السلام عليكم جميعا,
بالبداية احب اشكر كل من ساعدني عن أي استفسار حتى ولو كان بسيط, الله يوفقهم جميعا.
أقدم لكم تقريري عن رحلتي الى امريكا, وأسأل الله عز وجل ان يوفقني بالتفاصيل الكافية,
واتمنى ان يحوز على رضاكم.
بعض الصور اللي بالتقرير اخذتها من مواضيع الشباب, يعني لاحد يقول وين حقوق الطبع والنسخ,
الرحلة كانت لـزيـارة الاقارب في مدينة لوس انجلس بولاية كـالـيفـورنـيــا, بعدها خططنا لزيارة
مدينة لاس فيقاس بولاية نيفادا ومدينة لوريل بولاية ماري لاند وواشنطن و اخيرا مدينة هيرشي
بولاية بنسيلفينيا (مشهورة بمصنع الشوكولاتة) يعني زيارة و سياحة,
البداية دائما بطلب التأشيرة كانت من شهر يناير تحسبا للتأخير, واستغرق الحصول عليها
ثلاثة ايام للأولاد واسبوع للزوجة و شهرين و نصف لحضرتنا.
حجزت من النت علـى الـخـطـوط الاماراتية, والاسعار غالية لقرب موعد الرحلة مع موسم الاجازات
كانت يوم 26 جون والرجعة كانت اول اغسطس.
كان هناك خيارات عـديـدة سبب لاختياري للإمارتية, الترانزيت للذهاب اقل من ساعتين,
وقت الوصول الظهيرة مناسب, الـسـعـر مقابل الـخـدمــة, (الرياض - دبي - لوس أنجلس – دبي - الرياض),
رحلة الذهاب في الطائرة مع الترانزيت تقريباً 19ساعه, لكن الرجعة للاسف كان الترانزيت بمطار دبي 7 ساعات.
وقت السفر كـان الـفـجـر, مطار الرياض مرة زحمة على طول الصالة وغير مرتب, وكان مدخل الصالة زحمـة,
اكثر من رحلة نفس الوقت, والأمور ماشية بالبركــة كالعادة, وكانت المسارات زحمة جدا, وقفت اكثر من ساعة
بالمسار الى ان استلمت بطاقات صعود الطائرة, دخـلـت الـصـالــة الداخلية أنتظرت حـتـى تــم الاعـلان على
الرحلـة المتوجهه إلى دبـي.
أقلعت الطائرة متوجـهـة إلى دبــي على طائرة الطائرة من نوع بوينج 777 , بـعـد ساعـة ونـصـف تقريبا
وصلنا دبي. المطار مرتب جداً, هناك تفتيش للجميع يكون عند الدخول لمواصلة جميع الرحلات, التفتيش عادي.
توجـهـت إلى بوابة الرحـلـة الى لوس انجلس, عـنـد وصولـي تم التدقيق على الجوازات اللي معي و التأشيرة,
لما شاف جوازي ,,,, قال إنتظر ,,,, اخذ الجواز وراح لمكتب ثاني ,,,, وقتها قلت شكلي مطلوب امنيا وانا مادري ,,,,
هذي اولها الله يستر من الجايات ,,,, ورجع بعد خمس او عشر دقايق تقريبا وقال تفضل توصل بالسلامــة
(مادري وش السالفة).
الطائرة من نوع بوينج 777-200 بس افضل بكثيييييييييييييير من الي جابتنا من الرياض, من ناحية النظافة
و الترتيب شاشات الترفية كلها شغالة والخـدمــة كـانت عالية المستوى, الرحلـة مدتها من دبي 16
ساعة طويلة ,فيها ملل بس عدى بسرعة والسبب الترفية والخدمـة ممتازة.
خط الرحلة من شاشة الكرسي, والرحلة تمر من فوق القطب الشمالي,
اصحاب الايفون والاي باد لايشيلو هم البطارية,
حياكم الله,
وجبة الاطفال, انصح اللي معة اطفال يطلب (وجبة اطفال) لهم عن طريق حجز النت او المكتب, ولا بيجيهم
نفس الاكل حق الكبار,
هذا المنظر من فوق القطب الشمالي, دققو بالصورة, هذي كتل جليد مو سحب, سبحان الله,
وصلنا مطار لوس أنجلس الدولي LAX وكانت الساعـة تقريباً 2 ظهراً, على طول من الطـيـارة للكاونترات,
وكـانت عبارة عـن صفوف متعددة منها للأميركيين, والصفوف الاخرى للزوار, (كل طابور فيه 3 كاونترات)
يعني فيه أكثر من 4 طوابير للزوار أختر الي تبي, دور أقل ناس وأدخل فيه, قعدت تقريبا ساعة في الانتظار
حتى جاء دوري, وسبب التأخير اكثر من رحلة واصلة بنفس الوقت ايضا انصحكم تكتبون كامل معلوماتكم على
كرت الجوازات واضح و صحيح حتى ماتتأخرون وتأخرون اللي معاكم, مثل ماصار لنا, عائلة واحدة من اكثر
من عشرة اشخاص مابين العم والخدم ماعبو المعلومات صح واخروهم وتاخرنا بسببهم, لما جاء دورنا سألني
كم بتجلس؟
أول مرة تجي؟
اخذ البصمات,
فقط 10 دقائق مع موظف الجوازات.
بعدها أخــذت الشنط من موظفي الامارتية حاطينها على جنب لانا طولنا بالجوازات.
بعدها تفتيش الجمارك, وانتبهو لازم تعبون الورقة الثانية او بتتأخرون, كنت كاتب بورقة الجمارك معي بعض الاطعمة,
لما قراها سألني ايش معك, قلت لة رز ابو كاس و قهوة خولانية, ناظر فيني شوي وقال
لية ماعندنا قهوة ولا رز بامريكا, قلت يابن الحلال مايعدل الراس الا ابو كاس, ونوعية القهوة هذي
تبطون عظم ماتزرعوونها عندكم, اهم شي مامعك تمر لانة ممنوع, الحمدلله اني نسيتة بالبيت, ولا صادروة علي.
وأثناء انتظار صاحبنا عند بوابة المطار صالة توم برادلي الدولية, اقلب بالاي فون واشوف الشبكات الموجودة,
اخترت شبكة تي موبايل المتعاملة مع موبايل السعودية, وجاتني هالرسالة:
نتمنى لك رحلة سعيدة. خدمة تجوالي في الولايات المتحدة فقط مع تي موبايل مفعلة تلقائيا لخطوط الفوترة.
ياجماعة: الاستقبال مجاني, ولكن الاتصال الداخلي الدقيقة بـ 10 ريال سعودي.
و الحمد لله على السلامة ..
رد مع اقتباس
المشاركة الأصلية كتبت بواسطة jenyfer
المشاركة الأصلية كتبت بواسطة 9th floor
المفضلات