الموضوع: مسافر جديد ابي الشور تكفون

بسم الله الر حمن الرحيم


اخواني اعضاء المنتدى السلام عليكم ورحمة الله وبركاته

قدر الله على اخوكم وحجزت على جاكرتا 1/12/2011 بمشية الله والعوده 12/12/2011م

طبعا الناقل الرسمي الخطوط الإماراتيه الرياض دبي دبي جاكرتا والعوده كذلك

تكفون ابي فزعتكم ترتبون لي جدول جميل امشي عليه ومعلومات كافيه وللعلم انا شفت مواضيع كثيره متعوب عليها
من الأخوه لكن ابي معلومات اكثر بارك الله فيكم

عدد الأشخاص انا والمدام (2)
انا قدرت تقريبا لكل يوم 1000 ريال شامل كل شئ لو اعتبرتها 10 ايام صافيه هل قليل المبلغ او كافي
ابي الأماكن في كل بلد + التنقل الداخلي والترتيب في اي بلد ابداء واتمشى + الاماكن اللي تنفع للعوائل سوا بحر او خضره وتمشي + الفنادق واسعارها + كيف احجز الى بالي وكم سعر التذكره +المحضورات اللي اتجنبها هناك سوا من اماكن ا و مدن او غيره وطريقة الفلوس كيف اشيلها معي كلها او احطها مع الجوازات بالفندق وشنو احتاج اخذ معي هناك

واخيرا تقبلو ودي واحترامي للجميع

واعتذر عن اسلوب الطرح

مواضيع عشوائيه ممكن تكون تعجبك اخترناها لك:

• انا موجود في الجبل ابي استفسر عن شي
• ارجو المساعده بقدر الامكان
• أرغب في الذهاب في رحلة لأندونيسيا ابي اروح جكارتا و بالي و بنشاك
• هل سعر السيارة هذا معقول أيام العيد
• ما هي أفضل الجزر في اندنوسيا فزعتكم بليز
• إستفسار عن أجواء اندونيسيا في شهر أغسطس
• اقتراحاتكم تهمّني أرجو منكم الإفادة بخصوص رحلتي إلى بالي
• استفسار للعوائل
• استفسارات قصيمي
• استفسار لخبراء اندونيسيا
• استفسار عن الفنادق
• هل توجد خريطه توضح الفنادق على جزيرة بالي
• استفسار الطيران الداخلي
• محتاج نصايحكم يا حلوين ،، اول زياره
• افاده
• برنامج لبالي خمسه ايام والباقي للجبل
• الفزعه يأهل النخوة
• أي الاماكن التالية افضل لقضاء يوم العيد
• سؤال خفيف تكفون؟؟
• بخصوص حجز الطيران الداخلي في اندونيسيا

هلا بك أخوي أنا لسى في البلد ولسى جاي من بالي والحمد لله كل شي ميسر وسهل ومضبط حجوزاتي وكل شي من الرياض طبعا شامله فنادق وحجوزات طيران داخلي على خطوط ليون بـ 550 ريال للشخص الواحد
وبالنسبه لبالي فأنا أنصحك بمنتجع فلل دريم لاند وفيه سواق ممتاز وعلى كيفك أعرفه في بالي مسلم ويتكلم عربي وانقلش بطلاقه

عموما أخوي انا بإذن الله لين رجعت حاولت انزل تقرير بسيط لرحلتي

بارك الله فيك يالغالي وترجع بالسلامه ياخلفهم

لكن انا ان شاء الله بسوي الحجز من السعوديه قبل اروح لكن بشوف كم يوم يناسب جاكرتا ومتى اروح بالي

عشان اقدر بموجبها انضم الحجز

طبعا أنت أيامك الفعليه هي 10 ايام + يوم وصولك ويوم العوده
فأقترح عليك أنك تجلس في جاكرتا يوم واحد وبعد كذا تتوجه إلى بالي 4 ايام وبعد كذا ترجع وتتوجه إلى بونشاك 3 وتسكن في فندق أفضل لك لأنك أنت والمدام والفلل بصراحه موحشه لشخصين وبعد كذا تتوجه إلى جاكرتا يومين للتسوق ومن ثم العوده أو تحذف بونشاك وتروح باندونق وأحسب حساب المشوار تقريبا 4 ساعات او أكثر بالسياره

اشكر مرورك وراح يالغالي

يخليك ربي ويردك لأهلك سالم

نشوف اراء الأخوان

تخطيط أخينا الكريم إبراهيم-أبو عبدالله مناسب لك وأتفق معه طالما المدة قصيرة
ومن رأيي الجبل وتلغي باندونق حتى تقلل من المسافات وتشعر بالراحة والاستقرار يعني ..
جاكرتا 1 بالي 4 الجبل&بوقور 3 جاكرتا 2 ..
الميزانية مناسبة جداً والأفضل حجز الفنادق وتذاكر بالي من الإنترنت وتريح بالك وعندك خيارات كثيرة
مثل طيران ليون اير واسيا اير وتجد مواقعهم على الإنترنت وأسعارهم ..
جزيرة بالي عندك منطقة ابودا أو سيميناك مناسبة لك وفيها خيارات فلل ممتازة وكذلك دريم لاند ويمكنك
الاستفادة من هذا الرابط في اختيار فيلا مناسبة لعددكم ..
http://www.arabtravelersforum.com/travel467516

الفلوس والجوازات تضعها في السفتي بوكس وحاول تدون كل الأماكن التي قرأت عنها في ورقة وهناك
تذهب لها حسب وقتك وليس المفروض زيارة كل الأماكن فهذا يحتاج أيام كثيرة ولا ترهق نفسك
بزيارة كل الأماكن والمعالم السياحية وبالذات في بالي فالمسافات أحياناً طويلة بينها ..
هناك كرت دخول يجب عليك تعبئته لك ولزوجتك ويختم من الجوازات عند الوصول وتحافظ عليه مع الجواز
وعندك فيزا لشخصين 25 دولار × 2 وكذلك ضريبة مغادرة 150000 روبية × 2 ..
جاكرتا تكفيك التكاسي وهي متوفرة بكل مكان وبالعداد أما الجبل تحتاج لسائق خاص وتجد رابط مثبت فيه
أرقام لسائقين مجربين من الأعضاء سجلها عندك وتتصل عليهم وتتفق على السعر ..

خلك على جاكرتا وبالي اريح لك
الجبل ممكن تنزل له من الصباح وتروح لمكان او اثنين وترجع لجاكرتا

على حسب المزاج انت قرر وين تبي تروح

مثل انا ماعجبني جو مثل بونشاك وجلستها كانت ايام من العمر

وبالي برضو ديره حلوه بس مشكله اذا صادفت الرطوبه في اليوم تروش عشر مرات

اتمنى لك رحلة سعيده