يامال الغناة ياكريم ....الله يجعله بموازين حسناتك......
وبيني وبينك لاتقولي عامل جمال المدينه لايهم .. لأنه والله انك راح تحتاج ان المدينه تكون حلوه
وش ما كانت المدينة ...راح تصير ازين من الدمام......تعال شف الحر اللي حنا فيه.....تشلوطنا :icon_shak
ولو بغيت نسبه تقريبيه اتوقع ان في السنه ماراح يقل عن 70 الف ريال .. معيشه وماشابهها
70 الف ريال شاملة مصاريف الجامعة والسكن والا بس المعيشة .....ياليت توضح اكثر.....لاني سئلت مكتب بالدمام.....وارسل ايميل الى منظمة مسئولة عن الجامعات بكندا يعني زي وزارة التعليم العالي عندنا.........بعد ماجاه رد منهم ...ارسلي نسخة... وكان الرد أن الدراسة تكلف شاملة كل شئ مايعادل 70 الف ريال سنوياً.....( دراسة ، سكن ، معيشة )
نقطة اخرى
أيش المدينة اللي انت تعتقد انها مناسبة للدراسة من وجهة نظرك....
وكمان سمعت بعض الجامعات مايحتاجون التوفل...يعني ممكن انك تخلص المعهد التابع لهم....وتكمل بالجامعة بدون توفل
اشكرك ياكريم ...والله يوفقك بدنيا واخرة على مجهودك بالمنتدى
تسلم حبيبي كريم بس شوف يالغالي ،
أنا أبي اسافر ثلاث شهور من مكتب في السعودية حلوو وبعد هالثلاث شهور أبروح لأرض الله الواسعة ههههه فيه مشاكل يعني او كيف يعني بسوي مثل ولد عمي له خمس سنوات في أمريكا ويشتغل وماعنده أقامة يعني أقدر اسويها او فيه خطورة ومحاكم وتسفير لغونتنامو وحركات هههههه هاااه يالغالي ؟
حبيبي كريم والله يأنك سنايدي يالغالي والله يزيد من أمثالك بس أبسئلك يالغالي أنا ناوي أسافر عن طريق مكتب لثلاث اشهر حلو وبعد هالثلاث اشهر اسحب على العالم وأدور وظيفة واشتغل بنظام الساعات عندهم بس مادري فيه خطر علي او لا ؟ لاني كلمة واحد زميلي هناك له سنتين يشتغل يقول تعال ومالك الا اللي يجيب لك وظيفة يقول فيه وظايف وماعليك وبدبر لك عروسة يقول ههههههه فمادري يالغالي وش رايك انت يعني أتوكل على الله وأجي ،،،، وبعدين أنا انشالله ماودي اسافر الحين تعرف العطلة هينا كل العرب هناك عندكم ابيها مثلا بعد رمضان او في شهر 10 وش رايك في كلامي ؟
وأبي منك نصيحة طال عمرك وش تنصحني في أي منطقة يعني ممكن استفيد منها واحصل عمل تقريبا ؟ وكم بيكلفني في الشهر تقريبا مع المواصلات وكل شي ؟ وياليت تعطيني اياها بالريال السعودي ؟ وأسفين وعارفين اننا تعبناك معانا يالغالي بس بنجي عندك وبنعوضك عن تعبك ههههههه .
ودمتم سالمين ..
هلا بك بسام ..
على حسب الجامعه اللي بتدرس فيها وانا اخوك بتكون التكاليف .. والسعر اللي عطيتك اياه شامل كل شيء .. وانا سمعت مثلك ان بعض الجامعات مو مايطلبون توفل .. لكن متساهلين في درجة التوفل اذا اخذته من نفس المعهد حق الجامعه .. ولكن لابد تأكد من النقطه هذي لأني مو متأكد منها ..
وبالنسبه للمدينه اللي اقترحها عليك وبدون منازع تورنتو .. لأنها حلوه .. وبنفس الوقت قريبه من المناطق الحلوه مثل كيوبك و مونتريال ونياقرا ..
وبالتوفيق ياعزيزي .. وحاضرين في الخدمه
والله يارشودي اللي انت تبيه هذا بيكون مخالف لنظام كندا .. ونظام كندا يختلف عن امريكا اللي يشتغل فيها ولد عمك .. ولو انقفطت بتاكلها .. لكن لو كان خويك هذا يشتغل بدون اقامه وماحد قال له شي .. الله اعلم ..
بس اول شي تحطه في بالك ان هذا بيكون مخااالف للنظام .. وانا مسكوك الله يعينك .. لكن ماتوصل لقوانتانامو .. ممكن توصل الى منع من دخول كندا للأبد
لأنك متخلف عن الانظمه .. زي الهنود عندنا بالسعوديه
وبالنسبه لوقت جيّــتك لكندا بيكون حلو في شهر 9 او 10 عربي لأن الطلاب العرب خفّـوا .. وانصحك بتورنتو مثل غيرك .. لأن والله انها حلوه .. وقريبه من مناطق ثانيه حلوه بعد ..
وبالنسبه للتكاليف الشهريه ..
بطاقة الصب وي الشهريه حوالي 100 دولار .. تشمل الباصات وقطار الاندر قراوند والستريت كار ..
والتكسي على حسب مشوارك .. لكن مايقل عن 3 دولار حتى لو كان خمس امتار !! .. لأن العداد يفتح على كذا .. وبالنسبه للأكل . المطاعم العربيه والحلال ماراح يقل حسابك فيها عن 8 دولار وجبه ..
يعني بيكلفك المواصلات شهرياً حول ال 400 ريال تقريباً .. والوجبه الوحده ماتقل عن 18 الى 20 ريال .. حتى لو ربع دجاجه مع الرز !!
وحاضر بالخدمه باللي عندي خلفيه عنه واقدر عليه وانا اخوك .. ابشر..
بس لالقيت لك عروسه تكفى ابي اختها
السلام عليكم ورحمة الله وبركاته
اخ كريم الله يرحم ولديك ارغب بمواصلة دراسة الماجستر في الطب في كندا نورنا الله ينور قلبك بالايمان
1_ ماهي افضل 3 جامعات لدراسة الطب
2_ كم المده لدراسة الماجستر
3_ التكاليف الكامله تقريبا لكامل مدة الدراسه
علما ان الدراسه على حسابي وليس مبتعث والوضع المادي ضعيف بس مصمم
ارجوا الافاده ولكم الشكر والتقدير
والله يوفقكم
[frame="2 80"] السلام عليكم ورحمة الله وبركاته
اخ كريم ارغب بمواصلة دراسة الماجستر في الطب في كندا ونبي مساعدتك الله يبارك فيك
1_ ماهي افضل 3 جامعات لدراسة الطب
2_ كم المده لدراسة الماجستير
3_ التكاليف الكامله تقريبا لكامل مدة الدراسه
علما ان الدراسه على حسابي وليس مبتعث وا لحاله الماديه ضعيفه بس مصمم على كندا
ارجوا الافاده ولك:smile001: الشكر والتقدير
والله يوفقك[/frame]
هلا والله اخوي كريم
انا ان شاء الله جاي لتورانتو اربعة أيام كاملة
يعني واصل الأثنين وماشي السبت يعني يصفى لي من الثلاثاء الى الجمعة
يتخللهن اكيد نياجارا
وش تنصح او عطني البرنامج
وشلون اتنقل بالقطار يعني وشلون اقص التيكت
وحاجز قريب من تقاطع الينق مع الكنج واتوقع انه موقع استراتيجي
اخوك عبدالله جاي من فانكوفر
على فكرة اذا تبي اي معلومات عن فانكوفر تراي جاهز
حياك الله وانا اخوك..
سوري على التاخير .. والجامعات اللي انت اخترتها قويه ماشاء الله..
وبالنسبه للسعر مااقدر اقولك كم حتى تقريبا .. لان ماعندي خلفيه عن الموضوع هذا بالظبط .. انت ممكن تراسلهم وتعرف الاسعار بالظبط والمتطلبات .. اعذرني ياغالي .. ولو تبي مساعده في المراسله لاتردد.. وايضا عندك جامعة Ryerson ..
http://www.ryerson.ca
حاول معاهم ..
وبالتوفيق .. :101:
هلا بك اخوي السلام عليكم ...
حياك الله .. انصحك تزور ال CN Tower .. و Center ISland ...
انا ماعندي كيبورد عربي عشان كذا مااقدر اكتب لك برنامج كامل وياليت تعذرني .. بس موقعك في كنق مع ينق جدا استراتيجي .. ولاتنسى تزور الايتن سنتر ودنداس سكوير .. وبالنسبه للقطارات تروح لاي صب وي ستيشن .. واطلب تكت يومي بحوالي 10 او 15 دولار .. وان شاءالله تكفيك لان فيها حوالي 5 تذاكر.. واذا ركبت باص او ستريت كار اطلب Transfer Ticket .. وظيفتها انك تركب باص ثاني او ستريت كار ثاني بدون ماتدفع .. بس لازم يكون ون وي .. يعني رايح على ينق بال Transfer Ticket ... ماتقدر ترجع ب Transfer Ticket .. لازم تدفع بس اغلبهم مايدققون بال Trasnfer Ticket .. .. ممكن تروح فيها وتجي اليوم كله مثل ماسوا خويي
اخوي كريم سبله يعطيك الف عافيه على مجهودك الرائع في الاجابه على استفسارات الاعضاء
انا عندي استفسار صغير انا اتصلت على مكتب اسمه الرحلات الذهبيه وسالتهم عن ثلاث شهور
وقالولي راح تكلفك 22000 الف ريال هذا اذا كان السكن مع عائله وقالي اذا كنت بتسكن سكن
طلاب راح تكلفك 18000 الف ريال والصراحه هو نصحني وقالي سكن الطلاب ممتاز جدا
وطبعا السفره بتكون لتورنتو ويعلم اني مافكرت اروحلها الى يوم شفتك تمدح فيها
سؤال هو هل السعر مقبول لثلاث شهور وهل تنصحني بسكن الطلاب وعلى فكره انجليزيتي
جيد جدا الحمدلله ؟
وكم في اعتقادك راح تكون المصاريف لمدة ثلاث أشهر وتكفى لا تقولي على حسب الشخص
اوكيه انا مو من النوع اللي نايت كلبس وحركات بطاله يعني عاقل نقول انشاءلله
ابغى منك تقريبا يعني المصاريف كم ؟
وهل تعرف مكاتب كويسه في الرياض لاني والله انقب راسي ؟
وتحيــــــــــــــــــــــــــــــــــاتي لك
السلام عليكم ..
حياك الله اخوي كريم سبلة , انا عمر من الرياض وأنا والله من الناس الي متابع مواضيعك عن كندا و مقدر كل الجهود الي تبذلها لخدمة الأعضاء , وأنا بصراحة عندي نية كبيرة إن شاء الله إني أدرس لغة في كندا في معهد ef تورنتو في بداية السنة الجديدة 4/1/2007 ولمدة ستة شهور , و من حكم إنك مجرب المعهد وفي نفس المدينة أنا أبي أستفيد منك بكل شئ , فإذا ما عندك مانع و بدون أي إحراج أتمنى تراسلني على هذا الإيميل :
** يمنع تداول الايميلات و ارقام الهواتف داخل المواضيع **
الإدارة
مع العلم إني حاولت ارسل رسالة خاصة بايميلي و رقم تلفوني ولكن غير مسموح لي لأني عضو جديد بالمنتدى ,, تحياتي لك .
الأخ كريم سبلة
عندي استفسار انا انشاء الله قادم لكندا مع اخويه في شهر يناير وذلك لدراسة اللغة لمدة 6 او 9 اشهر هل في برنامج للدراسة اقصد اللغة ولا حسب المستوى اي من مستوى الى مستوى آخر بعدين حبيت اسالك ايش رايك في معهد اسبكت في تورنتو في واحد قريبي درس فيه قال جيد ما رايك أنت؟
وسؤال أخير لو الواحد حب يأخذ دورات قصيرة لمدة اسبوع واسبوعين مثلا في التجارة او ادارة اعمال لأني خريج ادارة اعمال من جامعة الملك عبدالعزيز؟؟
الأخ كريم سبلة
عندي استفسار انا انشاء الله قادم لكندا مع اخويه في شهر يناير وذلك لدراسة اللغة لمدة 6 او 9 اشهر هل في برنامج للدراسة اقصد اللغة ولا حسب المستوى اي من مستوى الى مستوى آخر بعدين حبيت اسالك ايش رايك في معهد اسبكت في تورنتو في واحد قريبي درس فيه قال جيد ما رايك أنت؟
وسؤال أخير لو الواحد حب يأخذ دورات قصيرة لمدة اسبوع واسبوعين مثلا في التجارة او ادارة اعمال لأني خريج ادارة اعمال من جامعة الملك عبدالعزيز؟؟:114:
اخوي كريم تحية طيبة وبعد
احب اسألك عن معهد اسبكت في تورنتو سمعت عنه ؟لأنه احتمال كبير في 8 يناير ادرس انا واخويه فيه اللغة في واحد قريبنا يشكر فيه ايش رايك انت؟
بعدين حبيت اسألك في دورات قصيرة عندهم عن ادارة الأعمال والطباعة السريعة والتجارة ؟ لأنه انا متخرج ادارة اعمال من الملك عبدالعزيز وابغى دورات في البزنس ؟ عندك فكرة؟
ولك خالص الشكر للتعاون معنا
هلا وغلا اخوي كريم
أنا مثل ما قلت لك بردي سابق ناوي ادرس بتورنتو في معهد ef , وفية أسالة كثيرة محيريتني بصراحة , وابيك توسع صدرك :
1- بكل صراحة انا مبتدئ بالانجليزي , هل رايح اتعب بالسفر و التنقل و بقية امور الحياة سواء بالمعهد او بالمدينة او العائلة ؟
2- انا عندي رغبة شديدة بتعلم االلغة هل 6 اشهر كافية , وهل الكورس العام ممتاز , ام تنصح بكورس اخر ؟
3- انا سألت اثنين من اشهر مكاتب السياحة بالرياض عن نفس المعهد وقالوا لي انة ممتاز جداً , فهل من واقع تجربتك الشخصية تنصح بهذا المعهد ام لا ؟ و ياليت تنصحني بمعهد آخر تشوفة ممتاز في تورنتو من واقع سمعتة في المدينة .
4- سعر المعهد السابق حوالي 37.500 ريال كورس عام لفترة 6 اشهر مع العائلة , هل هذا المبلغ معقول ام مبالغ فية .
5- انا انسان معتدل الصرف , هل مبلغ 37.500 ريال حوالي 10.000 دولار امريكي كافية للمعيشة 6 شهور ام لا ؟ وكم الفترة التي قضيتها في تورنتو وهل انت معتدل الصرف ام لا ؟
6- أنا قريت شروطك للسكن مع العائلة وعجبتني , بس أنا أزود عليها أنها تكون مع عائلة كندية الأصل و قريبة من موقع المعهد , فأي موقع أنسب للسكن وقريب من المعهد ef .
7- هل معهد ef يهتم بالطلاب ويتابعهم و يهمة أن الطلاب يستفيد ؟ وهل يعطون شهادة بالاخير ؟ و اذا فية شهادة هل هي بإختبار أم لا ؟ .
أنصحك قبل ما تجاوب على الأسالة تجيب شاهي علشان تمخمخ على الأجوبة ,, تحياتي وتقديري لشخصك الكريم .
اخوي malibam ..
اول ماتوصل للمعهد وانا اخوك يسوون لك اختبار تحديد مستوى .. وبعدين على حسب لغتك يحطونك في المستوى المناسب .. وبالنسبه لآسبكت جيد .. قابلت ناس يدرسون فيه يمدحونه بعد .. توكل على الله ..
وبالنسبه للدورات سمعت ان بعض الجامعات توفر دورات زي كذا .. يبي لك تبحث في النت او تزور الجامعات هناك ... وبالتوفيق حبيبي وآسف على التأخر في الرد ..
السلام عليكم اخوي كريم احتاج للمساعده الفوريه
طبعا دورت في كل حته لا حديث عن مدينه هاملتن بمقاطعه ( اونتاريو )
1- المعاهد للغة بالمنطقه ماهي و ما افضلها ؟
2- هل تعتبر شهادة الكليات عندنا بالمملكه كا بكلوريوس مثل هنا او تعتبر كادبلوم عالي فقط ؟ عشان اعرف ادرس ايش لو بغيت اكمل دراسه ماستر او اعيد بكالوريا .
3- اذا جاني طلب زياره من كندا كيف مدري المهم اني حايسه مو عارفه راسي من رجلي و احاول اعمل كل اجرائاتي من هذا الشهر سبتمبر الي شهر نوفمبر على اساس اسافر مع خالتي التي تقطن هناك.
4- اي شي ممكن يفيدني دخيلك قولوا مع العلم اني مو سعوديه احمل جواز السفر اليمني بس كل شي راح يسير بالسعوديه . خالتي سعوديه يضر او يفيد مدري المهم
*** يمنع و ضع الأيميل ***
الادارة
طرار و يتشرط ادري بس من زود الحوسه الي عايشتها بليز ساعدني
angel
سلام عليكم
اود المعرفه عن مدينه او بلدة ( هاملتن ) باونتاريو كندا
معاهد اللغه , تكاليف السكن و كل شي بالتفصيل الممل الي يقهر بليييييييييييييييز ساعدني ما عندي وقت
المفروض اني اخلص كل شي قبل 5 نوفمبر ايش اعمل ولا ما اعمل علما بان خالتي عايشه هناك للدراسه
افيدني الله يعافيك ممكن اكتب ايميلي عشان ترسلي عليه ولا ممنوع ما ادري ؟
بليز
السلام عليكم اخوي كريم احتاج للمساعده الفوريه
وعليكم السلام ياهلاا بك .. ان شاء الله .. :101:
طبعا دورت في كل حته لا حديث عن مدينه هاملتن بمقاطعه ( اونتاريو )
1- المعاهد للغة بالمنطقه ماهي و ما افضلها ؟
هذا الموقع يحكي كل شي عن المدينه بالتفصيل ..
http://www.myhamilton.ca/myhamilton/
وهذا الرابط الخاص بزوار المدينه والمعالم اللي فيها ..
http://www.myhamilton.ca/myhamilton/...AndVistorInfo/
وهذا موقع لمعاهد اللغه اللي هناك ..
http://www.lumison.co.uk/~hamiltonschool/
و
http://www.thelanguagecircle.com/
و
http://www.southernontariocollege.ca/
2- هل تعتبر شهادة الكليات عندنا بالمملكه كا بكلوريوس مثل هنا او تعتبر كادبلوم عالي فقط ؟ عشان اعرف ادرس ايش لو بغيت اكمل دراسه ماستر او اعيد بكالوريا .
والله هذي ماعندي خلفيه عنها ... لكن انتي شوفي الجامعه المعتمده اللي ناويه تدرسين فيها .. وارسلي لهم اوراقك .. وشوفي ردهم .. هذا افضل حل ..
3- اذا جاني طلب زياره من كندا كيف مدري المهم اني حايسه مو عارفه راسي من رجلي و احاول اعمل كل اجرائاتي من هذا الشهر سبتمبر الي شهر نوفمبر على اساس اسافر مع خالتي التي تقطن هناك.
عادي .. خليهم يرسلون لك ورقه من جهة رسميه .. وظيفه او جامعه انهم يطلبون زيارتك ويكتبون عنوانهم وكل شي .. وانتي قدمي الاوراق مع ورقة الدعوه للسفاره .. وربك يسهل ..
4- اي شي ممكن يفيدني دخيلك قولوا مع العلم اني مو سعوديه احمل جواز السفر اليمني بس كل شي راح يسير بالسعوديه . خالتي سعوديه يضر او يفيد مدري المهم
طرار و يتشرط ادري بس من زود الحوسه الي عايشتها بليز ساعدني
انا والله مع الاسف ماعندي اي معلومات عند المدينه .. ولكن انا جمعت لك الروابط من النت .. وماعليك الا التصفح وان شاء الله تحصلين اللي تبين وزياده .. واي استفسار عن المعاهد او شي لاترددين ..
واذا خالتك سعوديه مايضر لو طلبت منك دعوة زياره .. أهم شي يكون لها عنوان دائم هناك .. وترسله في ورقه رسميه لو أمكن (( من الافضل )) ..
والله يوفقك .. :24:
اخى العزيز .. كريم سبله .. السلام عليكم ورحمة الله وبركاته ..
احب ان اتكلم معك وبصراحه في موضوع وارجو ان تكون عندك اجابات ونصيحه لتساؤلاتي الا وهي :
انا قدمت الى جامعه في فانكوفر للحصول على تأشيره دراسه لمدة 3 شهور لتعلم اللغه الانجليزيه .. وردوا على وابلغوني بتكاليف الدراسه وطلبو مني ارسال المبلغ لارسال خطاب القبول اللي بيقدم في السفاره .
والصراحه انني حاليا متردد هل ارسل لهم المبلغ أم لا ..... وقررت قبل ذلك استشارتك ..... لانني وبكل صراحه عايز اسافر كندا للعمل وليس للدراسه وهل اذا سافرت الى كندا فما هي فرص العمل ومتوفره ام لا وما هي فرصة الحصول على الجنسيه هناك .. وعلمت ان العمل هناك بالساعه فكم سعر ساعه العمل هناك في سوبر ماركت مثلا .. واسعار السكن في الشهرلو شقه مكونه من غرفتين وصاله في فانكوفر .. وكم سعر التذكره ذهاب وعوده ..
ارجو منك المساعده والنصيحه واعذرني ان كنت قد اطلت عليك ؟؟؟
:114: :114: :114: :114: :114:
هلا بك اخوي ehab_marei
حاول انك تدفع لهم رسوم القبول .. وادفع لهم رسم اول شهر .. وقول لهم اني بدفع لكم شهرياً .. وماراح يمانعون لأن أغلب الطلاب يسوون كذا .. وفرص الحصول على الجنسية .. ياأما انك تجي كندا وتحصل على فرصة عمل وتاخذ الاقامة .. وتجلس ثلاث سنوات بدون ماتعمل مشاكل .. وبعدين تخضع لأختبار يسألونك عن كندا وتاريخ كندا والرؤوساء الحاليين .. واذا عديت الاختبار تحصل على الجنسيه .. أو انك تتزوج كنديه .. أو انك تكون تاجر وتفتح لك محل هناك بمبلغ جامد وتوظف اموالك هناك ... وخلال كم شهر تاخذ الجنسيه ..
وبالنسبه للسكن في فانكوفر والله ماعندي خلفية بس اللي اعرفه انه غااالي في كندا كلها .. وماتوقع تحصل شقه باللي قلت بأقل من 1000 دولار شهرياً وانا اخوك ... وسعر التذكره ذهاب وعوده من السعوديه تقريباً 5000 ريال ويعتمد على الموسم اللي تسافر فيه ..
وحياك الله عزيزي وحاضر بأي وقت
هلا بك اخوي صديق الهمس ..
المبلغ الكافي ياطويل العمر والسلامه شامل الدراسه مع السكن .. أول شي يعتمد على المعهد اللي بتدرس فيه .. بس لو قلنا مثلاً انك تبي تدرس في Aspect .. اتوقع انه راح يكلفك كل شي مع الدراسه والسكن والمعيشه .. حوالي 30 الف ريال .. وتطنخ فيها لين تقول آمين ..
وبالنسبه للهجه الكنديه اللي شفته انها لهجه امريكيه ولافيها اي فرق .. الا اذا كان فرق بسيط ماعندي خبر عنه !! ..
ولوو حاضرين لكم ..
malibam9
حياك الله اخوي ..
ايوه العائله يوفرون لك الطعام والشراب والمكواة والغساله .. وبعض العوائل يغسلون لك .. وبعضهم تقوم انت تغسل لنفسك .. وبالنسبه للتلفزيون الخاص ودورة المياه الخاصه فماأظن .. الا اذا طلبت ممكن يوفرون لك .. بس واحد من الشباب كان ساكن في القبو (( البيسمنت )) وعنده تلفزيون خاص فيه .. وغسالته وكل شي بس معه طالب ثاني ..!!
وحياك الله ابو تركي
وميض القمر ..
بالنسبه للمعهد اللي انا درست فيه وهو Ef .. فما أنصحك انك تدرس فيه أبد .. لأنه خايس .. وشديد مرررررررررررررررررررررررررررره لدرجة انك تطفش من الشده .. وثاني شي مدرسين يتغيرون كل اسبوع او اسبوعين .. ونصابين .. يقولون لك كلام واذا جيت يطلع لك كلام ثاني .. نصيحة اخويه لاتروح له ودور لك معهد غيره ..
وبالنسبه للعائله .. لازم المدرسه توقع عقد مع العائله اللي تبيها .. فأنا أقترح عليك انك أنت تكلم العائله اللي تعرفها وعطهم اسم المدرسه وعنوانها وكل شي .. وهم يكلمونها ويتفقون معهم على كل شي وبعدين يظبطونك معهم .. واذا تبي تروح عند عائله هناك وبعدين تغير للعائله اللي تعرفها .. سو نفس الشيء .. وقول لهم انك تبي العائله هذي .. وماراح يقولون لا ان شاء الله
وبالنسبه للكشف الطبي .. تروح للسفاره يعطونك لسته بالمستشفيات اللي يقبلون الكشوفات الطبيه حقتهم ..
والله يعينك ويوفقك حبيبي ..
هلا بك اخوي ابا الخيل
المعذره وانا اخوك انا ماعندي خلفيه عن المدينه .. ولكن سمعت انها مملّـه ..
وهذا رابط معلومات عن المدينتين .. اوتاوا ولندن اونتاريو ..
لندن
http://www.london.ca/
اوتاوا
http://www.ottawa.ca/
اخوي الجناح الايمن .. حياك الله عزيزي
وبالنسبه لأوقات الافطار والامساك في فانكوفر .. تفضل بزيارة الموقع التالي ..
http://www.islamicfinder.org/prayerD...ersion=&athan=
وشيك عليه كل يوم لأن موعد الاذان يتغير ..
الله يتقبل منا ومنك ..
المفضلات