الموضوع: افضل خطوط جوية إلى كندا

بسم الله الرحمن الرحيم
السلام عليكم ورحمة الله وبركاته ..

أخواني وأخواتي رواد هذا المنتدى الطيب ..

نظراً لكثرة الأسئلة والإستفسارات حول ماهي افضل الخطوط المتجهه إلى كندا .. ؟؟

سنترك هذا الموضوع للنقاش ..

وحقيقة .. أنا أبحث عن خطوط جوية ممتازة لأن المسافة مهيب سهلة .. زي ما تعرفون :101: تسع سااااعااات تقريباً .. من لندن أو امستردام او فرانكفورت ..

وش رايكم .. وش احسن خطوط ممكن نطلع عليها .. ؟؟ :114:

محبكم : مجوااااال

مواضيع عشوائيه ممكن تكون تعجبك اخترناها لك:

• رحلة شهر عسل فانكوفر
• تصدقون ما فيه دراسة طب بشري بكندا الا بعد سنوات
• ادفى مدينة او مقاطعة كندية
• مارأيكم بهذا الموقع
• سؤال عن افضل معهد في فانكوفر
• استغسار عن supplementary form ؟
• تعرفون هوليدي ان تورنتو داون تاون
• استفسار ضروري يشباب
• من نيويورك إلى مونتريال تساؤولات كثيره
• ساعد الله من رد علي
• استفسار ضروري جدا
• اكمال الماجيستير والتكلفه
• الملحقيه الثقافيه السعوديه في كندا
• اخر الاخبار في فانكوفر حدث جديد
• سؤال للمقيمين في كنداأم محمد وجميع الأعضاء الكرام
• من تورنتو احدثكم
• مساعده الله يعافيكم فقط اللي سافر الى فانكوفر
• الليله مشيتي للرياض وبكرا الاقلاع دعواتكم
• مساعدهترتيب جدول سياحي الى كندا
• ماستر كيبك كندا

[align=center]بسم الله الرحمن الرحيم
اي والله اخوي مجوال وانا بعد عندي نفس المشكله ودي اعرف اي خطوط هي الزينه
مع اني سمعت ان الخطوط الكنديه ما يمدحونها ابد
لكني مو متاكد من شيء وودي والله لو الاخوان الي عندهم خبرة بهالموضوع يعطونا اي شيء يقدر يفيدنا وجزاهم الله خير و انشاء الله ما يبخلون علينا

واحنا بانتظار ردودكم
اخوكم ksa[/align]

شكور اخوي Ksa على هالمرور .. وإن شاء الله الأخوان ما يقصرون في هالمنتدى الطيب ..

ووالله أنا سمعت نفس الكلااااام سمعت أنه الخطوط الكندية شينة .. وانا مخطط أني اطلع على الخليجية .. إلى لندن وبعدها إلى كندا على الخطوط الكندية ..

وش راااي الخبراااء اللي معنا ؟؟

و الله احنا بنروح هالصيف عن طريق klm الهولندية
هذا موقعهم السعودي (الدمام فقط) http://www.klm.com/sa_en/index.jsp
و هذا البحريني http://www.klm.com/bh_en/index.jsp
و هنا تختار الدولة التي انت منها http://www.klm.com/travel_en/splash.jsp?GoCountry=no
و الاسعار بالعملة المحلية حسب الموقع
و قيمة التذاكر من الدمام الى امستردام ثم تورونتو 5,411 ريال سعودي

تشكر أخوي نايف على مرورك الكريم ..

طيب نفهم من كلامك أنك تنصح بالــ KLM ؟؟

الشي الثاني , , أنا حصلت حجز من البحرين إلى فانكوفر .. عن طريق الخليجية من البحرين إلى لندن ومن لندن إلى فانكوفر على Air Canada بس والله الشباب ما يمدحون الخطوط الكندية ,, .. ؟؟ واكرر التقدير لك اخوي نايف على مرورك ..

وين الإخوان ودنا يفيدوننا ..

أكثر اللي راحو لكندا يستخدمون اللوفتانزا .

انا سبق وتحريت عن الموضوع ومافيه اي خطوط توديك بشكل مباشر من السعودية لكندا .

الإخوان الأعزاء من خلال رحلتي في الصيف الماضي وجدت أن شركة الخطوط الكندية طياراتهم قديمة وكل المقاعد درجة سياحية يعني متراصة وفوق ذلك كلها زحمة من تورونتو إلى غرب كندا، أفضل أن تسألوا عن خطوط وست جت West Jet أنا جربتها مرة واحدة من Calgary إلى فانكوفر صحيح المسافة كانت قصيرة ساعة ونصف بس الطيارة كانت جيدة ونظيفة، إسألوا وكيل سفركم إذا كان ممن يحجرلكم عليها من تورونتو إلى فانكوفر. وشكراً

موقعم:
http://c1dsp.westjet.com/guest/home.shtml?language=EN

و الله صحيح لوفثانزا مباشر لكن التذكرة وين :108: ب 12000 ريال!!!

أما فانكوفر اللي اعرفهم راحوا الصيف الماضي من البحرين الى لندن الى فانكوفر عن طريق الخليج
و عن طريق klm ب 7,189 ريال سعودي من الدمام أو 754 دينار من البحرين مروراً بامستردام ثم الى فانكوفر بدون تغيير الخطوط
أما الخليج ما تودي الا لازم تغيير طيارة في لندن الى الكندية

إخوي الغالي NaHaR .. ما في خطوط من السعودية إلى كندا مباشر لازم توقف .. بس ما أدري أنا سمعت الخطوط البريطانية يمدحونها وكذلك ال KLM بس ما ادري وش رايك باللوفتانزا .. أنا بصراحة كنت سامع عنها حلو .. حتى ما جاء كم عضو في المنتدى وما مدحوا اللوفتانزا وقالوا ان طيارتها ايرباص صغيرة .. والكراسي ضيقة !! وأنا ماجربتها من قبل .. انت مجربها أخوي .. ؟؟ عطنا رايك فيها .. لو تسمح

------------
أخوي الحبيب القطا .. انا منيب طالع على تورنتو . . أنا بطلع على فانكوفر على طول بدون ما اوقف في تورنتو .. فما قلت لي رايك على اي خطوط اطلع .. وهل صحيح مدامك مجرب الكندية .. أن الكندية سيئة مررررة وما تصلح ان الواحد يسافر عليها .. وزي ما تعرف ترى الرحة مهيب قصيرة 9 سااااعااات تقريباً ..

-----------
وننتظر ردوك الإخوان والخبرااااء ..

محبكم : مجواااال

[align=center]بسم الله الرحمن الرحيم
اممممممم والله انا احترت لكن مدري افضل الخطوط البريطانيا او klm
ولا شو رايكم ؟
اللوفتانزا سمعت عنها لكن يقولون مش ولا بد
وسامح ان الخطوط البريطانيا ماخذه جوائز افصل طياران لكني مو متاكد من هالمعلومه
و الي عنده معلومات ياليت ما يبخل علينا

و الله يعطيكم العافيه
اخوكم ksa[/align]

السلام عليكم

اولا بالنسبة للخطوط البريطانية فهي لا تقلع ولا تهبط بالاراضي السعودية
بالنسبة لل Klm فهي جيده لكن ما تطلع الا من الدمام

الحلول
اللوفتهانزا ومعظم الناس يفضلوها
السعودية الى لندن ثم الكندية
طيران الخليج الى لندن ثم الكندية
الكاثي باسفيك عن طريق هونج كونج ممتازة ونظيفة ورائعة

اما بالنسبة لك اخوي Ksa لازم يكون فيه خطوط بحيث انك تطلع ايطاليا وبعدين كندا
في اسوأ الاحوال خذ تذكرتين منفصلتبن
الاولى السعودية ايطاليا السعودية
الثانية ايطاليا كندا ايطاليا وهذي ممكن تكون على الخطوط الايطالية او الكندية

ملاحظة بسيطة : يا جماعة والله الفيزا من ابسط ما يكون لو الواحد يوفي الشروط


اخوكم

فيكتوري

السلام عليكم


شكرا لطرح هذا الموضوع الجميل



صراحة من خلال سؤالي عن الخطوط المناسبة وجدت أحد امور :

1- السعودية إلى لندن - لندن فانكوفر على الكندية .

2- الكاثي باسيفيك من الرياض الى هونج كونج - هونج كونج فانكوفر لكن إجمالي الرحلة سيزيد خمس الى ست ساعات من الرياض الى هنوج كونج 9 ساعات تقريبا - من هونج الى فانكوفر 13 ساعة تقريبا .


3- Klm من الرياض - امستردام ، ومن امستردام - فانكوفر .



وغدا او بعده بحول الله أضع لكم الأسعار إذا وصلتني ...




واتمنى من اي واحد عنده خبره بهالموضوع يشارك .....

اخي مسافر متزن

على حد علمي ان ال Klm ماتطلع من الرياض الا اذا صارتغيير في الشهور الاخيرة وانا هنا

واذا ما خانتني الذاكرة الكاثي باسيفيك اخذت مني نفس المدة اللي تستغرقها البريطانية

[align=center]بسم الله الرحمن الرحيم
اشكر كل من شارك بهالموضوع و اعطانا اي معلومه ممكن تفيدني و تفيد غيري من الاخوان
انا حاب اوضح الي انا ابيه لاني حاس اني ما وصلت الي ابيه بشكل واضح
انا ابي اطلع على كندا اول شيء و بعدها ايطاليا
لكن الي صار اني رحت اكثر من مكتب ويقولون ما عندنا الخطوط الايطاليه وما عمرنا سمعنا فيها !!
وانا الصراحه ما عمري شفتها فعلشان كذا ما قلت شيء
و قالوا لي ازين حل هو اني اروح على الخطوط البريطانيا مع اني سامع انها بتتوقف او توقفت و اخوي فكتوري كانه اكد هالشيء لكني مو متاكد
لاني اليوم جاي و قالوا لي اروح على الخطوط البريطانيه
ويكون خط السير
السعودية لندن على الخطوط البريطانيه بعدها لندن فانكوفر على الخطوط الكنديه او البريطانيه مدري والله
بعدها كندا لندن نفس الخطوط بعدها اطلع على ايطاليا بتذكرة مستقله تكون على الخطوط البريطانيا و ارجع للندن بعدها السعودية
وانا ماودي اتمشور من لندن لايطاليا لندن

انا اقصد هل في يوجد خطوط ايطاليا من الاساس ؟
واذا في هل توصل من السعودية او البحرين الي ايطاليا ثم ايطاليا كندا ؟ علشان تكون عندي ايطاليا بس ترانزيت و راح انزل فيها لما ارجع من كندا

و طبعا جالي اقتراح ثاني وهو على الخطوط klm
وهو نفس الخطوط البريطانيا لكن الفرق بدال ما احول من مطار لندن لايطاليا صارت من مطار امستردام الي ايطاليا


وياليت الي متاكد ان الخطوط البريطانيا توقفت من هنا يعطينا خبر

والله يعطيكم العافيه

اخوكم ksa[/align]

عندي فكرة

سافر على الخطوط الاماراتية الى ايطاليا وغير في مطار روما وسافر الى كندا على اي خطوط تحصلها

والرجعة ارجع على ايطاليا واسكن فيها فترة وبعدين ارجع لبلدك ,,,

ملحوظة

سعر التذكرة من الدمام الى ايطاليا ب 2200 ريال تقريبا على الاماراتية,,

وسعر التذكرة من روما الى فانكوفر على البريطانية بحدود الف دولار (السعر من النت ولو تدور في المكاتب السياحية راح تحصله ارخص )

[align=center]بسم الله الرحمن الرحيم
والله اخوي المغترب شكل سفرتي بتصير على يدك
والله اقتراحاتك كلها روووعه
و من جد انا اليوم كله منطق على هالجهاز احاول ادبر عمري
ومن موضوع لموضوع
والله انا مو ذابحني الا هالي بالمكاتب يرفعون الضغط كل ما قلت لهم شيء يقولون ما ندري
مدري وشوله فاتحين مكاتب سياحه ما يدرون عن الخطوط الي توصل ايطاليا وما يعرفون اي شيء عنها وما يعرفون شيء يوصل لكندا غير klm و البريطانيا

حرقوا اعصابي
لكن والله على كلامك يطلع مجموع التذكرة تقريبا 6000 ريال
وانا حصلت تذكرة كندا على البريطانيا اوklm
5500 تقريبا يعني مافي فرق الا 500
و قالوا لي ادفع 1000 اذا ابي اطلع من لندن او امستردام الي ايطاليا

طيب بقولك الي فهمته من خطه السير الي قلت عليها وقولي صحيح الي فهمته او لا ؟

الدمام -- الاماراتيه-- دبي او ابو ظبي مدري
ابوظبي او دبي ---- الاماراتيه ---- روما
روما----- البريطانيا --- لندن
لندن ---- البريطانيا ---- فانكوفر

و بعدها العكس بالرجعه ؟

وادري اني دوختك وياي لكن انشاءالله ينكتب لك بميزان حسناتك وتحملنا
اخوك ksa[/align]

اخوي KSA

اخونا المغترب اكد اقتراحي بانك تاخذ تذكرتين منفصلة عن بعض وهذا الحل الافضل

وللمعلومة هنالك خطوط طيران ايطالية ALITALIA لكنها ما تجي السعودية لكن بامكانك اخذها من الامارات

وموقعهم http://www.alitalia.com

الفكرة الافضل انك تاخذ تذكرتين منفصلتين

المشاركة الأصلية كتبت بواسطة مجوال


إخوي الغالي NaHaR .. ما في خطوط من السعودية إلى كندا مباشر لازم توقف .. بس ما أدري أنا سمعت الخطوط البريطانية يمدحونها وكذلك ال KLM بس ما ادري وش رايك باللوفتانزا .. أنا بصراحة كنت سامع عنها حلو .. حتى ما جاء كم عضو في المنتدى وما مدحوا اللوفتانزا وقالوا ان طيارتها ايرباص صغيرة .. والكراسي ضيقة !! وأنا ماجربتها من قبل .. انت مجربها أخوي .. ؟؟ عطنا رايك فيها .. لو تسمح
محبكم : مجواااال



حياك الله ياغالي

بصراحة مش بطالة لكن ماهي في مستوى الإماراتية أو البرتش أو السعودية ( تعتبر متوسطة ) .

البرتش لازم تطلع من البحرين وترجع عن طريق البحرين ، لإنهم وقفوا يجون السعودية

موفقين

انا لما قلت لك عن السعر اخوي ksa فلاني بحثت في النت (الانترنت ) ولا انا ما كلمت مكاتب الطيران ولا شيء

ولو تزورهم (وياكثرهم) وتسال عن سعرالتذكرة بين ايطاليا (روما) وفانكوفر سواء عن طريق البريطانية(توقف في لندن) او لوفتهانزا(توقف في فرنكفورت) او الهولندية (توقف في امستردام)

اعتقد انك راح تحصل سعر التذكرة ارخص من النت بمراحل

ومثل ما تفضلو الاخوة الاعزاء اشتر تذكرتين منفصلة

صحيح انك تبي تتعب شوية (ثلاث محطات توقف :دبي-روما-لندن اوفرانكفورت او امستردام) بس عاد تحمل واعتبر ان الدعوة تمشية

على فكرة


من موقع الخطوط الايطالية اتضح انهم لايسيرون رحلات مباشرة الى فانكوفر وانما الى مدينة تورنتو في كندا

وبسعر 730 يورو والتذكرة مدتها شهرين

والله ما تقصروووون ومن جد إذا أحد وده يسأل يحط سؤاااله في المنتدى الغالي .. والأخوااان ما يقصرووون .. ووالله ردودكم تثلج الصدر .. --- حلوة تثلج الصدر تحس متعوب عليها .. :109:
عموماً يالغاااالين .. اللحين احس ان احسن خطوط هي البريطااانية .. طيب ما قلتوا لنا وش رايكم بالكندية .. هل صحيح ان الخطوط سيئة حسب وصف الأخواااان ؟؟ وإلا في واحد طالع عليها ويمدحها ..؟؟

وصرااااحة منحرج منكم .. أنا مغير أسأل وأنتم تجاااوبووون :106:

هذا من طيبكم والله :101:
وأسفين على الإزعاااااج

مجوااااااااااااال

طيب أطلب من الاخوة المشاركين يكتبوا من وين بيسافروا مع وجهتهم لكي أعرف الطيران المناسب و يفضل التواريخ أيضاً
أنا بسافر من الدمام الى تورونتو عن طريق klm و الوالد يمدحها مونه راح أمريكا عن طريقها

انا اذا مارحت ريو ... على الفرنسيه .. ابغى فانكوفر .. وابغى ادفع اسبوعين حق دراسه !! معنى دارس فى اميركا!!

ولانى طاب المدرسه الا اذا صحيت 10 ونصف وافطرت .. و3 ايام فقط ... لانى جاى صراحه اتمشى !! وش جب

ورقة عمل .. وحجز فندق .. وتامين .. و ..و.... طيب انا استهبل عليهم .. واروح وكل شى يسويه المكتب وانا اشوف

مكتب العامودى اليوميين هاذى مدهر !! وله فرع بلرياض ... ( والله حدونا على الكذب .. وش اسوى !! ) ,,

بالنسبة لسعر الطيران من الرياض الى فانكوفر فهو

على طيران الكاثي باسيفيك 5900 ريال والتذكرة صالحة لمدة سنة

خط الرحلة من الرياض الى هونج كونج 8.30 ساعات

ثم التوقف لمدة ساعتين والطيرانن الى فانكوفر 13 ساعة

الاجمالي 21.30 طيران الى فانكوفر



في الرجعة من فانكوفر الى هونج كونج

ومن هونج الى البحرين تتوقف 45 دقيقة ثم تواصل الى الرياض


هذا ما وصلني اليوم من طيران الكاثي باسيفيك

[align=center]بسم الله الرحمن الرحيم

اوف اوف جتني صدمه اليوم مش طبيعيه :110:

ضاق صدري والله


اول ضيقه صدر اني شفت اكثر من عرض وكل واحد فيه محطات الانتظار اكثر من الثاني
و غير كذا السعر مرتفع بشكل مو صاحي


و ثاني ضيقه صدر ان الطيران مليااااااااااان مافي حجوزات و اغلب التواريخ الي ابيها كل الانتظار مقفل ؟

وش ذا الحظ


خل اقولكم عن الي شفته
اول شيء على خطوط الامارات من البحرين الي دبي وبعدها روما الخطوط الاماراتيه 2400 تقريبا مع التاكس
هذي التذكره الاولى

التذكره الثانيه روما لندن لندن فانكوفر على الخطوط البريطانيا 5500 وشوي مع التاكس



و المصيبه ان الاسعار قريبه من بعض في اكثر من مكتب سياحي

و كذالك لو على الخطوط klm من روما يعني الي امستردام الي فانكوفر و العكس

و ثاني شيء ان الطيران مقفل الانتظار في بعض الرحلات من لندن الي فانكوفر ومن امستردام الي فانكوفر

لكن الي حاب يطلع على فانكوفر على طول من البحرين او الدمام في على الخطوط البريطانيا و الخطوط klm
و راح تكون بحوالي 5200 الي 5400 مع التاكس طبعا بدون ايطاليا

وهذا افضل عرض لقيته للي ما يبي يروح ايطاليا لكن ترى الخطوط زحمممه الله يعينكم على الحجوزات

و بالنسبه لي انا حصلت عرض هو صح انه مشوره لكن يعتبر ازين شيء وهو على طيران الخليج
بحرين لندن خطوط الخليج
لندن فانكوفر الخطوط الكنديه
فانكوفر لندن الخطوط الكنديه
لندن روما الخطوط الايطاليا
ميلانو لندن الخطوط الايطاليا
لندن بحرين خطوط الخليج

هههههههه شرايكم ما بقت طياره ما راح اركبها وهذا تقريبا 6200 مع التاكس
و بعض المكاتب قالت على الخطوط klm او البريطانيه مثل الخطه الي قبل هذي لكن تحسب تذكره ثانيه لايطاليا يا من امستردام او من لندن


وهذا ما توصلت اليه اليوم

وانشاء الله ازيدكم بكل ما احصل عليه من معلومات

اخوكم ksa[/align]

[align=center]بسم الله الرحمن الرحيم

اسف لكن نسيت اعلق على خطوط الكاثي باسيفك تراني سامع انها ارخص من خطوط البريطانيه و klm
وصح انها مشوار شوي لكن انا والله اشجع الي ما راحوا على هونج كونج انهم يروحون عليها وينزلون فيها ثلاث ايام و يشوفونها
تراها تستاهل الزياره و مطارها يشرح الصدر
غير مطار هيثرو الي كله ممرات

ولو على انا الصيف الماضي رايح وعلشان كذا ما ودي

و تحايتي لكم
ksa[/align]

الله يعافيكم شباب وما قصرتوا .. بس لحد الحين محد رد علينا .. وش رااايكم بالخطوووط الكندية .. ؟؟

أحسها ممتازه ..
--- وش يسوي مضطر عليها ويقنع نفسه انها زينة :109:

والله للأسف أكثر من عضو ما مدح الكندية .. وش رايكم هي فعلاً شينة ؟؟

مجواااااال

بسم الله الرحمن الرحيم


البريطانيه متوقفه من السعوديه

فالله يعينك مالك الا klm او الكنديه او حوسه مثل الي قلت عنها انا

والله البريطانية .. يمدحونها .. بس والله السعر اللي حصلته غاااالي . . لأنه يقولون قرب موعد رحلتي وكلما حجزت بدري حصلت على سعر ارخص ..

بس لحد الحين ما في احد تكلم عن الخطوط الكندية .. !! وش رااايكم فيها .؟؟

ماني مصدق صراحة



اليووووم الساعة 6.20 مساء اتصلت على مكتب الصرح للسياحة والسفر


سألتهم عن سعر التذكرة الى فانكوفر


وش قالوا لي ؟؟؟؟؟؟؟؟؟؟





الخطوط السعودية الى لندن ثم الكندية الى فانكوفر سعر التذكرة 7500 ريال .

شيء غير معقول

سألته هل هناك أرخص قال لي السعر متقارب جدا مع الخطوط الأخرى

علما اني قلت له سفري في جولاي


وش رأيكم يا جماعة ؟؟؟؟

klm أفضل
ادخل موقعهم و شوف الاسعار و بالريال السعودي بعد
http://www.klm.com/sa_en/index.jsp

إخواني أنا رحت من أبوظبي إلى لندن على الخطوط البريطانية طياراتهم جيدة لكن الطاقم غلس (بس راوهم العين الحمرة وبيحترموك)، من لندن إلى تورنتو على البريطانية أيضاً وكانت فوق الممتازة، في تورنتو تقوقفنا ترانزيت وبعدها غلى فانكوفر على الخطوط الكندية الي تلوع الكبد، لكن الرحلة من تورنتو إلى فانكوفر كلها خمس ساعات يعني تهون، بس ماأعرف إذا أحد جرب الكندية من لندن إلى فانكوفر مباشرة فالطائرات تختلف بإختلاف المسافات ولاتنسى إن الرحلة بتكون دولية وهم في الرحلات الدولية يستخدمون الطائرات الكبيرة مثل الجمبو، أما في الرحلات الداخلية فطائراتهم لوعة...، أنصحك أخوي مجوال تسأل وكيل السفر عن نوع الطيارة من لندن إلى فانكوفر.

بعدين تعال إنته رايح كندا ولاتريد تشوف إلا فانكوفر، أنا من واقع تجربتي رأيت مدن وأماكن كثيرة في كندا جميلة مرة وحلوه مثل فانكوفر وخسارة إذا رايح هناك ما تمر عليها أقترح عليك هذا البرنامج والشيء راجعلك:

4 أيام في تورنتو تشوف فيها (أكبر مدينة في كندا، وأكبر شلالات في العالم شلالات نياجرا وهي ساعة بالسيارة من تورنتو، وتشوف برج CN في بحرة أنتاريو وغيرها من المعالم في هذه المدينة الصاخبة)

يومين في مونتريال المدينة التاريخية في كندا مدينة جميلة و ممكن إذا ماتريد تشيلها من القائمة.

ثلاتة أيام في كالجاري وهي على بعد أربع ساعات طيران من تورنتو وقريبة من فانكوفر تشاهد فيها أجمل المناظر الخلابة للطبيعة الجميلة في جبال الروكي الكندية وبالأخص بلدة بانف Banff (يبعد ساعة ونصف بالسيارة من كالجاري) وهي بلدة لا يمكن وصفها بالقلم من الجمال والطبيعة والأنهار ووووووو.....ألخ.

إسبوعين في فانكوفر عروس المحيط الهادي تشاهد فيها أيضاً المدن القريبة منها مثل: Whistler و Kelowna

وإذا أرت تفصيل أكثر إرسلي الخاص فزيارة كندا هي بحد ذاتها تجربة لاتنسى..

[align=center]بسم الله الرحمن الرحيم

امممممممممم باين من الردود يا انك تدفع 7000 وشوي او تنجبر تروح على الخطوط الكنديه :105:


طيب بالنسبه لاخي القطا انا ودي اعرف شيء عن فانكوفر و تورنتور ومونتريال ؟

هل يمديني اروح لهم عن طريق القطار ؟

واذا يمدي كم ساعه الطريق ؟

وكيف القطارات هناك ؟

واذا ودكم نفتح موضوع ثاني مش مشكله علشان هالموضوع يكون لخطوط الطيران



و شكرا


ksa[/align]

والله ما تقصر يالقطا على الرد ..

بالنسبة لروحتي لكندا .. أنا رايح لكورس انجليزي لمدة ثلاث شهور .. وفعلاً أنا معزم اطلع بالويك اند .. إلى اماكن في كندا .. مثل تورنتو .. و و - والله للأسف ما اعرف اماكن كثير في كندا ..- ياليت انك تفيدنا اخوي القطا ..

وبالنسبة لتورنتو .. هل ممكن اطلع لها بالقطااار .. وإذا تعرف الأسعار .. بحدود كم ؟؟

اما بالنسبة للخطوط الكندية .. والله لحد اللحين ما لقيت واحد يشفي الغلليل .. بس الغالب يسبون فيها .. :110: .. وما تقصر أخوي ..

وفعلاً .. انا اريد معلومات عن كندا أكثر وعن الأماكن السياحية اللي فيها .. :101:

مجواااااااال

أخي ksa إذا كنت تريد تروح للمدن الثلاث فالقطارات حسب ماشفت غير متوفرة لجميع المدن الكندية بس عندهم شبكة مواصلات قمة في الروعة، فبخصوص مونتريال تقدر تروح من تورنتو على أي باص بزنس كلاس وايد حلو والمسافة خمس ساعات، أما فانكوفر فالأفضل عن طريق الطيارة لأن الباص متعب والمسافة بعيد جدأ (بالطيارة خمس ساعات !!!!). أفضل أن تروح على تورنتو وتجلس بيها 4 أيام وبعدين تأخذ باص منها إلى مونتريال ومنها تقدر ترجع إلى تورنتو للإقلاع الى فانكوفر أو تأخد طيارة من مونتريا الى فانكوفر مباشرة.
إذا بغيت أكثر أفضل نفتح موضوع مستقل مثل ما قلت ونحن رسم الخدمة عيني...وشكراً

اخي مجوال إحنه بالخدمة دايماً، ولو تقولي أنته وين رايح غير فانكوفر يكون أحسن؟ لانه بالويكنك مايمديك تروح من فانكوفر لهذه المدن، ممكن تروح الأماكن والمدن القريبة من فانكوفر. وشكراً

عيني ما يمدي اطلع لتونتو .. واجلس فيها يومين ؟؟ !!

طيب يالغااالي ممكن تعطينا معلوماااات في موضوع مستقل عن فانكوفر والأماكن المجااااورة لها . . ووين اقدر اطلع بالويك اند .؟؟

مرحبا اخواني
تحية طيبة للجميع

اليوم حجزت الى تورنتو من الرياض الى باريس ومنها الى تورنتو والعودة والتذكرة طلعت ب 5820 ريال مع التاكس على الخطوط الفرنسية اللي اشوف ما فيه احد تكلم عنها ابد والخطوط الفرنسية حسب خبرتي الضعيفة جيدة .

وطبعا اوضح ان السعر هذا اذا تأخرت في الحجز وامتلأت المقاعد يزيد ....يعني كل ما حجزت بدري كان ارخص

وياليت احد يساعدنا من الاخوة الاعضاء بأعطائنا برنامج جيد في كندا ابتداء من تورنتو ومنها الى مدن اخرى ومروراً بفلوريدا بأمريكا ..

ورحلة موفقة للجميع

الخطوط الهولندية عندها عرض على كندا كالتالي :

فانكوفر عن طريق النت 4522 ريال وعن طريق المكتب 4862
تورنتو عن طريق النت 4014 ريال وعن طريق المكتب 4316
مونتريال عن طريق النت 4014 ريال وعن طريق المكتب 4316




هذا من موقعهم ولكن الى متى يستمر لا أعلم .....

اخوي مسافر متزن :: او الأخوة الكرام هل تاصل خطوط الكاثي بسفك الى تورنتو..
ـــــــــــــــــــــــــــــــــــــــــــــ

انا حصلت بكج بالسعر هذا فتكفون ريحوا قلبي هل السعر مبالغ فيه او معقول وخاصة انه بيكون في 16 جون يعني عز الموسم

الرياض ــــ لندن السعودية
لندن ــــ تورنتو الكندية

تورنتو ــــ فانكوفر الكندية

فانكوفر ـــ لندن الكندية
لندن ـــ الرياض السعودية

بسعــــــــــر 6700 ريال فهل اتكل على الله واشتريها والا ادور غيرها .

ابي الرد عاجلاً لأنه موعد التذكرة بينتهي بعد يومين

أخوي القطا .. ما تقصر .. وياليت تفتح موضوع مستقل عن كندا .. ويكون فيه طريقة التنقل ولا يمكن أني اطلع لكندا وما اطلع تورنتو .. ولا اشوووف الشلاالات .. !!! حراااام .. أنا طالع إن شاء الله لها .. بس عطنا تفاصيل اكثر عنها ..
------

اخوي Abdulelah بالنسبة للفرنسية ما عندي معلومات عنها ياليت الشباب يفيدوننا .. ووالله السعر حلو ..

------
أخوي مجودي .. السعر والله غاااالي شوي .. شف خطوط ثااانية ..
وياليت واحد يتأكد لنا من سعر الهولندية .. لأن السعر حلوووو ..

مجواااااااال

[align=center]بسم الله الرحمن الرحيم

تسلم اخوي القطا وما تقصر

وانا طالع على فانكوفر للدراسه بعد
وكان ودي اروح لتورنتو و مونتريال

يعني شكلي لازم اغيب عن المعهد كم يوم )

من بدايتها جهزت النيه بالغياب :114:

و بالنسبه للتفاصيل اخوي القطا ودي والله لو تفتح موضوع مستقل و تعطينا اكثر تفاصيل وما تقصر والله


وبالنسبه لاخوي مجودي اانا اعرف ان الخطوط الكاثي بسفك تروح لكندا لكن هل تروح لاتورنتو او لا مدري والله


و ياليت تتاكدون ياشباب من اسعار الخطوط klm

لاني مريت مكتبهم هنا وقالوا لي سعر التذكرة 5400 تقريبا

وقالوا لي راح تحصلها بالنت خصم 7 %
و عن طريق المكاتب السياحيه راح يكون خصم تقريبا 5%


ولكن لما رحت شيكت وكذا قالوا لي اغلب الرحلات مليانه و اسعار التذاكر واصله 7200 على نفس الخطوط

فمدري وش السالفه


واحنا في انتظار كل من عنده خبر بخصوص هالموضوع

اخوكم ksa[/align]

والله ياليت الإخوااان يتأكدون لنا عن الــ Klm وعن اسعاااارها ؟؟

كندا ما زالت هي الحلم الجميل ولكن حلم صعب ومعقد

انا حجزت على الخطوط السعوديه الكنديه للذهاب الى فانكوفر..

من الرياض الى لندن على السعوديه ومن لندن الى فانكوفر مباشره على الكنديه..والمبلغ بحدود 6000 ريال..

اخوي مجوال قريت مشاركة الأخ M-m
6000 ريال يعني طلعتلي تذكرة تورنتو _ فانكوفر 700 ريال لابأس
_____________
أخوي M-m شف خطوط الكاثي بسفك تراها ارخص وأقرب لك في المسافة

:114: :114: والله شكل السعر جيد كذا .. اخوي مجودي .. السعر شكله مناسب .. لأن صحيح موسم الهاي سيزن بيكون في وقت رحلتك .. أتمنى لك التوفيق يالغالي :101:

اما بالنسبة للكاثي بسفيك .. فبلعكس الكاثي بسفيك .. ابعد ومشواااااار متعب .. حدود عشر ساعات من الرياض إلى هونك كونج .. وبعدها حدود عشر ساعات ثانية من هونك كونج إلى فانكوفر .. :114: بتطلع عليه متعبة اكثر . .صحيح ان الفرق ممكن يكون بحدود 500 ريال .. بس تعب
والله يكون في العون :101:

شيكت على الخليجية وأعطوني اسعار خيال بصراحة وشكت مع كم مكتب قالوا لسى سعر شهر june

بس الاسعار مشجعة ورخيصة وهي كالتالي :

الرياض البحرين لندن تورنتو
بـــ 4900
تورنتو لندن البحرين الرياض

ـــــــــــــــــــــــ

الرياض البحرين لندن فانكوفر
بــ 5200

فانكوفر لندن البحرين الرياض

واي خدمة انا حاضر بس حرام يضيع جزء من الميزانية في سعر التذكرة

المشكله في التذاكر هو ارتفاع سعر اليورو ...في السابق التذكره لكندا لم تكلف اكثر من 4500 الى 5000 ريال...اما الان فأقل تذكره من اوروبا بسعر 6000 ريال..

اما بالنسبه لخطوط الباسيفيك اخوي مجودي...الصراحه المسافه اطول بكثير..والسعر غير مشجع

طيب سعر التذكره خط واحد من السعوديه لتورنتو او البحرين تورنتو كم ممكن يكلف اعيد واكرر خط واحد يعني ون وي

المشاركة الأصلية كتبت بواسطة بوسعود


طيب سعر التذكره خط واحد من السعوديه لتورنتو او البحرين تورنتو كم ممكن يكلف اعيد واكرر خط واحد يعني ون وي



ون واي ما ينفع لأنه مافيه فرق يسوى
أذا انت بترجع خلال على ما أعتقد سنه أفضل تاخذ ريترن تيكيت و تقدر تغيير تاريخ الرجعه بعدين

و على فكره أنا أفضل خطوط الـ Klm لعدة اسباب من ناحية السعر المناسب و مرورها على مطار أمستردام و اللي يعتبر الافضل في أوروبا على الاقل بالنسبه لي شخصيا ارتحت فيه لوجود مصلى و أماكن وضوء للمسلمين مقاعد مريحه جددددا لللإستلقاء و يعيبه كثرة البارات و المشروبات الكحوليه لدرجة اني كنت أدور مقهى وكل المقاهي عندهم يسود عليها المشروبات الكحوليه و رائحتها

والله ياطويل العمر انا عارف انها افضل ولكن انا بجلس اكثر من سنه ياطويل العمر فعلشان كذا اقول ون وي لان شركات الطيران اعتقد اقصى شي سنه وانا بظل سنه وشهرين يمكن

فلذلك ودي تفيدني فضلاً لا امراً بما عندك معلومات عن افضل خط للرحله من السعوديه لتورنتو او البحرين لتورنتو والاسعار
وشاكر ومقدر لك رحابة صدرك ياغالي

والله ما أدري اخوي مرهوووف بس الخطوط الهولندية معروفة بجودتها ويمدحونها .. بس انها الحين غالية وعليها ضرااايب غالية هي والبريطانية ..

[align=center]بسم الله الرحمن الرحيم
اتوقع ان افضل العروض من ناحيه الاسعار هي عروض الخطوط الخليجيه
مثل ما قال اخوي مجودي

البحرين لندن على خطوط الخليج
لندن فانكوفر على خطوط الكنديه
و الرجعه مثلها و تقريبا هذي بـ 5100 ريال

و بالنسبه للي قال انه وده يروح لايطاليا او فرنسا راح تكون التذكرة من لندن الي ايطاليا بحدود الف ريال
و هذا الي حصلناه

ولكم تحياتيksa[/align]

مشكور Ksa على جهودك في خدمة الجميع

استفسار بسيط

من البحرين او السعوديه لتورنتو
اتجاه رحله واحد يعني ذهاب فقط ون وي لاني بجلس فتره طويله تتعدى السنه وماباخذ ذهاب وعوده للسبب اللي وضحته ... فقط ذهاب
كم السعر للذهاب فقط ... وش افضل خطوط ... وش خط سير الرحله وكم ساعه

[align=center]بسم الله الرحمن الرحيم

تسلم لي والله اخوي بو سعود :106:

العفووو ولو ترى ما سوينا شيء الشباب مو مقصرين

اما بالنسبه لون وي انا والله مدري

ما عمري اخذت ون وي

لكن انشاءالله اول ما اعرف راح ارد باذن الله

وانشاء الله الشباب ما راح يقصرون ويعطونا الجواب الوافي

تحياتي ksa[/align]

[align=center]الأخوان
مجودي وksa

السلام عليكم

أرجو أن تعطونا المعلومات الكامله عن رحلة :

الرياض البحرين لندن فانكوفر

ومن أي مكتب أخذتو الأسعر

لأني بصراحة سالت عنها أحد المكاتب وقال ما دام أنها تمر على أوروبا فهي نفس السعر مع الخطوط الأخرى


والسلام,,,


أطلس العالم[/align]

طيب وش احسن الخطوط اذا الواحد طالع من الشرقية إلى تورنتو او فانكوفر؟؟؟

الأخ الكريم مجوال سلمه الله

إذا كنت تبحث عن الأفضل من حيث نوعية الخدمة ورقيها

فالخطوط البريطانية والفيرجن هما الأفضل بلا شك

والفرنسية والألمانية تأتي في مرتبة تالية

أما إذا كنت تقصد الأفضل من حيث الأسعار فالكلام هنا مختلف

فالهولندية على ما أعتقد تقدم أفضل الأسعار

مع كل التقدير والإحترام