الموضوع: تجربتي مع

السلام عليكم ورحمة الله وبركاته ,,

CarHire3000.com موفع بريطاني على ما أعتقد, لتأجير السيارات بأسعار رخيصة. سبب رخص الموقع إنه هو يختار لك الشركة الي تأجر منها, يعني أنت تستأجر وبعد ما تدفع يرسلون لك الفوتشر وفيه اسم الشركة. هالموقع يستخدم في دول كثيرة, وكل دولة لها شركات محددة يتعامل معها. بأمريكا يتعامل مع:

أنا قارنت بين أسعار هالموقع واسعار الشركات الثانية وكان في فرق كبير بينهم! فقررت احجز منهم.

وطبعا صارت لي مشكلة معهم, وعشان كذا حبيت اكتب تجربتي عشان المره الجاية محد يغلط نفس غلطتي ..

أنا حجزت سيارة من نوع Economy أربع أبواب, شفروليت أفيو أو نوع يشبهها, وكان في مثلها بس بابين. وكان الفرق بالسعر بينهم 20 باوند يمكن, زي ماهو واضح من الصورة تحت:

بعد ما حجزت ودفعت المبلغ اونلاين, ارسلوا لي الفوتشر ويوم فتحته شوفوا وش طلع :

يعني دفعت فلوس الي 4 أبواب, لكن الفوتشر بابين ونفس سعر ال 4 أبواب !

طبعا أرسلت ايميلات لين دخت ولا يعبرون ولا يعطون وجه! قلت مافي إلا إني ادق عليهم, طبعا رقم بريطاني.

دقيت عليهم وشرحت السالفة للموظفة ما رضت تفهم تقول أنت حاجز بابين وسعرها 660 باوند هذا الي طالع عندي, قلت لها زين اطلعي عالموقع ودخلي البيانات الي أنا دخلتها المدينة والتاريخ وكذا وشوفي الخيارات الي تطلع. طبعا أنا كنت فاتح نفس الصفحة وطالعة لي نفس الخيارات الي بالصورة الأولى اربع ابواب ب 660 وبابين ب 640 باوند.
بس هي مو طالع عندها كذا! تقول قدامي الحين بالموقع بابين ب 660 باوند, طبعا ولا في أمل تقتنع :S .

أنا شفتها ما في أمل تستوعب, سألتها بكم ال 4 أبواب؟ قالت ب 680 على ما أعتقد, وطبعا بما إني بارجعها بمدينة ثانية كان في Drop off charge. سألتها بكم رسوم الدروب اوف , طبعًا لطعتي أكثر من عشر دقايق بعدها قالت ب 180 دولار وتندقع عند الشركة الي بتستأجر منها. قلت خلاص أجل غيري حجزي على كذا.

بعدها ب 10 دقايق ارسلت لي إيميل تقول فيه "باعلمك ان الدروب اوف تشارج 500 دولار" !! حتى بدون سوري او اي شي !!

خلاص وقتها ندمت إني حجزت عن طريقهم, لأنها بهذلة ! أرسلت إيميل ثاني وضحت فيه السالفة من بدايتها لنهايتها بالصور وكيف إنهم غلطوا بالحجز وإن الموظفة لطعتي بالتفلون وآخر شي عطتني معلومة غلط! لكن لا حياة لمن تنادي محد رد علي !!

بس الحمدلله يوم رحت الشركة ( الشركة الي طلعت لي Alamo ) طلع التشارج 350 دولار.

بنهاية الموضوع, إذا كان الفرق بالسعر بين هالموقع و شركات التأجير كبير, ونويت تحجز منهم انصحك بالحجز عن طريق التلفون. عشان تتفادى الأغلاط الي صارت لي, وميزة ثانية إن عن طريق التلفون تقدر تعرف اسم الشركة راح يرسلونك عليها وكم الدروب اوف تشارج قبل لا تحجز.

أتمنى إنكم استفدوا من تجربتي..

تحياتي,,

مواضيع عشوائيه ممكن تكون تعجبك اخترناها لك:

• بدي مساعدة
• طلب مساعدة بخصوص توزيع الايام والسكن في لوس انجلس وسان دييغو
• سؤااالي هل اجراءات تجديد الفيزا نفس اجراءات استخراج فيزا جديده
• الاخت بنت الصقور والمشرفة هدى
• شقق في نيويوك
• الحمد لله اخذت الفيزا وعندى استفسارات
• اخوي سؤال لا هنت
• موعدك في القنصلية بالظهران فضلاً اقرأ
• سيديات البليستيشن والسفر لأمريكااااأفيدوووني ؟؟
• فتح حساب او سحب من رصيد
• توافقوني الراي على مخططي لتجديد شهر العسل
• مشكلة بالابلوكيشن فورم
• ممكن مساعدة في مخطط الرحلة
• نصيحة للأخوات
• عاجل كشف الحساب ضروري من البنك او ممكن اطبعه من النت
• فيزا امريكا
• مساعدة السفر من الى سان فرانسيسكو
• تاريخ انتهاء التاشيرة والدخول لامريكا
• ضيف جديج و ارجو المساعدة
• فيدوني اماكن بيع شنط واكسسوارات ماركات باسعار رخيصة او اوتليت مشهور

شكرا على مشاركتك التجربة

بصراحة انا ما احجز الا عن طريق شركة الايجار مباشرة....ما احب اتعامل مع وسطاء مثل car hire او غيرها

سبحان الله
انا حجزت عن طريقهم في لوس انجلس هالصيف عشرين يوم ميني فان وكان بسعر لا يصدق ب 500 دولار وكان ما يعادل نص سعر اي مكتب ثاني
ولما حجزت دفعت المبلغ كامل بوقته على طول وجاني الفوتشر عن طريق شركة دولار وكان الاور كلها سلاسه .... معلش يا اخ عثمان تلاقيك سهيت عن شي ومثل ما يقولون ما يوقع غير الشاطر

http://www.arabtravelersforum.com/user343540/

يعطيك العافية عالرد ,, الأفضل والله الحجز مباشرة عن طريق الشركة ..

http://www.arabtravelersforum.com/user91499/

تسلم عالرد ,, شوفت عينك أخوي, كتبت الي صار لي وبالصور ,,
الحمدلله طلع حجزك ممتاز .. هي المشكلة بخدمة العملاء سيئة عندهم ..

يعطيك العافيه على الموضوع

انا حجزت من عندهم عن طريق الانترنت وبأراجع الححجز كله .

بس ممكن تفديني كيف عرفت ات الـ Drop Off بمدينة ثانية راح تدفع عليه مبالغ إضافيه ؟؟ هل ذكرا الشي هذا بالإيميل اللي ارسلولك اياه ؟

تحياتي

المشاركة الأصلية كتبت بواسطة Alucard0
http://www.arabtravelersforum.com/tr...6/#post6082896

يعطيك العافيه على الموضوع

انا حجزت من عندهم عن طريق الانترنت وبأراجع الححجز كله .

بس ممكن تفديني كيف عرفت ات الـ Drop Off بمدينة ثانية راح تدفع عليه مبالغ إضافيه ؟؟ هل ذكرا الشي هذا بالإيميل اللي ارسلولك اياه ؟

تحياتي



مع احترامي لكاتب الموضوع لكن الحوادث الفردية لاتعمم وللامانة هذا الموقع الوسيط من افضل المواقع اللي استخدمها من اكثر من 10 سنوات في اوروبا وامريكا. فيهم ميزة انهم لا ياخذون. One way rental. او دروب اوف شارج. انا استخدمها هنيه في امريكا لما اذهب لولايات بعيدة في الشرق او احجز لاقاربي وجدا ممتازين وباسعار خيالية ومصداقية عالية،لكن اذا كان في غلط في الحجز او المعلومات المدخلة فهذا شي ثاني وعلى فكرة مافيه شركة تحددلك بالضبط نوعية السيارة.ودمت بخير .هذا رابط لاحد الاعضاء ممكن يفيدك اكثر
http://www.arabtravelersforum.com/travel455686/

يعطيك العافية ياغالي على المعلومات ,

دمت بخير , , ,

المشاركة الأصلية كتبت بواسطة Alucard0
http://www.arabtravelersforum.com/tr...6/#post6082896

يعطيك العافيه على الموضوع

انا حجزت من عندهم عن طريق الانترنت وبأراجع الححجز كله .

بس ممكن تفديني كيف عرفت ات الـ Drop Off بمدينة ثانية راح تدفع عليه مبالغ إضافيه ؟؟ هل ذكرا الشي هذا بالإيميل اللي ارسلولك اياه ؟

تحياتي

أهلا فيك أخوي ,,

إيه أول ما تحجز يقولك فيه Drop off charge ويقول إذا تبي تكمل أكد الحجز وإذا ما تبي تقدر تلغيه ..

بالتوفيق..

المشاركة الأصلية كتبت بواسطة fablulous riyadh
http://www.arabtravelersforum.com/tr...2/#post6083692

مع احترامي لكاتب الموضوع لكن الحوادث الفردية لاتعمم وللامانة هذا الموقع الوسيط من افضل المواقع اللي استخدمها من اكثر من 10 سنوات في اوروبا وامريكا. فيهم ميزة انهم لا ياخذون. One way rental. او دروب اوف شارج. انا استخدمها هنيه في امريكا لما اذهب لولايات بعيدة في الشرق او احجز لاقاربي وجدا ممتازين وباسعار خيالية ومصداقية عالية،لكن اذا كان في غلط في الحجز او المعلومات المدخلة فهذا شي ثاني وعلى فكرة مافيه شركة تحددلك بالضبط نوعية السيارة.ودمت بخير .هذا رابط لاحد الاعضاء ممكن يفيدك اكثر
http://www.arabtravelersforum.com/travel455686/



يعطيك العافية أخوي على مشاركتك, ومبسوط إن حجزك معهم كان تجربة موفقة, وأنا ترا ما كنت أقصد من الموضوع إن الموقع مشروع نصب, أنا بس حطيت تجربتي عشان لأن صارت لي مشكلة وودي إن غيري يكون عنده خلفية لو صار له شيء..

أما بخصوص الدروب اوف تشارج هم اخذوا مني رسومها من المكتب الي يرسلونك عليه, الموقع ياخذ منك مبلغ الحجز فقط! بس الأكيد إنك بتفع رسوم الدروب اوف تشارج !!

تحياتي ,,

المشاركة الأصلية كتبت بواسطة waleed8818
http://www.arabtravelersforum.com/tr...6/#post6086586

يعطيك العافية ياغالي على المعلومات ,

دمت بخير , , ,

عزيزي وليد, شرفت بمرورك وتعليقك ..

الله يسعدك أخوي الولهان على عرض تجربتك

وليستفيد غيرك ويتلافى بعض الأخطاء