الموضوع: االفيزا الامريكية والكندية

السلام عليكم

اخواني في منتديات المسافرون العرب اتمنى لكم التوفيق والنجاح واشكركم على ماتقدموه للخدمة

الطلاب العرب والسياح .


اخواني انا الان ادرس في احدى معاهد المملكة لمدة شهر للتقوية لغتي الانجليزية واود الذهاب

الى امريكا او كندا بعد شهر من الان ولكن المشكلة تقع في الفيزا الامريكية او الكندية فالبعض

يقول استخراج الفيزا الامريكية يتأخر الى ثلاثة أشهر :110: :114:

فانا افضل السفر الى امريكا للدراسة اللغة الانجليزية ولكن اذا لايمكنني الحصول عليها بعد شهر

من الان فسوف اتوجه الى دولة اخرى لأن الوقت يداهمني لأني ارغب بالحصول على مدة لاتقل

عن اربع شهر ولدي دراسة هنا بالسعودية

ولكن هل استطيع استخراج الفيزا الامريكية بدولة اخرى مثلا الكويت وهل ستكون الاجراءات بدون

شروط تعقيدية وهل استطيع استلامها خلال اسبوع ,,,,


اذا كان امريكا لايمكن الحصول عليها خلال شهر فهل تنصحوني بالتوجه الى كندا وهل يمكن اخذ

الفيزا الكندية في فترة اقل ؟

ولكم تحياتي وتقديري

مواضيع عشوائيه ممكن تكون تعجبك اخترناها لك:

• ضروووووووووووووري محتاجة لة في اليومين هاذي
• مشكلة عويصة مع السفارة ارجو المساعدة
• كنـــــدا مطلوب للسفر فوراً
• بطاقات الصرف الآلي في كندا
• بالنسبة للصورة الشخصية في الفيزا ضروري قبل ارسل طلب الفيزا
• منطقة كالونا من برتش كلومبيا كندا بالصور
• عطوني رايكم ياخبراء كندا
• ما هي أفضل جامعة كندية في دراسة الهندسة الكيميائية
• مسافر الى كندا
• بسرعة ضروري تم قبولي
• الفيزا الكندية
• مسافر لاول مرة لكندا ان شاء الله
• عـــاجل ومهم ، الفزعة ، سفرتي الاسبوع الجاي ابيها
• قدمت على التأشيرة الكندية ولاجاني رد
• اقرب مطار لشلالات نياجرا
• ابي عملة كندية من وين ابدل لفلوس
• ماهي مسارات الطيران المتوفره من جدة الى فانكوفر ؟
• استفسار عن كيفية فتح الحساب للدراسه بكنداء والحصول على جوال
• فـي طريقـي إلـى شـلالات نياغـارا هيـا رافقونـي رحلتـــي
• اللي يعرف اي شي عن ولايه نبراسكا

هلا اخوي ... بالتوفيق اول شئ
ثاني شئ بالنسبة للفيزا الامريكية جدا صعبة بعد شهر انا دراستي بعد ثلاثة شهور وانا خايف ان الفيزا ماتطلع وانا من اول اشتغل في موضوع الفيزا.. فمابالك شهر قوية شوي
بالنسبة لو رحت سفارة في دولة اخرى لازم تكون مقيم فيها يعني راح يطلبون منك اثبات سكن 6 شهور على الاقل..
بالنسبة لفيزا كندا بصراحة ماادري ياريت احد الشباب يفيدنا في هالموضوع
وبصراحة انا بعد قمت افكر في مكان غير معقد يعني شوفلك نيوزلاند او استراليا.

وبالتوفيق

بالنسبة لكندا بما انك راح تدرس هناك لمدة تتراوح بين الاربعة شهور و الستة

فنوع الفيزا راح تكون فيزا زيارة .. بعد ما تكمل اوراقك المطلوبة منك انت امام خيارين

اما ان تسلمها بنفسك للسفارة و راح تستغرق الفيزا 15 يوم

او انك ترسلها عن طريق الدي اتش إل ( الشركة المعروفة لنقل الطرود البريدية )

اذا ارسلتها عن طريق الدي اتش ال راح تستغرق 19 يوم تقريبا

بالنسبة لي انا رحت لمكتب دي اتش ال .. طلبت منهم نموذج فيزا الزيارة لكندا

عبيت النموذج و عبيت النموذج الملحق معاه

و موجود مع النموذج طلبات السفارة الثانية و شروطها

استوفيت الطلبات من صور شخصية و شيك مسحوب على بنك في كندا

و الضمان البنكي و ورقة من مكان عملي تثبت اني موظف و راتبي يبلغ كذا .. الخ

بعد ذالك حطيتهم في ملف مع جواز السفر و ارسلته عبر الدي اتش ال للسفارة الكندية

و كانت تكلفة الشحن 150 ريال

بعد 15 يوم ارسلت للسفارة فاكس اطلب منهم تحديد موعد استلام الجواز

اتصلت علي الموظفة و الله كانت حبوبة

و قالت لي تبي تجي تستلمه بنفسك و لا نرسله لك بالـ الدي اتش ال ؟

قلت لها ابي استلمه عن طريق الدي اتش ال

قالت بس انت الي راح تدفع رسوم الشحن 150 ريال ..

قلت لها اوكي ما عندي مشكلة

المختصر المفيد..حصلت على فيزا الزيارة لكندا

من دون ان اقابل احد في السفارة الكندية

فقط اجريت معهم اتصالات تلفونيه و فاكس

و رحت لدي اتش ال ثلاث مرات

مره علشان اخذ نماذج السفارة و مره اعطيتهم النماذج مع الاوراق المطلوبة و الجواز

و خليتهم يرسلونها و المره لثالثة رحت استلم جوازي

اذا انت ناوي تدرس لغه كندا افضل لك = لا تنسى عدد السعودين الموجودين بكل معهد لغه بامريكا حاليا

الحقيقه الموضوع هذا شائك وكثرت فيه الاسئله بشكل كبير ياليت بس لو المشرفين يسوون بوابه خاصه للفيزا لكل الدول موشرط امريكا بس وهذا اقتراح فقط

اما بالنسبه للسفاره الامريكيه في الكويت اذا تبي تسوي فيها فيزا لانها اسهل فانت غلطان اخوي لان كان مرة معاي سعودي قدم للفيزا بالكويت ويوم المقابله عرفوا انه مو ساكن بالكويت رفضوا طلبه وطالب الشخص بالفلوس اللي دفعها طبعا قوبل طلبه بالرفض انصحك بانك تقدم في بلدك لان يعتمد على العنوان والعمل

وانصحك بعد تروح كندا ابرك لك اذا ماعندك وقت كافي

لما تروح بريطانيا افضلك

الفيزة تطلع في نفس اليوم على ماذكر

اخوي يؤ نسيت اكبر!!

لو سمحت توضح لي بس لاني سمعت ان فيزة الزرياة ما يسمحون انك تدرس هناك

وكيف حجزت المعهد

الـ F1 ثلاث أشهر الخاصة بالدراسة

الـ B1 و G1 من أسبوعين لشهر الخاصة بالبعمل والزيارة و الخ

راجع موقع السفارة

http://usembassy.state.gov/saudi-ara...ant_visas.html

برطانيا تطلع الفيزه بنفس اليوم

وبلاش انتظار شهور وكلها فيها لغه ونفس مستويات

انا رايح لدراسه بكندا لمده 6 شهور و ممكن تزيد بعد شهرين .

الى ابى اعرفه وش نوع الفيزه الى اقدمها على السفاره الكنديه فيزه سياحه او زياره...؟؟

او فيزه دراسيه....!!

تكفى ياخوان الى عنده معلومه او خبر عن هذا تكفى لايبخل علينا ويعطيكم الف العافيه

014882288

هذا رقم السفارة بالرياض

لما تتصل عليهم راح يرد عليك الانسر مشين ( الرد الالي )

راح تفهم منه كل شيء و احد هذي الاشياء الي راح يقولها لك

ان دراسة اللغة لمدة اقل من ستة شهور ما يعطونك عليها فيزا طالب و انما فيزا الزيارة

يا عزيزي اذا انت ناوي كندا ؟

نصيحة لك بما ان الوقت ضيق امامك

لا تروح تراسل المعهد و لما تحصل على القبول

بعدين تقدم على الفيزا

لا و انما قدم على فيزا الزيارة

لان قبول المعهد ما تطلبه السفارة

و التقديم على المعاهد تقدر من خلال النت او من خلال مكاتب موجودة في مدينتك

هي تنسق لك قبول هناك

بعدين ليش ما تمر الدي اتش ال .. و قول لهم

ابي ابلكيشن السفارة الكندية .. و راح تحصل فيه كل المعلومات

أخوي محمد الحربي
الأفضل انك تشوف مكتب يخلصها لك بسرعه وبدون لخبطة ال Dhl او غيره واهل مكه ادرى بشعابها
هم يجيبونلك القبول ويخلصولك امور السفاره
انا تعاملت مع مكتب كنه في الرياض-شارع الضباب وكان في قمة الروعه والتعاون والاحتراف والمسؤول هناك اصبح صديق شخصي والظاهر انه متواجد في الرياض الان.
بامكانك تكلمهم.انا حاولت ارسلك رساله خاصه بس ما قدرت. على العموم كلمهم على 4013322 وهم بيفيدونك اكثر مني.

بالنسبه للاخوان فرست ون ويور نكست

فيزة الزياره تسمحلكم بالدراسه لمدة 6 شهور. اما اذا تفكرون في مده اطول او التمديد فيجب الحصول على فيزة طالب. فيزة الزياره تستغرق 3 اسابيع تقريبا بينما الدراسه 6 الى 7 اسابيع. وانصحكم بمشورة مكتب متخصص واشتري راحة بالك.

أرجو ان اكون افدتكم واذا فيه اي استفسار انا حاضر.

شباب بالنسبة للفيزا الكندية هنالك استفسار
سؤال بخصوص المتطلبات : انا اخوي بيصرف على الرحلة وانا رصيدي بصراحة مافية شئ لاني طالب ولا عندي راتب ولا شئ .. لاحظت في الطلبات انهم طالبين كشف حساب لي بغض النظر مين راح يصرف علي ؟؟ هل يطلبون مبلغ معين لازم يكون موجود وهل لازم يكون في الحساب مبلغ لمدة معينة؟؟
وهل يمكن يرفضون الطلب عشان كذا ... تكفون نبي رد ترى الموضوع قالقني...وشكرا

المشاركة الأصلية كتبت بواسطة msm


شباب بالنسبة للفيزا الكندية هنالك استفسار
سؤال بخصوص المتطلبات : انا اخوي بيصرف على الرحلة وانا رصيدي بصراحة مافية شئ لاني طالب ولا عندي راتب ولا شئ .. لاحظت في الطلبات انهم طالبين كشف حساب لي بغض النظر مين راح يصرف علي ؟؟ هل يطلبون مبلغ معين لازم يكون موجود وهل لازم يكون في الحساب مبلغ لمدة معينة؟؟
وهل يمكن يرفضون الطلب عشان كذا ... تكفون نبي رد ترى الموضوع قالقني...وشكرا



لازم يكون فيه الحساب 60 الاف ريال سعودي وكذالك لأخر ثلاث شهور

انا رحت لمكتب في الرياض وقالي اذا كنت بتروح كندا جبلنا

كشف حساب ما يقل فيه عن 25000 ريال بس

السفاره ما يشترطون مبلغ لكن لازم تبينلهم ان فيه مبلغ يكفيك مدة وجودك هناك وكشف حساب لمدة اخر كم شهر ولو عندك او عند اخوك محفظة اسهم او صندوق استثماري ارفق الكشف

يعني اعطيهم كشف لحساب اخوي عادي .. ولا لازم لي انا؟؟؟؟؟؟؟؟؟؟؟؟؟؟

اخوي Msm

ماهو مطلوب منك كشف حساب اذا اخوك متحمل التكاليف. لكن مطلوب كشف حساب اخوك وخطاب من اخوك يبين انه متحمل جميع مصاريفك هناك. انا اخذت الخطاب من المكتب. ما ادري اذا فيه صيغه معتمده ولا اي صيغه تصلح. بحاول القالك الخطاب اللي استخدمناه.

Thankx
شفلي موضوع الخطاب وشكرا جزيلا لك

من يقولك ان الكويت الاجراءات عندهم اسهل ,,,


بالعكس السفارة الموجوده في الكويت,, اكثر سفاره في الخليج تعقيد ........... وهذا شي متاكد منه 100%

عموما شفلك كندا اصرف من امريكا وزحمة وقلق السعوديين فيها

شكرا لكم ,,,,






اخواني الاعزاء اشكركم على ردودكم الرائعة التوتفاعلكم الاجمل

وتم كنسلة فكرة السفر الى الامريكا واستبدالها الى كندا وان شاء الله سوف اقوم بحول الله وقوته

بمراجعة احدى مكاتب تنظيم الرحالات التعليمية وسوافيكم بالمستجدات

لكم خالص شكري وامتناني ..


اخوكم محمد الحربي

أخوي Msm

للأسف ما لقيتلك الخطاب لكن المكتب اللي تعاملت معه صراحه ما يخليك تشيل هم اي شي

وانصحك وي الاخ Mhmd-alharbi بالتعامل معه . انا بصراحه شفتهم الافضل والاصدق والاكثر خبره ولك الخيار

عنوانهم: مكتب كنه - شارع الضباب - 4013322

وكلم الاخ حازم ابوالنادي. هو اللي كان في كندا وعنده خبره في كل المناطق

واتمنى لكم التوفيق ان شاء الله

مشكور فيكتوري بس للاسف ارسلت اوراقي امس للسفارة ودعواتكم ان الامور تكون اوكي
ويعطيك العافية

بالتوفيق يا غالي