الموضوع: التجارب والخبرات والقصص في مطارات الولايات المتحدة الأمريكية

بــســم الــلــه الرحــمــن الرحــيــم

اخواني واخواتي أعضاء هذا المنتدى الرائع


مــــنــــتــــدى الــــعــــرب المــــســــافــــرون


السلام عليكم ورحمة الله وبركاته

نحمد الله عز وجل قبل كل شئ على التوجه الاستراتيجي الذي اتخذته الدولة في ابتعاث أبنائها وبناتها

للتعلم في الخارج وفي الولايات المتحدة الأمريكية بالتحديد وطبعا هناك مئات الطلاب المبتعثين والسياح الي

وصلوا لأمريكا والمئات ان شالله في طريقهم للذهاب إلى هناك خلال الأشهر القليلة القادمة سواء للدراسة

أو السياحة .. عشان كذا اقترح هذا الموضوع الي أتمنى من كل شخص قد سافر لأمريكا انه يعطينا خبرته

في المطارات الأمريكية الي نزل فيها .. قصص صارت له فيها .. مواقف معينه .. نصائح من خلال

التجربة .. محاذير معينة يجب أخذها في الاعتبار ..و أي شئ طرحه ممكن يفيد مسافر يصل لأحد المطارات الأمريكية

لأنه هدفنا في النهاية في منتدى العرب المسافرون نستفيد من بعضنا كأعضاء ونفيد اخواننا الزوار ..



و استفتاحا للموضوع إليكم :



mode في مطار jfk بنيويورك


كانت رحلتي الصيف الماضي من الرياض إلى نيويورك على الخطوط السعودية .. وصلت الطيارة مطار jfk بنيويورك الساعة 7 صباحا .. اول ما نزلت الطيارة كنت منبهر من ضخامة المطار وكان اخوكم فاتح خشته :115: ويقزقز في المطار من شباك الطيارة :108: الين وقفت .. اول مافتحوا الباب ونزلنا ما اخفيكم انا كنت مرتبك شوي كونها أول زيارة لأمريكا وقمت اتلفت يمين ويسار ( ومن تجربتي هذا غلط ويلفت انتباه الموظفين لأنه مهما كنت واثق من نفسك شئ اكيد السكيورتي الي في المطار ينظرلك نظرة ثانية) المهم دخلنا مبنى المطار وكنا نمشي من ممر إلى ممر وبصراحة استغربت ضيق الممرات بعضها ما كان يكفي إلا لشخصين جنب بعض ! ... بعدها دخلنا على صالة الجوازات الي ابهرتني بضخامتها والكاونترات الي فيها تدوخ من كثرها ... وقت الرحلة كان ممتاز لأنه مافيه ضغط على موظفين الجوازات وكان فيه تقريبا ثلاث مسارات .. انا وقفت في واحد منهم انتظر دوري وفجأة جاني أفريقي ضخم لابس اللبس التقليدي للأفريقين قام يرطن بالنيجيري مدري بالغاني انا مافهمته وعرفت انه ما يفهم انقليزي بعد لكن بعد لغة الاشارات الله يسلمها اكتشفت ان الرجال يبغاني اعبيله كرت الوصول الله لايهينه !!

انا ومن منطلق المساعدة مسكت جوازه وبديت اعبي بياناته الا ووصلني الدور وقتها حاولت اني افهمه حتى لو بالإشارة وش يسوي بالضبط عشان امشي انا .... الا ويرفع صوته موظف الجوازت ويناديني - لوسمحت لا تعطل السرى - طبعا بالأنقليزي ( نصيحة يا اخوان لا تهتم الا بنفسك والي معك ونظام الفزعات خلوه في ديارنا وعند ربعنا ) ,

وصلت للكاونتر وسلمته الجواز وسألني الموظف عدة اسئلة سريعة وبسيطة بعدها دخل جوازي في ملف اصفر وقالي تعال معي (انا وقتها قمت اهوجس وين بيوديني هذا وما اكذب عليكم جتني ام الركب :109: ) مشينا الين دخلني غرفة انتظار عطاني ابلكيشن وقالي عبيه الين يجون الموظفين .. والأبلكيشن يطلب معلومات غالبا انت معبيها في ابلكيشن السفارة لكن فيه معلومات جديدة مثل اسماء والديك وتواريخ ميلادهم المهم انا عبيت الاستمارة ثم جو الموظفين وما بدوا في تخليص المسافرين إلا بعد ماخلصوا ملاحين الخطوط السعودية كلهم ...

جا دوري والي مقابلني كان واحد عسل واخلاقه عالية سئلني عدة أسئلة وطلب مني بطاقات الائتمان حقتي ولأنها كانت أول زيارة لي طول معي (حوالي 25 دقيقة) عشان يسجل معلوماتي في الكمبيوتر ... بعد ما خلص من التسجيل بدأ يتكلم ويعطيني ارشادات وتعليمات ..

هاذي الارشادات والتعليمات يا اخوان انتبهوا ما تتقيدون فيها او تهملونها لأنها ضرورية جدا منها مثلا الوقت الي لازم تغادر امريكا بعده ومثل تسجيل الخروج من امريكا وهذا شي اهمله واحد من زملائي ويوم جا يدخل مرة ثانية يحلفلي زميلي انهم كانوا شوي ويرجعونه للسعودية والموظف الي دخله حذره من تكرار عدم تسجيل الخروج من امريكا ...

خلصت من المقابلة وعطاني الموظف كرت (لايضيع) اسلمه عند البوابة .. مريت قبل السير حق الشناط واخذت عفشي ومريت البوابة وسلمت الكرت وطلعت من مبنى الرحلات الدولية ..

من خبرتي في مطار نيويورك تراه مطار شاسع وكبير ومقسم لعدة مباني يربط بينها سكة لقطارات صغيرة كل مبنى من هالمباني فيه مجموعه من شركات الطيران .. عشان كذا اذا بتطير من مطار jfk حاول تجي قبل وقت كافي من الرحلة عشان تخلص اجراءات الرحلة في الوقت المطلوب ..

وعلى فكرة بما انه كثير من المبتعثين طلاب بكالوريوس وماعندهم لغة انا انصحهم يسافرون على الخطوط السعودية لأن الخطوط وملاحيها الرائعين ( بدون مجاملة ) راح يساعدون الشخص من يركب الطيارة في الرياض إلى ما يطلع من مطار jfk بنيويورك ..

هاذي تجربتي في مطار jfk والحمد الله ما واجهت اي عقبات وكان وضعي في المطار ممتاز جدا .

أتمنى لكم التوفيق والله يحفظكم في كل مطار ...

مواضيع عشوائيه ممكن تكون تعجبك اخترناها لك:

• ارخص خطوط من امريكا
• ماهو ألأفضل شريحة امريكية او موبايلي و
• استفسار سريع واريد رد سريع
• عاجل الى الاخ امباكت
• مشكلة بخصوص
• عندي سفره للامارات بعد الموعداستفسار
• افضل طيران داخلي
• اسهل مطار امريكي من ناحية الاجراءات
• الى خبراء كاليفورنيا
• الف شيراتون و فندق باورلاندو ؟؟ ايهو احسنها بلييز ؟
• أحد من مدينة جونسفل الأمريكيه
• مشكله بسيطه قبل الموعد مع السفاره
• أرجو المساعدة ضروري في خطأ مطبعي بالفيزا
• سعودي ابي اشتغل بأمريكا ابحث عن عمل اقــدر ؟
• تجديد شهر العسل في كليفونيا
• ايهما افضل بالنسبه لصرف الدولار؟
• استفسار بخصوص العيش والعمل في امريكا
• هل تصلح امريكا للسفر كسياحة لشخص لوحده ؟
• سؤال عن البطاقة الاتمانية الراجحي تسوق
• الموعد الطاريء مساعده

.. تجربة رائعة ..

نتمنى من بقيةالاخوان الواصلين تنويرنا عن رحلاتهم و مغامراتهم ..

الحقيقه ودي اشارك وياكم في الموضوع الحلو واللي الكل متخوف منه ما ادري ليش تقول داخلين تحقيق وهذي بالمناسبه اجراءات للكل يعني مو بس للعرب انا نزلت مطار جي اف كينيدي ومثل مو عارفين المطار كبير وهائل وكان وياي زوجتي اعيالي الاثنين مشيت ليمن وصلت الكاونتر وكان مزدحم لدرجه كبيرة من كثر الطيارات وصل دوري الموظف سألني من وين جاي قلت من الكويت ورقم الرحله مرر الجواز على الكمبيوتر ومافي معلومات وقاللي من وين ماخذ الفيزة طبعا هني مثل ماقال اخوي جتني ام الركب قلت من السفارة الامريكيه من الكويت والعام انا جيت امريكا عادي ودخلت عادي المهم حاول كذا مرة مافي معلومات وقاعد يتصل في مسئوله يقوله في مشكله عندي المهم جا المسئول وحاول يحل المشكله واخير بعد ساعه انحلت المشكله وهي بكل بساطه موظف الجوازات في الكويت ما مرر المعلومات دايركت لامريكا ( كل راكب يركب الطياره لامريكا في الكويت على الاقل اتكلم في موظف جوازات قبل بوابه الطيارة عنده لاب توب ويمرر كل جواز فيه ويرسلها مباشره لامريكا ) وبعد اتظاح الصورة تأسف مني على التاخير وقام وقاللي بصم ووصور انت ويا اهلك طبعا البصمه مطابقه
وبعدين رحنا للسير وشلت الشنط ورحنا للتفتيش بارادتي يعني محد قاللي وقلت للموظف معاي ماكولات قاللي شنو معاك قلت معاي قهوه تركيه وشاي مغلفين تغليف مضبوط قاللي خلني اشوف وبالفعل شافهم وقاللي مافي مشكله

المهم في كل مطار لازم تروح قبل الطيارة بوقت لانه في تفتيش وتفتيش دقيق على كل الناس مو بس للعرب ولازم تنزع وانتو بكرامه الحذاء وهذا للكل بعد مو للعرب بس وانصحكم بالاكل لاحد ياخذ معاه اكل نهائيا

المهم اني مريت بكذا مطار مثلا نيويورك جي اف كنيدي ولاغواريا ومطار اولارندو ومطار لوس انجلس ولاس فيغاس وكلهم في نفس المستوى من التفتيش والدقه

شكرا على الموضوع الحلو :101: .. اعطيتونا فكرة عن مطار نيويورك ... ويا ليت الي عنده فكرة عن البهارات اذا كانت ممنوعة ولا لأ ؟؟؟ والشوكلاتة و المعلبات ... ياليت يفيدنا ... :106:

السلااااااااااااااام عليكم كيف الحال؟انا ودي اشاركم بالموضوع انا كانت رحلتي من الريااااض الى جده ومن جده الا مطاااااااار jfk طبعا اخوكم (جنط ما يفهم انجليزي ابد) بدون مبالغه كلمت where كنت ما اعرفه والله المهم الابليكيشن الي بالطياره ما في مضيف بالطياره الا ساعدني اتوقع انهم قالوا(يلعن ابو الساعه الي ركبنى فيها الطياره)المهم يوم عبيت الاوراق قلت اووووه تمام خلاص انحلت اموري طبعا ما اخذت معي ولا قطعت اكل قلت انا بليا ماني فاضي اسأله المهم يوم نزلنا المطارjfk كان فيه طابور كبير قلت ايه عادي ساعه ان شاء الله بالكثير وخالصين عاد يوم جاء دوري (انوااااع الخوف قمت اصب عرق) جيت عند حق الجوزات هاي هاي عطيته الجواز وبصراحه غلطت اني قلتله هاي كانت خطتي اني ما اتكلم ابد على شان يحب اني اخرس من جد والله المهم اخطيت قالي هاو اولد ار يو قلت وت قالي هاو اولد ار يو والله اني بلشت مااعرف شي قلتله ياناس 90 ابي اقول 19 جلس يضحك اتوقع انه يقول بقلبه (الله يلعن الي طلعك من ديرتك) المهم جلس يشوف الجواز ويمرره بالكمبيوتر المهم قالي رح هناك للغرفه المهم دخلت الغرفه وجتني اكبر مشكله الابليكيشن يوم اخذته قلت هلا هلا والتفت يمين يسار والا كلن يعبي الا انا بيني وبينك ظااااق صدري المهم جاء واحد الله يجزاه بالخير قالي سو كذا وكذا وانا ايه تمام يوم رااااااااح تورطت قلتله تعال نعبيه انا وياك يوم عبيته وخلصت جيت الي عند الكمبيوتر طبعا كلمتي المعروفه هااااااااي جلست تقرق علي شوي قلت اي ام نوت سبيك انجلش احس انه قالت (اجل وش جابك) المهم راحت وجابت المترجم المصري حق الخطوط طبعا جلسونا حوالي 4 ساعات وراحت علينا الطياره السعوديه والله يوم طلعت احس اني كني انولت من جديد اول مره احس اني ماا افهم اسفين على الاطاله ويتبع موقفي في مطاااار يوجين ..............................خالد

جوليانو

شكرا على مرورك يا الغالي



na9erq8

شكرا على مشاركتك المميزة ومعلومة تمرير الجواز جدا ممتازة

يعطيك العافية


وناسة حلوة

ان شالله راح تجي مشاركات توضح كل استفساراتك


خالد 908

يعطيك ألف عافية بس كله كوم وجنط كوم :109: :109: :109:

ماقصرت يا الذيب

خالد


يانتظار تجربتك في مطار يوجين

الف شكر لك اخي mode على طرح هذا الموضوع لاني ماشي بالصيف لواشنطن سياحه

وياليت احد يتكلم ايضا عن مطار واشنطن وعن كيفيه الاجرءات فيه

تحيـــــــــــــــــــــــــــــــــاتي

السلام عليكم
اخوي mode
وش قصدك بتعبأة الخروج من امريكا(مثلا انت وش كتبت فيها)

اهلين اخوي mode

اخوي قريت موضوعك وقريت انه الابليكيشن الي عبيته في المطار يشبه ابليكيشن السفاره بس فيه زياده

اسماء والديك وتاريخ ميلادهم

هل من الضروري يعني اني اسجل اسماءهم ووتواريخ ميلادهم؟

ومعناته لازم نعرف تواريخ ميلادهم ونسجلهم بورقه على شان ماننسى تعرف من الخوف الواحد زين ماينسى اسمه

مشكور اخوي مودي على الموضوع الحلو واسمحلي اشارك انا كنت طالب في امريكا عام 94 وانتهت دراستي في عام 98 وفي عام 2000 رحت سياحة وصارلي موقف في المطار على الرغم ان سفرتي كانت قبل احداث سبتمبر وكانت امور السعوديين سمن على عسل المشكلة انهم رفضو دخولي وحجزوني في المطار 10 ساعات تخيل وانا ما اعرف السبب وكل ما اسأل احد يقولي بعدين تعرف الصراحة ما اخفيك اني كنت على وشك الأنهيار بسبب اني ما اعرف وش قاعد يصير لأن الوضع بينهم وشوشة بوشوشة انا كنت عادي بالبداية ومتماسك لأني متأكد ان مافية شيء غلط مسوية ولأني ما تعرضت للتفتيش الدقيق يعني اعتبر على حسب القوانين غير مشتبة فية طبعا كل ذا في القوانين السارية قبل سبتمبر المهم بعد جهد جهيد بدأ التحقيق معي ومن نوعية الأسئلة قدرت استشف الموضوع وتذكرت شيء مهم جدا جدا ما سويتة قبل مغادرة امريكا وهو يا طويل العمر. انة كان عندي رقم سوشل سكيورتي وهو عبارة عن كردت هستوري. وهو عبارة عن رقم يطلب في حالة تقديم خدمات ائتمانية يعني الدفع الاجل في جميع الشركات والمراكز والأسواق وكانت علي بعض المطالبات من شركة هواتف وشركة (ديلردز) للأسواق تقريبا 1500 دولار طبعا انا يوم تذكرت هالمعلومة بالتحقيق انتظرت سؤال الغرض من الزيارة فمباشرة قلت ان احد الأسباب ان اسدد مديونات علي لبعض الشركات والي ما قدرت اسددها من السعودية وهنا تنهد الموظف وقال ( فنش) وفهمني ان هذا السبب في توقيفك وانك ما تقدر تغادر امريكا الا بمخالصة من هالشركات لأنك بالبلاك لست قلت ما يصير الا خير. وقالي ان جوابك اعفاك من التوقيف والتحويل للمحكمة تصور وشلون هالموضوع البسيط وش كان بيسوي فيني. انا حمدت الله وشكرتة على الهامة لي باللي قلتة وكيف الله نجاني من ورطة ما يعلم الا هو وش نهايتها.
طبعا انا ما نسيت كلمتة ولا لحظة اني لازم اجيب المخالصة وادفع اللي علي عند الخروج راجعت مكتب السوشل سكيورتي وسحبت برنت على رقمي فية جميع المطالبات وكانت تقريبا في حدود 1500 دولار وسويت (( موني اوردور شيك)) فيها وسددتها لهم وعطوني ايصالات وارسلتها لمكتب الهجرة وانتهت العملية .. طبعا قصتي هذا موجهة لكل انسان كان في امريكا بالماضي وعلية مطالبات وعندة (( سوشل سكيورتي نمبر)) انة في حال رجع لأمريكا قبل عشر سنوات من اخر زيارة لها فراح يكتشفونة سواء برقم الجواز او الأسم اما اذا زادت عن عشر سنين فتسقط المطالبات.. ولكن لأن الوضع الان تغير وصار فية ربط امني بين السفارات والقنصليات ودوائر الهجرة الأمريكية في واشنطن ففية حالات كثيرة ترفض الفيزا للسبب هذا والسفارة ما توضح ان السبب هو مطالبات مالية فالحل في هالحالة هو تغير تهجئة الأسم في الجواز يعني حرف من الأسم الأول وحرفين من اسم العائلة او من اسم الأب وترى بسيطة تغيرة روحو الجوازات وقلهم ان الأسم الأنجليزي غير مطابق وودي اغيرة اهم شيء تدفع 300 ريال.
وهذي قصتي المحزنة في البداية والمفرحة في النهاية وعلى فكرة لا زلت احتفظ الى الان بالسوشل سكيورتي الغير مخصص للعمل ( لأن فية نوع مخصص للعمل) وهو يقدم تسهيلات رهيبة في امريكا لا يتخيلها الأنسان.
الان لا يعطي الا من يملكون حق الأقامة او المواطنين الأمريكين حتى الطلاب صارو ما يعطونهم على حسب معلوماتي.
تحياتي لكم

المشاركة الأصلية كتبت بواسطة Dream Liner7E7ُ


الف شكر لك اخي mode على طرح هذا الموضوع لاني ماشي بالصيف لواشنطن سياحه
وياليت احد يتكلم ايضا عن مطار واشنطن وعن كيفيه الاجرءات فيه
تحيـــــــــــــــــــــــــــــــــاتي




اخوي Dream Liner7E7 لاشكر على واجب يا صديقي

اختيارك لواشنطن موفق جدا :x1:

وبالنسبة للمطار اكيد ان شالله بيفيدنا فيه احد الأعضاء الكرام الي كانت له تجربة فيه

المشاركة الأصلية كتبت بواسطة الجنرال الاول


السلام عليكم
اخوي mode
وش قصدك بتعبأة الخروج من امريكا(مثلا انت وش كتبت فيها)



الجنرال الأول مساك الله بالخير يا صديقي

تعبئة او تسجيل الخروج من امريكا المقصود فيه ختم الجواز بختم الخروج .. مثل ما تعودنا في معظم دول العالم ان المسافر اذا جا يطلع من الدولة يمر على كاونترات الجوازات عشان يختم للخروج ..

في امريكا ومن تجربتي الصيف الماضي لايوجد كاونترات تختيم للجوازات عند المغادرة ويجب على الشخص المغادر انه يذهب بنفسه لمكتب تسجيل الخروج ..

وبالنسبة لمطار jfk بنيويورك كان مكتب تسجيل الخروج في الصالة رقم ( 4 ) وكانت غرفة صغيرة جدا تكفي لموظف او موظفين فقط .. وانصح الي يبي يروح للمكتب يسأل اي شرطي عنها اول ما يدخل الصالة ولا يسوي فيها ابو العريف ويصر انه يلقاها بنفسه مثل ما سويت انا لأن مكانها يذكرني ببرنامج الحصن الي كانت القناة السعودية تجيبه قبل 15 سنة ! :109:

- تسجيل الخروج ما يتطلب اي كتابة .... فقط قدم جوازك مع التذكرة (بشرط انه يكون معك حجز) وما تستغرق العملية أكثر من دقيقتين ...

اخوي وحبيب قلبي طير

مساك الله بالنور والرضا

تجربة رائعة بالفعل وبدون مجاملة تعتبر درس لزائر امريكا ويعطيك الف عافية :x1: :x1: :x1:

اذا تسمحلي لي تعليقات بسيطة :

- طبعا لازم تحمد ربك على الفطنة الي عندك (ماشالله) وفعلا لو ما تدراكت الموضوع راح تتورط ورطة كبيرة .. للأسف ممكن الكثير مننا يحتقر المبلغ هذا او يقول بعدين نسدده عن طريق الانترنت ولا اذا رجعت مرة ثانية .. لكن القانون الأمريكي صارم جدا ولازم الواحد يلتزم فيه مهما كان صغير او تافه ... (مثلا وحسب معلوماتي ان الشخص الي ما يسدد المخالفة المرورية خلال 20 يوم يحول للمحكمة !! ) .

- بالنسبة لتغيير تهجئة الأسم في الجواز اخوي طير اقولها لك ولكل الأخوان :


انـــــــتـــــــبـــــــه


تغير السبلنق حق اسمك في الجواز مهما كان السبب .. ترا ناس رفضت السفارة طلباتهم للفيزا لهذا السبب وغير كذا وخاصة بعد الأحداث صار السبلنق مجرد اثبات شكلي فقط لا اكثر .. لكن الاثبات الفعلي هو بصمة العين وبصمات الاصابع .. ! ( يعني مالك حل الا تركب عدسات :109: ) .

- موضوع السوشل سكيورتي مهم جدا يستحق موضوع خاص مستقل لكن عموما راح اعطي نبذة مبسطة عنه : ( وعلى فكرة اخوي طير حتى الطلاب يحصلون عليه وانا استفسرت من زملائي بأمريكا واكدوا لي المعلومة )

السوشل سكيورتي : رقم يحصل عليه الطالب يعتبر بمثابة الرقم الأمني له مثل رقم بطاقة الأحوال في السعودية وهو المعيار الحقيقي لسيرة الطالب طوال فترة تواجده في امريكا ويسجل عليه كل شئ يتعلق بالطالب من الألف إلى الياء وبالفعل مثل ما تفضلت يا طير تضع الشركات الأمريكية اهمية كبرى للسوشل سكيورتي لمعرفة طريقة التعامل معك ... وطبعا المفروض اي طالب يصل لأمريكا يقدم على السوشل سكيورتي ...

اخوي طير الف شكر على تفاعلك وننتظر المزيد منك ومن الأعضاء الكرام ..

مرحبا .. الأخ mode ... ممكن تخبرنا عن طريقة حصول الطالب على social securtiy number ؟؟ لاني سمعت ان هذا الرقم يعطى لللشخص الذي يعمل فقط ؟؟

حياك الله اخوي مودي.........
انا قصدت ان التعديل يكون للأشخاص الي كانو سابقا في امريكا وما تقدمو للحصول على الفيزا بعد تطبيق نظام البصمات للأصابع والعين اما الي فعلا تم تسجيل بياناتهم فراحت عليهم لأن اسمائهم لزقت فيهم ههههههه وانا اعرف تجربة لصديق يدرس الدكتوراة واكتشف بعد وصولة لأمريكا ان اسمة في الشهادات ما يتطابق مع الجواز والزمتة الجامعة بتعديل واحد منهم واشارو علية بأن يغير اسمة في الشهادات على الرغم من المعاناة الي راح تحصلة لأن تغير اسمة في الجواز ممكن يضيع علية الدراسة وتلغى التأشيرة عنة وفعلا اظطر اخينا في الله الى تغيير جميع الشهادات بأسمة الي بالجواز على الرغم من ان اسمة الي بالجواز هو الأصح وداخ الفقير لله السبع دوخات والمستفيد الوحيد كان ال دي اتش ال لأنة ارسل الشهادات لأخوة عن طريقهم للتعديل.
انا بالنسبة للسوشل سكيورتي فهذي معلومة جديدة ان حاليا يسمح للطلاب بأستخراجة لأن معلوماتي هي ان الطلاب ممكن لهم استخدام الرقم الجامعي في بطاقة الجامعة كسوشل سكيورتي مؤقت داخل ولاية الدراسة فقط في التعامل مع الشركات والبعض ما يعترف فيها اساسا لكن اذا كان فية ولايات تسمح للطلاب بالسوشل غير فلوريدا على حسب معلوماتي فهذا خبر ممتاز للطلاب اللي في هالولايات.
وقصص السوشل ما تخلص لأنة على ايامنا كان كثير من الطلاب اذا انتهى من الدراسة يعطية لأصحابة وكانو يستخدمونها في طلب الهواتف وياما خسرت (gte)شركة هواتف بالذات من هالعملية واعتقد ان هي السبب الرئيسي لألغائة ههههههههههه.
تحياتي الأخوية لك

المشاركة الأصلية كتبت بواسطة وناسة حلوة


مرحبا .. الأخ mode ... ممكن تخبرنا عن طريقة حصول الطالب على social securtiy number ؟؟ لاني سمعت ان هذا الرقم يعطى لللشخص الذي يعمل فقط ؟؟



الأخت العزيزة وناسة حلوة / اخوي الغالي طير

مساكم الله بالخير

مع ان الموضوع يتعلق بالمطارات الأمريكية إلا ان موضوع السوشل سكيورتي موضوع مهم وحيوي ويستاهل الكلام عنه .. عشان كذا راح اعطيكم العلم الوكاد عن السوشل سيكورتي :

Social securtiy number


- مثل ماذكرت سابقا وبتعبير آخر : السوشل سكيورتي هو عبارة عن رقم يميز صاحبه ويعتبر مثل البصمة بمعنى انه لايوجد اي احتمال ان يكون هناك شخص آخر يحمل نفس الرقم ( مثل رقم السجل المدني في بطاقات الأحوال بالسعودية ) ويسجل على السوشل سكيورتي جميع المعاملات والنشاطات لصاحب الرقم السلبية منها أو الإيجابية ...


طريقة الحصول على Social securtiy number


- تختلف طريقة الحصول على السوشل سكيورتي من ولاية لولاية اخرى ومن جامعة إلى اخرى لكن بصفة عامة القانون الفدرالي بإدارة الهجرة ثابت بالرغم من اختلاف التطبيق !!

- يعني : القانون ينص على انه لايحق لأي طالب ان يحصل على السوشل سكيورتي لأسباب عديدة سواء أمنية او ضريبية ولكن الحالة الوحيدة الي يمكن ان يحصل فيها الطالب على سوشل سكيورتي هو ان يكون طالب ويعمل في نفس الوقت ( كيف ؟ )

- طبعا كلنا عارفين ان عمل الطالب غير المواطن ممنوع بالقانون وغير شرعي والفيزا الي تصدرها السفارة للدراسة فقط .. ويتعرض من يعمل في امريكا وهو طالب قادم بفيزا دراسية إلى عقوبات صارمة تصل إلى الطرد من امريكا ...

- لكن فيه استثناء واحد فقط هو ان يكون الشخص يعمل في نفس الجامعة الي يدرس فيها مثل امين مكتبة او موظف استقبال او في الحاسب او اي وظيفة داخل نطاق الجامعة حيث تعطي الجامعة خطاب لدائرة الهجرة يثبت الشئ هذا وعلى أساسه يصرف للطالب السوشل سكيورتي ... ( وزميلي يا طير الي حاصل على السوشل سكيورتي مثل ماقلتلك طلعه بهالطريقة )

- في السابق كانت الكثير من الجامعات ( ومازال بعضها إلى الآن ) تعطي خطاب اثبات الوظيفة للطالب مع انه غير موظف عشان يقدر يطلع السوشل سكيورتي في حين هناك جامعات لاتعطي هذا الخطاب الا اذا توظف الطالب فعليا .. وبدت الجامعات تلتزم اكثر بالموضوع هذا خاصة بعد الأحداث الأخيرة والعدد المهول من الطلاب الي يزداد كل يوم ..

- على فكرة يحق للطالب غير الحاصل على السوشل سكيورتي انه يستفيد من مزاياه وذلك عن طريق التقديم لإدارة الهجرة بشكل طبيعي على السوشل سكيورتي ومن ثم الحصول على خطاب يفيد بعدم الأحقية بالحصول على السوشل سكيورتي .. هذا الخطاب يمكن استخدامه في حال التقديم على الرخصة او استئجار السكن .... الخ ..



- اخوي طير انا معاك انه نظام البصمة نظام جديد لكن تغيير السبلنق في الجواز ممكن يضرك في السفارة في حال قدمت عليهم خاصة انهم يطلبون الجوازات القديمة ...

واذا تبي تتأكد هذا رابط بتلقا فيه تجربة اخونا mobysam اتمنى تستفيد منها :


http://www.travel4arab.com/vb/showth...=25583&page=23



اتمنى اكون قدرت افيدكم لو بالقليل واعذروني على القصور ..




mode

ياجماعة الخير انا ابي اروح سياحه ابزور لي واحد وبنزل في مطار واشنطن وش المطلوب مني ؟؟؟ ا

مساكم الله بالخير

يبدو ان مطار واشنطن محطة لكثير من المسافرين وإلى الآن موجود استفسارين عنه من اخونا

Dream Liner7E7 واخونا مثلث برمودا ..


آمل من الأعضاء الكرام الي عنده خبرة عن هالمطار او اي مطار انه ينورنا ولا تحرومنا من تجاربكم ..



لا خــــــــــلا ولا عــــــــــدم

شؤالي للإخوان

ما فوائد الــ Social securtiy number ؟

ياشباب,,,,الكريدت كاردز ليش يسألو عنها؟

المشاركة الأصلية كتبت بواسطة أرض الأحلام


شؤالي للإخوان
ما فوائد الــ Social securtiy number ؟



هلا اخوي ارض الاحلام

السوشل سكيورتي باختصار يسهل عليك امور كثيرة مثل السكن والجوال والطيران واستئجار السيارات ..................... الخ

واذا قدرت تطلعه يكون ممتاز ...

موفق ان شالله ..

مساكم الله بالخير جميعا

ماشالله على كثر الشباب والشابات الي وصلوا او سافروا من قبل

لأمريكا ما فيه تفاعل قوي مع الموضوع إلا عدد قليل من الأعضاء الي اشكرهم على مشاركاتهم ...


انا طرحت الموضوع لأن الكثير من الأخوان يحتاجه واولهم انا ...


على سبيل المثال : ان شالله عندي رحلة في شهر june وراح ازور سان فرانسيسكو ولاس فيقاس ودنفر

وشيكاغو واورلاندو وواشنطن واخيرا نيويورك فشئ اكيد راح تفيدني وتفيد الأخوان تجاربكم وخبراتكم ..



موفقين ان شالله .

المشاركة الأصلية كتبت بواسطة WhyNot


ياشباب,,,,الكريدت كاردز ليش يسألو عنها؟



عشان يسجل رقمها مع بياناتك .. ولها جانب امني ايضا من خلال معرفة وتتبع معاملاتك المالية في حال الحاجة اليها داخل امريكا ...

المشاركة الأصلية كتبت بواسطة abo_dahm_999


[جا دوري والي مقابلني كان واحد عسل واخلاقه عالية سئلني عدة أسئلة وطلب مني بطاقات الائتمان حقتي ولأنها كانت أول زيارة لي طول معي (حوالي 25 دقيقة) عشان يسجل معلوماتي في الكمبيوتر ... بعد ما خلص من التسجيل بدأ يتكلم ويعطيني ارشادات وتعليمات ..
يكلمك بالانجليزي او عربي اذا كنت ما اعرف انجليزي ايش اسوي
تحياتي




لا طبعا راح يتكلم معاك انقليزي واذا ما كنت تعرف بإمكانك تطلب مساعدة احد ملاحين الخطوط السعودية

الي راح تشوفهم معاك او حتى احد المسافرين الي معاك وينتظر دوره ...



موفق ان شالله ...

اخي العزيز mode انا انشاء الله راح اسكن اول شي في واشنطن انت قلت راح تزور عده مدن طيب انا ودي بعد ازور لوس انجلس وارلاندو وش خطوط الطيران المناسبه ؟؟؟ من واشنطن؟؟

المشاركة الأصلية كتبت بواسطة Dream Liner7E7ُ


اخي العزيز mode انا انشاء الله راح اسكن اول شي في واشنطن انت قلت راح تزور عده مدن طيب انا ودي بعد ازور لوس انجلس وارلاندو وش خطوط الطيران المناسبه ؟؟؟ من واشنطن؟؟



اخوي Dream Liner7E7 مساك الله بالخير

بصراحة ماعندي فكرة عن خطوط الطيران الي تطلع من واشنطن لكن ان كنت تقصد افضل شركات الطيران انا جربت اليونايتد ايرلاينز المرة الي راحت وبصراحه ما ارتحت كثير معهم والمرة هاذي حجزت على الدلتا ايرلاينز ومدحها لي اكثر من شخص ...


عموما في امريكا اكثر من 19 شركة طيران وما اتوقع الفرق كبير جدا بينها بالنسبة لدرجة السياحية وامكن الفروقات والمزايا تبان اكثر على حجوزات الدرجة الأولى ..

موفق ان شالله ..

السلام عليكم و رحمة الله و بركاته ،،،،

الأعضاء اللى يسألون عن مطار واشنطن (دالاس) ماذا يودون أن يعرفوا بالضبط ؟

بخصوص شركات الطيران الداخلى ، لا يتم اختيار الخطوط على أساس الشركه إنما السعر ... دائما إذهب على الأرخص هكذا تقاس هناك ... الوضع يختلف فى أمريكا ... الحجز يكون عن طريق النت تطلعلك جميع الرحلات فى ذلك اليوم و كلما كان فيه ترانزيت و المطار فى منطقه نائيه يكون أرخصلك ....

اللى عنده استفسار يتفضل ...

الاخت المشرفه بنت الصقور

نود ان نعرف عن مطار دالاس من ناحيه المعامله في المطار
وهل هو معقد زي ماقال البعض عن مطار نيويورك
وايضا الاجراءات

المطار بالرغم من انه كبير ، قاعة القادمون متواضعه جدا و صغيره مقارنه بمطار نيويورك ... من الطائره تكون مستعد و معبي الفورم آي-94 و تحطه فى الجواز ...



الموبايل لاونج أو بلين ميت راح ينقلك من الطائره مباشره إلى قاعة الوصول ... و هناك تقف فى الطابور و لا تشغل بالك بالناس اللى حولك و تشتت أفكارك ..



اللافتات منتشره فى الصاله ، فى الأعلى شرح لأخذ بصمة العين و هناك لافته أخرى تخص الفورمات اللتى يجب عليك تعبئتها .... بعد ذلك يأتي دور موظف الهجره ... الحوار كالآتي :

أوفيسر: هالو ، هاو آر يو توداي (كيف الحال)
انت : فاين أند يورسيلف (بخير و انت)
أوفيسر : وات إز ذى ريزين أوف يور فيزيت (ما سبب زيارتك)
أنت : ستاديينغ (للدراسه)
أوفيسر : وير آت (أين)
أنت : آت ...... (تذكر اسم الجامعه و الولايه) و تعطيه أوراقك طبعا
أوفيسر : كان يو بت يور فينقر هير بليز أند لوك آت ذى كام ( ممكن تضع اصبعك هنا و يشاور لك و تنظر الي الكاميرا)
انت : شور ( بكل تأكيد)
أوفيسر : ثانكيو (شكرا)
بيختم جوازك و بيعطيك اياه عندها ابتسم و اشكره

[line]

بتجى عند حزام الحقائب ، تاخذ شنطتك بكل هدوء و تتوجه نحو مفتشين الجمارك ... طبعا إذا فيه تفتيش بيكون موظف الهجره مسوي علامه فى الفورم انك تتفتش .... موظف الجمارك راح يشيك على جوازك و الفورم و راح يسألك .. هاف يو قوت أني ثينغ تو ديكلير توداي (عندك شي يشيكون عليه الجمارك) أنى فود اور سويل اور بلانتس (سواء أكل أو تربه أو نباتات) انت تقول : نو آي دونت ثينك سو (ما عندى شي) بكل ثقه .... أحيانا يمشونك و أحيان يطلبون منك يشوفون وحده من الشنط عشوائي ... خل المفاتيح فى متناول يدك مو تقعد ساعه تدور و ترتبك ... طبعا لا تخاف ماراح يحوسون لك شنطتك مجرد غلقاء نظره سريعه يشوفون رد فعل الشخص ايش .. و راح يتأسفلك و يشكرك بعد ما يخلص .... تسكر الشنطه و تمشي ولا تطالع وراك ... أول ما تطلع من الباب بتلقى صالة الإستقبال و كلن حامل ورقه و عليها أسامي ... انشاءالله تلقى اسمك أول ما تطلع و السفاره تستقبلك

السلام عليكم

حبيت اشارك معاكم ... واتكلم عن مطار دالاس/فورت وورث اللي في تكساس Dfw

بحكم دراستي في تكساس واوكلاهوما .. كان اقرب مطار دولي لي .. هو مطار Dfw

وكنت استخدم الخطوط البريطانية ... من لندن (غاتويك) الى دالاس ..

المعاملة في دالاس زفت ... يمكن لقرب تكساس من المكسيك ...

اذكر مرة كنا رادين الى امريكا .. انا ومجموعة من الشباب .. طبعا قبل الاحداث .. في اوائل التسعينات

انا كان عندي شنطة عادية .. وماكان عندي شي وقتها .. وواحد من ربعي كان جايب معاه كرتون كبير شوي .. وكان عنده اكل ..

المهم .. انا كتبت في الطلب . انه ماعندي شي .. وهو كتب انه عنده اكل ..

اللي صار .. انه لما كنا عن الشنط .. وبعد ماخذت شنطتي .. رفيجي طلب مني ان اقعد عن الكرتون ماله شوي .. وهو راح يشيك على شي ...

جات موظفة الجمارك عندي .. وخذت الورقة .. وشافت االكرتون .. وعلمت على الورقة ..

ورفيجي ... ماعلمت على ورقته ..

المهم .. جا رفيجي .. وخذ اغراضه ..

وطلعنا .. طبعا انا قالوا لي تفتيش .. ورفيجي .. قالوا له تفضل .. ماكو تفتيش ..

انا تعودت على معاملتهم .. لازم دووم يتفتشوني ... حتى لو ماعندي شي ...

فتشوا اغراضي .. وطبعا ماكان عندي شي ...

ولما طلعت .. حصلت ربعي يضحكون علي ...

وعدا الامر بسلام ...

السلاااااااااااااام عليكم كيفكم انااااااااا عندي سؤال
اناااااا جيت لامريكااااااا بتاريخ 2006/1/1 تمام وابي ارجع لسعوووووووديه :110: في بالصيف بتاريخ 19/8 اوكي هل الملحقيه تصرفلي تذكره او لالالالالالالالالالالا واذا صرفت لي هل لازم ارجع بالخطوط السعوديه او لالالالالالالالا شكراااااااا...........خالد
ارجوا الرد:108:

الف شكر لك اختي بنت الصقور على هذه المعلومات الوافيه

يعطيكي العافيه,,,,,,,

الغالية بنت الصقور

لاخلا ولاعدم ومشكورة على ردودك الوافية الي ما لنا غنى عنها ..


:113: :113: :113:

اخوي اسير الدوحة

مشكور على المشاركة وما قصرت يالذيب ...:x1: :x1: :x1:

يا جماعه ابغا احد يعلمني عن اجراءات تسجيل الخروج انا رحت ورجعت ومحد قالي شيء

بس خذوا مني يوم جيت اطلع الورقه الي عطوني اياه الامجريشن بس !!

احد يرد تكفون ترا والله ضوروي مساعدتكم