الموضوع: الحمدلله خلصت من الفيزا اليوم و عقبالكم

يعطيكم العافية جميعا حبيت انقل تجربتي مع السفارة الامريكية بالرياض اليوم لكي تعم الفايدة للجميع
التاريخ 24-7-2011
الوقت 6:30 الي 8:45
الهدف : الحصول علي الفيزا لحضور كورس تعليمي في نيورورك و تمشيه نفس الوقت
موعدي الساعة 7:30
طبعا تروحون اول شي للسفارة الامريكية بحي السفارات الدوار الثالث علي اليمين اذا كنت داخل من طريق الملك خالد قدام مبني الامم المتحدة
في مواقف كبيرة وقفوا فيها
و نزل كل اغرضك من جيوبك حطها بالسيارة عشان ما تطول بالتفتيش ( ما عدا مفتاح السيارة و فلوس كاش 65 ريال اذا كنت من الرياض او 125 اذا كنت خارج الرياض)
و الافضل خذ معك خمسمائة ريال للاحتياط
و بعدين تتجه للسفارة و تمسك سرى قدام البوابة
طبعا مو كل مسك سري معناته عنده موعد في نفس الوقت تعرف يا بلادي واصلي بعض الناس موعده 11 و جاي الساعة 7 مع الناس
المهم ما علينا اهم شي تروح خفيف ظريف لطيف مع نفسك
و لازم تجيب معك الاوراق التالية:
1.خطاب DS-160
2.الجواز الاصلي و صورة منه
2.ورقة الموعد اللي فيها وقتك بالضبط
4.تعريف من البنك لمدة 6 اشهر
5.صورة وحدة شخصية 5*5
6.ورقة ايداع رسوم البنك حقت سامبا
7.ورقة تعريف من العمل
8. اي خطاب يدعمك للحصول علي السفارة مثلا حضور كورس او معهد

بعدين راح ينادي واحد من عند البوابة علي اللي موعدهم 7:30 يجيون اول
يعني الافضل انك تحجز من البداية علي ابكر وقت في اليوم عشان تدخل بدري

بعدين يشيك علي اوراقك واحد من عند البوابة و اذا كل شي سليم يقولك روح لصندوق الامانات عشان جوالك او بيجرك او اي شي اليكتروني بس اذا ما عندك شي و هذا الافضل و الاسرع تروح علي التفتيش سريع

التفتيش واحد من عند الباب راح يقولك ادخل يعني انت ما تسوي شي الا اذا احد يناديك 0لانه القانون واحد بعدين واحد

بعدين تدخل البوابة من داخل و تروح للبوابة الريئسية و تمسك سري علي الكراسي تحصل موظف نفسه بخشمه ياخذ منك ورقة ds 160 اللي فيها الباركود و يطبعلك باركود جديد و يلزقه بالجواز و يعطيك رقم

بعدين تروح غرفة صغيرة فيها ثلاث كاونترات هذولي فكرتهم يصنفون نوع الفيزا و يشوفون اوراقك كاملة و ياخذون منك البصمات كلها على حسب السرى بالارقام

بعد ما تخلص منهم يعطونك اوراقك بملف شفاف و خليه معك مع الرقم نفسه

تروح للصالة ثانية عشان المقابلات الشخصية و برضو تنتظر لين يجي سراك و تسوي المقابلة و وقتها يقولون لك والله قبلنا فيزتك روح للفيدكس او ضف وجهك و اجلس بديرتك

بعدين تروح للفيدكس اذا انقلب طلبك و تدفع الرسوم اللي قلنها قبل و خلاص تمت القصة

والله مرررررررررة زحمة بس اخذت يمكن ساعة و نص كل هالسوالف
بعدين خليك خفيف ظريف لطيف في مقابلتك خليك بشوش والله انا نسيت ورقة مهمة مررررة ما جبتها معي اللي هي ورقة حضور كورس في امريكا و بغت تردني الا شوي و بعدين قالت لي اوكي ممكن اشوفها بالنت اعطيني موقع الكورس و اعطيتيها اياه و شافتني حبيب معها و مشتني دون اوراق للكورس

و الحمدلله والشكر و عشان الفايدة تعم نقلتلكم قصتي و شكرا للموقع الرهيب حقكم

مواضيع عشوائيه ممكن تكون تعجبك اخترناها لك:

• ياريت اللي حصلوا فيزا من الامارات يدخلوا
• أنا والسفاره والفيزه ؟؟؟؟ اخيرا
• كيف تسيطر على اتزانك و تظهر ثقتك بنفسك يوم المقابلة؟؟
• سؤال هالصورة وين مكانها اي مدينة ؟؟؟؟
• الحجز بالانترنت والدفع
• ماهي أسئلة مقابلة موظف السفارة الأمريكية بالرياض
• تعبت وانا ادور بالرحلات الداخلية بامريكا
• ارجو المساعده بخصوص
• استفسار بخصوص الجرين كارد حق زوجتى
• ضروري خبراء امريكا في الاجراءات الامنية
• خط سفر الى سان ديغو
• ماهي منهاتن
• معدلات رفض منح الفيزا للدول العربية
• رايح أمريكا ومعي بخور عود
• استخراج تصريح سفر من التجنيد فى مصر
• بخصوص تأجير سيارة مع سائق
• ايجار سياره
• ساعدوني في ايجاد سكن قريب من مستشفى جورج تاون
• كم مكــــافئـــة المبتعـث في امريكـــا؟؟؟
• اخذ اللاب توب

مشكور على الفائده لاخوانك


والله يوفقك من حيث ماتروح

ياحليلك تقول خلصت من الفيزا ..

ردد ياااااااليل ..

موفقين ..

الله يعطيك العافية ..

لكن متى موعد التسليم ؟
و كم مدة الفيزا السياحية ؟ لأني اعرف احد الأخوان اعطوه خمس سنوات هو واهله ..

يعني على اي اساس مدة الفيزا ..

يعطيك العافية على المعلومات , وبالتوفيق , , ,

الف شكر على الطرح و الله يوفقك ويسهل أمررررررك أخوي ، تمام عديت المقابله بالقبول لكن متى تطلع التأشيره هنا السؤال ، أنا عقدوني سفاره الرياض حسبي الله عليهم عطيتهم ورقه من الآدله الجنائيه حسب طلبهم وإلى الآن ما طلعت التأشيره الله يسهلها إن شاءلله

المشاركة الأصلية كتبت بواسطة سعود الرياض
http://www.arabtravelersforum.com/tr...6/#post5850436

الله يعطيك العافية ..

لكن متى موعد التسليم ؟
و كم مدة الفيزا السياحية ؟ لأني اعرف احد الأخوان اعطوه خمس سنوات هو واهله ..

يعني على اي اساس مدة الفيزا ..



مده التأشيره للسعوديين 5 سنوات الحمدلله ولآ أطمع بأكثر لكن يطلعون تأشيرتي بسرعه

من متي اخوي مقدم علي الفيزا و ليش طلبو منك ورقة من الادلة الجنائية؟؟؟؟؟ هل سبق عليك سايقة او شي من هالقبيل ؟؟؟ او غالبا المكتوب بالموقع 28 يوما اقصي حد علي كلامهم و الله يسهلها اذا كان فيها خير

^

لآ أخوي الحمدلله ما علي سوابق ، لكن إلى الآن والله ما أدري بالضبط سبب طلبهم هذا قد يكون تشابه أسماء أو شيء الله أعلم الخ ويوم رحت أستلم ورقه خلو سوابق لقيت كثير السفاره طالبين منهم نفس الطلب لكن ما أدري إذا كانت من السفاره الآمريكيه أو من سفارات أخرى ..

مع العلم طلبوا من عضو هنا نفس الطلب وقرأت موضوعه هنا في المنتدى سابقاً وكلنا تأشيراتنا سياحيه وسفاره الرياض ..

وتوني أدري منك يعني هم كاتبين بموقعهم أقصى حد 28 يوم ؟؟ أتمنى ذلك لآن فيه ناس طولت معهم اللي أنتظر شهرين واللي أكثر شوي واللي أقل ، أتمنى فعلآً أقصى حد 28 يوم كان طلعت من زمان والله يسهل

الله يوفقكـ ،،

اخوي يعطيك العافية بس عشان ترتاح يا حبيبي شوف هذا الموقع حق وقت الانتظار من موقع السفارة
http://travel.state.gov/visa/temp/wa...yadh&x=76&y=18

^

الف شكر ما قصرت ، بخصوص كلآمك انهم كاتبين بموقعهم أقصى حد 28 يوم أعتبره ولآشيء ، اليوم فتحت إيميل مرسل من السفاره كاتبين شيك معنا في خلآل 4 - 8 أسابيع وربما أكثر ، لكن أقول الله ييسرها ولآ يعسرها وتطلع بأقرب وقت إن شاءلله ..

والله يوفقك إن شاءلله تسلم على الرابط ،،

ان شاء الله ماراح تطول

لي اقارب فقط اسبوع من الرياض

وزميل لنا

اسبوعين

واخوي اسبوعين بس فيزه دراسه

هي المشكله عندهم في سن من 15-45 سنه

أهم شيء المقابله اذا عدت أنتهى كل شيء


زميلي هذا
سوت المقابله معه سيده

اول سؤال : كم عمرك؟
التفت لزوجته وقال كم عمري السنه هاذي؟
قالت زوجته : ما أدري عنك كل سنه تقول لي رقم جديد

ضحكت السيده ووقفت وقالت : مبروك راح تستلمها بعد اسبوعين

هي المقابله كل شيء

الله يوفقك

أهلا ً بالوالد أو العم بدر

شكرا ً على ردك وحبيت أستغل هالفرصه وأشيد بكتاباتك خصوصاً عن الدول الغربيه لآنها تعجبني ،قرأتها يمكن قبل شهور وقرأتها قبل كم يوم وحزنتنا بمقالك عن بنتك والله يوفقهم بحياتهم ويرزقهم من فضله إن شاءلله

ويارب على كلآمك إن شاءلله يارب ماتطول التأشيره وتطلع ،،