشرق الاوسط على صعيد أعداد المسافرين بالرحلات الجوية
- فندق الإمارات دبي كونكورد الإنترنت في دبي
- استفسار و إستشارة عن مطار الشارقة
- سما دبي يابعد الحي ، تقرير رحلتي ايام ، ليالي
- الاماكن اللي زرتها بدبي
- استفسار عاااااااااااااااااجل بخصوص فنادق في ابو ظبي
- كاسادي وثالث متاجرها في دبي مول
- تكفون ضروري
- طلب شقق فندقية
المفضلات