الموضوع: سؤال للاخوان اللي يدرسون في أمريكا هل الدراسة ممتعة ام لا تستحق العناء؟؟

السلام عليكم ورحمة الله
يا اخوان انا ودي اقدم على بعثة لدراسة الماجستير في امريكا بعد تخرجي هذا الفصل (باذن الله)
تخصصي الدراسي حاسب الي
خلوني اتكلم لكم عن الدراسة في السعودية:
الان وصلت الى مرحلة الطفش الكبير, اروح للجامعة بالدف, يعني بس ودي اشوف وثيقة التخرج, الدراسة اصبحت مملة جدا,,
البعض يقول لي استغل فرصة البعثات دامها متوفرة,, خصوصا انك ماراح تقدر تكمل الدراسة بعد الوظيفة, يعني تروح الشدة منك,
وانا محتار جدا, الوظائف كثيرة جدا هذه الايام,
المهم, ما اطيل عليكم
انا قررت احزم موقفي, اذا كانت الدراسة ممتعة في امريكا فراح اكمل ولاحقين على الوظيفة, (علما انني غير محتاج الى الوظيفة, الحالة المادية ممتازة ولله الحمد)
ابغى رايكم
خصوصا الاخوان اللي جربو الدراسة هنا وهناك,
وشكرا

مواضيع عشوائيه ممكن تكون تعجبك اخترناها لك:

• هل امريكا تستاهل السفر لها؟
• هذا ما صار لكن طال الإنتظار
• خط سفر الى سان ديغو
• البطل الأمريكي مجرد طرفة
• اختفاء طالباًعربيا من المبتعثين في نيويورك اللهم سلم سلم
• كلاكيت ثاني مرة
• نيويورك في فبراير
• المواصلات في اورلاندو
• ترتيب خطة سير الرحلة الغريبة لاهنتم
• مطار نيويورك
• بروح سان انتونيو وين الأماكن السياحية؟واذا فيه دورات حلوة وين؟؟ووين مكان رومنسي؟؟
• الرياض ـلوس انجلوس مباشر ريال
• بخصوص الدراسة الرجاء الافادة
• احتاااج رايكم وخبرتكم
• فين وصلت مواعيد السفارة؟؟؟؟؟؟؟؟
• نيويورك والولايات المجاوره
• ارجو المساعدة لم اجد موعد في تقويم الفيزا لاكثر من سنة ؟
• موعد المقابلة بعد اسبوع فى القاهرة فيزيا
• مقابلتي مع السفارة
• لدي فيزا اف وان f 1 لمدة خمس سنوات هل استطيع السفر الي امريكا

الان وصلت الى مرحلة الطفش الكبير, اروح للجامعة بالدف, يعني بس ودي اشوف وثيقة التخرج, الدراسة اصبحت مملة جدا,,

والله مصيبه تدرس حاسب آلي وتقول الدراسه ممله :105:

والله شئ غريب من جد لو يسمحون لي درسة بكالريوس

حاسب آلي والله ما اقول لا وانت تجي تقول ان الداسه في

هذا التخصص ممله :112: طيب الي يدرس جغرافيا وش يقول :114:

على العموم الله يوفقك :24:

هلابك يالغالي,,
اي والله للأسف مملة جدا,,
ربما لاتعرف شيئا عن دراسة الحاسب الاكاديمية,
الدراسة لتجارية هي الممتعة, مثل الدورات اللي في المعاهد,
بانتظار رأي الاخوان اللي درسو ...........

اخوي ايقل كلنا في الهوا سوا على قولتهم

لي اكثر من ست سنين في امريكا من عام 1999 وخريج الفصل الجاي هذا

وانا نفس حالتك بالضبط مع ان ماجتني البعثه الا قبل سنه تقريبا الله ياخذهم ماتوفرت البعثات الا لمن جيت اتخرج

عموما نصيحتي لك وانا اخوك تكمل دام فيه مجال وانا نفسك تخصصي هندسة حاسب بس بيني وبينك مليت وتعبت منه لأني والله تعبت في ذا التخصص وفي ذا الجامعه الصعبه

أستشرت ناس اكبر مني وخبره وقالوا دام فيه مجال تكمل كمل واذا انت ماتبي نفس التخصص غير تخصص ويكون احسن بعد في مجال التوظيف لاحقا لأنه لا صار عندك تخصصين احسن من دراسة بكالوريس وماستر في نفس التخصص

انصحك تدرس ام بي اي دامك مليت من الحاسب

وهذا اللي انا بسويه

الله يوفقك وانا اخوك

رح لا تندم مثل اخوك ابو السلاطين

احيانا تراودني فكره الاسقاله واكمال الماستر

من ناحية الوظيفه لا تخاف السعوديه جايتها طفره بمعنى الكلمه والوظايف راح تزيد والاقتصاد راح ينمو من السنه هذي الى 2012 لا تخاف

اخوي عناد:
ما اقول الا الله يعينك ويوفقك,
وانا اخوك تخصصي Computer Science,, اثناء تصفحي لبعض مواقع الجامعات الأمريكية حصلت برنامج مكافئ للماستر وهو Security لمدة سنة تقريبا, افكر ادرس هذا البرنامج, من ضمن الجامعات التي تقدم هذا التخصص جامعة جورج واشنطن,
مدري وش رايك؟؟
انا ادرس هالسمستر مادة سيكيورتي وهي افضل مادة درستها (ممتعة جدا) ولولاها لما فكرت ابدا بالماستر
مدري هل عندك مانع تضيفني على المسنجر:
====تمنع الإداره وضع الإيميل====
لأنك خبير ماشاء الله ومحتاج اعرف منك بعض الخصوصيات
وشكرا
_________________
الأخ أبو السلاطين:
10000 شكر لك عى المرور,
تسلم لي يالغالي
______________________________
لا ازال استقبل الردود

هلا اخي ايقل ابشر

بضيفك

واشوف كيف البرنامج هذا ابو سنه لأني اول مره اسمع عنه والله

بس صراحه حرام تتخرج باكلوريس علوم حاسب وتدخل ماستر سيكورتي

ياخي زودها سنه واخذ ماستر زي الناس

عموما اشوف اون لاين

والله لو يدرون المشرفين انك حاط ايميلك والله ان تصير بلاوي







الموضوع فعلا للنقاش

جامعتنا انواع القلق والاسباب عدة

هل تختلف جامعتنا في نظامها عن الجامعات الأمريكيه؟


انا مليت من جامعتنا واسباب الملل ترجع للنظام الجامعة ودكاتره الجامعه وبرضوا للجو الأكاديمي في الجامعه


تحياتي بس لايدرون المشرفين

اخي وحبيبي الغالي

يسعد صباحك .. اذا تبي رأيي محب لك سبق وان زار الدولتين فرأيي يقول عليك بكندا واجعلها دراسة وسياحة فكندا اجمل طبيعة من امريكا الف مرة .. وستدعيلي اذا ذكرتني ..
اخوك المحب..

اخي الكريم، الدراسة في أمريكا ممتعة جدا عكس السعودية، وانا سبق لي الدراسة في امريكا حوالي سنة شعرت اني طالب ادرس واستمتع واذهب للسينما واحضر مهرجانات يعني دراسة وسياحة.

باك ستريت:-
والله ماكان ودي احط الايميل, بس لو فيه رسائل خاصة كان ما حطيته
تحياتي لك
_____________
الباخص:-
بصراحة كندا مادخلت مزاجي من الاصل (اخوي هناك ومتعذب من 8 شهور برد)
غير كذا اصلا مافيه بعثات لها
مشكور على المرور
________________
خالد:
اشكرك على رأيك
شكلي بتوكل على الله وبطلع بعثه
مشكووووووووووور

احلى شيئ بالدنيا لما تشوف نفسك تصعد بروحك من غير مساعده من احد . والى احلا منها انك لما تتعب على نفسك وتوصل فوق..... وتوقف للحظه.... وتلتفت وراك....... وتشوف شنو سويت لنفسك وشكثر حرمت نفسك وشكثر عانيت وشكثر تعبت عشان توصل لهذا المكان ولما تشوف كل اللي سويتا ساعتها صدقني الدنيا ماراح تاسع لفرحتك وراح تمر عليك السنين بثواني معدوده بمخيلتك وتقول ليتني حققت فيها اكثر واكثر من هذا
الله يوفقك ويكتبلك انشاء الله الماجستير والدكتوراه

اخوووووي

توكل على الله ومافي الا الخير انشالله

وامريكا زي ماقالوا الاخوان دراستها ممتعه

اخوي توكل على الله ولا تشيل هم الله معاك اخوي

بالتوفيق

الاخوان fw-kw, معانق الدموع
بارك الله فيكم
جزمتوني على السفرة
جزاكم الله خير

اخي الكريم .. انت وصلت الى نقطة مهمة بنفسك

دامك ميسور ماديا وغير محتاج للوظيفة انصحك بمواصلة الدراسة ... فالشهادة العليا تاتيك بالمناصب العليا دائما ...

تحياتي للطموحين

اخي ازومانيا

المشكلة موب بتكملة الدراسه

المشكلة أين تكمل الدراسه

هل متعة الدراسه تغلب على سلبية الغربه وهمومها ؟
أم أن الغربه تغلب على المتعه والفائده في الدراسه في الخارج

انا ادرس Computer Information System في امريكا و صراحه شفت الفرق صدق ما درست الا سنه في السعودية بس فررررررررررررررررررررررررررررررررررررررررررررررررر ررررق

تعال امريكا بدون تردد انا عن نفسي اكره شي اسمه دراسه بس جيت امريكا تجدد عندي النشاط
للدراسه وازيدك صاروا يعطوني شهادات تقدير وحركات .........
ماعليك انت تعال امريكا وتشوف الشغل العدل .
وبنبهك على نقطه مهمه يعتمد مستوى الدراسه على اختيارك لجامعه كويسه

وبالتوفيق انشاء الله.

السلام عليكم
أخي العزيز...
أنا الآن أكتبلك وأنا في أمريكا أدرس ماجستير في جامعة في ولا ية ميشيغين ، ودي أختصرلك المسألة أنه الدراسة هنا مو بس ممتعة بل أكثر مما تتصور ، وأنا متأكد أنك لو جيت درست هنا أسبوع واحد بس ما رح ترجع أبدا ورح تشوف الفرق بين الدراسة هنا والدراسة بجامعة سعود، طبعا أنا ماخذ البكالوريوس من جامعة سعود وأقدر أقولك بالفم المليان لو حصلتلك البعثة لا توفرها أبدا أبدا ما رح تندم..... واذا احتجت أي شي راسلني على الايميل ====No e-mails please==== والسلام...

اخي الي فوووقي كاتب السطور
مرحبا بك

ممكن تعطينا تخصصك؟

سمعنا يا اخوان ان الواحد كل يومه دراسه يعني النهار محاضرات و الظهر والعصر في المكتبه و الليل ما يشوف الدرب يبي ينوم.
اذا كان كذا فالدراسه تجيب الموت اما ان كان فيه فراغ فالموضوع شي ثاني.
لان الدراسه تفرق من جامعه سعود عن امريكا و امريكا احسن ومستوى سعود ردي جدا فالواحد يتعب الى ان يلحق مستوى جامعات امريكا.

اخي تشيدر
يعني هذا هو سبب تفوق الطلبة في السعوديين في امريكا ؟
يعني التفرغ

من الجامعه للبيت ومن البيت للجامعه


موب زينا هنا من الجامعه الى المقهى ومن المقهى الى الشارع ومن الشارع الى الاستراحه ثمن تكيه الى الفجر ثمن عودة للبيت والنوم ثم يقوم وهو نايم ويروح الجامعه وهو نايم

الله يجزاكم بالحسنى يا اخوان
جزمتوني عليها

انا اقولك اتوكل على الله وتعال

وصدقني ماراح تندم

لكن احذرك من شي

اصحى انك تروح لولايات تعيسه لانك راح تكره عمرك وتلعن الساعه اللي جيت فيها

اقرب مثال على تلك الولايات الاباما اوكلاهوما ميزوري وايومنق يوتا ايوا ايداهو ساوث كارولاينا

مونتانا كنتاكي لويزيانا ميسيسبي نيومكسيكو

هذا ما يحضرني الان

هذا مايحضرك؟!

اكثر من 15 ولايه وتقول انها تعيسه يعني اغلب الولايات تعيسه

يعني تشجيع عيني عينك على عدم السفر لامريكا والدراسه فيها .




اخواني ماهو الفرق الجوهري بين الدراسه في السعوديه وامريكا ؟

نبي الفرق الجوهري

المشاركة الأصلية كتبت بواسطة زاحف ينحف


هذا مايحضرك؟!
اكثر من 15 ولايه وتقول انها تعيسه يعني اغلب الولايات تعيسه
يعني تشجيع عيني عينك على عدم السفر لامريكا والدراسه فيها .
اخواني ماهو الفرق الجوهري بين الدراسه في السعوديه وامريكا ؟
نبي الفرق الجوهري



بالمقابل شوف الولايات اللي انصح فيها

كاليفورنيا ميشيغان اوهايو انديانا الينويز ويسكانسن مينيسوتا اوريغون فلوريدا بنسلفينيا كولورادو
نورث كارولاينا نيوجرزي جورجيا

طيب اخوي وش رايك بواشنطن وماساتشوساتس؟

المشاركة الأصلية كتبت بواسطة eagle One


طيب اخوي وش رايك بواشنطن وماساتشوساتس؟



ولايات حلوه لكن يعيب تلك الولايات انه بردها طويل وثلوج واهلها في الغالب جديين في حياتهم

لاوجود للترفيه الا ما ندر اضافة الى انها غاليه

بس تظل حلوه للي مشتهي وعنده فلوس

اخي اذا انت طفشت وتمللت من الدراسة في السعودية

فلا انصحك ابدا باكمال دراستك خارج ارض الوطن

اخوي انت تقصد الفرق الجوهري من حيث المادة العلمية او من حيث الحياة الدراسية

كمل دراستك وأنا أخوك نصيحة......للأسف ما عرفنا قيمة الدراسة والتحصيل العلمي الا بعد ما توظفنا
تصدق أحيانا" تراودني فكرة مجنونة..أني أستقيل وأكمل دراستي على حسابي

الفرق الجوهري بين الدراسه العلميه في الجامعات الامريكية والدراسه العلمية في الجامعات السعوديه؟

الحياة الدراسيه تعتمد على نفسيه الطالب


تحياتي

مشكور دكتور فادي والله يعطيك العافية
_____
بو سارة:
قصدي اثنينهم مع بعض,,
_____
اخوي Ss
هل تقصد الماجستير؟

الغربة شينة ومملة وقاتلة كان الله في عون من يغترب


من طلع من داره قل مقداره

دامك ميسور الحال استغل شبابك واستمتع به في ديرتك وعند اهلك بدل ضياعه في غربة قاتلة مجهولة المصير في بلد كامريكا يكن العداء لكل سعودي ولكل عربي

نرجع للموضوع بعد غياب طويل


بس بشر سافرت والا توك؟

ياخي دام انك مليت من الدراسه على حد قولك ما انصحك تكمل ... اذا عقدت العزم و النيه على المواصله حينها قدم على البعثات و توكل على الله ....

لا والله اخوي توني بقدم على البعثات الجديدة ونشوف
لأني توني اتخرج

اجل الله يعينك وتنقبل
بس بشر كم المعدل؟
ووش اخترت تخصص

المعدل 3.8 من 5 تقريبا
التخصص علوم حاسب وراح اكمل فيه

أخوي Dr.FADI , أبي رأيك في جورجيا أتلانتا ؟؟

ياليت تنقلون هالموضوع الى بوابة البعثات والا وش رايكم؟