الموضوع: طريقه استخراج الفيزا الامريكيه للكويتين فقط

هذى اجراءات تقديم طلب للفيزا الامريكيه للكويتين عن طريق النت

من البدايه تبعثلهم ايميل تحط اسمك وتلفونك وتقولهم انك تبى تقدم على الفيزا

بعدها بيوم راح يدزولك ايميل فيه موعد المقابله ويقولولك شنو تسوى وشنو تجيب وياك

وهذا الايميل مال السفاره الامريكيه بالكويت mailto:[email protected]

بعدين تدخل على موقعهم

وتلقى طلبين لازم تعبيهم

هذا الاول

https://evisaforms.state.gov/ds156.asp?lang=1

وهذا تعبيه بالنت ولما تعبيه وتضغط على كلمه Continue وتنطر شوى على مايروح وبعدين يرجع مره ثانيه

وراح تلقى كلمه Barcode الى بالطلب صار مكانها ارقام يعنى اندزت السفاره وخذت رقم

وتسويلها برنت و وقت المقابله تجيبها وياك وراح تلقى عندهم نسخه منها عليها نفس رقم Barcode

[blink][glint]ملاحظه هامه جدا لاتخلى ولا سؤال فاضى راح يردونك لازم تعبيها كلها شى ضرورى [/glint][/blink]

و الثاني هذى للى اعمارهم من 16 سنه لى 45 سنه او مسافر الى احد هالدول Cuba, Iran, Libya, North Korea, Sudan and Syria

وهالطلب هذا تسيفه بجهازك وتعبيه على راحتك بعدين تطبعه وتاخذه وياك السفاره من غير ماتعبيه بالنت هذا غير عن الاول

وهالورقه من هالموقع

http://foia.state.gov/FORMS/visa/ds0157.pdf


والصوره الى يحتاجونه وحده مقاس خمسه بخمسه

وتروح بنك برقان تدفع 30 تقولهم حق الفيزا الامريكيه وتاخذ الوصل

وتروح طالع عمرك السفاره وقت المقابله معاك الوصل الى دفعته من بنك برقان والطلبين الى عبيتهم والصوره

وتروح السفاره وتنتظر دورك وتدخل المقابله وان شاء الله سهاله يسألونك كم سؤال وتخلص

يا ياخذون جوازك ويعطونك وصل ويقولولك تعال باجر استلم الجواز والفيزا من الشباك مال استلام الفيزا

ولا يعطونك الجواز وكرت اصفر ويقولولك لاتحجز لافنادق ولا طيران الا لما نتصل عليك ونقولك تعال ولا مانبى نعطيك فيزا

اما بخصوص باقى دول الخليج نفس الطريقه بس عن طريق موقع السفاره الى فى بلدهم
واى استفسار حاضر

مواضيع عشوائيه ممكن تكون تعجبك اخترناها لك:

• يعني ايه عضويه في فندق
• جهاز تصوير الجسم
• مواقع بيع تذاكر الثيم باركز
• وبعد سنه نعود للحبيبة
• أخبار جيدة و أخرى مقلقة
• استفسار يا جماعة
• استفسارات سفري بعد يومين وخبرتكم تهمني
• ساعدوني من فضلكم
• حالة طارئة للعلاج للوالد في مستشفىجامعة في أمريكا
• مقابلتي بعد حوالي شهر وارغب بالتاكد من بعض الامور
• ارجو الافاده
• ساعدوني فى روشسترر
• استفسار عن ولاية فيرجينيا
• تقرير عن زيارتي لكليفلاند عن المدينة وعن ‏مستشفى كليفلاند
• خبراء كاليفورنيا
• نيوييورك أورلاندو ميامي السكن
• وش هالموعد اللي ما تحدد لسا
• كاليفورنيا والسكن
• إفتتاح «فندق وين لاس فيغاس» بتكلفة مليار
• يا شباب هل فيه اخبار عن الفيزه من القنصلية في الظهران

الله يعطيك العافيه

موضوع مفيد الكويتين لانه تختلف الطلبات من بلد لثانى

عن تجربه قبل يومين تمت المقابله واخذنا الفيزا ثانى يوم ولمدة 10 سنين وكان زوج اختى و زوجى رايحن سوريا ولا سألنا بس قال وين تروحون بالميدل ايست(الشرق الاوسط) وقلنا له وسأل تحديدا عن السعوديه تروحون على طول والخ والمقابله سهله وعلى فكره ماطلب لاشهادة الراتب ولا شهادة بنكيه ولا كشف حساب ابدا بس الطلب والوصل الرسوم وماخذت اكثر من 15 دقيقة .دخلنا الساعه 8 وخلصنا 9 ورنص

بالتوفيق للجميع

كل مالها وتصير اسهل

انا قبل سنه ماعطونى والحين عطونى بسرعه مع العلم انا رايح سوريا وايران و اوزباكستان وباكستان
(وافغانستان يوم واحد بس بدون ختم على الجواز)

تقريبا نفس إجرائات السعودية

بس في حاجة ندفعها أون لاين اللي هي السيفس 100 دولار ونجيب الوصل مطبوع من النت و 100 دولار بالسفارة

الله يعطيك العافية

مشكور أخوي
طيب بخصوص كندا ....... شلون أحصل على الفيزا؟

أبو فرح والله كندا ماعندى فكره عنها

نفس الاجراءات الإماراتيه بالظبط....الاختلاف أنهم أحيانا يعطونك الفيزا بنفس اليوم....بس طبعا احنا ما عندنا بنك برقان ...عندنا بنك بوظبي الوطني..وانا عن نفسي ماطلبوا لا شهادة بنكية ولاشهادة راتب ولا شي.....

هم عندنا بالكويت مايطلبون لا شهاده بنكيه ولا شهاده راتب

بس باليوم الثانى تستلم الفيزا مدتها 10 سنوات على حسب واعرف ناس عطوهم بس شهر

والله يا جماعة انا اليوم كانت مقابلتي وايد سهالة ما توقعت جذي:24: بس علشان ما يأخرونك لازم تجاوب على كل الأسئلة لا تخلي شي فاضي.
اول ما دشيت طلبت مني الموظفة الطلبين مع الجواز مع الصورة والوصل مال بنك برقان وقالتلي انطر شوي ...
:113:
نادوني للمقابلة وأسئلتهم حدها عااااادية قالتلي :
س1 : ليش أخترت أمريكا بالذات للسياحة ؟ قلتلها لأنها تحتوي على اماكن سياحة وايد .
س2 : طلبت مني شهادة راتب ؟
س3 : قالتلي انت كنت الصيف اللي طاف رايح تايلند سياحة , قلتلها اي .
س4 : رحت امريكا من قبل ؟ قلتلها لأ
بس ما طولت 5 دقايق وقلتلي تعال يوم السبت أستلم الفيزا :24:

للرفع :24: :24: :24: :24: :24: :24:

مشكـور اخـوي على الإفـادة ..... كلامـك صحيح الفيزا سهالة و إحنـا طلعنـاها بنفس اليوم و لمـدة 10 سنوات لزوجـي لأنـه فوق الثلاثين سنـة أم أنا و العيال 5 سنـوات لأنـي أقل من الثلاثين .

يعطيكم العافية جميعا
كنت شايلة هم هالموضوع وايد
تحياتي للجميع

المشاركة الأصلية كتبت بواسطة Luxury_Traveller
http://www.arabtravelersforum.com/tr...0/#post1061040

مشكـور اخـوي على الإفـادة ..... كلامـك صحيح الفيزا سهالة و إحنـا طلعنـاها بنفس اليوم و لمـدة 10 سنوات لزوجـي لأنـه فوق الثلاثين سنـة أم أنا و العيال 5 سنـوات لأنـي أقل من الثلاثين .





ليش عطوكم 5 سنوات :110: :110:

انا وربعي كلنا اقل من 30 سنة وعطونا فيزا عشر سنوات :109:

السلام عليكم

لو سمحتم الفيزا هذي حقة دراسة ولا ايش

مدتها طويله جدا ,, حنا بالسعودية مو 5 ولا عشر سنين

أقل بكثييير من كذا

المشاركة الأصلية كتبت بواسطة Dream Land
http://www.arabtravelersforum.com/tr...4/#post1065314

السلام عليكم

لو سمحتم الفيزا هذي حقة دراسة ولا ايش

مدتها طويله جدا ,, حنا بالسعودية مو 5 ولا عشر سنين

أقل بكثييير من كذا



هذي الفيزا فقط للسياحه اما الدراسه والعلاج تختلف اختلاف كلي بالطلبات طبعا وبالمده

المشاركة الأصلية كتبت بواسطة ناصر كويتي
http://www.arabtravelersforum.com/tr...9/#post1065349

هذي الفيزا فقط للسياحه اما الدراسه والعلاج تختلف اختلاف كلي بالطلبات طبعا وبالمده



يعني فيزة السياحة مدتها 10 سنوات ؟؟؟؟؟

أعتقد ان الاجراءات متشابهة بل نفسها في كل الدول.والعمدة على نموذجي دي 156 ودي 157 وصورة 5*5 على خلفية بيضاء ودفع ما قيمته 100$ .
عندنا لاحظت ان الجواز خُتم ثاني يوم المقابلة ووصل الي في بريد خاص (مع مبعوث) بعد مرور اسبوع عالمقابلة.
طبعا في السفارة الامريكية في تل ابيب عندك كل يوم ما لا يقل عن 50 مقابلة حسبما رأيت.

المشاركة الأصلية كتبت بواسطة Dream Land
http://www.arabtravelersforum.com/tr...8/#post1065388

يعني فيزة السياحة مدتها 10 سنوات ؟؟؟؟؟



الفيزا السياحيه مدتها 10 سنوات في الكويت والبحرين وقطر والامارات بس السعوديه اعتقد اقل بعد التعديلات الجديده

سؤال مهم ياجماعه انا ماعرف انجليزي عدل شلون الطريقة؟؟؟
هل يكون في مترجم

شكرااااااااااااااااااااااااااااااااااااااااااااااا اااااااااااا

المشاركة الأصلية كتبت بواسطة WaS6a
http://www.arabtravelersforum.com/tr...1/#post1692901

سؤال مهم ياجماعه انا ماعرف انجليزي عدل شلون الطريقة؟؟؟
هل يكون في مترجم




ابشرك يتكلمون عربى :101:

الفيزا السياحيه مدتها 10 سنوات شي حلوو

طيب واللي بخاطره دراسه وسياحه ينفس الوقت ؟:surf

شنو اقول لهم ؟

:surf

اذى دراسه طلعى فيزة الدراسه لانه السياحيه ماتزيد فترة الاقامه عن 6 شهور

انزين شباب اذا كنت مقدم آى تونتى لدراسة لغه لمدة سنه بس واضح عندهم انى بكمل عندهم بعد سنة اللغه بكالاريوس هل راح يعطونى سنه مثلا على قد الآى تونتى والا 5 سنوات؟؟؟؟؟؟؟

وهل يعطون الكويتيين للفيزا الدراسيه سنه والا كله 5 سنوات؟؟؟؟؟؟؟؟؟؟

بخصوص الفيزا الدراسيه ماعندى فكره عنها

روح السفاره واستفسر منهم

حتى انا طلعتلي انا وزوجي بنفس و لمده 10 سنين و احنا قل من 30 سنه و كل شي كان سهاله الحمدلله

والله نحنا السعوديين مظلوميين نجلس ننتظر بالشهر واحيانا شهرين
ويعطونا فيزا سنه ويمكن اقل كمان
الله على اللي كان السبب

المشاركة الأصلية كتبت بواسطة ناصر كويتي
http://www.arabtravelersforum.com/tr...9/#post1065349

هذي الفيزا فقط للسياحه اما الدراسه والعلاج تختلف اختلاف كلي بالطلبات طبعا وبالمده



ياجماعة انا عندي فيزا سياحية 10 سنوات ابي ادرس لغة شهر واحد مع سياحة يصير بالفيزا السياحية والا اطلع فيزا ثانية شكرا

ياجماعة اقدر اسافر بالفيز السياحية اتعلم لغة انجليزية شهر والا اطلع فيزا ثانية

مرحبا..
أناموعد مقابلتي بالسفارة 24 مارس ،عبيت الفورمة وحطتيها سياحة مع العلم اني مسافرة حق مؤتمر بس للضرورة خذيت كتاب من الوزارة اثبات حق رحلة عمل وشهادة راتب.
الباقي الحين كشف حساب بس حق كم شهر..؟
وهل ضروري إثبات وظيفة لأن ما جهزته..؟
وطريقة دفع الفيزا .؟

يا جماعه منو طلع فيزا حق امريكا هاليومين و هل لازم اخذ موعد عن طريق النت او يصير اروح اهناك واقدم على موعد؟ واشكثر اطول على ما يعطوني الموعد؟ يعني لما اقدم على موعد متى يردون علي عقب كم يوم؟