الموضوع: كريم سبله يحدثكم من كندا ، أي استفسار انا بالخدمه

أخي العزيز كريم سبله شكرا لك على ردك ...

وعندي سؤال اخر ولا اريد ان اطيل عليك .. فانا كما قلت لك انى ناوي السفر انشاء الله للعمل .. ففي اي مكان تنصحني ان اقدم للدراسه بحيث تكون فرص العمل متوفره والسكن ايجاره معقول .. واذا كنت تعرف كم سعر ساعه العمل في سوبر ماركت مثلا وهل تنصحني بالتجربه ام لا ؟؟؟؟؟
وجزاك الله كل خير ،

حياك الله أخي ايهاب ..

والله ماعندي خلفية بأي مكان أفضل لك تبحث عن عمل أو بأي مدينه .. لكن اللي اشوفه ان في تورنتو فرص عمل كثيره .. والمدينه رخيصه .. ارخص من فانكوفر ومونتريال .. وسعر الساعه في سوبر ماركت يمكن بين ال 12 الى 15 دولار ... هذا سعر تقريبي .. والله اعلم .. لكن تورنتو جداً مناسبه للعمل .. أعرف هناك طلاب يشتغلون في تم هورتنز كفي .. وفي محلات ملابس .. وسوبرماركت .. ومبسوطين ..

بالتوفيق اخي ايهاب مرعي ..

يعطيك الف الف عافيه ونحن في انتظار تقريرك ... وبالتوفيق ... مع خالص الشكر

حياك الله عزيزي ايهاب مرعي .. وان شاء الله في الطريق

السلام عليكم ورحمة الله وبركاتة

انا لاحظت ياناس كل الاهتمام والاجابات خاصة بالشباب يعني ياعالم احنى اش وضعنل لو سافرنا للدراسة

:106: لكندا ياليت تخصونا بموضوع عنا احنى البنات بالنسبة للسكن وكيف وضعنا بالجامعات والحجاب

الله يعطيكم الف عافية مالنا غنى عنكم

وعليكم السلام ورحمة الله وبركاته ..

حياك الله اختي بنت جيّـده ..

وان شاء الله نقوم بالمطلوب عن قريب. .

صبركم علينا

اخوي كريم سبلة مااعطيتني رد بالنسبة لاستفساري
بليييييييييييييييييز محتاجة ردكم

اختي بنت جيده..

ابشري ان شاء الله بموضوع منفرد عن قريب .. هالايام مشغووول جداً .. ان شاء الله بفضى عن قريب..

السلام عليكم ورحمة الله وبركاتة عزيز كريم السبلة الموقع الموجود في توقيعك يعطي توقيت خاطئ بخصوص اوقات الاذان مثلا يعطي فانكوفر / 5,36 وبعد السؤال تبين انة 6و45 دقيقة (الحق وعدلة قبل لحد يفطر قبل الاذان وتجي فوق راسك ) محبك الجناح الأيمن ...

هلا بك يالجناح الايمن ..

الله يجزاك خير على هالتنبيه ..

ولكن الموقع معروف عالمياً بتوقيته .. وبصراحه استغربت الفارق هذا .. لكن ممكن انه يظهر وقت الصلاه في مكان معين في فانكوفر .. والله اعلم ..:101:

عموماً .. اتمنى انكم تتأكدون من امام المسجد او من المركز الاسلامي بالمدينه سواءً فانكوفر او غيرها .. حتى مايدخل في ذمتي شي ..

اللهم هل بلغت !!؟

اللهم فاشهد

السلام عليكم ورحمة الله وبركاته
,, أهلا اخوي كريم ,, ومشكور وماقصرت على كل الجهد الي سويته وجعله الله في ميزان حسناتك
ومبروك عليكم الشهر جميعا ,,
اخوي لاهنت بغيت توضح لي بعض الاشياء ,,,
انا انشاء الله بعد رمضان بعد العيد تقريبا رايح ان شاء الله كندا ,, بس الى الآن محتار
بين مونتريال ,, وبين فانكوفر ,,, صحيح يمكن يكون مافيه وجه مقارنه من حيث الي قريته عن فانكوفر ,,, بس مثل ماقلت من جهة ثانية لكثرة العرب والاصدقاء والاصحاب الي اعرفهم ,, فمابستفيد كثير ,,, ما اطيل عليك اخوي ,,
- المعاهد والجهات الي تقدم دراسة اللغة الانجليزية لغير الناطقين بها = لضعف لغتي الانجليزية =
- التكلـفة للمعاهد وبشكل عام المصاريف للسكن وغيره في مونتريال ,,,
اتمنى منك ومن جميع الإخوان الي لهم معرفة بهالاشياء توضيحها لي هذا مع جزيل الشكر لكم ,,
تحياتي

الشهر عليكم مبارك اخوي احتمال اجي لتورنتو بشهر 11 عشان موعد ابني بمستشفى الظاهر اسمه scik kidsما اعرف اي شي عن تورنتو او المستشفى ودي اعرف كيف الاجارات اذا ابستاجر بمنطقه كويسه شقه تو بادر روم بس دعاويكم معنا تطلع الفيزه لا يسون لنا سالفه والشي الثاني هل فيه مدرسه سعوديه يقدرون اولادري يكملون الدراسه او بتروح عليهم السنه وواذا تعرف كيف حايكون الجو بشهر 11 اكون لك شاكره وجزاك الله الف خير

مشكور اخوي كريم على الجهد الرائع اللي تسويه وانا عندي استفسار ان شاء الله تجاوبني عليه
ابغى اسالك عن مدينه قريبه من تورنتو تبعد عنها 80 كيلو تقريبا اسمها Okvilla او حاجه زي كذا بس مني عارف الاسبلنق صح ولا لا على العموم انا سجلت في معهد في هذي المدينه فلو تسمح لو كنت تعرف شي عن المدينه لاتبخل علينا

مشكور وماقصرت على الجهد المبذول بارك الله فيك وشهر مبارك .

كل عام وانتم بخير ...

وآسف على التأخير .. وذلك بسبب ظروف خارجه عن ارادتي ...


اتمنى ان تعذروني ..


وأي واحد مازال عنده استفسار من الاخوه والاخوات .. يكتبه مره ثانيه .. واذا حصل اجابته .. يسامحني .. والله يوفق الجميع

.. :108:

ياليت تقدر تفيدني يااخ كريم المهم انا مقدمه على فيزه لعلاج لابني وبعد كم يوم دزو بس ورقه لاجراء الفحص الطبي بس لابني المهم سوينها وتقريبا لنا اسبوعين دازين النتيجه ومن الحرص دزيت فاكس للسفاره الكنديه بالرياض اقول انه موعد ابني في 16-11 وقرب والى الحين ما جاءنا رد لاني متخوفه انه بس دزو فحص لابني مع انه انا مسافره مع زوجي وطفلين غير المريض المهم دقوا اليوم يوم الاثنين الظهر على زوجي ما اعرف هل لما جاءهم الفاكس او بس اوراقنا المهم قالت لزوجي اوراقك ناقصه نحتاج كشف من مستشفى عشان ندز للمستشفى اللي بكندا هل يقبل ابنك او قال زوجي يااختي المستشفى قبل ابني وعندك الموعد قالت مش موجود المهم قلبت بالاوراق وحصلت الموعد قال لها زوجي كلش منتهين منه واوراقنا جاهزه بس نستنى الفيزه قالت خلاص ابرجع للمسؤؤل وارد عليك ولا دقت الحين تحيرت وقلقت وش الاهمال اوراقنا وجوزاتنا وكلش عندهم ليش المماطله ياليت تقدر تساعدني مع فائق احترامي

الأخ كريم سبلة الموقر
احب اسألك انا واخوية ان شاء الله مسافرين على كندا على 1/1/2007م ومسجلين في معهد اسبكت في تورنتو لمدة 6 شهور مكثفة 30 درس اسبوعيا بالإضافة الى سكن مع العائلة مع حرصنا ان تكون كندية الأصل مع العلم أن كل واحد فينا مع عائلة مختلفة لعدم الإحتكاك سوياً فهل الفترة كافية لتعلم اللغة علما بأن السفارة لم تعطني اكثر من 6 أشهر ولك خالص الشكر لأن عمري 30 سنة تقريبا وأخي 18 سنة اعطوه فيزة طالب اكاديمي ولك خالص شكري وتقديري
ابو تركي من جدة

هلا بك اخت اها ..

أسأل الله العظيم أن يقرّ عينك بشفاء ابنك .. وأن يفرحكم سبحانه برفع البلاء عنه ..

وبالنسبه لموضوعك .. في الفورم حق الفيزا اللي اعطوك اياه .. فيه فقره فيه والله العالم انك تذكرين المرافقين معك بالسفر .. وتدرجين اسمائهم مع اسمك .. او اسم زوجك ..

عموماً .. اذا كانت قالت لكم كذا ان اوراقك ناقصه .. وشيّـكت وحصّـلت ورقة الموعد ، فـ إن شاء الله ان الفيزا تطلع خلال بكره ( الاربعاء ) او الخميس ان شاء الله .. واذا ماطلعت .. يوم السبت ارسلوا فاكس ثاني نفس اللي ارسلتوه وزيدوا فيه انهم اتصلوا فيكم يقولون ان ورقة الموعد مهب موجوده ، وبعد البحث تبيّـن انها موجوده .. وانكم كلـّـكم أمل في أن تنهى اجراءات الفيزا قبل الموعد المحدد حتى يتسنّـى لكم ترتيب أموركم للسفر... واكتبوا في النهايه انه مرفق بهذا الفاكس صوره من موعد الطفل ..وارفقوا معه صوره من الموعد .. وربّـك يسهّـل وانا اخوك ..

المشكله انه مهب دائره حكوميه نقول نرسل خطابات ونكثّـر من الفاكسات ... ممكن لو ترسلون كل يوم فاكس او كل يومين ينزعجون .. فـخلّـيها فاكس ثاني يوم السبت .. والله يعجّـل بخلاص اوراقكم . يارب




اخوك .. كريم سبله

الأخ كريم سبلة الموقر
احب اسألك انا واخوية ان شاء الله مسافرين على كندا على 1/1/2007م ومسجلين في معهد اسبكت في تورنتو لمدة 6 شهور مكثفة 30 درس اسبوعيا بالإضافة الى سكن مع العائلة مع حرصنا ان تكون كندية الأصل مع العلم أن كل واحد فينا مع عائلة مختلفة لعدم الإحتكاك سوياً فهل الفترة كافية لتعلم اللغة علما بأن السفارة لم تعطني اكثر من 6 أشهر ولك خالص الشكر لأن عمري 30 سنة تقريبا وأخي 18 سنة اعطوه فيزة طالب اكاديمي ولك خالص شكري وتقديري
ابو تركي من جدة


هلا بك ابو تركي ..

بالنسبه للمدّه .. اذا كان مستواك زيرو في الانجليزي .. فهذي مدّه لاتكفي .. أعرف ناس على 6 شهور .. ماتطوّروا ولا حتى نسبة 10 في الميه .. يعني التأسيس هناك مايفيدك أبد .. أفضل طريقه لتعلّـم اللغه .. هي انك تأسّـس هنا .. على الاقل تعرف كيف تركب جملتين على بعض .. وتطلب من مطعم .. تكلم راعي تكسي .. توصّـف مشوار .. كيف تقول الاعداد صح .. لأن هناك ماحد بيقعد يفهّـمك ويجيك بالشارع ويشرح لك بالظبط .. والمعهد ممكن يعلمك على الاشياء هذي .. لكن لو ماتاخذ عنها فكره مسبقه .. وتمارسها قبل لاتجي .. تخطيء فيها وتصيب .. وتصحّـح لنفسك .. وتعلّـم نفسك .. ولا ماينفع

هذي وجهة نظري ياغالي .. ومن الواقع .. ومن اللي شفته هناك .. ولاحظته على اغلب الطلاب السعوديين ..

وبالنسبه لاحتكاكك مع اخوك .. انا اقولك لازم انكم تحتكّـون يومياً .. حتى لو ماكان في اول الاسابيع .. لكن ماراح تطوّلون بعيدين عن بعض .. تقول مثلاً في الويكندز بس بشوفه او اكلمه او بالمدرسه بس .. يتزهق ويدقك الطفش وبتقول مالي الا اخوي .. بس حاول على الاقل انك تتكلم معاه بالانجليزي وتصحّـحون لبعض ، وتعلّـمون من بعض خصوصاً انه ماراح يكون فيه حرج انك تطبّـق اللي تتعلّـمه في المدرسه مع اخوك ..

وبخصوص الفيزا ..

والله ياخي مدري كيف طريقة هالسفاره .. تمسيكات ..

بس فيزتك افضل من فيزة اخوك .. لأن بفيزة الزائر يمديك تشتغل .. وتطنّـش المدرسه لو حبيت واذا ماعجبتك ، أو شفت انه الفائده في الشارع اكثر من المدرسه ، وحبيت تفصل منها وتتمشى في كندا وتعلّـم من الشارع .. مااحد يقولّـك شي .. لأنك تعتبر زائر ( سائح )

لكن اخوك لو بزوط وراح يمين ويسار .. وحاول يسوي مثلك .. وكفشوه .. على طول خروج نهائي

وان شاء الله تكون الفكره وضحـت ..؟

مشكور اخوي كريم ردك علي تطمنئي واتمنى انه الفيزه تخلص لانه معاد فيه صبر دعاويك معنا وجزاءك الله الف خير

الأخ كريم سبلة المحترم
السلام عليكم
أولا أشكرك جزيل الشكر على ردودك السريعة على الإستفسارات وفي نفس الوقت المرحة
ما اتوقعت انك ترد بسرعة جزاك الله الف خير
واحب اقولك انه مستواي في الإنجليزي جيد مش زيرو تقريبا 30 % يعني أمشي حالي بالراحة
يعني اتوقع المدة كافية ولا أيش رايك مع حرصي اني بأحتك مع اجانب قدر الإمكان والله ييسر
وان شاء الله ما أحتك مع اخوية كثير قدر الإمكان بس حبيت يقدر الواحد يمدد فيزته ابو 6 شهور وهو هناك في كندا حتى لو يمدها 3 اشهر ولا لازم تغادر البلد وترجع وبعدين تقدم فيزة جديدة؟؟؟؟؟
الله يعطيك العافية يا أخ كريم واتعبناك معانا......
ابو تركي
17/10/1427هـ
12.30م

الله يشفي ابنك من اللي فيه .. ويفرحكم بسلامته عاجلاً غير آجل ..

اذا كان مستشفاكم في تورنتو .. انا مره واحد كندي قال لي ان هالمستشفى نم افضل المستشفيات في العالم لعلاج الاطفال .. وان شاء الله يكون هو .. والشفاء من الله عز وجل قبل كل شي ..

اخوي كريم سبلة الموقر
أشكرك جزيل الشكر على ردودك وتعاونك مع الإخوة الأعضاء
واذا في خاطري سؤال عاد استحملني
الف شكر
ابو تركي

حاضرين بأي وقت وانا اخوك ..

فبالنسبة للفيزا احضر قبول من المعهد لأاكثر من ستة شهور مثلا تسعة ومن ثما سوف تعطيك السفارة فيزا طالب لاكثر من ستة شهور

يعطيك العافيه ياخالد على الاضافه ..

السلام عليكم أخوي كريم الموقر
عندي بعض الإستفسارات حاب استشيرك فيها
زي ما اخبرتك اني طالع كندا على 1/1/2007م للدراسة وانا وأخوية بس عندي شروط في العائلة سأمليها المكتب لأنه سمعت انه من البداية تقول شروطك وشروطي هي كالتاي:-
1-لا يكون هناك طالب عربي ساكن معاية في نفس العائلة ولا يكون مستضيفين اكثر من 2 طلاب
2-ان تكون العائلة يتحدثون الإنجليزية بطلاقة ويفضل كنديين الأصل
3-لديهم أطفال فوق 10 سنوات لأني صراحة ما ابغى وجع الدماغ من اطفال صغار مرة
4-يسمح لنا باستخدام المطبخ
5-عائلة قريبة من وسائل المواصلات
6-لديهم خدمة الإنترنت ويفضل واير لس
7-ان يكون هناك تلفزيون في الغرفة الخاصة بالسكن واذا لا يوجد ان أقوم بشرائة وتركيبة في غرفتي الخاصة
هل هذه الشروط مقبولة يا أخ كريم وعادية تعتبر ومن حقي أم ما وجهة نظرك
بعدين على فكرة كيف نظام الغسيل عندهم انا سمعت بالمكائن من الخارج تشوف لك مغسلة بالقروش؟؟؟
مع خالص شكري وتقديري
ابو تركي - جدة
السبت 20/10/1427هـ
11.15ص

حياك الله اخوي ابو تركي ..

بالنسبه للعائله .. أنت وحظّـك بصراحه .. بعضهم يوفّـر لك اللي تبيه كلّـه ببلاش وبدون مقابل .. وبعضهم يطلب عليك .. يعني مثلاً التلفزيون .. اعرف واحد من الشباب حطوا له تلفزيون في غرفته .. ومجّـاناً .. جايبينه له ..
وبالنسبه للأطفال من 10 سنوات وفوق .. كويس .. يمديك تتكلم معهم وكذا .. والبزر ممكن يفيدك ويروح معك ويدلّـك على الاماكن القريبه من البيت .. خصوصاً اذا كان من 12 الى 14 سنه .. يكون فاهم ويعرف ..

وبالنسبه أنهم يتحدثون لإنجليزيه بطلاقه.. ممكن يكونون بطلاقه .. لكن كنديين الاصل .. الله اعلم .. اغلب المعاهد مايوفرون .. لكن انت وحظّـك .. والله يطرحك في عائلةٍ مبروكه يارب ..

والمطبخ عادي .. اتوقع مافيه عائله بتقول لك ممنوع .. تقدر تدخل وتطبخ على كيفك وتسوي اللي تبي .. بس اللي ممكن يدقّـقون فيه .. الغداء في ايام الاسبوع .. مثلاً .. ايام الاسبوع ممكن العائله غير ملزمه انها توفر لك غدا .. بالنسبه لي .. عائلتي كنت اتعشى واتغدى وافطر وآكل سناكس بين الوجبات في ايام الاسبوع وغيرها.. ولا قالوا شي .. بالعكس كانوا يقولون لي .. اذا حسيت انك جوعان لو في نص الليل تنزل تاكل .. المطبخ مليان .. يعني انت وحظّـك ..

وشدّد على فكرة الانترنت .. بعض العوائل ماعندهم .. واذا جيتهم قالوا خلال اسبوعين بنركّـب .. وبعضهم يقول لك عندنا اطفال ونخاف اذا جبنا انترنت ينشغلون عن الدراسه .. يعني اعذار فاشله يبونك ترحمهم .. ماعليك منهم .. قل لهم توفرون لي ولا لا ؟؟ اذا قالوا بنشوف ولا بنفكر .. ولا خلال اسبوعين او ثلاثه .. الخدمه غير متوفره على خطّـنا .. غير العائله في الحال .. الا اذا كنت شايف ان العائله جيده من جميع النواحي وتقدر تصبر من الانترنت .. وخايف تطيح في عائله ملعونه .. فأنا انصحك انك تقضب ارضك

وبالنسبه للغسيل .. بعض العوائل تغسّـل لك مجّـاناً .. وبعض العوائل تغسّـل لك بفلوس يعني بالاسبوع تعطيهم 5 او 10 دولار .. على حسب .. وبعضهم يقول لك .. انت بالخيار:

أما تغسّـل لنفسك ولا تعطينا ملابسك نغسلها ونكويها لك .. واذا بتغسل لنفسك مجاناً مايحاسبون عليها .. بس الله اعلم ممكن تطيح لك في معهد وعائله ملاعين .. عشان كذا ركّز انك تطلب عائله يغسلون لك مجاناً .. واذا قالوا مافيه قل خلاص انا اغسّـل .. واذا شايف ان مالك خلق تغسّـل .. عطهم فلوس وريح نفسك .. تجي البيت تحصل ملابسك جاهزه ..

مهب مثلي انا .. ام العائله ماكنت اشوفها الا كل ثلاث ايام .. واكرف على وجهي كل يومين اغسل واكوي وانظف

خخخخخخ

وتروح وترجع بالسلامه ياغالي .. وبالتوفيق ..

المستشفى في تورنتو وفعلا هو افضل مستشفى بس كيف الاسعار يعني اذا ابستاجر شقه تو بادر روم في منطقه كويسه وامنه وهل فيه مدارس سعوديه هذا اذا طلعت الفيزه اليوم السبت ولا دقوا ولاعصاب الله بالخير والنفسيه عليها السلام الله يعطيني الصبر ويسر الامر مع انه الموعد الخميس القادم ولا فيه جواب

الأخ كريم الموقر
الله يعطيك العافية على اجوبتك بتفيدني كثير والله ماقصرت وجزاك الله الف خير على ردك السريع
ونخدمك في الأفراح اذا كنت منت متزوج ولا ما بتعزمني في زواجك؟؟؟؟؟
لك خالص الشكر والتقدير
ابو تركي - جدة
4.30 م

هلا بك اختي اها ..

المستشفى هذا يمدحونه .. وممتاز جداً .. وفيه أطبّـاء عرب ( وأظتهم سعوديين ) على كلام الكندي .. وانا شفتهم بالمسجد وصلّـيت معهم (( مسجد تورنتو مقابل المستشفى )) .. وبالنسبه للسكن .. حدّدي لي نوع السكن .. مؤثث ولا غير مؤثث .. قريب من المستشفى ولا بعيد؟؟؟؟؟؟؟ على فكره المستشفى في الداون تاون ،، يعني بيكون غالي السكن لو بالداون تاون جنب المستشفى .. ولو تعطيني اسم المستشفى .. بجيب لك اقرب وارخص سكن قريب جنبه ..

ومبدئيّـاً .. على حسب ماذكر ان اقرب شي له هو دنداس مع تقاطع bay .. وجبت لك ارخص شي وهو .. شهرياً 3295 دولار ..

وهذا الموقع .. واتوقع انه اقرب شي لكم ..

http://www.44com.com/locations.html

وشوفي اللي يريحك .. وان شاء الله اخدمك لو زودتيني باسم المستشفى وعنوانه ..

قبل يوم الثلاثاء .. لأني مسافر الثلاثاء الفجر ان شاء الله..

وان شاء الله تبشرينا ان الفيزا طلعت ..

هلا بك ابو تركي ..

حاضرين للحبايب .. نزعمك ليش مانعزمك .. وحنا نقدر نفوّت عانيّـتك؟

يامرحبا بك في اي وقت وانا اخوك ..

مشكور اخوي كريم اعتقد المستشفى اذا مو غلط بالاسبلنق sick kids ما تلاحظ انه ثلاث الاف دولار كثيره وهو هو موئثث ابي شي مريح ويكون قريب لانه احيانا يضطر زوجي ينام مع ابني اذا اجريت له عمليه وبالتالي اجي للمستشفى لحالي وتعرف معي كدز ودي شي مريح ويكون امن فيه ونظيف ومؤثث واذا ما قدمنا الا ابو 3 الاف دورلا بس غرفتين ما كو مشكله هذا شي الشي الاخر اذا احتاج اجيب احد يخدمني لانه احتمال اولد هناك اذا تطلعت الفيزه وتعرف بلد ما اعرفها ولا اعرف احد فيها يعني احتاج احد يساعدني بالكدز صح طولت عليك اتمنى القى الاجابه واليوم الاحد ولا فيه خبر مع العلم انه دزيت فاكس امس لهم وانتظر الفرج دعاويك معنا

لاحول ولا قوة الا بالله .. للحين ماطلعت الفيزا؟؟؟

الله يكون في عونكم .. وان شاء الله بكره عندك عناوين الشقق بالتفاصيل ..

وبالنسبه للرعايه .. والله ماعندي خلفيه عنها .. والله العالم ان فيه ناس يجونك بالساعات .. لكن انا راح اتصل بكره على ام العائله اللي كنت عندها بكندا .. واستفسر منها .. وماراح تقصر ..

بكره ان شاء الله اجيب لك الاخبار بالتفصيل .. بإذن الله

والله ييسّـر اموركم ..

اخوك / كريم سبله

أخوي كريم ...

كل التحية والتقدير لك يالغالي على تعاونك الواضح مع كل الاعضاء وهذا ان دل على شيء فما يدل الا على طيبك ...

أخ كريم .. أنا مخطط (بإذن الله) أسافر مع زوجتي وطفلي إلى كندا الصيف الجاي شهر سبعة أو ثمانية

ومحتاج الحقيقة بعض النصايح منك بخصوص :

1) الفيزا ممكن اطلبها من الحين وتطلع وتنتهي صلاحيتها ، فالأفضل أطلعها بأي شهر ؟؟
وهل بيطلبون مني مقابلة مع زوجتي والا تطلع الفيزا دون الحاجة للذهاب للسفارة؟

2) هل فيه موقع موثوق بالانترنت يعطي حجوزات مؤكده للفنادق بكندا؟؟

3) ما رأيك بالموقع هذا http://canada-hotelguide.com/hotels/Canada/index.htm

اتمنى ماكون ثقّلت عليك بأسئلتي يا كريم ويعطيك الف عافيه مقدماً على تعاونك يالغالي

هلا بك اختي ..

حصلت لك كذا سكن وبيني وبينك .. والله الداون تاون غاليه مره .. ماحصلت اقل من 2000 دولار .. الا وحده بـ 1900 دولار ..

وهذي خارطه تبين موقع المستشفى ..





حصلت سكن بـ 1900 دولار في الشهر .. باين عليه ممتاز بصراحه مواصفاته على هذا الرابط

http://toronto.craigslist.org/apa/233794882.html


وحددت لك وجهته للمستشفى على الخريطه





وهذي بعض المواقع اللي ممكن تكون الاقرب للمستشفى .. مع اسعارها التفصيليه

http://www.glengrove.com/downtown/conservatory.html

و

http://www.apts-intl.com/suite.asp?id=penrose

هلا بك اخوي هاوي الطبيعه ...

الله يبلّـغكم اللي تخططون له بالسلامه ..

وبالنسبه لاستفساراتك ..

1) الفيزا تطلبها قبل السفر بشهر ونص على الاقل .. لأن في الصيف يكون زحمه على الفيز .. وممكن تاخذ لها شهر بالراحه .. فـرتّـب أوضاعك من بدري عشان ماتسوي زي ماسووا ناس قبلك الصيف اللي راح ..

وفي الغالب مايطلبون مقابلة زوجتك الا في حالات نادره جداً .. واللي اتوقعه انهم ماراح يطلبون مقابلتها ..


2) بالنسبه لحجوزات الفنادق .. والله ياغالي ماعندي فكره .. لكن ممكن الأخ Keep Away يفيدك .. لأنه سافر الصيف الماضي .. وحجز في فنادق .. وممكن يفيدك من خلال تجربته .. ماأبي اقولك شي وأوهّـقك وانا اخوك ..

3) الموقع شكله قوي بصراحه .. لكن ماأدري هل هو مضمون أو لا .. ولكن اللي اشوفه انه والله العالم مضمون .. لأنه شغال من 1996 .. وله وكلاء .. وممكن تراسلهم وتستفسر ..


والله يوفقك ياحلو ،


اخوك

كريم سبله

الله يعطيك العافيه اخوي كريم بس متاكد انه نفس المستشفى اللي ابغاه لن اسمه scik kidsيعني متخصص بالاطفال وشكرا مره ثانيه دعاويك معنا يفرج همنا

كل الشكر لك يا كريم على جوابك الوافي والمفيد

بقي عندي استفسار بسيط ..

تعلم بأن السفارة تطلب كشف حساب لثلاثة اشهر تقريباً .. لو افترضنا بان الحساب فيه مالا يتجاوز

عشر الاف ريال ، فهل هناك مشكلة؟؟ أم يجب أن يكون هناك مبلغ أكبر ليتم الحصول على الفيزا؟؟

كل التحية لك يالغالي

الأخ كريم سبلة المحترم
احب اقولك انه المكتب ارسل لي رسالة وأخبرني أن السفارة رفضت اعطائي تأشيرة للدراسة لمدة 6 شهور والسبب غير مقتنعين ما تعليقك على هذا الكلام ، أما أخوية لسه يدرسون الطلب ، انا قلت امكن لما شاوفوا العمر 30 سنة قالهم عقلهم هذا رايح يهاجر ولا ايش رايك انت في الموضوع؟؟؟؟
هل في مجال نراسلهم مره ثانية ولا ما ينفع وافكر اروح الى استراليا وأخويه الى كندا اذا وافقوا على تأشيرته هو كمان؟
علماً بأني مستوفي كامل الشروط من كشوفات حساب لآخر ستة أشهر وجوازي ساري المفعول ودفعت كل اللي مطلوب مني ؟ بس ما أدري ايش مشكلتهم بلى في شكلهم تقوا احد يشحتهم؟؟؟؟؟

الله يستر رفضوا يعطونك الفيزه احنا مقدمين من نص رمضان والى الحين ماجاءنا الرد علما بانها فيزة علاج الحين دقتني الهواجيس اخاف يرفضون مثلك

السلام عليكم ورحمة وبركاته
اتفاءل خير يا اها ان شاء الله خير بس احب اقولك انه اتفاهمنا مع السفارة وبالعافية قال يحضر صاحب الطلب الى الرياض ويتقابل مع نائب القنصل ويتفاهم معاه وانا مسافر الجمعه في الليل عشان اقابل سعادته يوم السبت بين الساعه التاسعه والثانية عشر والنصف ظهرا
بس حبيت اسال في أحد يعرف مقرهم فين في الرياض جزاكم الله خير وربنا يستر ودعواتكم
ابو تركي جدة

تقرير قمة من الروعة شكرة على هذا الابداع المستمر

خلاص عرفت مقرهم في الرياض جزاكم الله خير
ابو تركي - جدة

الله يوفقك ويعطونك الفيزه وعقبالنا يفرج همنا

اقول جالسه انتظر الفيزه واستشرت نفسي ودقيت عليهم طلعوا يبون اوراق عشان ينهون الفيزه وهي منو اللي متكفل بالعلاج ويبون تقرير من الجراح وش بيسوي لابني يالليل ما اطولك الشغله مطوله

هلا بكم جميعاً مره ثانيه ..

وآسف على التأخر في الرد .. وذلك بسبب سفري ..

بالنسبه لأبو تركي .. والله زي ماقلت لك .. مسكات هالسفاره .. على كيفهم يرفضون ويوافقون .. وعلى كيفهم تكون المدّه .. مره اسبوعين وتخلص الفيزا .. ومره شهرين وماتخلص !!


وان شاء الله تكون مقابلة القنصل نتيجتها ممتازه .. وننتظر من الاخبار

اخوي هاوي الطبيعه

10 الاف ريال ماتكفي وانا اخوك .. يعني 2500 دولار تقريباً ؟؟؟ ... ماتوقع انها كفايه ..

حاول يكون فيه من 4000 دولار وانت طالع .. وأضمن لك

وبالتوفيق وانا اخوك

اختي اها..

ايوه هم قريبين جنب بعض هذا اذا ماكانوا في نفس المبنى ..

والله يكتب اللي فيه الخير .. وكل تأخيره فيها خيره ..

وتذكّري ان الشفاء أولاً من الله عز وجل وليس من مستشفى ولا دكتور .. يعني خلّـي أملك بالله أولاً ..

الله يشفي ابنك يارب ..

الصحافه..

ياهلاا بك وانا اخوك .. منور الموضوع

تسلم ..

السلام عليكم
الأخ كريم سبلة الموقر
تحية طيبة وبعد
نورتنا اول شيء والحمد لله على سلامة وصولك لكندا
احب اقولك اني سافرت لللاياض وقابلت مسؤول الفيز والله ماعنده سالفة اول شيء قالي انت عارف ليش جاي قلت له عشان الملاحظات اللي ارسلتوها ليه تقولوا غير مقتنعين وبعدين قالي اول شيء اوراقك ناقصة ماهي كاملة قلت له اول شيء مو انا معبيها هذا المكتب اللي عباها ليه وارسل المعاملة طبعا بعد ماوقغت على بعض اشياء في الأبليكيشن بعدين قالي انت تقدر تاخذ اللغة في بلدك هنا مش شرط تسافر قلت له اولا انا مسافر مع اخوية لأنه صغير وانا حكون مرافق له للدراسة وبعدين بارجع وهو حيكما دراسته الجامعية هناك المهم ما طول معاية وقالت لي المترجمة اللي بيننا انت ارسل طلب جديد بمعاملة جديدة واكتب كل شيء قلته فيه وارسل خطاب من عملك انهم موافقين يعطوك اجازة لستة اشهر وخطاب تعريف من العمل رغم انه خطاب التعريف ارفقته في المرة الأولى وضمان مالي من ابوك انه يتكفل بكافة المصاريف لأسرتك اثناء غيابك لأني مار اح اخذ اسرتي معايه وترسل شيك جديد اقولك فيلم هندي المهم بعدين قفل شباكة وانقلع الله يقلعه بعدين سالت الموظفة لاتكون معاملة جديدة ووقت جديد شهر قالت لي لالالالا تقريبا اسبوع فقط ان شاء الله تكون صادقة لأنها معاملة مرتجعة وفي لها رقم عندهم حتى في نهايو جوازي مكتوب رقم معاملتي ،،،، طولت عليكم ولكن هذا اللي حصل معاية
والله يستر انشاء الله والله انهم ماعندك احد في السفارة قاعدين يشربوا شاهي وقهوة ويقروا جرايد
والسلام عليكم
ابو تركي
جدة

الله يعينك .. والله من جد فلم هندي ...


بس كلامهم صحيح المعامله لها رقم عندهم .. يعني بيعرفونك لو ارسلت مره ثانيه وماراح تطول الشغله .. ومادام انها قالت ارسل مره ثانيه .. ان شاء الله الأمور بتتيسّـر ..

وماتدري وش الخيره فيه وانا اخوك


بالتوفيق

فلم مكسكي يابو تركي اجل احنا طالبين منا خطاب من الجراح كم يحتاج ابني يجلس الحين الجراح ما شافنا وشلون يقرر المهم اقلقتهم كل شوي دازه فاكس اخرتها قبل شوي قلت ابني تاخر بالدارسه وكلش وانتم واقفين على الخطاب والحين اجازة اعياد خلصونا بعد نص ساعه دقوا قالوا لازم الخطاب قلت اقولكم الجراح يمكن ما يعطينا قلت فيزتكم موقفه على الخطاب هذا قلت ليش كل العالم اللي يرحون يعالجون لازم الخطاب هذا قالت يعتمد والله شغله شكلهم يعجزون فينا ياليت احد في تورنتو يقدر يخدمني يروح للمستشفى يزعج ابوهم مع اني كلمت المكتب الصحي بواشنطن بس يبي لهم سنه على ما يطلعون خطاب الجراح وشكرا

الله يعينك يا أها اقولك فلم هندي بس انتي حاولي معاهم بس هما ترى ما يحبو القلق الزايد بس ماعليكي منهم وبعدين خلي الجراح يرسل ايميل ليكي وانتي ارسليه للسفارة عشان اختصارا للوقت والله يشفي ولدك ان شاء الله وجميع المسلمين والله انا زيك معلق ارسلت اوراقي لهم ومنتظر الرد وربك يجيب الخير بس انتي كملي اوراقك من بدري عشان لا تتأخري وربك كريم
ابو تركي - جدة

الله يعينك اختي اها .. والله اني ادعي لك ولولدك .. عسى الله يعجل بخروج هالفيزا ..

طيب كلمي المستشفى .. وحاولي انك تطلبين الدكتور .. أو المسؤول الطبّـي واشرحي له الوضع .. وان شاء الله ماراح يقصرون ..

انصحك انك تكلمينهم وتزعجينهم .. لاتجلسين كذا تقولين يمكن السفاره تهوّن من الخطاب .. لأن السفاره باين ان طلباتهم تعجيزيه .. بس خلّـك صامله وقويّـه ..

وبالتوفيق يارب

الأخ الكريم كريم سبلة أحييك على اسلوبك الرائع وتفانيك في مساعدة الناس وتدينك ماشاء الله. هذة أول مشاركة لي بلمنتدى لأني كنت أقراء وأستفيد فقط , وأشكر القأمين على المنتدى لأنة كان دليل رائع قبل سفري.أنا اخطط أن شاءالله للسفر سياحة هذا الصيف لكندا أنشاء الله . ولكن أريد ان اعرف منك لو تكرمت ماهي أفضل طريقة مواصلات لعائلة معها أطفال أصغرهم اربع سنوات؟ وهل Suites at 1 King west جيد للسكن في تورانتو خمس أيام؟

أخوي كريم سبلة تراني بأصير نشبة لأني أثق بمعلوماتك وأحب أجهز من وقت.نسيت أسألك ماهي أفضل محطة للوقوف فيها من الدمام/البحرين إلى تورانتو اذا كنت بأروح ع ألأماراتية وعلى اي خطوط اكمل بما انك تذم الكندية؟ ولو تكرمت وش معنى ( سبلة)؟ شكرا

حياك الله nhk ..
أشكررررك على هذا الاطراء ..
وابشر ان شاء الله لي عوده لأجيب على اسئلتك ..

تحيا وتدووم حبيبي .. وحياك الله ياغالي ..

وبالنسبه لأفضل طريقه للمواصلات .. مالك الا باصات .. لأن التكاسي غاليه .. والسكن حقك بالداون تاون .. يعني كل شي بيكون في متناول اليد .. ولكن نوعية السكن اللي بتسكن فيه .. ماعرفه والله ولا قد شفته او سكنت فيه .. لكن انت حاول انك تاخذ فندق 5 نجوم وتريّـح نفسك .. أضمن وأريح وآمن لك ولعيالك .. لأني اشوف السويتز ماهي آمنه كثر الفنادق .. والله اعلم .. لكن السكن اللي قلت عليه في تورنتو الداون تاون ..

وحياك الله وانا اخوك أي سؤال بقدر اجاوبك عليه .. من عيوني والله .. وتبي نصيحتي ..

خل لك خطووووووووط دايركت .. اللي هي طيران الاتحاد .. من الدمام او البحرين (( ناسي والله )) الى ابو ظبي .. تجلس تقريباً يوم في أبو ظبي .. وتطير من هناك على تورنتو دايركت .. اريح لك ياشيخ من الترانزيت .. وخصوصاً معك اطفال .. اشوف اريح الدايركت .. واذا ماتبي دايركت .. عليك بالبريطانيه .. ممتااااااااااااازه .. بحرين لندن تورنتو :24:

الفرنسيه ..

الرياض باريس تورنتو ..

هذي ممتازه بعد .. مجربها واحد من اخوياي:x1:


بس لاتفكر تروح على الكنديه ابددددددددددددددددددددددد :112:

وبالنسبه لسؤالك عن معنى سبله ..

هو اللقب هذا "كريم سبله" كناية عن الكرم اللامحدود .. والله العالم ان معنى سبله .. انها مدينه مشهوره بالكرم .. وصار ينسب الشخص الكريم الى تلك المنطقه ... هذا من المعلومات اللي اعرفها .. والله العاااالم .. مو متأكد ترى اذا احد عنده معلومه ثانيه لايبخل علينا .. لكن الاسم زي ماقلت لك :113:


واي سؤال ثاني .. لاتردد

اهلين اخوي كريم سبلة ...
حبيت اوضح ان الخطوط الاتحاد ... زرتهم الاسبوع الماضي في الرياض ...
وراني صور للطيارة اللي تروح لكندا واااااااااااااو حلووووه مره خصوصا درجة رجال الاعمال ...
بالنسبة للخطوط هي تقلع من الرياض على ابوظبي ( ثلاث رحلات في الاسبوع الاحد الثلاثاء الخميس ) وتجلس في ابوظبي 12 ساعة وعلى حسب درجة حجزك ... وعلى فكره طيارات اللي تروح كندا مافيه درجة اولى بس بزنس وسياحية ( اذا انت طالع على سياحية تجلس 12 ساعة في فندق 3 نجوم ) وبالنسبة للإقلاع من ابوظبي للأسف ماهو دايركت على تورنتو ( توقف ساعة بس في مطار بركسل بلجيكا ) ...
هذا اللي حبيت اوضحة ...
واشكرك على جهودك .... وعندي احساس انك راح تكون مشرف ....

الأخ أموت بالسفر صح كلامك انا سألت قالي نفس الكلام من جدة الى ابو ظبي ون ثم الى بروكسل لمدة ساعة للتزود بالوقود ومن ثم دايركت الى تورنتو
لأنه ان شاء الله اذا اتسهلت الفيزا وطلعت راح اسافر على اتحاد الإمارات يمدحوا فيها مررررررررة
وربنا يعين
ابوتركي - جدة
يا أخ كريم تقريرك بارك الله فيك كمله متشوقين له حيل