الموضوع: تفاصيل الحصول على الفيزا الكندية بالصور

حيال الله أخوي كنيدين
والله فكرة لكن أنا مسافر أساسا بعائلتي وماودي أقعد أدور معاهد هناك .. هذه ناحية
ومن ناحية أخرى أخذت بارت تايم عشان آخذ راحتي في التمشي والتنزه .. تعرف سمعت عن هذه المدينة كثير وودي أشوفها .. لكن مايحصل أبدا إنهم يعطوني القبول مقابل رسوم التسجيل فرضا .. والله حاجة غريبة.. ؟!؟!؟!؟
ربك ييسر كل عسير ..
أخوك
أبوخالد الحميدي

مشكور:101:


وبارك الله فيك:24:

هاي اخ كنيدين
انا كلمت مكتب سفريات اليوم قالي شي غريب وابي اتاكد منك
قال انه ممكن يسويلي الفيزا هالفتره ولكن ما تكون ساريه المفعول الا في بدايه شهر مايو5 يعني يبدأ يحسب عليا ثلاث اشهور لصلاحيه الفيزا من شهر مايو
طبعا انا سفرتي بتكون اخر ما يو او في بدايه سته عشان جذي قلت للمكتب ما ابي اسويه الحين يعني احنا الحين اخر فبراير 2 على ما تجي سفرتي تكون الفيزا منتهيه بس اهو قال الي ذكرته فوق
انت شرايك صاج والا يجذب

وهو يقول ان هالكلام ينطبق على فيزة كندا وبعد فيزة شنقن

طبعا بما اني كويتيه يعني بسوي الفيزا في السفاره الكنديه في الامارات وهو يقول ان السفاره راح تاخذ 40 دينار كويتي على الفيزا سوا 6 اشهور او سنه وهي دخول متعدد
والدي اتش ال راح يا خذ 40 دينار كويتي واهو عمولته 5 دنانير يعني الكلي = 85 دينار كويتي
هل هذا السعر مناسب اما فيه نصب
وبالنسبه لفيزة تشنقن يقول السفاره الالمانية تاخذ 40 دينار كويتي على الفيزة ثلاث شهور دخول متعدد وان عمولته 5 دنانير
والكلي = 45 دينار كويتي شرايك بالكلام

ياريت تفيدني ولك تحية
وربي يوفقك ويسهل دربك على هالمعلومات الي تفيدنا فيها

يعطيك العافية

سلام عليكم،،،،

أخوي أبوخالد الحميدي,,,,, ربنا يسهل طريقك..... وأدعي لك ولنا بالتوفيق.


وافي 1234.... الله يبارك بعمرك ... قل أمين :101:

just agirl
2 هاي :101:






هاي اخ كنيدين
انا كلمت مكتب سفريات اليوم قالي شي غريب وابي اتاكد منك
قال انه ممكن يسويلي الفيزا هالفتره ولكن ما تكون ساريه المفعول الا في بدايه شهر مايو5 يعني يبدأ يحسب عليا ثلاث اشهور لصلاحيه الفيزا من شهر مايو
طبعا انا سفرتي بتكون اخر ما يو او في بدايه سته عشان جذي قلت للمكتب ما ابي اسويه الحين يعني احنا الحين اخر فبراير 2 على ما تجي سفرتي تكون الفيزا منتهيه بس اهو قال الي ذكرته فوق
انت شرايك صاج والا يجذب



أولا فيزة شنقن ذي نحطها على جنب لأني لا أفقه فيها شي....:101:
طيب...... نرجع لموضوعنا...حق فيزة كندا.....اللي فهمته من كلامك انك مسافرة في أخر مايو.... وان صاحب المكتب راح يبداء في المعاملة من هالأيام وراح يطلع الفيزا بحيث يخليها تبداء الصلاحية حقها من أول مايو... صح والا لا؟ علشان يكون عندك مدة ثلاث شهور تسافرين خلالها.

شوفي يا أختي الكريمة.... اللي أعرفة واللي صار معي.. ان الفيزة تأخذ أسبوعين في السفارة في حالة وجود كامل المتطلبات(في بعض الحالات تأخذ أكثر من هالمدة)...ومن تاريخ الإصدار يعطى المسافر ثلاث أشهر يلزم عليه السفر خلالها والا انتهت عليه الفيزا..هذا المعلوم ..... معلوم:101:
اما ان الرجال يكذب او مايصدق... والله:114: مدري يمكن يكون عندة طريقة معينة يقدر يغير في موضوع الصلاحية....... بس انا أشك.:114:

أما أسعار التأشيرات قد تختلف من بلد الى بلد.... افضل شي أتصلي على السفارة.
والدي اتش ال تقدرين تعرفين سعرهم...عن طريق مكتبهم..بحيث تسألين عن السعر (روحه وجيه).
اما عمولتها اعتقد انها معقوله....وربنا يفوقنا واياكي..

اخ ekora حياك ربي... شكلك قرفااااااااااااااااااااااان من الوضع وتدور هجره....
الله يعينك

اخ كنيدين انت فهمتني صح
بالنسبه لطريقه الي بسويها راعي المكتب يقول انه راح يغير تاريخ التامين الصحي وان التأشيره ما تبدي الا لما يبدا تاريخ التأمين الصح ي وبذلك يخليها مسويه بس ما تتفعل الا من مايو

يعني انا ما افهم بالمواضيع هاذي ابك تقولي اتوكل وامشي مع راعي المكتب والا ااجل شغل الفيزا الى اول اربعه

ملحوظه: انا ودي اخلص شغلي مبكر عشان ما تطلعلي بلوه تاخر السفر بحيث راح تفسد كل حجوزاتي وتلخبط دنياي

السلام عليكم
اول شيء اشكرك اخوي على مجهودك بمساعدة الاعضاء يعطيك العافيه
عندي استفسار وياليت تساعدني
انا جايه على فانكوفر الشهر الجاي للدراسه وقدمت على فيزة طالب لكن اللي صار انو جاتني فيزة زياره
ومكتوب فيها ثلاث شهور بس!!
بعد ماقرأت ردك على الاخ يور نكست فهمت انو موظف الهجره هو اللي يحدد المده
طيب مايسويلي مشكله اذا كنت جايه ادرس بفيزة زياره ؟؟
وغير كذا انا بجلس ست شهور ونص وممكن تزيد وش اسوي اقدر اجددها من هناك !!
ومشكوور مسبقاً
تحياتي

سلام عليكم

just agirl.... والله موضوعك يحير :114: :114: :114: .... وانا بصراحة ماودي أفتي أخاف تدعي علي بعدين :101:

فا اش رايك تقرري بنفسك هالمرة.

فات الميعاد وعليكم السلام والرحمة.. أعتقد ان الرسوم اللي دفعت للفيزا هي رسوم فيزة زيارة... يمكن..
لكن على العموم في المطار راح تتحدد المدة... وبعدين نوع الفيزا يكون محدد على الفيزا نفسها... مثلا اذا كانت زيارة اعتقد يكتبوا عليها V ... اما اكثر من سته شهور في حالة الزيارة.. صعب التجديد من هناك...
وتحياتي للجميع.

ثانكس كنيدين
افااا انا ادعي عليك لا لا تقول جذي انا ادعي ليك مو عليك

اذا قدمت على فيزا زياره ولكن حددت السبب للزياره انها للدراسه 4 شهور ولكني ارفقت قبول من معهد بفانكوفر لمدة شهر كم راح يعطونني فيزه لمدة كم واذا اعطوني شهر هل ممكن اجدد من هناك؟؟؟ انا سمعت ان المده تتحد من المطار هناك؟

السلام عليكم
مشكووور اخوي كنديين يعطيك العافيه
والرسوم دفعت 150 انها لفيزا طالب وارسلت خطاب القبول لمدة 6 شهور
لكن رجعوا 75 واعطوني فيزا زياره : (
المشكله اني بروح قبل موعد الدراسه عشان ارتب موضوع السكن
الله ييسرها

تحياتي

just agirl... لاثانكس على واجب :101:

وحيدالعمر ... شف انت لاتقلق من فيزة السفارة.... أهم شي في المطار.... هناك تتحدد المدة... انت حاول تحصل.. 6 شهور.... ترى غالبا يعطون 6 شهور.... خليك متفائل ياااااااخي. :101:

فات الميعاد.... اها يعني الموضوع من القبول.... مش من الرسوم... طيب انت في الفورم .. كم حطيت المدة؟؟؟؟
6 شهور والا أقل او أكثر..... اذا الفورم حقك فيها مدة اكثر من ستة شهور.. كنت اقولك راجع السفارة وقبل تراجع السفارة جب قبول من المعهد بأكثر من 6 شهور وقل لهم ان المعهد غلط :101: علشان يمكن .. يمكن يغيرون لك الفيزا..:114: يمكن .

اخ كنيديــن , يعطيــك العافيــه علــى الجهــد المنفــرد والمتميــز .

بغيـت استفســر عــن شــي الا وهــو :
انا مبتعــث عــن طريــق الديــوان الملكــي وهــم بيعطونــي ضمــان مالــي هــل اجيــب كشــف حســاب مــن البنــك ولا يكفــي الضمــااان ؟

ومشكــور مقدمــاً ’’

ساااااااااعدوني..... هلا بك.... والف ترليون مبروك.. عليك البعثة....

يا أخي اعتقد.. ان الضمان حق الديوان الملكي شي فوق الممتاز والكافي...انت جرب. من غير كشف حساب.. واذا صنفت معاهم الا والا كشف حساب .. جب لهم كشفك.

والله يكفيهم الضمان الله يقطعهم.:101:

والله يوديك بالسلامة :36_1_39:

أدعي لنا بس :24:

مرحباااااااااااااااااااااااااا اخوي كنيدين مررررررررررررررررره شكرا على الموضوع

بس عندي استفسار صغيرررررر انو انا مرافقة لزوجي مبتعث لكندا تحديدا مونتريال وابي ادرس لغة هناك هل اراسل المعاهد من الرياض ولا من هناك اذا وصلنا وهل اقدر انضم لبعثة زوجي لدراسة اللغه وبعدين اكمل الماستر وشكراااااااااااااااا.

هلا اخت $ لويس فيوتون$...

والله انا أفضل انك تروحي للمعاهد من هناك لأنك راح تشوفي المعهد بنفسك وتقارني الأسعار والأمكانات تبع المعاهد من هناك ...... فاعتقد افضل من هناك...

اما موضوع الإنضمام لبعثة زوجك.... هذه ما عندي علم فيها :101:

وبالتوفيق

شكرااااااااااااااااااااااااااااااااااااااااااااااا ااااااااكنيدييييييييييييييييييييين

الله يعيطيك العافيه

يعطيــك العافيــه اخ كنيديــن ..

واللـه اعلــم انــي علــى طــول ادعــي لكــمـ وخاصــه ( انــت - كريــم سبلــه ) اللــه يوفقكم ويحفظكم يالطيبيــن ’’

السلام عليك

الله ياخى كنديين عندي سوال ضرورري جاوبني عليه

انا ارسلت اوراقي على الجامعه عشان ابي اخذ بكالريوس

حلو والجامعه حولتني على المعهد لازم لغه وبعدين جامعه

وراسلنهم طبعا على الايميل عطناهم رقم الفيزه حقه البنك وخصمو منه مبلغ وعطونه ورقه التسجيل

ةالى الان ما جاني راد حوالي 13يوم وانا انتضر يعني هاذ شي عادي ولا يعني مانقبلت فيه

سلام عليكم ياشباب,,,

$ لويس فيوتون$ ويعطيكم مليون عافية :101:

ساااااااااعدوني جزاك الله عني وعن أخوي كريم ألف خير.


زنكاوي.. هلا بيك.... شف ياخي انت حاول تراسلهم مرة ثانية ..واسألهم عن الأبلكيشن حقك...اما اذا ما انقبلت راح يبلغونك بكذا وراح يرجعون لك فلوسك,,,, بس مايمنع انك تبقى متابع معهم... يعني غثهم بالرسائل,, وراح يردون عليك... :101:

وبالتوفيق للجميع.

بسم الله الرحمن الرحيم
كيف الحال يا أحبتي وان شاء الله دائما وانتم بألف خير بس حبيت اسئلكم هل يمكن ان اقدم اوراقي للسفارة قبل سفري ب3 شهور تماما ...أي إن سفري ان شاء الله على 29-6 فهل يوم 29-3 بالضبط أروح أرامكس واعطيهم اوراقي ام يفضل انتظر شوية ام بالعكس لو بكرة مافي مشكلة ... والله انا محتار كثير وطالب فزعتكم حتى ارتاح من الكابوس يلي اسمه "طلعت الفيزة او ما طلعت" ؟؟؟؟ ... والشكر لكم يا أحبة ...
والسلام عليكم ورحمة الله وبركاته

عزيزي الغالي hanylan اسعد الله صباحك بالخير والمسرات..

والله يالغالي وده الحين عاجلا غير اجل ... احسن لك ولاتخاف بالامور هذي هم احرص منك يعني ماراح يعطونك الفيزه الا قبل مدة الدراسه ب 3 شهور ... يعني عادي توكل على الله وودها اول ماتقوم الصبح ...


تحياااااتي
خلووودي

استاذي العزيز كنيدين ممكن تشرح لي الرسوم لتاشيرة الدراسة لي و لزوجتي كم تكلف لاني ما فهمت هل 150 + 400 للعائلة
و الشكر الجزيل لك مقدما

الأخ mhaa1000 من قال لا أعلم فقد أفتى....

هذه النقطه مش واضحة لي واذا تقدر تتصل على السفارة راح يوضحون لك أكثر.

وسامحني يا أخي العزيز لأني ماقدرت افيدك..

السلام عليكم
شكرا للأخ كنيدين على الموضوع المفيد
بالنسبة لتعبأة النموذج هل تكتب بخط اليد عادي ولا لابد من الطباعة
وبالنسبة للخطاب التعريف من العمل هل لابد يكون باللغة الإنجليزية
وشكرا

يعطيــك العافيــه اخي كنيديــن ..

ان شاء الله بسافر لكندا سياحه في 15-7

هل اعمل فيزا الان او بعد شهر لأني سمعت انهم يحسبون مدة الفيزا من تاريخ طلب الفيزا اخاف تنتهي قبل السفر

بارك الله فيك

جلاد العيون... حياك الله

والله اذا امكن الطباعة راح يكون الشكل انيق,,بس اذا كتبتها بخط واضح باليد ما اعتقد ان فيه مشكلة..

انت نزل الفورم من الموقع http://www.cic.gc.ca/english/applications/index.html على شكل pdf وتقدر تكتب في نفس الملف ,,, اما باقي الفورمات ماراح تلاقيها الا في السفارة او في مكاتب الDHL على ما اعتقد، يعني لازم تطبع او تكتب بخط واضح...وبالتوفيق.


المغرور,,, شف.. احسب حساب ان الفيزا بعض الأحيان تتأخر.اكثر من 15 يوم.. واذا طلعت لك احسب انك لابد تسافر خلال شهرين من تاريخ الإصدار اما مدة البقاء هناك تتحدد من المطار.... وربنا يوفقك.

الاكلبي جزاك الله خير.

الأخ كنيدين ألف شكر حبيب قلبي
لكن بالنسبة لخطاب التعريف اللي من جهة العمل هل لازم يكون باللغة الإنجليزية
ولا عادي بالعربي
وشكرا

الأخ كنيدين ألف شكر

جلاد العيون’’’’

حياك,,, بالنسبة للخطاب انا عطيتهم خطاب بالعربي,,, ومشت أموري,,,, :24:

الأخ كنيدين شكرا لك مره ثانية
وخطاب التعريف جاهز بالإنجليزي وكشف الحساب كمان بالإنجليزي
وربك يسهلها

عزيزي كنيدين الله يعطيك العافية ويوفقك ...

بالنسبة لي انا موظف في شركة وابغى استقيل من الوظيفة وبعدين اسافر لدراسة اللغة فكيف اجيب خطاب تعريف وهل لو استقلت من الشركة راح يأثر على استخراج الفيزا ...علماً أن الشركة رافضة اعطائي اجازة أو بعثة يعني ما لي إلا الاستقالة

شــــاكر وقدر لكـ

سلام عليكم,,,

الأخ عابر...
ياخي :114: ياااخي :114: والله :114: موقفك :114: نشبه,,,,
طيب ماعندك احد معرفة صاحب مؤسسة او صاحب شركة او حتى محل له عضوية بالغرفة التجارية تقدر تجيب منه تعريف,,, ومش امورك,,,:101:

شكراً للتوضيح .. ممكن تساعدوني في إيجاد الفورمات 2 و 3 ، لأني لم أجد في موقعهم إلا الفورم Imm5257

و دمتم بخير

هل ممكن أحد يتبرع بالرد على سؤالي و له جزيل الشكر

هاي
اخ كنيدين يعطيك العافيه على هالموضوع ورد على الاعضاء بكل رحابة صدر الله يجزاك كل خير

عندي استفسار
بالنسبه لكشف الحساب , انا موظفة احسابي في الوقت الحالي مافيه الا كم فلس وانا راح اطلع كشف من لمدة سته اشهور بس راتبي ضخم ابي اعرف هل راح ياثر في حال ان احسابي ما فيه الا 200 دينار حاليا
او اني اسوي احساب توفير واحط فيه ما يقارب 2500 دولار كندي واطلع كشف احساب
مع العلم اني دفعت مستحقات المعهد وسكن كامله مكمله ومعي شهاده القبول من المعهد وسكن ومدة اقامتى ما تزيد عن شهرين؟

وبالنسبه ؟
.المعلومات الشخصية عن أفراد العائلة الذين سوف لن يرافقون المتقدم للسفر الى كندا.مثل(الزوج او الزوجة-الأطفال-الأب-الأم-الخوة-الخوات)تعبئ الجدول بأسمائهم كالتالي:
من اليسار الى اليمن(اسم العائلة-الاسم الأول والثاني-تاريخ ومكان الميلاد-العلاقة-الجنسية-المهنة-بلد الإقامة).

مافي الا 8 مربعات وان افراد عائلتي 9
هل ممكن اكتبي نصهم بس والا لزم كلهم؟

في انتظار الرد

السلام عليكم الجميع ,,,,,

الأخ wafi44... هذه الفورمات موجودة في السفارة الكندية بالرياض,,, واذا كنت خارج الرياض ممكن تلاقيها في مكاتب الDHL او ال ARAMEX ...

just agirl ..
حياكي الله,, موضوع كشف الحساب الغرض منه انهم يتأكدون ان الشخص الراغب في السفر لكندا عندة دخل مستمر وبه يغطي مصروفاته هناك,,, ففي حالتك اقترح لك انك تحطي اي مبلغ بقدر المستطاع يكون كبير,,, يعني مثلا شهرين هناك,,, نفترض 4000 دولار,,, مثلا,, واذا كان اكبر يكون احسن,, وإذا ما أمكن,,, جربي تعريف من العمل بالراتب بالإضافة لكشف الحساب حتى لو فيه شوي :101: .
اما دفع قيمة المعهد والسكن هذه ماتهمهم...بقدر مايهمهم وجود سيوله لتغطية مصروفات الإقامة هناك.


اما معلومات أفراد العائلة الذين سوف لن يرافقون المسافر الى كندا الغرض منه معرفة ان للشخص المتقدم روابط عائلة ترجعة من كندا,,, يعني مايروح يبلط هناك :101: .
انتي اكتبي الأقرب فالأقرب,,,ومش لازم كلهم...حتى لو 4 بس يكونوا قريبين جدا,,, مثل الزوج والأولاد, الوالد والوالدة... وهكذا,,,واذا امكن صور من اثباتاتهم ترفقينها مع الأوراق,, راح يكون دعم كويس.
والسلام.

الاخ كنيدين
انا عندي اسئلة بخصوص التأشيرة
1- انا ذاهب لتعلم اللغة الانجليزية لمدة 11 اسبوع ( اقل من 3 اشهر ) هل اقدم على فيزة دراسة ام فيزة سياحة
2- انا لم احدد المعهد الى الان هل اترك مكان العنوان في كندا فارغا ( رقم 11 في الفورم )
3- في رقم 3 في الفورم هل اختار ( Other ) او اختار سياحة و اذا اخترت ( Other ) ماذا اكتب بعد ذلك و انا لم احدد المعهد الى الان
4- بالنسبة للشيك هل اصدره على اي بنك كندي و لا هناك بنك كندي معين و ايضا كيف اتي بعنوان البنك
انتهت الاسئلة وشكرا لك على الموضوع
و لكن اتمنى منك سرعة الرد لاني سأطلب التاشيره غدا ان شاء الله

بالنسبة لباقي الفورمات تجدونها في الموقع التالي
http://www.alfifa.com/Forms/Canada/canada.htm

شكراً لكم .. لكن هذه المكاتب سألتهم .. فقط لديهم الأبليكشن الأساسي .. و ليس لديهم فورمات أخرى ,,,, و أنا فعلاً خارج مدينة الرياض ... عندي سؤال مهم

أنا عملت شيك بمبلغ 150 دولار كندي على أساس إنها تسمح بزيارات متعددة .. بدون سبب لذلك .. فهل مثل هذه ممكن يرفضوها؟؟؟؟ يعني لازم أعمل الشيك لزيارة واحدة بمبلغ 75 دولار؟؟؟ بالله أجيبوني .. لأني يفترض غداً إن شاء الله أرسل أوراق الفيزا

شباب ممكن من حصل على الفيزا في الفتره الفريبه الماضيه

يبين لنا كم اخذت فتره الحصول عليها من تاريخ تقديمه حتى استلامه للجواز



بالنسبه للاخ اللي كاتب 150دولا اعتقد انه امر غير مقبول لان المحدد 75فقط

وهذه جهه رسميه وليست تجاريه

شاكر للجميع

نفس سؤال المنتاظر

انا قدمت فيزا دراسية من يوم 31 ما رس

وجاتني اوراق الكشف الطبي يوم 4 ابريل تقريبا وارسلتها في نفس اليوم

متى تتوقعوا يجيني الجواز ؟؟

ياليت الي قدم قريب يعطينا خبر

المشاركة الأصلية كتبت بواسطة mba
http://www.arabtravelersforum.com/tr...7/#post1188657

نفس سؤال المنتاظر

انا قدمت فيزا دراسية من يوم 31 ما رس

وجاتني اوراق الكشف الطبي يوم 4 ابريل تقريبا وارسلتها في نفس اليوم

متى تتوقعوا يجيني الجواز ؟؟

ياليت الي قدم قريب يعطينا خبر




اخو لوسمحت
كم طالب مدة الفيزه

والشكر مقدما

الحمد لله جاتني الفيزا اليوم 21 /4/2007

اخذت لها 21 يوم

وانا مقدم على سنة وعطوووووووني سنة

الحين ابغى اسال لو ما سافرت الا بعد شهرين عادي اقدر اسافر واجدد الفيزا من هناك

وش الاوراق الي احتاجها لو سالني الموظف في المطار

الحمدلله
وأخيراً طلعت الفيزا اليوم
بالنسبة لي أخذت الفيزا 20 يوم من وقت التسليم إلى الإستلام
اللحين باقي الحجز :114:

السلام عليكم ورحمة الله وبركاته

ارجوا منكم المساعدة
هل استطيع السفر الى كندا بتاشيرة سياحة ثم اقلبها دراسة لاكثر من سنة
حيث اننى اريد السفر مع ابنائى وهم فى مراحل د راسية مختلفة بنت الى الجامعة وولدين لاى الثانوية العامة وبنت فى الابتدئية

افيدونى هل استطيع السفر بهم الى كندا بتاشيرة سياحة ثم اقدم لهم فى المدارس هناك واطلب لهم تاشيرة دراسة هل ستوافق الجوازات الكندية
وماذا سيكون طلبى انا وزوجتى هل نكون مرافقين بالتاشيرة نريد الجلوس لمدة اربعة سنوات ونعود الى جدة
االرجاء المساعدة بالمعلومات حيث اننى محتار

جزاكم الله خير

coka افضل شي انك تجيب لك قبول انت والمدام في معهد اكثر من ستة شهور وتقدر تمددها لمدة خمس سنوات . .

اما السياحية او الفيزا الدراسية اقل من ستة شهور على حد علمي انه ما تقدر تمددها الا اذا طلعت بره كندا وتقدم مرة ثانية . .

فانت اختصر الموضوع وخذ لك قبول في معهد للدراسة اكثر من ستة شهور

ثانكس كنيدين على الرد
اتصلو علي وقالوا انا بعثت شيك بمبلغ فيزة طالب وانا مقدمه ابلكيشن فيزة زياره

فالاخت ارتبكت وقالت اذا ينفع سوا فيزة طالب واذا لا سوا فيزة زيارة طبعا شكلهم شكو
فاتصلو مره ثانية وطلعت لي لبنانيه تقول ان ما ينفع الا فيزة سياحه قلت اوكي

قالت اشكثر مخططه تدرسن قلت دافعه حق شهرين ويمكن امدد المده الى 3 او4 او5 او6 شهور بس اكيد اقل من 6 اشهور قالت اشلون انتي موظفة يعني اشلون بتردين للبلد قلت عادي انا راح ارد مع بداية الدوامات انا مدرسة قلت وسيولة ما تكفي وانا حاطه كشف احساب فيه 7000 دولار كندي
وكشف احساب الراتب وانا راتبي كبير والحمدالله وخطاب من جهت العمل قالت لا سيولتك ما تكفي المعيشه غاليه هناك قالت انا دافعه حق الهوم ستي والمعهد حق شهرين قالت هم ما يكفي قلت زين الوالد قالت الوالد متقاعد قلت يس انا كاتبة انه متقاعد بس اهو يشتغل اعمال حره
جان تقول خلاص ما راح اديكي الا حق شهرين وجك صكت التلفون بويهي
مالت عليهم الحين مادري خوفتني شرايك هل راح يعطوني الفيزه والا لا
والله وترتني
وبعدين هل فعلا مشكله كبيره اني دزيت شيك بمبلغ اكبر من المطلوب لفيزة السياحه؟؟؟؟

السلام عليكم
اخى الكريم Mba
تحية طيبة

انا لا اريد الدراسة ولا زوجتى لانى متقاعد من العمل اريد مرافقة ابنائى الى كندا

كيف استطيع الدخول الى كندا ما هى الطريقة هل ادخل انا وبنائى بتاشيرة سياحة ثم اغيرها بعد تسجيل الاولاد والبنات فى المدارس والجامعة هل هم يساعدونى والا لا
وهل يقبلونى مرافق لهم حيث اننى ساكون الراعى عليهم
بمعنى اسجل الاولاد والبنات للسنة الاولى على حسابى الخاص

جزاكم الله خير لكل من يدلى بمعلومات تفيدنى

المشاركة الأصلية كتبت بواسطة just agirl
http://www.arabtravelersforum.com/tr...1/#post1194251

ثانكس كنيدين على الرد
اتصلو علي وقالوا انا بعثت شيك بمبلغ فيزة طالب وانا مقدمه ابلكيشن فيزة زياره

فالاخت ارتبكت وقالت اذا ينفع سوا فيزة طالب واذا لا سوا فيزة زيارة طبعا شكلهم شكو
فاتصلو مره ثانية وطلعت لي لبنانيه تقول ان ما ينفع الا فيزة سياحه قلت اوكي

قالت اشكثر مخططه تدرسن قلت دافعه حق شهرين ويمكن امدد المده الى 3 او4 او5 او6 شهور بس اكيد اقل من 6 اشهور قالت اشلون انتي موظفة يعني اشلون بتردين للبلد قلت عادي انا راح ارد مع بداية الدوامات انا مدرسة قلت وسيولة ما تكفي وانا حاطه كشف احساب فيه 7000 دولار كندي
وكشف احساب الراتب وانا راتبي كبير والحمدالله وخطاب من جهت العمل قالت لا سيولتك ما تكفي المعيشه غاليه هناك قالت انا دافعه حق الهوم ستي والمعهد حق شهرين قالت هم ما يكفي قلت زين الوالد قالت الوالد متقاعد قلت يس انا كاتبة انه متقاعد بس اهو يشتغل اعمال حره
جان تقول خلاص ما راح اديكي الا حق شهرين وجك صكت التلفون بويهي
مالت عليهم الحين مادري خوفتني شرايك هل راح يعطوني الفيزه والا لا
والله وترتني
وبعدين هل فعلا مشكله كبيره اني دزيت شيك بمبلغ اكبر من المطلوب لفيزة السياحه؟؟؟؟





صكها والله طراق على وجهها:11ight:

انا سالت بعد ماشفت موضوعك وقالي المكتب اللي اتعامل معه مافيه اقل من ست شهور للفيزا

يعني ماعليك من مس لبنن هذي

اما مبلغ ازود من مبلغ الفيزا ما ادري لكن اعتقد انه راح يرجعلك الجزء الزائد بشيك مصدق

تحياتي لك وعقبال ماتطلع فيزتي

السلام عليكم
اليوم يا شباب اتصلت علي السفارة الكندية حوالي الساعة 3 عصرا
المهم اللي كان يكلمني وحده لبنانية و تقول انك لازم تسوي مقابلة شخصية
قالت متى بتجي للرياض قلتلها انا اني ادرس بالجامعة بالمدينة ولا اقدر اذهب للرياض
خلال هذا الاسبوع فقالت متى تبي يكون الموعد قلتلها يوم الاثنين القادم 7 مايو
قالت خلاص الموعد من 9 الى 10 صباحا يوم الاثنين
استفساري هو ليش انا طلبوا مني مقابلة و غيري لا
و هل هذا يعني شي بالنسبة لاعطاء التاشيرة او الرفض
هل بالامكان اني اجعل المقابلة تكون تليفونية بدون ما اذهب الى الرياض
انا بالفورم اللي عبيته عندما طلبت التاشيرة ذكرت اني ذاهب للسياحة لكن انا الصراحة ذاهب لدراسة
اللغة الانجليزية لمدة شهرين ونص فكيف ارد عليهم لو سئلوني .
و بعدين ماهي الاسئلة اللي تتوقعون انهم يسئلوني
ياليت اللي عمل مقابلة من قبل يشرحلي بالتفصيل من اول دخوله للسفارة الى خروجه منها
ياليت تعطوني تلفون السفارة بالرياض و ايميلها

أخوي salih555 أنا بصراحة ماعندي أي فكرة عن المقابلة وكذا
لكن ياغالي إذا أوراقك كاملة وكل شي تمام
روح وماعليك وإنشاء الله وبإذن الله تطلع الفيزه
الله يوفقك وسلامتك

المعذره
هذا تلفون السفارة بالرياض 014882288
وهذا الإيميل mailto:[email protected]
وشكرا

ارجوا لمن يملك المعلومات عن موضوعى يفيدنى تكفون يا اخوان محتااااااااااااااااااااااااااااار
وشكر

المشاركة الأصلية كتبت بواسطة المنتظر-
http://www.arabtravelersforum.com/tr...8/#post1196878

صكها والله طراق على وجهها:11ight:

انا سالت بعد ماشفت موضوعك وقالي المكتب اللي اتعامل معه مافيه اقل من ست شهور للفيزا

يعني ماعليك من مس لبنن هذي

اما مبلغ ازود من مبلغ الفيزا ما ادري لكن اعتقد انه راح يرجعلك الجزء الزائد بشيك مصدق

تحياتي لك وعقبال ماتطلع فيزتي



تسلم اخوي على الرد

وابشركم حصلت على الفيزة بعد عناء الحمدالله
وحطولي 4 اشهور وكاتبين بالفيزة اسيودنت
مستغربه والله منهم اخبر دايم الى اقل من 6 اشهور يعطونه فيزه فزت المهم
مكتوب بالفيزه من 4-26الى 8-30 ابي اعرف هاذي صح معناته مدة الاقامة داخل البلد والا انا فاهمه غلط؟؟؟؟؟؟؟؟؟؟؟؟؟

وشكراااااا

المشاركة الأصلية كتبت بواسطة just agirl
http://www.arabtravelersforum.com/tr...1/#post1204411

تسلم اخوي على الرد

وابشركم حصلت على الفيزة بعد عناء الحمدالله
وحطولي 4 اشهور وكاتبين بالفيزة اسيودنت
مستغربه والله منهم اخبر دايم الى اقل من 6 اشهور يعطونه فيزه فزت المهم
مكتوب بالفيزه من 4-26الى 8-30 ابي اعرف هاذي صح معناته مدة الاقامة داخل البلد والا انا فاهمه غلط؟؟؟؟؟؟؟؟؟؟؟؟؟

وشكراااااا



:106: :106: :106: :106: :106:

مبروك وعقبالي بس انت وش يهمك الموضوع فيه

وانت راح ترجعين اساسا في حدود اول قبل التاريخ هذا

عشان المدارس الفيزا وطلعت يعني طنشي الموضوع واكيدي حجوزاتك وبالتوفيق

ثانكس المنتظر
بس احب اعرف عشان اكون على نور فاليعرف ينورني