اولا : انا حبيت اشكر مشرف هذا المنتدى وكمان كل الناس الى كتبت مشاركات ليهم او تعليمات
انا كمان حبيت اشاركم فرحتى وخبراتى
انا كان عندى ميعاد امبارح الساعة 8 صباحا طبعا انا مش نمت علشان السفر من الاسكندرية الى القاهرة حوالى 2 ساعة وكنت عايز اروح بدرى : روحت لقيت حوالى قدامى 100 فرد بس الحمدالله بعد الاجراءات
دخلت حوالى الساعة 8.15 دخلت واقعد وكنت مقدم انا وزوجتى وابنى 5 شهور بس انا حبب اقولكم الاوراق الى كانت معايا علشان الناس تستفاد
1- وصل البنك CIB
2- تاكيد الابلكشن طرف السفارة
3- صورة بخلفية بيضاء 5*5
4- طبعا الباسبور
5- خطاب من الشغل فى كاتى ( مسمى الوظيفة - المرتب - رقم التامينى - مدة العمل لدى الشركة - مدة الاجازة - وسبب التقديم - ويكون مقدم الى السفارة الامريكية طبعا )
6- الباسبور القديم علشان كان عندى اكثر من فيزا لايطاليا - تركيا - روسيا
7- كشف حساب بنك كان فى حوالى 70000
8- حجز طيران وهمى بس حجز فندق حقيقى وكل دا بتعملو شركات السياحة بحوالى 150 جنية
9- عملت لنفسى برنامج لمدة 15 يوم مطبوع لمعالم نيويورك
10- كان معايا عقد شقتى تمليك - سيارتى - محل ( مركز كمبيوتر ) . بس
المهم دخلت السفارة وطبعا احنا عارفين الوقت الى بنقعد قد اية والتوتر والخوف بس من كتر ما قاريت هنا فى المنتدى وهو انك تكون
1- واثق من نفسك
2- حافظ الابلكشن الى انت كاتبة
3- صادق جدا
4- متوقع اى سؤال غريب
5- مش متوتر ولا خايف
واقعدت انا وزوجتى وابنى ملطوعين مستنين وفاجاء يقولك الكمبيوتر عطل وقولت يبقى انا نحس ههههههههههشوية قالو خلاص وهنكمل شوية لقيت دورى جى بسرعة عملت البصمة وبعد كدا 10 دقائق ودخلت على المقابلة اولا هو مفروض بيسال انت عايز المقابلة انجليزى ولا عربى انا لقيت بيكلمنى انجليزى علطول انا سكت علشان انا بعرف انجليزى بس لو انت مش تعرف ممكن تقولو لا انا عايز اتكلم عربى ودا عادى ولا بيقلل من فرصة اخذك للفيزا
الاسئلة
1- عايز تروح ولاية اية فى امريكا ( انا قولت نيويورك )
2- سفرت قبل كدا امريكا ( قولت لا )
3- رايح لية امريكا ( سياحة )
4- قالى عندك كشف حساب ( قدمت كشف حسابى ) بس والله ولا شافو
5- قالى انت سفرت اروبا قبلت كدا ( قولت اة )
6- قالى فين ( قولت ايطاليا )
7- قالى لية ( قولت سياحة )
8- قالى عمر ابنك قد اية ( قولت 5 شهور )
9- قالى هتقعد كام يوم ( قولت 15 يوم مش اكتر )
10- قالى مبرررررررررررروك
روحت دفعت DHL واهو مستنى الفيزا يارب تكون خير
معلش طولت عليكم اوى بس حبيت اشاركم فى كل الاوراق والاسئلة
دا موقع السفارة : http://egypt.usembassy.gov/
دا موقع الابلكشن : https://ceac.state.gov/genniv/
وخلاص استلمت الباسبورات وفيها الفيزا 5 سنوات عقبالكم هى كدا حوالى من السفارة الى منزلى 5 ايام
وشكرا ليكم جمعيا وربنا يوافق الجميعمواضيع عشوائيه ممكن تكون تعجبك اخترناها لك:
- أمريكا اللتي عشتها
- هل بالأمكان سحب الجواز قبل إصدار الفيزا ووقبل كم آخذ الموعد
- اخي استفسار عاجل الله يحفظك
- احترت والله وانتم أملي بعد الله أمريكا
- الطريق من ميامي الى أورلاندو عن طريق البحر
- بالنسبة لتذاكر ديزيني اورلاندو ماهو أفضل مكان لشراءها
- عاجل طلبتكم ياخبراء السفر الي أمريكا
- مشكلة في حجز المواعيد لدى قنصلية الظهران
- الى الاخ
- استفسارات على الطااير
- طلبت فيزا سياحيه واخذوا جوازي وعطوني كرت ابيض اعطيه لفديكس واخذه ولا عطاني اياه
- ساعـدوني بـلـيـز
- المقابلة في السفارة الأمريكية بالتفصيل الحمد لله الجزء
- افتر راسي أرجوا المساعده
- أحتاج لطريقة للتواصل مع السفاره
- افضل شركة تاجير سيارات في امريكا
- استفسار عن افضل الشقق الفندقيه في لونق بيتشنأمل المساعده
- استفسار عن الفيزا الامريكية من بلغاريا
- مساعدة لترتيب رحلة لمدة شهر ونصف لأمريكا مع العائلة
- فندق من ثلج معلومات وصور
المفضلات