السلام عليكم ورحمة الله و بركاتة
أدخل فالموضوع على طول:
أنوي الذهاب إلى كندا في شهر 3 أو 4، ولكني مادري شالسالفه وبصراحة ماسافرت برى الوطن العربي إلا فالصغر مع الوالد من قبل 17 سنة،، عندي مجموعة من الأستفسارات و ثقتي بأهل هالمنتدى كبيرة أنهم يجاوبوني لأني عالله و عليكم ياجماعة الخير...
أخترت كندا بسبب رخص تكاليف المعيشة إذا قارنتها بالدول الأوربية الأخرى و السبب الجوهري الثاني أن أهلها وايد فرندلي حسب ماقريت فالمواضيع الي بهالمنتدى، و السبب الأخير أني فالمستقبل يمكن أهاجر للعمل فيها فقلت يالله يابوحسن خلنا أنشوف هالبلاد تعجبنا ولا شلون.
الــمــهـــم
دايما أسمع الشباب يتكلمون عن فانكوفر فما أدري هل فانكوفر الوجها الصحيحة لي؟؟ آنه ناوي أجلس بكندا شهر كامل تقريبا 25 يوم في قعدتي هذي أبي أشوف كم جامعة و أسأل عن الماستر و تكاليفة + أبي أروح كم مكتب من مكاتب التوظيف أقدم عندهم و أشوف شنو أشتراطات العمل في كندا + أشوف معالم هالمنطقة السياحية. فبليز قولولي هل فانكوفر الوجهه الصحيحة الي بلاقي فيها كل هالسوالف؟؟!؟؟و إذا كانت الوجها الصحيحه أشلون أوصل حق هذي الأمور؟؟!؟؟ ولا تنصحون أروح فانكوفر كم يوم و بعدها أروح منطقة ثانية في نفس السفرة؟؟؟
السؤال الثاني -- الــــــــــســــــــــــــكن!!؟
شفت فالأنترنت عائلات تقدر تسكن معاهم و متوسط الأسعار 700 دولار فالشهر بعضهم يوفرون لك خدمة جيبتك من المطار + غسيل الملابس+ الوجبات اليومية،، فكرت أقعد عند عايله بس قلت آنه يمكن أنتقل من فانكوفر لمكان ثاني فراح أخسر الي دفعته لو ماكملت الشهر!! شرايكم أقعد عند عايله ولا أسكن بشقة؟ و هل الشقق أسعارها معقوله؟ و من وين أعرف الأسعار و أماكن الشقق؟؟ ملاحظة آنه حتى غرفة راح تكفيني ولا حتى بيوت الشباب!!
السؤال الثالث -- المـــــــــواصــــــــــــــــلات
التنقل في فانكوفر شلون؟ و كم أسعار التكاسي أو الترام (اذا كان موجود) مع العلم أني ماعمري ركبت الباصات العمومية و القطارات
السؤال الرابع -- المـــــــرشــــــــــدون الــســــيــــاحيون
هل مكاتب الأرشاد السياحي متوفره هناك؟ و كم أسعارهم تقريبا؟ و شلون نظامهم يومي ولا بالأسبوع؟؟ و من وين أحجز؟
بعد أستفسار هل توجد جمعيات خليجية أو عربية يقدر الواحد يلجئ لهم إذا أحتاجهم، مثل رابطة الشباب البحريني أو القطري الي في بريطانيا؟
السؤال الخامس -- توقـــــــعــــــــــتاتكـــــــــــم!!؟
كم تعتقدون راح تكلفني السفرة (25 يوم) لحالي، مابي رفاهية فالسكن و أبي الأكل الي يسد الجوع بس
شباب و الله أني محتاج لوقفتكم هذي بليز الي يعرف ولو شي واحد يخبرني ولايبخل علي،
و تراني رايح لحالي أي واحد يبي يخاويني حياه الله و بكون كلي سعادةمواضيع عشوائيه ممكن تكون تعجبك اخترناها لك:
- ياأهل مونتريالً لله درُّكمُ مـاءٌ وظـــــــــلٌ وأنهار وأشجار
- هل ممكن اصطحاب الكاميرات الاحترافيه لكندا
- استفسار عن الفيزا الكندية
- موج الورد ومن سافر لكندا ساعدني في إعداد تقرير مصور لسحر طبيعة كندا رحلتي
- ممكن ؟
- ياريت
- مطلوب مدينة حقت دراسة قريبه من تورنتو او فانكوفر بها معاهد ممتازة للغة الانقليزية
- ممكن عنوان خطوط الـ فانكوفر
- مساعده من خبراء كنداء
- استفسار بخصوص تاشيرة الزيارة الي كندا
- سوال لعشاق فانكوفرماهو افضل فندق في فانكوفر؟؟
- استفسار عن كنداااا
- دخول كندا عن طريق امريكا
- الى احلى ناس شباب كندا
- كنغستون أونتاريو سؤال عن الشحن طن
- تقرير الى فانكوفرحصررررررري
- ذاهب لفانكوفر ولكن
- جوله فى مقاطعة نوفا سكوتيا
- أتمني الردود ضروري
- تكفووون بخصوص السكن مع عائلة
رد مع اقتباس
المفضلات