الموضوع: للي ما بعد عطوه السفاره موعد يدخلعندي له حل

مساكم-صبحكم الله بالخير

الصراحه من كثر ما استفدت من هالمنتدى ما اقدر ارد ولا البعض من جمايله علي...حتى ولو كانت فايدته علي عن طريق بوابة ماليزيا وهي ما لها علاقه بهالبوابه...لكن قلت...كل اللي في المنتدى عزيزين واخوان :101: ولازم نخدمهم باللي نقدر عليه...وانا مريت بشعور الواحد وهو ينتظر اتصال السفاره...ضغط نفسي :112:

انا ارسلت للسفاره ايميل وفاكس على رقمهم اللي هم يعطونه الناس.....لكن فيه واحد راعي مكتب خدمات طلاب زكرت :109: عطاني زود ثلاث ارقام فاكسات...لعل وعسى انكم تستفيدون منها :101:

تفضلوا الارقام

طبعا هذا هو الرقم المعروف...وغالبا ما يكون مشغول اللي هو 014887275
الرقم الثاني014883989
الرقم الثالث014887670
الرقم الرابع014887360
وانا ارسلت لهم من كم اسبوع ودقوا علي بعد 8 ايام بالضبط
وعطوني موعد في 19 جون ولله الحمد

ايه صح...بالنسبه للي ما يعرف ايميلهم تراه[email protected]

والمعلومات اللي يحتاج تكتبونها...سواء في الورقه اللي تبون ترسلونها بالفاكس..او بالايميل هي كالتالي014887678 والثاني 014881472
وترا احسن وقت ترسلون فيه ايميل او فاكس...او حتى تكلمون...هو ما بين الساعه 9 صباحا الى 12 ظهرا لأنه هو وقت دوامهم ما عدا يوم الجمعه والخميس مثل ما همموضحين في ايميلهم لي

مواضيع عشوائيه ممكن تكون تعجبك اخترناها لك:

• نصائح لتظيم رحله الى اورلاندو
• سؤال طمنوني
• لبنان اوهايو ؟
• تجارب الاعضاء بفنادق سان دييقو
• سعودي بجواز أمريكي كيف أطلع لأمريكا من الرياض
• سؤال لاهل الخبره
• طلب نصائح من
• افضل اسواق الاوتليت في نيويورك بافالو سان فرانسسكو لوس انجلوس سان دييقو
• استفسار ضروووري بخصوص موقع لتأجير السيارات
• استفسار مهم عن الشحن
• وش ارخص الخطوط الموجودة؟
• سفر السعودى حامل الجواز الامريكى؟
• تامين السفر
• محتاجكم وخاصتن بنت الصقور الله لايخلينى منهااا
• استفسار عن بالم بيتش
• بس خبراء أورلاندو يدشون
• سؤال عن مستوى المعيشة ما بين سان دييجو و لوس أنجلوس
• مسافر بعد أسبوعين و عندي كم سؤال ضروري جدا الله يسعدكم
• تعليم البنات في أمريكا
• يا أهل الخبرة ساعدوني

صباح الخير
هلا اخوي ThE PrOGraMmEr يعطيك العافية على هالمعلومات .. وجزاك الله خير وكثر الله من امثالك ... ..
ومبروك على الموعد وعقبال مانباركلك بالفيزا يارب
كل الشكر لك ...
الله يوفقك

جزاك الله الف خير ويعيطك العافيه على المعلومات الرئعه

ونشاء الله الاعضاء يستفيدون منها

يعيطيك العافيه اخوي

كفيت ووفيت :113:

حلم الطلبه الحين الفيزا مو الابتعاث:109:

أبو داحم:صباح النووور :101:
الله يعافيك اخوي ويبارك فيك....وعقبالك ان شاء الله
وما سوينا الا الواجب وانا اخوك :101:

مستر اس اي:الله يعافيك ويجزاك خير على الدعاء....وهذا المطلوب ان الأعضاء يستفيدون ان شاء الله

طيب ماهو عنوان الرسالة التي ارسلتها

ثانياً الذي يدرس شهر لغة ويرجع هل النماذج التي يعبيها تختلف عن غيره

ماهي طلبات السفارة في يوم الموعد؟

العاشق الحزين::الله يعافيك اخوي....هههههههههه من جد صارت الفيزا اكبر همنا :109:

المنتصر بالله:عنوان الرسالهVisa Appointment Request
قصدك اللي راح يروح على حسابه مجرد لغه ويرجع؟؟؟اذا كان ايه...اتوقع ان الفيزا بكبرها تكون غير...لأن الفيزا حقت الابتعاث تكون فيزا طالب..اما شهر اتوقع يعتبرونها سياحه

وبالنسبه لطلبات السفاره...على حد علمي وماني متأكد...الاي توني...الضمان المالي...الابليكيشن المطلوب تعبيها...فيه حوال 3 ابليكيشن في موقعهم موجوده....وكل وحده لها شروطها...يعني ممكن تنطبق عليك وممكن لا...انا بالنسبه لي محتاج اعبي الثلاثه كلهم اللي هم (DS-156). ,(DS-158),,(DS-158)

واذا تبي زيادة معلومات...تفضل الموقع حق السفاره

http://riyadh.usembassy.gov/saudi-ar...ent_visas.html

واذا واجهتك اي مشاكل مع اللغه علمني وانا حاظر ان شا الله :101:

مبروووووووك على الموعد وعقبال الفيزة

والله يعطيك العافية

يعطيك العافيه وما قصرت
والله يوفقك انشالله

ارسلت رسالة لهم

لكن لم يأتني رسالة استلام من قبلهم ! !

ملبورن:الله يبااااارك فيك وعقبالك ان شا الله :101:

الشنكليش:الله يعافيك اخوي ويوفقك :101:

المنتصر بالله:على فكره اخوي المنتصر...ترا اللي يرد على الايميلات كمبيوتر ماهو رجال.....ويكون عنوان الرسالهThank You For Your Visa Appointment Request
انت اصبر يوم من تاريخ ارسالك الايميل...واذا ما ردوا ارجع ارسل لهم ايميل مره ثانيه الى ما يرد عليك الكمبيوتر

واذا ما نفعت كل الطرق...عجل كلمهم قبل ما يجي شهر 4 هجري...ويصير ما فيه امل يشبك معك الخط
اتمنى لك التوفيق اخوي....وما قصرت :101:

الله يعطيك العافيه حبيبنا

والله يوفقك ويرزقك ببنت الحلال كانك ما تزوجت

ههههههههههههههههههه
بالله عليك اللي يرد على الرسائل كمبيوتر .. أجل انا مسوي ذكي كل يوم أغير عنوان الرسالة مسوي ذيييب .. مره أحط Need for Help !! مره Emergency Case ومره (on't forget me
وهلم جره أخخخخخخخخخخخ أول مررررره أحس إني خارق الذكاء ومبسوط إنهم دقوا علي بسرعة قلت أكيد نفعت هالطريقة ... بس أهم شئ كل الطرق تؤدي إلى روما

يعطيك العافيه اخوي على معلوماتك بس ترا افضل طريقه انك ترسل فاكس لأني جربتها انا واتصلوا علي بعد خمس ايام من ارسالي للفاكس طبعاً مو فاكس واحد في اليوم ارسل ثلاثه الى اربعه

يعطيك العافيه اخوووي على هالملعومات

اخوي المنتصر انا رسلت لهم ايميل اول مره وماردوا علي خليتهم يومين ورجعت رسلت لهم ايميل ثاني وماردوا وخليتهم يومين ورجعت رسلت لهم ايميل بوقت دوامهم الي هو مابين التاسعه صباحا حتى 12 صباحا والله على طول اول مارسلت لهم الايميل ردوا علي بايميل وقالو انه ايميلك وصل ومعلوماتك وراح ندق عليك قريب لاترسل خلاص لاتنشب :109: :109:

تراهم مايحبون النشبه انشب يعطوونك موعد :109: :109:

كنت العب بلاي ستيشن يوم شفت الرقم من الرياض 01 نقزت من مكاني :109:

هذي الرساله الي ارسلوها لي

This is an automatically generated Delivery Status Notification.

Delivery to the following recipients failed.

وتحت مكتوب البيانات الي ارسلتها لهم

تحياتي
العاشق الحزين

أمير القلوب:الله يعافيك يا بعدهم...ويوفقك ان شاء الله...اما العرس...تونا تماسيح ما بعد طبينا البحيره مع السحالي :109:

swcc2004 :هههههههههههههههههههههههههههه انت المفروض تشتغل في الاف بي اي وانا اخوك :109:
على كل حال الحمد لله انهم عطوك موعد...بس تعجبني...الحاجه ام الاختراع :109:

red_haert :كلامك صحيح اخوي...بس المشكله تخاف انهم يحطون رقم فاكسك او ايميلك مع اللسته النشبات وما يردون عليك :109:
وبالنسبه للأرقام اللي حطيتها انا...انا متأكد انها كلها فاكسات وانا مرسل عليها فاكسات بنفسي...وانا ما انصح بأن الواحد يجلس يرسل كثير لهم....لأني ارسلت مره وحده على كل رقم...ومره على ايميلهم...وكلها 8 ايام وهم مكلمين...وبعدها بكم اسبوع سألني ولد عمتي عن الطريقه وقلت له نفس طريقتي...سواها له ولواحد من اخوياه...كلموا خويه بعد يومين...وكلموه هو بعد 5 ايام تقريبا :101:


معانق الدموع:هههههههههههههه انتبه لا يطق فيك عرق وانت تنقز يوم شفت رقم الرياض :109:
بالتوفيق اخوي...والله يكتب لنا جميعا...اللي فيه الصالح والخيره :101:

The Sad Lover :والله غريبه وانا اخوك....معنى رسالتهم بالعربي"انه فشل ارسال رسالتك للمستقبلين "
طيب سؤال....هلحين الايميل اللي جاك فيه هالكلام....من ايميل السفاره؟...ولا من نفس مزود خدمة الايميل(ياهو او هوتميل مثلا)؟
على اساس اعرف المشكله من عندهم ولا من السيرفر اللي يرسل الايميل في مزود الايميل اللي انت مسجل فيه..
انتظر ردك...واي خدمات انا حاظر :101:

انا ارسلت رساله ،،، فيها المعلومات اللي موجوده بموقع السفاره ،،،
ومن بكره جاوبني اظن الكمبيوتر ،،، ويقول

Thank you for your email.

This is an auto reply to your email; please do not reply to it if you have already sent the information listed below.

To schedule an appointment for a non-immigrant visa, we must have the following information:
· Passport No.

· Full Name (as shown in passport)

· Date of birth

· Place of birth

· Date of passport issuance

· Date of passport expiry

· Purpose and Date of travel to the U.S.

· Contact No.

المهم انا كتبت كل المعلومات ماعدا تاريخ الذهاب ،،، هل لازم ارسل الرساله مره ثانيه ؟؟
وانا اصلا ماعندي تاريخ ذهاب ،،،
بس حاجز من الحين علشان بعد اربعة شهور ان شاء الله كل اوراقي جاهزه ،،، واروحلهم !!!

وشكرا ،،،

سلاااااااااام

Passport Number. (رقم الجواز)
Full name as shown in passport. (الإسم بالكامل..مثل ما هو مكتوب في الجواز بالضببط....تأكدوا انه نفس السبلينق...لأن حرف واحد يسوي مشاكل)
Date of birth. (تاريخ الميلاد)
Date of issue. (تاريخ اصدار الجواز)
Date of expiry. (تاريخ انتهاء الجواز)

اخي بس هذي المعلومات اللي ارسلها عشان اخذ موعد ..

طيب انا الى الان ماحصلت على i20 ولا ضمان مالي هل اراسل السفاره واحصل على موعد قبل لااحصل على i20 وضمان مالي ..



؟؟

أخوي ذا بروقرامر

والله شكلها من الهوت ميل تصدق توني اشوفها

From :
Sent : Saturday, March 25, 2006 10:53 AM
To : ْْ[email protected]
Subject : Delivery Status Notification (Failure)

ابي ارسلها لهم مرة ثانيه

انا بأنتظارك

تحياتي

العاشق الحزين

نفس الحالة اخوي

ارسلتها مرة ثانيه ونفس الرساله

وش اسوي اغير البريد يعني

تحياتي
العاشق الحزين

نفس الرساله

ارسلتها من بريدي الثاني

شكلها من الهوت ميل

وش السالفه من اولها حظي نحس ..!!!!

والله مابحظك احسن من حظي
لكن انت حاول مره ثانيه يمكن انك غلطان في الايميل .. تأكد من الايميل الي تبي ترسل له
انا ارسلت لهم حوالي خمسة ايميلات وحوالي 7 فاكسات ..
هذا لي ثاني اسبوع وانا انتظرهم يعطوني موعد والى الان مكاااانك سر .. لم أتلق ولاااا ايميل الا auto replay
على قولتكم ( كمبيوتر ماهو رجال .. !! )

بالتوفيز

hms_84 :والله اللي فهمته وانا اخوك من رسالتهم انه خلاص بما انك ارسلت معلوماتك اللي تحت....لا ترسل مره ثانيه حتى لو جاك ايميل منهم....لكن غريبه:114: !!!شكلهم غيروا الايميل اللي يرسلونه للناس...انا ما جاني كذا...انا طلبوا نفس المعلومات اللي طلبوها منك ما عدا وقت السفر والهدف من الزياره
الصراحه ما ادري...ترسل لهم مره ثانيه او كذا يكفي!؟
كان بودي اخدمك اخوي...لكن للأسف الايميل ذا ما جاني مثله وما اعرف...لكن اتوقع ان شا الله ان الايميل اللي ارسلته بدون تاريخ السفر يكفي لأن اغلب اللي ماخذين مواعيد(مثلي ومثلك)ما يدرون اصلا متى وقت السفر

Mr.Sting :والله وانا اخوك....هذي هي الملعومات اللي ارسلتها واتصلوا علي وعطوني موعد...لكن اشوف الأخhms_84 طالبين منه زيادة معلومات مثل وقت السفر وهدف الزياره....اتوقع انهم توهم مغيرين الطريقه
على كل حال....بالنسبه للأي توني والضمان المالي للسفاره...اهم شي يكونون موجودات معك يوم المقابله في السفاره....وما تحتاجها عشان تاخذ موعد...يعني انت احسبها في مخك...اذا تتوقع انك يبي يمديك تجيب الأي توني والضمان المالي قبل ما يجي موعدك ولو بيومين او يوم...توكل على الله وخذ موعد...واتوقع ان المده اصلا كافيه انك تجيب بوش بكبره مهوب ضمان مالي وبس ههههههه
لأنهم يزرعونك على الأقل 3 شهور

ساد لوفر:صحيح....المشكله من الهوتميل...لكن غريبه انا قبل فتره مرسل لهم من الهوتميل وما فيه مشاكل
لكن اذا عندك ايميل في الياهو او اي ايميل ثاني جرب وان شا الله يضبط معك...اما اذا ما ضبط فأكيد من ايميلهم هم مهو من ايميلك انت....اتوقع بسبب كثرة الطلبات يمكن ضرب عندهم!!!:114:
ومثل ما قال الاخ عبدالله 85 تأكد من الايميل صح ولا تيأس ان شاء الله :101:

عبدالله 85:ههههههههههههه ترا وانا اخوك الظاهر انهم اذا شافوا الواحد نشبه كذا يسحبون عليه وماعاد يردون لأني لاحظت في كل ايميل لهم يقولون(لا عاد ترسل لنا مرتن ثانيه ولا يبي يجيك علمن ثاني :109
لكن لا تيأس وبإذن الله انهم يبي يدقون :101:

اخوي ThE PrOGraMmEr ،،،
شكرا لك على الرد ،،،

سلاااااااام

والله مهزلة

بجد والله مهزلة يا شباب وليش المماطلة من السفارة ايش زحمة بلا زحمة بلا كلام فاضي حتى لو يقولون فية عشرة الاف طلب وايش يعني هو ما عندهم الا سكرتي وموضف استقبال عندهم مية غرفة في كل فرفة مية موظف هم في نقص موظفين والا يبون يستعلمون عن الشخص يروحن يسألون الشيخ والا العمدة عن ابوة وجده الله لا يهين الكمبيوتر في ضغطة زر تستفسر عن سابع جد لاي واحد ووين ووين جاي مهزلة ليش كذا


معليش شباب انا احبكم وأحد المتضررين زعلت من اللي يزعلكم حبايبي والا اذا عني بلاش


تحياتي

^^^
تسلم على اهتمامك...لكن الشكوى لله

اذا كان لك عند الكلب(وانتم بكرامه) حاجه قله يا سيدي

لكن ما نقول الا الله يسهلها ان شاء الله :101:

مابقى طريقة لأخذ الموعد ما اتبعناها !

وايميلهم ازعجنا بالرد التلقائي ولا احد دق

تحياتي

مشكور اخوي

منورينا :101:

اخي العزيز ThE PrOGraMmEr
يعطيك العافيه على كل هالمعلومات:24: :24:

لكن عندي سؤال بسيط؟:114: :114:
هل الورقه الي ارسلها بالفاكس مصور عليها الجواز او بس البيانات

مشكوور على المعلومات المفيده ..

انا بصراحه ارسلت لهم فاكس .. وجاري الانتظار ..

ارسلت لهم على يوم الربووع .. واليوم الاحد .. وما حصل اي شي ..

ادعولنا بالتوفيق ..

سكر600 :هلا اخوي....لا ما يحتاج صوره للجواز...انا ارسلت بس البيانات مثل ما وضحت لكم في بداية الموضوع....:101: بالتوفيق وانا اخوك

الشين بالحيل::زين على زين....بس ورا ما ترسل لهم زود ايميل...وحاول برضه تتصل...زيادة الخير خيرين...والله يكتب للجميع اللي فيه الخير ان شا الله :101:
وبالنسبه لأنهم ما بعد اتصلوا...عادي انا جلسوا 8 ايام وواحد من العيال جلسوا عشر ايام
بس عشان ترتاح نفسيا حاول تاخذ موعد عن طريق الاتصال بالتلفون مباشره

وانا اخوك اتصلنا عليهم مايرد الا السنترل وتجيك حرمه تتكلم وتقول من كثر الضغط عليهم رجاء ارسال ايميل او فاكس وارسال المعلومات التاليه :
رقم الجواز
الاسم كاملا
تاريخ صدور الجواز
تاريخ نهاية الجواز
ميلادك
رقم هاتف او جوال

ومن لم يكتب المعلومات السابقه لن ينظر لطلبه . ومن اراد اخذ موعد مباشره الاتصال من الساعه 9 الى 12 ومن ا الى 5 ...

ونفس الطريقه كلمه دقينا مايرد الا هي ...
وكلمت سوداني على تحويله ولا اعطاني وجه وقال مانقدر ومافيه وقت عنده كل يوم ناخذ 150 شخص ...

وردد ياليل ماطولك ..

وارسلنا لهم فاكسات وايميلات لكن مانفع معهم .... ولي فتره والله وانا احاول لكن ماراد الله ..

والله يكتب كل مافييييييييييييييييييه خير ...

والله يوفق الجميع ..

الله يعطيك العافية أخوي ThE PrOGraMmEr على الجهد اللي تقدمة ...
بس الله لا يهينك أنا عندي استفسار ... أنا موعد دراستي بكندا هي يوم 28 /6/2006 وأنا ودي أطلع فيزا ترانزيت أمريكية .. مدري هل يمدي أطلع الفيزا قبل السفرة ولا لا ؟؟؟
و مشكووور مقدما"

الله يعطيك العافية على هالمعلومات أخوي ThE PrOGraMmEr ...:24:
أنا دراستي بكندا راح تبدا يوم 28/6/2006 وودي أحصل على فيزا ترانزيت أمريكية... لكن ما أدري اذا هالشغلة بتاخذ وقت ... وهل يمدي الفيزا تطلع قبل السفرة ؟؟؟:114:
و مشكووور مقدما":113:

انا ارسلت لهم مره واتثصلوا علي من بكره وحددوا موعدي في 12 اغسطس

يعطيك العافيهعلي الارقام وموفق

مشكورين جميعا على المرور.....وبالنسبه للأخ دكتور عزيز...للأسف والله ما عندي فكره وانا اخوك
كان بودي اني اخدمك

... الف مبروك أخوي ..
وانا كلموني يوم 29-4-2006 اساعة 10.20am وقالوالموعد 22 August
وراسلتهم على الفاكسات رقم0148887670 - 014887360 - 014887275 - 014887939 - 014883989 - في 24 Apr بس الغريبة ما عطوني رقم قالي روح أساعة 8am وقل اسمك عند البوابة وراح يدخلونك.. الله يستر ويكون اسمي في السته دعواتكوم

انا لي 5 ايام مرسله ايميل لهم بس مابعد دقوا علي
عندي سؤال لما ادق عليهم اخذ موعد ايش المعلومات اللي يحتاجونها؟
معقوله بجلس انقلهم سبلنغ الأسم يمكن مايسمعني زين!!