السلام عليكم ورحمة الله وبركاته
أخواني أخواتي
أعتقد كل منا يحب مدينته ويعتز فيها، فشرايكم اليوم نتشارك مع بعضنا، وكل واحد فينا يكتب ١٠ اسباب ليش يحب مدينته، الموضوع اصعب مما تتخيلون لأن صعب تختصرون حبكم لمدينتكم فعشر نقاط بس.
أنا ببدأ بمدينتي الجميلة أبوظبي
- من المدن اللي يغلب عليها طابع الحضارة والتطور والعصرية مع الإحتفاظ بتاريخها وتراثها..
تلقون مناطق فيها منازل بسيطة وصغيرة وبناياتها متواضعة..
- أحب فيها الاهتمام الواضح بالعادات والتقاليد ، فكل مشروع يتم انشاؤه في أبوظبي يبنى على اساس يتكلم في التراث للأبد، سواء كتصميم او مضمون او احساس، وهذا بالنسبة لي يربط اهلها وشعبها مع تاريخهم ويقوي حبهم لتقاليدهم.
- أبوظبي تتميز بشعبها الرائع، أخواني اللي اعتز فيهم من عاداتهم وتقاليدهم، لقلبهم الكبير وتمسكهم بالأنظمة والقوانين وحبهم لمساعدة الناس
- أحب في مدينتي تطور مشاريعها الجميلة ، مثل http://www.arabtravelersforum.com/travel876385/ وhttp://www.arabtravelersforum.com/travel878213/ وhttp://www.arabtravelersforum.com/travel878437/ وhttp://www.arabtravelersforum.com/travel906287/ .. وغيرها الكثير
واعتقد هذه المشاريع العملاقة اللي ممكن تخليني أزور أي مدينة
- احب بساطة حدائقها والعناية بالخضرة مع انها من مدن الخليج ذات الحرارة المرتفعة، لكن الحرص اللي فيها على الحدائق شي يبهرني بالفعل وأهم الأشجار اللي تهتم الإمارة بزراعتها مثل ما تعرفون .. النخلة
- احب خليجها ومنظر شواطئها، وأحب السباحة والغوص
- أحب انها مركز للحضارات، تتعرف فيها كل يوم على ثقافة مختلفة وأصدقاء جدد وتنمي معرفتك واحساسك بالعالم اللي حولك وكان العالم قرية صغيرة اسمها أبوظبي
- أحب فيها تنوع الأماكن .. كل يوم تفتح مطاعم ومحلات جديدة .. فتلقون كل شي بالإضافة للفعاليات المائية، والحفلات الغنائية، والعروض، والأنشطة وغيرها الكثير
- أحب شتاها اللي فيه تحلى طلعات البر وكل الطلعات الخارجية ...
- أحب ترتيب شوارعها ونظافتها .. ووعي أهلها بأهمية هالصورة الجميلة اللي يبنونها
- وأخيرا أحب أبوظبي لانها مدينه الفرص بالنسبة لي، تدعم للأعمال والتجارة والمشاريع الضخمة اللي توفرها لكل شخص يبحث عن فرصة تغير حياته للأفضل
هذه ببساطة أسباب حبي لأبوظبي
شو عنكم أخواني؟ ليش تحبون مدينتكم ؟
مواضيع عشوائيه ممكن تكون تعجبك اخترناها لك:
- الوايلد وادي
- متى يفتح سوق التنين الصيني برمان
- دبي ماريناالممشى دبي مولالامارات مول
- مساعدة في حجز شقة في دبي
- الرياض دبي الرياض على مختلف الخطوط مقارنة
- نادي أطفال والبيبي سيتر
- فندق بنادي صحي غير مختلط
- فندق نوفوتيل بوابة أبوظبي
- ارجو من اهل دبي واهل الخبره الدخول
- أدخلوها امنين تقرير مصور عن زيارة مدينة مصدر أبوظبي
- أفتتاح مطار آل مكتوم الدولي بجبل علي
- مليارات درهم لـ مشروعاً عقارياً في دبي
- المساعه في مدينة العين
- إستفتاء أفضل فندق من الموجود
- اي الفنادق افضل للعائلة
- صديقتي دبي تراني جيت يوجد بداخل كرتون قلوب
- ياشباب وش الحل مع ساعة توقف في مطاردبي
- تكفون تدخلو الموضوع ضروروي
- استفسار بخصوص شاطئ جميرا بيتش
- تكفون ياهل الخير والنشامى ابيكم
المفضلات