الموضوع: استقسار عن الفيزا الكندية

السلام عليكم ورحمته وبركاته
ارغب في استخراج فيزة سائح الى كندا
كم تستغرق
وش يطلبون
اذا فيه معلومات كامله ( تشكرون مقدما وجزاكم الله خير)

مواضيع عشوائيه ممكن تكون تعجبك اخترناها لك:

• مين عنده فكره عن ذا المعهد
• ابشركم رجعت من كندا ولله الحمد
• تذاكر ومعلومات ونبيغ
• دليل السياحة في كندا2017
• ساعدوني ابي فيزا كنديه للسياحة
• لم اطبع الباركود هل سيرفض الطلب ؟
• مالذي تحتاجه السفاره الكنديه
• استفسار عن كنداااا
• الى كندا بإذن الله يهمني اسمع اجابتكم
• اهل ادمنتون ادرى بشعابها فزعتكم لا هنتو
• حصرياً صور لفظ الجلاله على جبال ويسلر الكندية من تصويري
• قلقان من هالنقطة بطريقة غير طبيعيةدلونى يا اخوان
• سؤال بخصوص المطاارات ؟؟؟
• ماهو افضل خط سير من الرياض الي فان كوفر
• اسعـــار الفيـــز الكنديــــة ؟؟
• الفزعه ابي اسئل عن الشقق والتذاكر تكفون
• عطوني رايكم ياخبراء كندا
• الفزعة ياجماعة الخير
• اسفسار الله يوفقكم عن مدن كندا؟؟؟
• من أسبوع راجعه من تورنتو وإلي يبغي أي مساعده فاله طيب

طبعا اتكلم من السعوديه ابغى اطلعها من الرياض

بسم الله الرحمن الرحيم


أخي تقدر تطلعها من أي مكتب يقوم بـ إستخراج التأشيرات الكنديه

مادام انك سائحـ اجل أمركـ سهل ان شاء الله

(( انتظرني فقط أجمع لكـ المعلومات الكامله وارسلها لكـ ))

جواز سفرك الأصلي

4 صور شخصيه

صورة بطاقة الأحوال

صورة من أول صفحه في جواز سفركـ ( صور 3 صور للإحتياط )

راح يطلبو منكـ معلومات عامه عنكـ وعن أهلكـ

( إسم أبوكـ وأمكـ وأخوانكـ وأخواتكـ بالأنجلش وتاريخ ميلادهم بالميلادي

ولاحظ لازم يكون زي ماهو مكتوب في جوازات سفرهم )

وكم مره سافرت برا السعوديه

وماهي الدول اللي سافرت لها


وزي كدا أسئله عايديهـ

إن شاء الله اكون أفدتكـ وأي سؤال أنا حاضرهـ

وفقكـ الله لكل خير وأسعدكـ


\\

وتستغرق يا طويل العمر

غالبا من 15 يوم الى 3 اسابيع

وممكن تتطول اكثر

بالتوفيق

الله يعافيكم يا غاليين
طيب هل فيه يعرف مكتب كويس بالرياض
مشكورين للمره المليون

اممم لاعلم لدي بمكاتب الرياض

ولكن إسأل من لديهم خبرهـ في هذهـ المواضيع وأبحث كثيرا لأن بعض المكاتب تستغل الشخص

وفقكـ اللهـ وأعانكـ

\\

با التوفيق والله يسدد خطاك

هل من مجيب يا اخوااان

هلا اخوي اي فون

فيه مكتب الفيفا بين بنده (التخصصي وقهوه كريم) هذا تجيب له اوراقك كامله وهو يرسلها مع السفاره وكويس هذا المكتب ويعبيلك الابلكيشن هو وتدقع له 200 ريال بس طبعا تجيب اوراقك كامله انت بنفسك زي وهذا تلفونهم لو تستفسر منهم انت احسن 4824013 او 0502452762 ويعلمك كل شي مطلوب وهو متعاملين معه السفاره

فيه مكتب روعه اسمه الجسر الازرق للخدمات التعليميه والسياحيه
اشارة ماما نوره الي بشارع الظباب بالعليا تروح معها يمين همين سيدا تجيك اشاره
ديور من عندها ورح سيدا وتبي تلقى المكتب على يمينك لونه ازرق رهيييييب
انا حاليا عندهم اخلص اجراءاتي وادع لي
.
.
من ناحية الفيزا .. تعريف وظيفه الي تبي تطلع على حسابه
او اذا تبي تطلع على حسابك تعريف وظيفتك وبيان راتبك بورقه رسميه من الجهه الي تشتغل عندهم ومختومه
وكشف حساب من البنك لاخر 3 شهور الانقليزي ومختوم من البنك وفيه رصيد كافي للسفر
واخر شهاده لك و3 صور 4 × 6 مكشوف الراس وشيك مصدق من البنك للفيزا ان كانت سياحيه او دراسيه
يعني كل وحده لها سعر .. وبس تروح تعطيه اي مكتب حق خدنات تعليميه او انت تروح للسفاره
وانشالله من 15 الى 3 اسابيع وفيزتك عندك

يا شباب هذي المكاتب نصابيين كل الي يعملونه يقومون بتسليم الأوراق لشركة ( أرمكس ) فقط لا غير وياخذون على الموضوع مبلغ مبالغ فيه .
يا إخوان ليش تروح لهذي المكاتب رأسنا أذهب إلى أي مكتب لشرك أرمكس البريدية والشركة تاخذ مائة ريال فقط
وبالمناسبة المكاتب لا تراجع ولا هم يحزنون هم فقط يوصلونها للمكتب فقط

^
^

لالا يا غالي وشو نصابين .. صحيح انهم ياخذون مبلغ بس هذا رسوم الخدمه
ان كانك تبي تقدم اوراقك بنفسك رح قدم بكيفك وان كانك تبي تسلم الاولراق لأراميكس بنفسك بكيفك
بس يبيلك تنقز للسفاره اله لا يهينك وتاخذ الاوراق الي تعبيها !!

يعني انا اشوف ان الي يبي يستخرج فيزا لــ امريكا او كندا او مثل هالدول البعيده لازم يكون عنده امكانيات ماليه
انا اخذوا مني المكتب مبلغ انا اعتبره كثير لكن عاد الشكوا لله اذا تبي امورك انشالله تخلص لازم تدفع
اخذوا مني 1125 ريال !! المبلغ هذا شامل خدمة المكتب في جلب القبول وخدمتهم في توصيل ملفك للسفاره عشان الفيزا
وشامل مراجعة الملف وكل شي ..

وكل واحد وعلى هواه يبي يروح للسفاره يبي يروح لأراميكس يبي يوصي مكتب يزينون له كل شي بكيفه

وبالتوفيق للجميع..ادعو لي الله يرحم والديكم ويغفر لكم

المشاركة الأصلية كتبت بواسطة عزوز الحلو
http://www.arabtravelersforum.com/tr...3/#post3843003

فيه مكتب روعه اسمه الجسر الازرق للخدمات التعليميه والسياحيه
اشارة ماما نوره الي بشارع الظباب بالعليا تروح معها يمين همين سيدا تجيك اشاره
ديور من عندها ورح سيدا وتبي تلقى المكتب على يمينك لونه ازرق رهيييييب
انا حاليا عندهم اخلص اجراءاتي وادع لي
.
.
من ناحية الفيزا .. تعريف وظيفه الي تبي تطلع على حسابه
او اذا تبي تطلع على حسابك تعريف وظيفتك وبيان راتبك بورقه رسميه من الجهه الي تشتغل عندهم ومختومه
وكشف حساب من البنك لاخر 3 شهور الانقليزي ومختوم من البنك وفيه رصيد كافي للسفر
واخر شهاده لك و3 صور 4 × 6 مكشوف الراس وشيك مصدق من البنك للفيزا ان كانت سياحيه او دراسيه
يعني كل وحده لها سعر .. وبس تروح تعطيه اي مكتب حق خدنات تعليميه او انت تروح للسفاره
وانشالله من 15 الى 3 اسابيع وفيزتك عندك

أنا قريت بالأبلكيشن حقهم ان مقاس الصورة هو 3.5×4.5

شلون صار 4×6؟؟؟


احد يفيدنا بالأكيد لأني بقدم لطلب فيزتي هاليومين

عزوز وبقيه الاخوان
ما المقصود بـ ( الشيك المصدق من البنك )

مع الشكر .

المشاركة الأصلية كتبت بواسطة srn005
http://www.arabtravelersforum.com/tr...5/#post3860375

عزوز وبقيه الاخوان
ما المقصود بـ ( الشيك المصدق من البنك )

مع الشكر .



اولا الصوره المطلوبه 3.5×4.5

الشيك المصدق
تروح يا لبنك ساب او البنك الاهلي
وتطلع الشيك
وتعطيهم 75 $ لكل جواز
اذا هذي اول مره تروح

^
الصوره انا اقولكم قدمت عليها قسمن بالله 6 × 4 ومشت المعامله الحمدلله
وانتضر الان اصدار التأششيره..عموما يمكن ما تفرق

الشيك المصدق وانا اخوك تروح للبنك الاهلي او ساب زي ما قال ايفون
وتقولهم ابي اطلع فيزا سياحيه ولازم شيك وهم يسنعونك

عزيزي بالنسبه للصوره بس يخلونها عندهم
يعني ماتطلع بالفيزا
انصحكم تروحون لمكتب ارامكس
تاخذون منه كل الاوراق المطلوبه
وبعدين تعبونها وتجيبون كل الاشياء المطلوبه ويرسلها لكم
الارسال ب 100 ريال
واذا جاء جوازك تدفع 125 ريال
الله يوفقكم جميعا

الاخوة الكرام
i phone / عزوز الحلو
كل الشكر لكم على الرد والتجاوب
والله يرفع قدركم في الدارين ويسخر لكم جميع خلقه ..

كندا تسمح للسعوديين بالحصول على تأشيرات لمدة 5 سنوات

الرياض : واس
أعلنت الحكومة الكندية أنها قررت منح المواطنين السعوديين الراغبين في السفر إلى كندا تأشيرات دخول وإقامة مؤقتة متعددة السفرات لمدة تصل إلى خمس سنوات.

أوضح ذلك سفير كندا لدى المملكة دافيد تشاترسون في بيان صحفي صدر اليوم وقال إن من ضمن من يشملهم القرار الذين يسافرون إلى كندا للدراسة أو العمل ، مشيراً إلى أن مدة التأشيرات كانت لا تزيد عن ثمانية عشر شهراً.

وأضاف أنه يوجد في كندا حالياً 8200 طالب سعودي ومن المتوقع أن يسافر حوالي 2000 طالب آخر إلى كندا هذا العام ، مبيناً أن المملكة العربية السعودية هي ثاني أكبر شريك تجاري لكندا في منطقة الشرق الأوسط حيث زادت قيمة التجارة المتبادلة بين البلدين على 6ر2 بليون دولار في عام 2002م ووصلت قيمة الصادرات الكندية بصفة خاصة الحبوب والآلات والورق أكثر من 1.1 بليون دولار فيما ارتفعت قيمة الواردات من المملكة إلى أكثر من 5ر1 بليون دولار وكانت بشكل خاص النفط.

وأفاد السفير الكندي أن القوانين الجديدة للتأشيرات ستسهل بشكل كبير الحركة بين البلدين كما أنها ستشجع على فهم أفضل علاوة على أنها ستعزز من العلاقات القوية بين البلدين حيث سيكون من السهل على الطالب السعودي الذي يدرس في كندا أن يسافر إلى المملكة والعودة ثانية كما أنها ستسهل لرجال الأعمال السعوديين العمل مع شركائهم الكنديين.





تكفون اسهل طريقة اروح لمكتب وبس خصوصا 5 سنوات حلوة مع العلم اني سنتين وابروح لامريكا 3 سنوات

يحتاج كشف حساب من البنك في حال طلب فيزا سياحية؟

^
^
ايه لازم كشف حساب يا حلو

الله يسهل امورك

http://www.arabtravelersforum.com/travel383786/

فيه المعلومات عن الفيزا