موضوع حلو وشجعتني اروح لتنورنتو مع انه خايفين بلد ما نعرفها وصاير قلق بس طرحت عليك التساؤلات وقلت حولوا اسالتكم على موضوعي وهو اني ابذهب لعلاج ابني مستشفى بتنورنتو اسمه sickkids,ومتخوفين هل هو مستشفى متقدم طبيا او اي كلام والشي الثاني كيف الشعب هل هم فرندز او عنصرين وكيف المعيشه هناك مستواها غالي او متوسط وهل فيه مدرسه سعوديه يقدور اطفالي يدرسو الويكند عربي وممكن يدرسو باقي الايام انجلش ياليت تفيدني وتطمنئي واذا الله كتب وتمت سفرتنا فيه اساله ابطرحه عليك وابثقل عليك ويجزاك الله الف خير
اها
بصراحة ماعندي خبرة كافية عن المستشفيات , لكن من المعلوم ان مستشفيات كندا من أبرز مستشفيات
العالم بإمكانك السؤال هنا من السفارة او المراكز الطبية فيعطونك معلومات طبية أدق ....
من ناحية الشعب فأفضل شعب في حياتي قابلت هو الشعب الكندي , فهو شعب ودود ومحترم ومهذب
اجتماعي يحترم التقاليد والديانات والحجاب , خلال رحلتي لم أجد مشاكل مع الإجراءات والنظام هناك...
بالنسبة للمعيشة هناك تعتبر من أرخص الدول اذا قارنتها بدول اروبا او حتى الولايات الأمريكية , بالنسبة
لي تعتبر متوسطة الأسعــــــــار ومعقولة جداً ....
بالنسبة للمدارس السعودية تحديداً هناك بإمكانك الدخول إلى موقع سفارة السعودية هناك والأستفسار
لكن يوجد هناك عدد من المساجد وبكثرة , شاهدت الطلاب المسلمين من شتى أنحاء العالم يحفظون القرآن
ويتعلمون الحديث وعلوم الدين الآخرى ...
إذا فيه أسئلة ثانية فأعتبرني تحت أمرك , وأسأل الله أن يلبسك ابنك العافية والصحــــــــــة ...
هناك مايقارب 63 مسجد في تورنتـــــــــو , وهذا الموقع يطلعك على أقرب مسجد من مكان سكنك
http://www.businessdome.ca/
ويوجد مسجد كبير في الداون تاون وهو تقاطع شارع يونج وداندس وأنت متجه في اتجاه الغرب وأنت في شارع داندس سيأتي المسجد على اليسار...
وهذه صورة لواجهة المسجد من الخارج , التقطت هذه الصورة من كاميرتي
.
GAZI
في فترة الصيف من الصعب أن تجد عائلة بدون دراسة معهد وهو ليس بمستحيل ,لكن أغلب العوائل
تصل إليها عن طريق المعهــــــــــــــد ,,, فيه موقع للبحث عن العوائل لكن لا أدري عن مصداقية العائلة
ولكن العائلة عن طريق المعهد مضمونة وهذا هو الموقع ...
http://www.homestayfinder.com/SearchHost.aspx
ماجد يادب انا ادق من الخاص حقي يطلع (( مكالمات محظورة ؟؟))
الخاص عندي ماقدر ارسل منه
طيب بسألك ليش اخترت ترنتو ... ياليت توضح
ثانيا فيه واحد قالي اهم شيء يكون عند العائلة مكيفات لان الجو شوي حر (( اذا بتروح في الصيف ))
ثالثا السكن في الداون تاون افضل ام قريب منها ام بعيد منها
الجاليات اللي هناك اكثرهم من اي بلد
نسبة شرق اسيا فيها كثيره
ليش فانكوفر مارتحت لها
من الشعب ام الجو ام الطبيعة
ياليت تفصفص الموضوع لاني بجلس هناك 3 شهور
يعطيك العافيه
اخوي ماجد معك اخوك ماجد من الرياض
بعد التحيه حبيت اسالك بعض الاسئله لاني الصراحه انقلب راسي كل واحد يقولي كلام غير عن الثاني
انا انشاءلله ناوي بدرس 6 شهور لغه في كندا وناس قالولي فانكوفر افضل شي
وناس قالولي فانكوفر مليانه عرب بس تورنتو مافيها عرب كثير وانا الصراحه ماابغى العرب هناك
لاني رايح اتعلم لغه وحبيت اعرف رايك وانا انشاءلله ناوي بمشي على شورك
بالنسبه للدراسه ست شهور هل يعطوني شهاده تثبت اني درست عندهم ولا بس مجرد تقويه ؟
وانا انشاءلله رايح عن طريق مكتب اسمه الرحلات الذهبيه ماادري وش رايك فيه اذا كنت سمعة عنه ؟
طبعا هم قالولي راح يكلفك 34000 ريال دراسه وسكن ومواصلات مع التذكره راح يطلع نقول 40000
انا ابغى اعرف منك بما انك جربت المعيشه هناك كم راح يكلفني المعيشه هناك لمدة ست شهور ؟
وعلى فكره ترا ال 34000 ريال اللي قالي عنها هذي في فانكوفر
بس ما ادري تورنتو تختلف في المصاريف ولا نفس الشي ؟
سؤالي المهم اخوي ماجد انه ابغى اعرف كم راح يكلفني 6 شهور مصاريف معيشيه ؟
وعلى فكره ترا انا ماني من النوع اللي يصرف كثير وماني راعي خرابيط
يعطيك الف الف الف عافــــــــــــــــــيه اخوي ماجد واسف اسف اسف على الاطاله
لكل الي سالوا عن الغطاااااااااااااااااااااااااااااااااء
انا باقولكم وسامحني يامجودي
انا والبنات الي معي نقريبا 10 كلنا بالغطاء واالاسوووووووووووووووووووواد بعد
والله الي نقاب والي لثمه
ومافيه مضايقه ولا شي الا قليل يعني تشوفين خنزيره تهز راسها مستغربه هالشي وبس
وانا لي 7 شهوووووووور والحمدلله اهم شي رضاء ربك قبل كل شي
وبالتوفيق خيتووووووه
علوووش
أنا بديت رحلتي من تورنتو , وانهيتها في فانكوفــر , يعني بديت من الشرق إلى الغرب ,
بالنسبة للجو فهذا صحيح بتواجه حر بس إذا فتحت الشباك يجيك هوا حلو بس هذا لا يمنع إن الجو تجيه فترات ويكون حار
بالنسبة للسكن , المعهد هو الي يحدد لك بس من وجه نظري إذا كان قريب من محطة القطار يكون أفضل , لكي ما تظطر للركوب الباص ومن ثم أخذ القطار
فيكون أسرع ...
شرق اسيا في كل مكان واحمد ربك مأنت رايح استراليا تشوف شرق اسيا على آصولها , وأكثر الجاليات من الهند , وفيه نسبه من لبنان وفيه من العراق ومن تركيا
بالنسبة لفانكوفر فأرجوك أعفيني لأني ذكرت الأسباب مرات ومرات ارجع للتقرير
وبتجد السبب ..
ممكن تسوي مثلي تاخذ شهرين في تورنتو وشهر في فانكوفر أو شهر ونصف في كل مدينة , هذا إذا أنت تبي سياحة أما دراسة فأثبت على معهد واحد
وفيه معاهد لها فرعين في (تورنتو و فانكوفر ) فتقدر تبدل بدون رسوم إضافية
ولا يفوتك شيء , وهذا الي أنا سويته .........
Denzel
هلا وغلا بسميي , العرب في كل مكان لكن تواجدهم يقل من منطقة عن آخرى
إذا أنت تبي تدرس لغة حاط في بالك ترجع ولغتك الأنجليزية قوية فخذ نصائح :
# لا تهتم أي مدينة تبي تروح فالعرب تواجدهم في فصل الصيف فقط , وأغلبيتهم في فانكوفر
# نصيحة من قلبي لا تاخذ معاهد تجارية مثل ( EF و اسبكت وكندين كوليج و VCC )
# خذ معاهد ملحقة في الجامعات , تقرص عليك وفيه انضباط حضور وفيه إنذارات
وقد يصل إلى حرمان بالرغم أنك دافع مبلغ وقدره .
# المهم أن تكون أنت الي تدور الفايدة لا تنتظر إن المعهد بيقدملك كل شيء
قابلت شخص جالس 6 شهور في أحد المعاهد الي ذكرتها فوق وقالي مثل ماجيت مثل مأنا عليه الأن بعد 5 شهور وبقي شهور ويرجع ولا تحسن فيني شيء كثير
والسبب يرجع إلى تدنيء المعهد وكثرة العرب المفرطة وعدم حرص من الشخص نفسه ..
نعم المعهد يعطيك شهادة معترف فيها , وإذا حابب تقدر أول ما تخذ الشهادة تصدقها من الملحقية هناك , تعرف ربعك هنا يحبون الختوم الكثيرة ...
وش اسم المعهد الي بيكلفك 34,000 , الرسوم على حسب نوع الدراسة وش جودة المعهد لكن 6 شهور تقريباً في هذا الحدود ... إذا كان FULLTIME
المصاريف :
شهر مواصلات مفتوح في تورنتو 97 وفي فانكوفر 95 إذا كنت في منطقة 2 زون
السينما قرابة 10 دولار , الوجبات السريعة في حدود 4 _ 7 دولار هذا الي مر في بالي من مصاريف ..
الرحلات تختلف حسب الشركة , أو عن طريق المعهد ونصيحة خذ شركات خارجية
لكي تقوي لغتك مع متحدثين أصليين بدل ما تضيع لغتك مع طلاب ..
تقريباً التكلفة في حدود 1500 أو 2000 ريال في الشهر هذا إذا أنت تعيش حياة جيدة وما أنت مقصر على عمرك ولا تحطها مقياس , ممكن أرخص وكل شخص
يقدر يتلائم مع ضروفه أرجو أن أكون قد أفدتك
# خذ معاهد ملحقة في الجامعات , تقرص عليك وفيه انضباط حضور وفيه إنذارات
وقد يصل إلى حرمان بالرغم أنك دافع مبلغ وقدره
اول شي يعطيك الف الف عافيه اخوي ماجد على النصائح طيب انا ابغى منك معهد تابع لجامعه وتكون سامع
عنه وفعلا انا ناوي ادرس واظغط على نفسي هناك والحمدلله الانقلش عندي اكثر من جيد جدا
انا رحت لمكتب في الرياض اسمه الرحلات الذهبيه وكان فيه سوداني قالي الدراسه مع العائله مع ثلاث
وجبات في اليوم راح تكلفك 34000 ريال مع المواصلات من المطار و وراني صور العوائل اللي يعرفونهم
وكلهم من جنسيات كنديه وانا انشاءلله عزمت على تورنتو فاليت تنصحني بمعهد تابع لجامعه هناك
تصدق فيه ناس قالولي اذا انت بنفسك خلصت امورك من غير مكتب راح تصير تقريبا في حدود 21000 ريال
بس الحين يقولون ان السفاره الكنديه متشدده شوي يعني المكتب يخلصها لك بضمانته
واخيرا اخوي ماجد انا اذا رحت عن طريق المكتب مثل ماقال 34000 ريال نزود عليها سعر التذكره نقول
4000 ريال يعني بيطلع المجموع 38000 ريال مع المصاريف نقول 50000 ريال وشرايك في حسبتي
هل راح تغطي كل شي انشاءلله ؟
تحياتي لك ابو المجد او مجيد
أخي المبدع .. مجودي ..
السلام عليكم ورحمة الله وبركاته .. وبعد
ابارك لك التميز
بل ابارك للتميز بك:smile:
والأمر لايختلف فانتم وجهان لعملة واحدة
لقد بلغ بي الحماس للغوص في اعماق كندا بعد ان اخذتني امواج مدك العارم وسط بحر الابداع المتلاطم
فتحياتي لك على هذا التميز:smile:
ودعواتي لك بالتوفيق في موضوعك الجديد الذي تقوم بكتابته الآن عن استراليا
فقد عبرت بنا من الغرب اقصاه حتى الشرق اقصاه
نحلق معكم
وآمالنا تسبقنا
الى بلوغ حتى آخر قطرة من مدادكم المعطاء
دمت بود:smile:
dr-keef
دائم استقبل الرسايل على الخاص لكن ابرسل ايميلي لك , وشكراً على المــــــرور
________________________
علوووش
لو تــــقرأ التقرير ولو بنسبة تأمل 3% راح تلقى كل اجوبة استفسراتك ,لكن راح أجاوبك
عزيز وغالي : السعر قرابة 280 دولار ذهاب فقط ويزود وينقص السعر حسب المواسم
الحــــــــــر : تجي موجات حـــــــر وهي ايـــــــــــام قليلة من موسم الصيف
اخي العزيـــــــــــــــــــز /
آخر الفرسان
الله يبارك فيك وهذا موغريب على مشرف مثالي , وكلمــــــــــة حق تقال وهي ليست مجاملة
إذا كنت تعتبرني مميز فأنت ماذا تكـــــــــــــون , إذا كان للتميز حـــــــد فأنت قد تعديت الحدود
وتخطيتهـــــــا , فساحتكم العامرة في قسم رحلات النمســـــــــا يشع بجهودكـــــــــم وطالمـــاً
تمنيت السفر إلى هنـــــــــــــــاك وهو يوم قريب جـــــــــــداً إن شاء الله .
أرجــــــــــو أن تكون من متابعي تقرير استراليـــا فسوف ينال على رضاك بحول الله وقوتـــه
أخيــــــــــــراً أرجـــــــــو أن أكون عند حسن ظن الجميع وعند حسن ظنكم الكــــــــريم .....
الرحـــــال
مشكور حبيب قلبي , لكن لو توضح اسفسارك لأني مافهمتـــــــــــــــه بصراحــــــــة
إذا تبي جو بارد أطلع شمال كنـــــــــــــــــدا بيعجبك الوضع هناك , الثلوج على مدار العام
بس يمكن مافيه إلا أنت وكم شخص من سكان تلك المناطق ...
_______________________
dr-keef
تسلم على هذا الشعـــــــــور , والمشرفين ماقصروا في هذا المنتدى وخاصة في هذه الساحة
لكن أشكر إهتمامك , والمهم إفادة الأعضـــــــــــــــــــــاء الذين يبحثون عن أجوبة للعديد من الأستفسارات
فقد وقعت أنا في حيرة قبل سفري , ولا أريد هذه الحيرة أن تصادف أي شخص أخــــــــــــر ,
راجياً من الله التوفيق لي ولأخواني في هذا المنتدى الرائــــــــــع ...
-مجودي
من وصفك الدقيق احس اني سافرت كندا اكثر من مرة في كل مرة اقرا موضوعك لذالك ارجوك لاتكتب اكثر لاني تعبت مشاوير .
-ارجوا تغيير العنوان الى "كندا تحت المجهر"
-انا ارشحك تكون وزير السياحة في كندا
-سألت عن التذكرة يوم21-03-2006 على الخطوط الالمانية two way =5300ريال سعودي من جدة
-انا في انتظار بريدك على الخاص
-انا بنام الان لاني تعبت من السفر معاك
dr-keef
بصراحة أنا مازرتها إلا مرة واحدة فقط , بس أنا أحب أسأل وأستفسر عن كل صغيرة وكبيرة
والسياحة لابد يكون بالك وسيع , علشان تستمتع وتعيش أيام حلوة , وتعرف العالم هناك ماشيها كيف
والله لوو عرضوا علي منصب وزير ماني رادهم وعسى الله يسمع منك !!!
سعر التذكرة إلى أي مدينة , يبدولي السعر معقول لأنه في فصل الصيف ترتفع إلى 5700 ريال
مأقدر أرسل لك رسالة خاصة لأن مشاركاتك قليلة فخدمة الرسايل الخاصة مش شغالة حتى تعززها
بكتابة ردود ,,, شد حيلك
عاشق الهند
الحمد الله على توفيق الله في هذه الرحلة , والواحد يسأل ويحتاط قبل مايقدم على شي
وهناك شغل النصب والأحتيال في أمور السياحة شبه قليل أو معدوم إذا كنت تتعامل مع شركات
كندية , اما بالنسبة للشركات الصينية فهي مغامرة تحتاج إلى قلب جريء للدخول معهم بس
الله وفق في شركات أمينة وممتازة جــــــــــداً
ماجد بيجيبها من الاخر ان رايح أدرس وفي نفس الوقت بوسع صدري ماأبي جانب يغلب على جانب
يعني أبي أوفق بين الدراسه والوناسة
من النهاية معي 30000 ريال سعودي... المعهد بيكلف مع العائلة تقريبا 18000 ريال 3 شهور وسعر التذكره بيجيني مجانا من أخوي
باقي 12000 ريال بالمختصر المفيد وش بتسوي ذي.. يعني اقدر اتمشى وأروح فانكوفر بالاضافة الى الرحلات اللي ينضمها المعهد الى مونتريال وكيبك واتاو ونياقرا فولس...
مثلك خابر
........
او أنثبر في ترنتو ويالله يالله يكفي المبلغ هذا
وثانكس
سو سوري على الاستقعاد
السلام عليكم
يا أهل الخير أخي مجودي أرجو المساعدة أنا شب عمري 18 ناوي ادرس بالخارج(إدارة أعمال) وأعيش (أهاجر) للبلد الي رح ادرس فيه هل تنصحوني بكندا أو استراليا أو نيوزيلندة أو أروبا؟ بما إنك رحت استراليا و كندا اينو تنصح؟ من حيث طبيعة الحياة والسكان والمناخ و الفرص ويعني أنا بحب صخب الحياة والتطور التكنلوجي وأكيد الطبيعة أحبها كتير وين تنصحوني؟ وتورنتو ما هي أخفض درجة حرارة بالشتوية ممكن تصل اليها؟ وهل فيها مناظر طبيعية جميلة متل فانكوفر ؟ وبدي أسألك يعني البحر ماحدا يجيب سيرته يعني ما في منتجعات على البحر في كندا ولا الجو ما يسمح حتى في الصيف؟ والصلاة والصيام بكندا كيف؟ يعني الشمس ما تطلع غير 8 ساعات بالشتوية و18 ساعة بالصيف في فانكوفر ونفس الشي بتورنتو؟
أرجو لكل من لديه المعلومات الايضاح بالتفصيل
وأخي مجودة الله يجزك الخير ويعطيك العافية والصحة مواضيعك رائعة بس عندي مشكلة بالصور يمكن من الجهاز عندي!!!!!!!!
يا أخوتي بالله الموضوع مهم وأرجو الرد ودعيلكم اللله يوفق الجميع يا رب لنشر الدين الاسلامي. سلام وطولت آسف كتييييييييررررررررررر
تحياتي للجميع
مجهود رائع جدا وبصراحة انت سفير السياحة ولو فية اكثر من خمس نجوم ماتــغــــلى عليك يامجووووودي
************************************************** ************************************************** ************************************************** ************************************************** ********************************* يكفي والا اقولك************
ليه ماتفتح مكتب سياحة وانا اول سائح .
صراحه موضوعك اكثر من رائع وانا قريته من زماااااااااااااااااان من أول ماحطيت الموضوع وللاسف نسيت المعلومات الي انا ابيها فختصاراً للوقت قلت أسأل مجودي الي مايقصر وانشالله يرد علي لاني مستعجل وبين خيارين ، اخوي انا سألتك قبل لكن السؤال هو تنصحني ادرس انجليزي في مونتريال ولا تورينتو ولا فيه مدينه ثانيه احسن ويكون العرب فيها قليل والله انا محتاااااااااااااااار ومستعجل وتكفى ترى كلمة تكفى تهز الرجاجيل ولولا ظروف الوقت ماقلت تكفى
بنتظارك عزيزي
h.i.m
انا كتبت لك الرد والمقارنة في موضوع استراليا يمكن ماخذت بالك
إذا انت تبغى تدرس انجليزي ابعد عن مونتريال , لأن لغتهم الأصلية فرنسية 80% من الي يتحدثون
في الشوارع فرنسي لو قريت تقريري بشيء من التأمل والتمهل فلقد ذكرت لك كل مايتعلق بمونتريال
بعدين إذا على العرب خلاص كل الشباب في امريكا الان , رح لترونتو وماعليك مدينة كبيرة ودائمة
الفعاليات والمهرجانات ,,,
اخوي مجودي
بصراحه انا الان انتبهت لموضوع رحلتك الا كندا بعد ماشفت كتابتك عن رحلتك الا استراليا لاني دايما ادخل بوابه السفر الى استراليا ونيوزيلندا
فعلا هذي السياحه الحقيقية
وعاجبني الفكر السياحي اللى عندك بصراحه الواحد محتاج شجاعه عشن يعمل الاشياء اللى بتعملها
ويمكن انت مارحت فنادق سبعه نجوم لكن انا راح اعطي موضوعك 7 نجوم
والى الامام دايما
المفضلات