[align=center]بسم الله الرحمن الرحيم
اخواني انا اخذت التذكرة على الخطوط الخليج من البحرين الي لندن و من لندن الي فانكوفر على الخطوط الكنديه
وكانت قيمه التذكرة حوالي 5000
و الخطوط الخليج عيبها انها ترج رج مو صاحي واحلى شيء اني نمت الرحله كلها تقريبا لاني كنت مواصل
اما الخطوط الكنديه فهي رووووعه من ناحيه الخدمه
لكن دجه من ناحيه التطور
يعني لا بخطوط الخليج ولا خطوط الكنده في شاشات او قيم او كذا
واحلى شيء ان الكرسيين الي حولي كانوا فاضيات علشان كذا اخذت الثلاثه كلهم ونمت
لكن اعيد و اكرر الخطوط الكنديه روعه من ناحيه الخدمه
اخوكم ksa[/align]
[align=center]بسم الله الرحمن الرحيم
اخوي m-m
مدري ما فهمت قصدك وشلون تعقيدات ؟ قصدك بالدخله وكذا او من نحايه الترانزيت بس ؟
لاني انا هالمرة ما نزلت بلندن بس كنت بالمطار بدلت الطياره
و ان كان هذا قصدك فالحمدالله الامور ميسره انشاء الله وهناك غرفه عباده تقدر تصلي فيها الصراحه انا صليت فيها لكن مدري تخوف ما ارتحت فيها لان فيها اماكن عباده لاكثر من ديانه
اخوك ksa[/align]
بسم الله الرحمن الرحيم
الحمد لله على سلامة كل المسافرين ..
بالنسبة لكثرة الإستفسارات عن الخطوط الكندية ..
بعد تجربة للخطوط تبين الأتي ..
بصراحة الخطوط رائعة جداً من ناحية الخدمة .. وكل شوي جاين لنا ناقصكم شي وإلا تبون شي .. وكل شوي جايين ومعهم العربانة وش تشربووون عصير شاي قهوة ببسي وووو .. ومن ناحية معاملتهم .. فهم والله لطيفين وحبوبين لأبعد الحدود .. ومغير يتبسمون ..
بس عيب الطيارة الوحيد .. أنها بدون شاشات .. فتزهق ما تدري وش تسوي خصوصاً أن الطريق طويل تقريباً عشر ساعات من لندن إلى فانكوفر .. وكانت الشاشة حقتهم خربانه فما شغلوا لنا أي شي طول الطريق .. بس في نااااس استفادوا من الرحلة بالنوووم :109: ماخذين ثلاث كراسي ونايمين . . هههههه عموماً الخطوط جداً ممتازة ومشكلتها بس أنها تفتقد إلى جو الترفيه والتسلية .. :101:
أخوكم مجواااااااال
ومستعدين لأي سؤال عن الرحلة .. :101:
[align=center]بسم الله الرحمن الرحيم
اخوي
M-M
و اخوي
فانكوفري
اول ما توصلون مطار لندن بتنزلون و تمشون مع العالم شوي الين ما تشوفون لوحه تغيير الرحلات امشوا معاها بعدها بتروحون منطقه فيها تفتيش خفيف بس على الاغراض الي وياكم
و راح تروحون بعدها للقسم الي فيه الطياره الثانيه و هناك تروحون للخطوط الي حاجزين عليها وتقصون البوردنق
و بالنسبه شلون تعرف اخوي فانكوفري راح تلاقي لوحات كثيرة مكتوب عليها اسم الخطوط و الوجهه و الوقت
و بالنسبه لرقم البوابه راح يطلع قبل موعد الرحله بفتره لكن فتره قصيره يعني حاول انك تنتبه كل ما تغيرت اللوحه و بنفس الوقت يعلنون بالمايك لكن مش واضح الصوت لان المطار ازعاج
لكن تاكدوا انكم ارسلتوا شنطكم من ديرتكم لكندا على طول
يعني قولوا لهم من المطار الي بمدينتكم علشان لا ينزل في مطار لندن
اخوكم ksa[/align]
أخوي فانكوفري .. حياك الله بهالمنتدى وإن شاء الله نخدمك بعيوننا .. بالضبط نفس ما قالك أخوي الغالي ksa وما شاء الله عليه ما قصر .. بس انا عندي تنبيه .. اول شي وأهم شي لازم تتأكد من المكتب اللي حجزت من التذكرة .. وتسأله لمن توصل مطار هيثرو وتبغى تغير الخطوط .. أسأله .. على أي تريمنل - Terminal بتهبط طيارتك .. وعلى أي تيرمينل بتقلع .. إذا كان بنفس التيرمنيل فهذا ممتاز .. وامش زي ما قال لك أخوي ksa أما إذا كانت تختلف فهذ شوي ممكن تأخذ منك وقت .. المهم يالغالي .. أنت شيك .. ورد لي خبر وأنا والإخوان في الخدمة .. وبالنسبة للعبارة اللي لازم أنك تلحقها اول ما توصل مطار هيثرو هي .. filght connection انت امش ورا العبارة هذي وإن شاء الله ما تضيع ...
أخوك مجواااال
بالنسبة للي يسألون عن الخطوط الكندية ..
الخطوط الكندية ممتازة كخدمة .. والطاقم اللي فيها جداً حبيبين .. ووسيعين صدر .. وما شاء الله كل شوي جايين لنا .. تشربون شي ؟؟ صراحة خدمة ممتازة ..
بس الرحلة طويلة تقريباً عشر ساعات من لندن إلى فانكوفر ..
وللأسف ما جابوا لنا شنطة فيها خدمات - معجون , فرشة أسنان , اللي يحطونها على العين عشان تنام , ألخ .. - وهذي صراحة ما فوق الخطوط السعودية .. الخطوط السعوية مرة ممتازة ..
نرجع للخطوط الكندية .. صراحة أنا هذي ما حسيت انها مهمة بالمقارنة بمعاملتهم الطيبة .. وينقص الخطوط شاشات للتلفزيون .. ما في شاشات للركاب .. في شاشة وحدة بالنص .. وما كنت تشتغل ..
بالعموم .. الخطوط الكندية حلوة .. ومهيب شينة .. بس مهيب خطوط 5 ستار ..
أخوكم مجوال
والله اخوي الوان خشبية .. ما اعرف بالضبط كم تأخذ الرحلة من لندن إلى تورنتو .. وياليت الشباب يفيدوننا .. بس هي من لندن إلى فانكوفر .. 10 ساعات تقريباً ..
----------------------------------------------
اخوي النجم .. الرحلة حلوة .. بس على أي خطوط طالع ؟؟ وبالنسبة لك . .انت بتروح لتورنتو وإلا بتنزل فيها وتغير الطيارة لفانكوفر ؟؟
اخوكم : مجواااااااال
المشاركة الأصلية كتبت بواسطة النجم
طيب شباب انا رحلتي على باريس ومن باريس لتورنتو وش رايكم فيها؟
قبل عدة سنوات أنا سافرت من باريس إلى تورنتو على الإير فرانس زينة وماعليها، وكانت الطائرة جديدة، والرحلة فاضية، والخدمة جيدة جداً
الرجعة كانت من مونتريال لباريس على الإير فرانس، التوقيت سيء جداً، والطائرة كانت قديمة وزحمة والخدمة خذني جيتك.
عموماً مدة الرحلة من باريس او لندن لتورنتو في حدود الثمان ساعات تقريباً تزيد أو تقصر قليلاً منها أربع ساعات فوق شمال الأطلسي.
تحياتي وأحتراماتي للجميع
المفضلات