السلام عليكم
احب اشكر الاعضاء و مشرفين هالقسم الاكثر من رائع .. هذي اول مشاركه لي سامحوني على كثرت الاسئله.. بما اني اخترت الوجهة فالترتيب ان شاءالله كله علي .. انا و زوجي قررنا نسافر بعد العيد في شهر سبتمبر و من كثر التقارير والاماكن الحلوه ودي اروح كل الاماكن ...ماشاءالله ماقصرتوا كفيتوا و وفيتوا و بصراحة احترت و ابا شوركم .. حددت نيويورك و لوس انجلوس و لاس فيقاس
الرحله بتكون كالتالي :
1. نيويورك يوم - لوس انجلوس 10 ايام —لاس فيقاس 5 ايام —نيويورك 4 ايام
او
2. شيكاغو 3 ايام - لوس انجلوس 8 ايام - لاس فيقاس 5 ايام - نيويورك 4 ايام ( لان التذاكر بهالحاله ارخص.. بس احس من مطار لمطار مادري كيف بيكون الوضع )
إذا الوصول نيويوك اول يوم نقعد في فندق قريب من المطار...ونتوجه ثاني يوم بطيران فيرجين إلى لوس انجلوس --- و إذا الوصول إلى شيكاغو بنقعد يومين ونتوجه إلى لوس انجلوس
لوس انجلوس 10 -8 ايام – المخطط كالتالي :
اليوم الاول :بيفرلي هيلز –وشارع Rodoe Drive
اليوم الثاني: سانتا مونيكا – third street (وهل هو بعيد؟)
اليوم الثالت: universal studio
اليوم الرابع: Malibu (تنصحون في هالمكان؟ وهل هو بعيد)
اليوم الخامس: Disney Land
اليوم السادس: Six Flags + The Grove + Westfield
اليوم السابع:Warner Bros studio + Hollywood+ madam tues + Star avenue + china theater + Kodak theater + Hollywood highland mall.
اليوم الثامن، التاسع و العاشر: مااعرف وين اروح شو رايكم ؟
بنروح بسياره إلى لاس فيقاس وهل هناك اي اوتليت في الطريق؟
لاس فيقاس 5 ايام:
شو الواحد ممكن يسوي في لاس فيقاس؟ الواحد يتمشى في الفنادق بس؟ ويشوف العروض صراحه ماعرفت .. : فكرنا في العروض و اللي كلهم مدحو Le Reve و تاور اللي عليه الالعاب و باقي الايام كيف؟
نيويورك 4 ايام:
اليوم الاول: السيتي تور+ سنترال بارك + الامباير ستيت او الروك فلر + china town
اليوم الثاني: تايمز سكوير + حديقه تمثال الحريه + فيري البرج +شارع الففث افنيو
الثالث : الاوت لت
و الرابع: وين ممكن انروح؟
مابناجر سيارة في لاس فيقاس ولا نيويورك بيكون التنقل بالتاكسي ان شاء الله و لاتنصحون اناجر؟ ؟
و كيف ناخذ باص تور في هالمدن الثلاث ولا مايحتاج؟
بالنسبه للفنادق : شو رايكم بهالفنادق في لوس انجلوس من حيث الراحه والفخامه و قربها من الاماكن اللي حابه ازورها؟
http://www.booking.com/hotel/us/sls-...0X1&aid=358324
http://www.booking.com/hotel/us/the-...X12&aid=358324
http://www.booking.com/hotel/us/luxe...0X7&aid=358324
و لاس فيقاس شو اكثر فندق اترشحونه؟ من حيث الفخامه و النشاطات؟
و نيويورك كذلك وين اترشحون يكون الفندق بالقرب من تايمز سكوير؟
ماريوت تايم سكوير ولا الرتز كارلتون؟
وكيف الجو في سبتمبر؟
اسفه لأني طولت بالاسئله ..بتكون اول سفره من ترتيبي ان شاءالله و احس اني ضايعه اشوي .. السموحهمواضيع عشوائيه ممكن تكون تعجبك اخترناها لك:
- هل وجود قريب مقيم فى الولايات المتحدة يصعب من الحصول على تاشيرة السياحة ؟
- ايهما احسن استخدام جارمن أم برنامج ملاحة على الآيفون ؟
- ساعدوني في رحلتي الى كاليفورنيا
- استفسار
- الاماكن السياحية في نيويورك و سان دييغو ولوس انجلس وسان فرانسيسكو
- أحتاج أسواق نيويورك
- الاخت وبقية الاعضاء
- سؤال عن فنادق نيويورك
- افيدوني للسفر لاافضل ولايه باامريكا
- رحلة سياحية لنيويورك واورلاندو
- السياحة في امريكا تقرير رهيب عن المدن السياحية
- سؤال مهم ياليت تفيدوني باقي على الموعد يوم
- مشكله في الفيزا ارجوو مساعدتي
- مين اللي يعرف عن القاعده العسكريه بسننتونيو ضروووري
- رحلتي في نهاية إبريل وأحتاج للمساعدة
- كل واحد يدخل ويكتب اجمل بلد زارة
- استفسار عن استخراج الفيزا الامريكية في دبي
- مطلوب مساعدة حول فنادق ساحل سانتا مونيكا
- استفسار بخصوص الفيزا السياحية وموقع السفارة
- بإذن الله سفره لأمريكا السنه القادمه
المفضلات