الموضوع: كريم سبله يحدثكم من كندا ، أي استفسار انا بالخدمه

السلام عليكم ورحمة الله وبركاته

الحمد لله وصلت تورنتو يوم السبت اللي راح العصر بتوقيت تورنتو . الساعه 10 ليلاً بتوقيت السعوديه تقريباً .. واليكم بعض المعلومات المختصره عن الرحله .. وترقبوا التقرير الكامل المفصل عن الرحله ..



الخطوط والوجهة وتعامل المطارات:

الخطوط البريطانية .. من البحرين الى لندن .. ومن لندن الى تورنتو .. التعامل في مطار البحرين كان قمة الروعه .. والموظفين متساعدين .. ولم تأخذ الاجراءات اكثر من 3 دقايق .. وفي مطار لندن لم تأخذ الاجراءات اكثر من 5 دقايق .. والموظفين متساعدين جداً .. وفي مطار تورنتو ماخذت الاجراءات اكثر من 10 دقايق تقريباً .. وكان فيه تحجير نوعاً ما ..



مسافة الرحله والاكل في الطياره:
الرحله من البحرين الى لندن 6 ساعات .. ومن لندن الى تورنتو 6 ساعات ونص .. وكانت الوجبات من البحرين الى لندن 2 .. وحده كانت ساندويتش جبن او شي مثل كذا بس كنت جوعان واكلتها مع عصير .. والثانيه كانت كتكات مع عصير .. ومن لندن الى تورنتو .. كانت بيض مسلوق مع عصير .. والثانيه كانت بطاطس مع عصير ..


الجو في تورنتو

اول ماوصلت كانت درجة الحراره 16 .. وكان برد مووت عندي .. بس بعد يومين تعودت .. ولا كنت البس جاكيتات ومسوي زحمه .. لكن الحين تعودت الحمد لله والجو رااااااائعه جداً .. بس انه مشمس نوعاً ما .. والشمس تغرب الساعه 8 ونص تقريباً .. وتشرق الساعه 6 الصباح ..


تعامل الشعب والناس هنا

جداً رائع .. والناس تفرح بك اذا طلبت مساعده .. وانواع الاشكال هنا من كل نوع تحصل ناس ..





وأي خدمه لاتترددون ...



اخوكم كريم سبله



مع السلامه

مواضيع عشوائيه ممكن تكون تعجبك اخترناها لك:

• الخميس هو اول ايام رمضان ان شاء الله في كندا
• مالي خاطر يا خبراء كندا ؟؟
• ابي تفاصيل السفر وكيفية السفر للاخوة الكرام
• ارجـــــــــــو الـــــمســــــاعــــــــده
• بخصوص الفيزا
• ارجوا الرد
• اريد مساعدتكم عن ولاية فيكتوريا بكندا
• مجموعة استفسارات يرجى الدخول
• فى اى منطقة اسكن قى تورونتو؟
• عيادة دكتور مصري للاسنان بشارع قرانفل
• اذا موعد رجعتي كان بعد انتهاء مدة الفيزا بكم يوم عااادي؟
• معلومات لمن اراد الدراسة في معهد فانكوفر في كندا
• سؤال بخصوص المبلغ المالي و استمارة العائلة و السبلمنتري فورم لم اجد جواب في اي مكان
• لأهل الخبرة فانكوفر أحتاج سكن لمدة أسابيع
• أرجوا منكم الدخول ساعدوني بحجز الطيران الى تورنتو و اي واحد حجز وخلص يدخل ويعلمني
• الفرق بين مكتب الفيفا وارامكس في استخراج الفيزا الكنديه
• يا شعب المنتدى ؟
• الى خبراء الطيران على الى كندا
• كيف جو تورنتو في شهر و
• اجابات الاسئلة الاكثر شيوعا

الحمد لله على السلامة....وبالله سلم لي على شارع yonge .
وربنا يوفقك في رحلتك.... بس بغيت أسال عن الوضع بعد المشاكل الأخيرة في تورنتو هل فيه مضايقات هل فيه مشاكل؟

الحمد لله علي السلامة

ومادامك في ترنتو الله لا يهينك الصور ثم الصور


وانشالله عن قريب راح اغـــثــك بالاسئلة

ودمتم بحفظ الله

هلا وغلا كنيدين ..

اجل يونق ستريت ههههههه .. يقول انه مشتاق لك

والله انا الى الان ماشفت اي مضايقات ابد بالعكس الوضع اوكي جداً .. اطلع في الليل واروح واجي وماعندي اي مشكله .. ولا بعد صادفتني اي مضايقه .. ولا وقفني اي شرطي .. الاوضاع عال العال هنا الحمد لله ..


=-=-=-=-=-=-=


أضواء المدينه ياهلاا وغلاا ..

ابشر(ي) بالصور عن قريب ان شاء الله بس افضى وارتب لكم احلى موضوع لأحلى منتدى .. وانا حاضر لأي سؤال ..


..

يسلموو على المرور كلكم ..

بسم الله الرحمن الرحيم

اخوي كريم انا حطيت موضوع قبل كذا بس مالقيت الاجوبه على جميع الاسئلة بس اللي لقيته شي بسيط
وما قصروا الشباب

انا مسافر ادرس لغة انجليزيه في فان كوفر في كندا وعدي بعض الاستفسااارت واتمنى مساعدتكم

السؤال الاول : انا مسافر في نهاية شهر جون وبقعد هناك الى اوقست كيف راح تكوون الاجواء في هذا الوقت بارده حراه؟

السؤال الثاني: جهازي الجوال من نوع نوكيا N91 والسؤال هل يعمل هناك ؟ وما هي افضل وارخص بطاقة اتصال بالسعوديه؟ وكيف نظام شريحة الجوال هناك؟

السؤال الثالث: انا ودي اروح لنياقرا فولس بس ما اعرف كيف راح ارووح لها يعني طياره او باص او قطار ؟ وكم تبعد نياقرا عن فان كوفر؟

االسؤال الرابع:ما رأيكم في مدينة فان كوفر بشكل عام والعيش فيها انا قريت في الانترنت انها من افضل 10 مدن في العالم من حيث المعيشه بس مو متاكد احتاج تاكيد اثر؟ غير كذا كيف اهل فان كوفر هل هم ودودين يعني ما في عنصريه او استهزاء بالدين او يزعجونا ان احنا تررست ؟

السؤال الخامس: انا راح ادرس في معهد اسمه Ef بس ويقع في مبنى ديكو في وسط المدينه بس ما ادري في احد سمع في هالمعهد وووشرايه فيه؟؟

السؤال الاخير : انا ابي اشتري كميره بس محتاار وابي موصافت معينه مثل انها تكون وب كام وووتصور فيديو ووصور عاديه يعني فوتو؟؟


انا داري ان غثيتكم بهل الاسئله وطولت عليكم واتمنى مسااعددتكم

تحياتي ...

ياهلاا وغلا فيكم ..


الاخ سواح اعتذر منك لأني ماشفت ردك الظاهر مانزل الا متأخر .. عموماً ..

كندا من وجهة نظري تعتبر غاليه بالنسبه للسعوديه .. بس تعتاد على الوضع .. يعني الكولا مثلاً تشتريها ب دولار و 25 سنت .. يعني حول ال 4 ريال .. الشاورما في مطعم حصلتها بـ 4 دولار تقريباً .. يعني بالنسبه لنا غاليه شوي .. وماأقدر افيدك عن تكلفة المعيشه لـ 3 شهور او 6 الا لما ارجع واعطيك التكلفه ان شاء الله بعد ثلاث شهور .. بس بالنسبه لي اتوقع لو بجلس 6 شهور .. يمكن 3 الاف الى 4 الاف دولار كفايه . . ..


=======================


اخوي فانكوفر . حياك الله ..



السؤال الاول: اتوقع الجو هناك في الوقت بين جون واوقست بيكون بالنسبه لنا كسعوديين عادي مو برد ولا حرر مرره .. مظبوط ..



السؤال الثاني: انا جهازي ان 70 وشغال ميه ميه .. وبطاقات الاتصال انا شريت ثانك يو ب 10 دولار .. كلمت السعوديه على جول مدة 40 دقيقه .. وعلى ثابت 55 دقايق .. وواحد من الشباب يقول ان عنده بطاقه بس مايعرف اسمها تكلم ثابت 150 دقيقه .. بشوف وش اسمها وبقولك عليها .. وبالنسبه للجوال بصراحه يازين موبايلي والاتصالات السعوديه عند جوالاتهم .. خياس والله .. انا شريت من روجرز مسبق الدفع .. مع الشحن تقريباً كلفتني 70 دولار .. فيها رصيد 20 دولار .. ماتكلم دولي ولا ترسل دولي .. واذا اتصل عليك احد داخلي ولا دولي يصرف عليك .. وفيه شركة اتصال ثانيه اسمها فاي دو .. نفس الشيء بس تتصل وترسل رسايل دولي .. بس هذا الفرق ..




السؤال الثالث: من فانكوفر اتوقع انها بعيده .. ولكن من تورنتو تقريباً ساعه ونص بالباص ..



السؤال الرابع: فانكوفر حلوه ماقول لك لا .. بس كل العرب اللي اعرفهم واللي قابلتهم بالمطار والطياره رايحين فانكوفر .. وتورنتو فيها عرب .. لكن قليل بصراحه ماواجهت كثير الى الان .. يمكن مستقبلاً !! الله اعلم .. وبالنسبه للعنصريه في فانكوفر مدري لكن تورنتو .. لاعنصريه ولا شي .. ياشيخ الناس تمر تسلم وتبتسم وتمزح وتضحك .. والله الى الان ماشفت اي عنصريه تجاه العرب او غيرهم .. لكن فانكوفر مثل ماثلت والله مدري ..



السؤال الخامس: انا في اي اف تورنتو .. والله المدرسه من ناحية التدريس ممتازه جداً .. لكن انا صارت لي مشكله مع العائله وسوء تفاهم .. بس الحمد لله ان عندي اثباتات تثبت اني طلبت عائله بالمواصفات الفلانيه .. وانا حاجز عن طريق المدرسه على طول .. مو عن طريق مكتب .. وموقعها في تورنتو كويس وفي الداون تاون .. وقريب من المطاعم والكفي شوبز . وكل حاجه حلوه .. بس عوائلهم بعيده عن المدرسه بمسافة 30 الى 50 دقيقه بالصب وي ..


السؤال السادس: بالنسبه للكاميرات والله انا معي اولمبس 4 ميقا بكسل .. كويسه راح انزل صور منها بعدين .. بس عليك بكوداك سعرها تقريباً بـ 2000 ريال .. فيها فيديو وصوره عاديه .. وممتازه ..



اتمنى اني افدتك ياقلبي .. وبالتوفيق ان شاء الله

ما قصرت اخوووي كريم والله انك فكيت لي ازمه

وما قصرت وان شاء االله تستمتع بوقت ويكون لنا اتصل ببعض

لان ان ناوي ازور تونتو ووو نياجرا فولس

ولك الف شكر اخوي كريم والله يوفقك

بس عندي استفسار اخير اخوي كريم سبله

على اساس انت تدرس في الـــef تورنتوو

انا قريت في الكتلوج انه عندهم انترنت واير لس في نفس المعهد وانه موجود في تورنتو وو فان كوفر

ما ادري صحيح هالكلام وكيف سرعته بس ؟؟
ويعطيك الف عافيه

الاخ الكريم

لو تكرمت اذا عندك عناوين للحجز في شقق في تورنتو ونياجرا ومونتريال
وعناوين للحجز للسيارات في تورنتو وكالجاري
وعناوين للحجز للرحلات الجوية الداخلية

عارف اني غثيتك بس انا انشاء الله جاي لكندا بعد شهر بالزبط ومعي العائلة وودي ارتب اموري

اذا فيه اي شي يفيد مثل عناوين سياحية في المدن المعروفة على شان نزورها وتكون مشهورة ولا تتفوت
واللي تقدر عليه الله لا يهينك ويوفقك دنيا واخرة

اخوك ابوفيصل من الرياض

اولا مشكور اخي الكريم علي المساعدات اللي تقدمها للشباب
بس كنت عاوز اعرف منك اية ظروف العمل في كندا
يعني ممكن احصل علي عمل بسهولة ولا هلاقي صعوبة
وتقريبا متوسط سعر الساعة في العمل في كندا قد اية
علما اني معي بكالوريوس علوم الحاسب
بس بصراحة مش عاوز اعمل في مجالي
يعني اي حاجة (اي عمل)
رحم الله امرء عرف قدر نفسة واكيد في كندا بها عمالقة التكنولوجيا والكمبيوتر
واخيرا اشكرك
واسف للاطالة وففقك الله

اولاً اعذروني على التأخير وذلك بسبب ظروف الدراسه ..


اخوي فان كوفر ..


قصتي مع ال ef قصه .. فيه واير لس عندهم بالمعهد ..

ولكن صارت لي مشاكل معاهم بخصوص السكن وبخصوص الصلاه .. ان شاء الله يجي الوقت اللي احط فيه التفاصيل كاااااااامله ..







============


اخوي الضويحي .. بالنسبه للسياحه في تورنتو .. والله حالياً ماأقدر افيدك بشي لأن الوقت ضيق مره .. لكن أوعدك ان شاء الله في اقرب فرصه خلال الاسبوع القادم راح ارد على سؤالك ان شاء الله .. بس ذكرني عشان ماأنسى

السلام عليكم عزيزي ...

بارك الله فيك على هذا الطرح الموفق ..عندي استفسار عزيزي ..
عادي اشيل معاي ..قوطي بونتي ومارس وكيس بطاطس شيبس ..معاي في المطار احطهم في الشنطة هل يسوون سالفة ومشكلة والله عادي مافي اي اشكال ؟؟

بانتظار ردك عزيزي

استفسار ثاني عزيزي اتمنى الرد عاجلا :-
انا طبعا رايح للدراسة ..ومع عيلة ..السكن والاكل والشرب ...الخ
سؤالي :- كم اسعار التالي:- لا تذكر لي باريال قولي بالدولار الكندي
..تذكرة الدخول..شلالات نياجرا
تذكرة الدخول ..مدينة الالعاب ..وكم المفرةةض يكون في جيبي ..
تذكرة دخول السينما ...وكم مفروض يكون في جيبي ..
بطاقة السابويه ..لشهرواسبوعين كم ..؟..
والبرج بكم يكلف ...
تورنتو بالتحديد

بانتظار ردك عزيزي ..
ولا تتاخر الله يخليك

اخوي تف

اعتذر عن التأخير في الرد ..


وبالنسبه لسؤالك عن البطاطس والباونتي هذي اشياء موجوده هنا يعني الشعب والناس هنا تعرفها طبيعي .. اذا تبي تجيبها و تاكلها في الطياره عادي .. بس اذا تبي تدخلها معك كندا .. اذا عطوك الفورم مكتوب فيه معاك Food .. اختر YES .. وان شاء الله مايقولون لك شي ..

لأني انا كان معي تمر وقهوه بس واخترت NO .. سووا لي سالفه ..





وسؤالك الثاني ..

مافهمت قصدك تذكرة دخول شلالات نياقرا .. انا اليوم كنت بالشلالات .. رايح مع باص .. ذهاب و إياب .. بـ 5 دولار .. مع ان المسافه يمكن 120 كيلو !! .. اول شي اخذوا 30 دولار .. ويوم وصلنا هناك رجعوا لنا 25 دولار .. وجيب معاك جوازك ( الاصلي ) .. اهم شي


ومافيه تذكرة دخول شلالات الا اذا كنت تبي تنزل تحت قريب الشلالات هذي بـ 12 دولار .. واذا تبي تركب البوت اللي يوديك للشلالات .. اتوقع انه بـ 35 دولار لأني قريت سعره كذا او 37 اذا منب ناسي ..


واذا تبي تتفرج على الشلالات مايحتاج تدفع وهذا اللي انا سويته .. منظرها من فوق احلى من منظرها اللي تحت وعن قريب راح انزل موضوع كاااااامل عن نياقرا ان شاء الله بس احصل فرصه ..

مدينة الالعاب انا مابعد رحت لها اللي بتورنتو اسمها الوندر لاند .. اتوقع تذكر الدخول بـ 59 دولار .. وتلعب كل الالعاب اللي تبي ... وخل معك فلوس تاكل وتشرب فيها ( على كلام الشباب اللي راحوا )

وبالنسبه دخول السينما ياحبيبي التذكرة بـ 12 دولار الا 5 سنتات .. والفشار مع البيبسي كولا يمكن حول ال 8 دولار ( حجم كبير ) .. انا ادخل السينما اللي بالداون تاون .. وراح انزل لها صور عن قريب في موضوعي ان شاء الله ..

بس اذا تختلف الاسعار من سينما الى سينما يمكن ..

بطاقة الصب وي .. الاسبوعيه بـ 30 دولار .. من الاحد الى الاحد .. والشهريه 97او 99 دولار والله ناسي .. بس اوفر لك الشهريه .. وترى البطاقه تستخدمها في: الصب وي + الباصات + الستريت كار ( اللي زي القطار بس يمشي في الشارع ) .. لاتسوي مثلي اركب الستريت كار احط قروش .. خخخخ


وال CN تاور الى الآن ماحصلت فرصه اروح له بس سمعت ان التذكره بـ 20 دولار .. والله منب متأكد ..

وتوصل بالسلامه ..

وأيي سؤال ثاني لاتردد انت وغيرك

وبالتوفيق للقميع

السلام عليكم ورحمة الله وبركاتة

اخي العزيز كريم سبله

متى انشالله تنزل تقريرك الخاص بترنتو بحيث اني متحمس للموضوع بشكل كبير ياليت ما تطول في طرحه




ودمتم بحفظ الله

الاخ كريم انا احييك على طولت بالك أول شي ...

والله يعينك على كثرة الأسئلة بس احب اعرف معهد الـ Ef بتورنتو كيف للأهمية هذا السؤال ولو أحجز عن طريق مكتب من هنا راح يكلف تقريباً 40000 ريال 6 شهور هل المبلغ معقول او نصبة من المكتب ؟؟؟

ولك جزيل الشكر ...

ياهلاا بك

والله ياخوك اني مشغول جداً ماعندي فرصه ابددددددددددددد

لكن بحاول بأقرب فرصه ان شاء الله

اخ كريم انا لان في ترنتو وبصراحه ما عندي اي برنامج اسويه من البيت الى المعهد ومن المعهد الى البيت

ومارحت الا الداون تاون

والله ودي انك تعطيني اسماء الاماكن الي رحت الها تسوي فيني خير

والمطاعم الحلوه

وغير كذا من وين حصلت رحلة نياقرا فولس ب5 دولار انا قلولي المعد 45 دولار حرام نهب عيني عينك

واتمنا اني ماثقلت عليك

وانت انشاء الله انك اسم على مسمى

وشكرا

ممكن اخوي تساعدني ابي اي معلومه عن مدينة halifax

وميض القمر ..

انا اعرف واحد من الشباب جاي هنا لمعهد EF بـ 36 الف ريال بس لمدة 6 شهور عن طريق مكتب .. وبالنسبه للمعهد كويس بالتدريس لكن من ناحية العوائل والسكن فاشل .. يبي لك تمخمخ عليهم ... وتصير دقيق معهم في كل شي ..



======================


م\عبدالله

حياك الله اخوي ..

والله انا مثلك اول ماجيت .. بس حاول انك تختلط مع الشباب الموجودين هناك .. اذا كنت في EF .. فيه شباب مكسيكان وبرازيليين وسعوديين بعد .. كل ثلاث او اربع ايام نتواعد ونلعب كوره .. او نطلع نتمشى .. وبيني وبينك رحلات المعهد كلها غااااااليه مرررررره .. يعني رحلة يومين لفرنش كندا .. بـ 240 دولار .. وانا اليوم طلعت التشاينا تاون .. حصلت عرض بـ 125 دولار ثلاث ايام مع السكن .. اذا كنتوا ثلاثه .. وكنت ناوي احجز الويكند هذا بس قالوا لي فللللللللل .. وانقهرت بصراحه لأن ماعندي شي اسويه الويكند هذا.. بس رحلة الملاهي (( ووندر لاند )) رخيصه مع المعهد بس عيبها انها في الويكند يعني يبي لك تصف سرا ساعه كامله عشان توصل للعبه ..

وبالنسبه كيف تقضي وقتك .. فيه عندك سينما باراماونت .. فيها افلام جديده توها نازله .. فلم سوبر مان .. وكلك .. وناتشو ليبر .. و X Men .. وكيف تطلع للسينما هذي انا والله مو متأكد بالظبط .. لكن على يونق ستريت .. لو تسأل عنها هناك بيدلّـونك .. وبالنسبه للمطاعم .. على طريق كوين (( الظاهر )) فيه مطعم لبناني جنب ال City TV .. حلال عنده شاورما على كيف كيفك ..

وفيه في ال Eaton Center .. مطعم هندي .. هو مهب في المجمع نفسه .. فيه مجمع صغير جنبه .. فيه مطعم هندي حلال (( على ذمة اللي عزمني فيه )) بوفيه مفتوح النفر الواحد مع بيبسي بـ 14 دولار .. بس لايفوتك .......

مشكلتي ماأحفظ اسماء الشوارع عشان كذا مضيع .. عالعموم المطعم الهندي تنزل في محطة دنداس .. موجود هناك جنب ال Eaton Center .. بس لاتطلع برا .. وانت جاي من الشمال نازل على دنداس .. اطلع من القطار بسب لاتدخل الايتن سنتر .. رح يمين .. وامسك السيب الطويل لين يدخلك على مجمع صغنطوط .. اسأل عن المطعم الهندي هناك ويدلونك .. بس ترى في الدور الثاني ..

ورح لسنتر آيلند .. تركب الصب وي لين يطلعك على يونيون .. وبعدين تركب الستريت كار .. ويوصلك لمحطه تطلع منها تشوف البحر مقابلك .. تركب بوت يوديك للآيلند .. بـ 6 دولار .. وترى فيه رحله كل اسبوعين او ثلاثه للمعهد على بوت بـ 20 دولار .. لاتفوتها .. ترى فيها هبال .. آخر مره اذكر الشباب مشغلين اغنية سعوديه بالبوت والكل رقص عليها .. (( يادار لاهنتي ولا هان راعيك )) .. رابح صقر


ونياقرا فولز بعد لاتفوتها .. وبالنسبه للمكان اللي يعطي تذاكر بـ 5 دولار .. تجي لساحة دنداس .. تخلي الايتن سنتر والكشك اللي يبيع ميداليات وخرابيط على يسارك .. وساحة دنداس وراك .. وتمشي يمكن اربين متر تشوفه على يمينك محل اسمه Ontario ..

بس ياخذون منك 30 دولار .. واذا وصلت هناك يرجعون لك 25 دولار .. ولاتنسى تجيب جوازك الاصلي .. واحد من الشباب ماجاب جوازه الاصلي بغت تروح عليه ال 25 دولار ..



واي خدمه انا حاااضر ..

السلام عليكم ورحمة الله وبركاته
اخي العزيز كريم سبله مشكور على المعلومات الي قدمتها
ولكن هل استطيع الحصول على عمل

أخي الكريم " كريم سبله "
أنا يوم الاثنين القادم إن شاء الله رايح إلى كندا ( تورنتو )
بدرس في مدرسة Ilac شهرين مع عائلة
وعندي كم استفسار يعني اذا ممكن تفيدني ، أنا ناوي أشتري شريحة
جوال فأي شركة هي الأفضل والأرخص علشان المكالمات الدولية؟
ومن وين أشتري بطاقة السب واي..؟


مع تمنياتي للجميع بالتوفيق والنجاح،،،

ومشكور اخي الكريم كريم سبله علي الخدمات اللي تقدمها للمتوهقين من امثلى

انا جاى لفنكوفر فى 28 جوليا وهاذى اول مره اروح فيها لكندا ومطول فيها حوالى 6 شهور.

ابى اعرف اخوى كيف الجو برد ولا وشلون عشان اعمل حساب الملابس المناسبه خلال الفتره هاذى.

ولا وش رايك اشتريها من هناك احسن واوافر لى .

ويعطيك الف عافيه .

احمد 2001 ..

ارقرأ الموضوع المثبت (( الشامل المفيد عن كندا )) وتحصل فيه معلومات كافيه عن المدينه المطلوبه ياقلبي ..

============


البلداوي ..

بالنسبه لفرص العمل متاحه هنا اكيد .. لكن يعتمد على نوع الفيزا اللي بتكون معاك .. وعشان اكون صريح معاك انا والله ماعندي اي خلفيه عن موضوع العمل بكندا .. لكن بحاول اسأل لك وابشر من عيوني ..

============\

Your Next

أولاً .. العفو حبيبي وحاضرين بأي وقت

ثانياً .. بالنسبه للجو فيي جولاي واوقست بيكون حار .. لكن انت جالس الى فبراير تقريباً .. يعني بتلحق على البرد .. نصيحتي لك خذ لك ملابس شتويه كثير .. والملابس الصيفيه لاتكثر منها .. لأن من نص سبتمبر وانت طالع برد ..

وفيه موضوع للأخت متأمركه مبطي .. تقدر تفيدك اكثر عن فانكوفر .. لأني انا بتورنتو وفانكوفر تبعد عنا حول ال 2000 كيلو ..

وبالتوفيق ياحلو ..

ان شاالله جاي كندا للسياحه اخوي كريم سبله في شهر 8
الى فانكوفر وتورونتو ونياقرا
وبيني وبينك ماني عارف وين اسكن في تورونتو ونياقرا
ياليت لوتعطينى اسم فندق 4 نجوم يكون موقعه زين اهم شي
ولك جزيل الشكر واتمنى لك دراسه موفقه وترجع باالسلامه

the mask
توصل بالسلامه ان شاء الله
وبالنسبه للشريحه
فيه Rogers و Fido ..
انا استخدم روجرز .. بصراحه الخدمه عموماً فاشله عندهم .. لأن اذا اتصلت على احد او احد اتصل عليك يصرف عليك ..
روجرز مايتصل دولي (( بالنسبه لبطاقات مسبوقة الدفع )) .. اما الفواتير ماجربتها .. وبالنسبه للرسايل احياناً توصل واحياناً لا
وFido .. تتصل دولي لأن مع واحد من الشباب شريحة فايدو هذي .. ويتصل دولي ويرسل دولي ..
انا طلعت الشريحه بـ 70 دولار .. وواحد ثاني طلع نفس شريحتي بـ 40 دولار .. الفرق ان المحل اللي شريت منه الشريحه فعّـلها بـ 25 دولار .. وخويي شراها من محل ثاني وفعلوها له بلاش.
بس انصحك خذ فايدو .. اذا لابد من الجوال .. ولا انا بصراحه تمنيت اني ماطلعته لأنه ياكل فلوسك على قل سنع .. خلال اسبوع عبيته تقريباً حول ال 200 دولار !! ..
حسيت انه نصب بقوه .. يالبا قلب ALJAWWAL بسسس
والله يعينك على ILAC .. كأنك في ثانوية بالسعوديه .. اقصد ثلاث ارباعها سعوديين .. لدرجة اني جيت للمطار وسألتني اللي تفتش اول ماأطلع من الطياره (( عند بوابة الدخول للمطار )) جاي تدرس في ILAC ؟؟ قلت ايه .. ومشتني على طول بدون ماتشوف جوازي .. وش تفسيرك لهذا؟ هههه
مابي اخوفك .. بس هذي الحقيقه .. ومدرستنا مهب بعيده عن آيلك بعد .. بس انها اشوى
==============================
Keep Away
بالنسبه لتورنتو .. هذي فنادق اربع نجوم في الداون تاون
Inter-Continental Hotel - Toronto - $$$$
220 Bloor Street West, Toronto, ON M5S 1T8, (416) 960-5200
موقعهم
http://toronto.intercontinental.com/
و
Marriott Bloor Yorkville - $$$$
90 Bloor Street East, Toronto, ON M4W 1A7
Discount Rate! - Fitness centre - restaurant - lounge
موقعهم
http://marriott.com/property/propertyPage/YYZMC
و
Sheraton Centre Toronto - $$$$
123 Queen Street West, Toronto, ON M5H 2M9
موقعهم
http://www.starwoodhotels.com/sherat...propertyID=271
و
Four Seasons Toronto - $$$$$
21 Avenue Road, Toronto, ON M5R 2G1, 416-964-0411
high-speed internet
موقعهم
http://www.fourseasons.com/forward.w..._name=toronto&
وبالنسبه لنياقرا
هذي عناوين عدة فنادق ..
http://okidir.in/search/Niagara%20Falls%20Hotels/
وبصراحه انا شفت هيلتون .. بينه وبين الفولز مسافه بسيطه .. وفيه الشيراتون يطل على الشلالات .. وفيه Embassy suites.. يطل على الشلالات بعد ..
وهذا موقع ال Hilton .. عندي انه افضلهم بصراحه ..
وتوصل بالسلامه ياقلبي ..
هذي صورة الفندق بكاميرتي ...
http://www.geocities.com/shiny_planet/hiltonforu.jpg

أخوي " كريم سبله "
آسف على الازعاج بس تحملنا شوي كلها يومين وتفتك مني
أنا قرأت في المنتدى إن في إشتراك في شركة fido تدفع 50$ وتكلم
على كيف كيفك هل هذا صحيح ولا لا..؟

إعذرني على الازعاج،،،
وبالتوفيق،،،

Your Next
أولاً .. العفو حبيبي وحاضرين بأي وقت
ثانياً .. بالنسبه للجو فيي جولاي واوقست بيكون حار .. لكن انت جالس الى فبراير تقريباً .. يعني بتلحق على البرد .. نصيحتي لك خذ لك ملابس شتويه كثير .. والملابس الصيفيه لاتكثر منها .. لأن من نص سبتمبر وانت طالع برد ..
وفيه موضوع للأخت متأمركه مبطي .. تقدر تفيدك اكثر عن فانكوفر .. لأني انا بتورنتو وفانكوفر تبعد عنا حول ال 2000 كيلو ..
وبالتوفيق ياحلو ..

اخى / كريم سبله


مشكورولله يعيفك على هالردود الى تبرد القلب لى ولجميع الاعضاء . :24:
اجل الدعوه ياخوك فيها برد الله يستر :11ld:
والمشكله انى ما احب البرد انفلونز وزكام وقلق وماعاد يقدر الواحد يطلع من البيت :11_horror
من البرد ويمرض :icon_puke
وبعدين على الفراش وخذ نوم. :icon_smur
وش رايك اشترى ملابسى الشتويه من هنا......:m9: ..!!! والا اشتريها اذا رحت هناك......:rain: ..؟؟؟

اخاف بردهم اقوى من الى نعرفه وعندهم ملابس مناسبه لبردهم .
:36_15_6:

وتحيانى لك .

مشكور أخوي والله أنك على أسمك كـــــــــــــــــــــــــــــــــــــــــــــــــ ــــــــــــــــريم سبله
ماشأالله عليك عيني عليك بارده
والله يوفقك أخوي
ولك تحيـــــــــــــــــــــــــــــــــــــــــــــــ ـــــــــــــــــــــــــــــــــــــــــــيا تي

ماقصرت اخوي كريم يعطيك الف عافيه والله يكثر من امثالك

بس بصراحه عجبتني اغنية يادار والله انهم فللللللللللللللللللللللللللله
واي جديد تكفى لا تبخل علينا

وترى تكفى تهز الرجاجيل

مشكورررررررررررررررررررررررررر

يور نكست ..

اشترها من السعوديه لأن هنا غااليه .. ودرجة الحراره توصل 30 تحت الصفر ..

والله يعينك جب معك كراتين بندول وحراره

مشكووووووووور اخوووي كريم سبله على الجهد الواااااضح في تنوير الطريق لمن اراد السفر

قريت مواضيعك كلهم وبصراااااااحه وبدون مجامله كاني بكندا بس عندي سؤال ولااااااتوااخذني على السؤااااااال

انا بطلع الى كندا لمدة تسع شهوووور ودخان ابشرك مااحبه ولا اشربه واكره الارض اللي هو فيها
المشرووووبات الرووحيه الحمد لله ماني من اهلها

بس اخوك حمووووودي مدمن معسل بشكل مااتتصوور فهل في كندا محلات بيع معسل

وهل اقدر اخذ اغراضي من هنا يعني بالمطار مايقولو ن شي اذا شافو الارقيله واللي والنكهه وباااااقي الاغراااااض ..................................؟؟؟


لك مرررررره اخرى شكرا جزيلااااااا

مشكور ويعطيك العافيه اخوي كريم سبله
وان شاالله راح نحجز في هيلتون نياقرا
بس ااذا تعرف مكان محدد في تورونتو يفضل السكن به
او اسم فندق يكون موقعه زين
ولك جزيل الشكر

حمودي ياهلااا بك وانا اخوك ومشكور على كلامك الراائع..

وبالنسبه للشيشه انا والله ماأدري لأني ماأدخن ولا اشرب ولا اشيش ..

بس سمعت من الشباب ان الشيشه غاليه هنا .. والنكهه حقتها بعد غاليه .. وفيه مقاهي هنا اذكر ان الشباب يقولون انها غاليه بس ماأدري كم سعرها .. واحد من الشباب جنبي يقول ان سعر راس المعسل بـ 7 دولار .. يقول فيه شيشه في قرين وود ستيشن .. بس مدري وينها بالظبط انا ..

وبالنسبه في المطار يقولون لك شي او لا ماأدري . . بس لو جبتها لاتنسى تكتب في الفورم ان معك تبغ .. ولو ان الشيشه مو تبغ بس مدري والله وش يسمونها هنا .. وبالتوفيق ياحلوو

والله ياعزيزي انا ماأدري وش اللي يناسب ميزانيتك .. يعني اذا ميزانيتك قويه .. روح شيراتون ولا حياة .. قريبه جداً من الداون تاون والعلوم السفره ..

وفندق حياة في افينيو رود وبلور ويست ... في المنطقه هذي ..
وفندق الشيراتون ماعلم والله بس انا شايفه بالداون تاون ..

والهوليدي ان على كنق ستريت Peter 70 .. الداون تاون ..


وتوصل بالسلامه حبيبي .. واي استفسار لايردك الا اصابعك ..

شكرررررررررررا عالرد يااكريم سبله وشكلي بغاااامر واخذ العزبه معااااااااااي

معليش اخوى كريم سنبله غثيتك شوى بالاسئله بس عندى سوال يقرقع فى راسى :sad1:

الحين الواحد لبغاء يحلق دقنه وجه وش يسوى

:36_2_67: :36_2_66:

يروح حلاق ولا ياخذ معه عده حلاقه ويشتغل هو بنفسه .

:shocking:

وانا بصراحه ماقدت حلاقت لنفسى ...ولا مره متعود على الحلاقين هنا . :m9:




وش رايك كيف اسعار الحلاقه عند الحلاقين هناك هل هى معقوله...\!!! :upset:

ولا راح تكون مكلفه على الميزانيه على المدى الطويل...؟؟؟ :unsure:

ولا تنصحنى اشترى عده من هنا واتعلم فى نفسى واشطب واحوس وادوس لين اعرف .



وبماذا تنصحنى ياخى من ادوت الحلاقه المناسبه الهامه التى يجب ان تكون مع المسافر ...!!!


ولله لايهينك اخوى كريم سبله .


:smile:

توصل بالسلامه ... والله يستر عليك حبيب ألبي

والله ياعزيزي يور نكست .. أول شيء انا كريم سبله مهب سنبله ..

ثاني شيء ياعزيزي .. بالنسبه للحلاقه انا مابعد حلقت شوشتي للحين .. بس تعتبر غاليه مقارنةً بالسعودية .. لأني دخلت كذا حلاق .. بعضهم بـ 5 و 6 و7 و 10 و 15 .. دولار .. تختلف


وبالنسبه للدقن .. انا جايب معي مكينة حلاقه .. حقت تخفيف وتحديد .. وانا مابعد حلقت لنفسي أبد .. بس تصدق طلعت احسن من الحلاق !! .. انواع التفنن في وجهي الحين هههه ..

ومره وحده بس استخدمت الموس طلع وجهي مدري وش يبي من جد .. شلعت ام الشنب واللحيه .. والحين لا بس استخدم المكينه ..

واذا انت من الناس اللي يظبط عليهم التنعيم .. جب معك مكينة حلاقة حقت تخفيف وتحديد .. ومكينة حلاقة تنعيم .. اذا ماتحب الامواس ..

اخوي كريم سبلة ..

انا حاليا في مونتريال جالس ادرس انجليزي شهرين.
.
وتوني اشوف هذا المنتدى الرائع..
على العموم ودي اشوف نياغرا وتورنتوا عندي اربع ايام .
.
وشو اهم الاماكن في تورنتوا ونياغرا .
طبعا علشان تقدر ضروفي انا طالب جامعي"على قد الحال" يعني مو موظف
.
سمعت ان في ملاهي كبيرة وحلو .
.
عطني أرائك لو سمحت .....

ياهلاا بك راعي الكاميرا ..

بالنسبه لنياقرا .. اكيد ان الشلالات احلى شيء بنياقرا ...

وبالنسبه لتورنتو .. اماكن كثيره .. مثلاً .. الداون تاون عندك ساحة دنداس (( وبالويكند كلها عروضات وفله )) .. و wonder land (( هذي الملاهي اللي تقول عليها )) ... وطريق كوين .. ويونق .. والووتر فرونت (( عند محطة يونيون بالصب وي )) الواجهه البحريه حقت تورنتو .. وطريق الكنق .. بالعموم الداون تاون في تورنتو كلها حلوه .. سينما باراماونت .. على طريق ريتشموند ..

واذا فيه شي براسك تبي تعرفه .. قول لي وابشر بسعدك

اخي الفاضل / كريم سبله
في البدايه اتقدم بالشكر الجزيل على المعلومات اللي تقدمها والله يعينك علينا
عندي كم استفسار
1- حسب ما قلت انك وقعت في مشاكل مع العائله ( ماهي الموصفات الاساسيه التي تنصح باشتراطها على المعهد او المكتب )
2- هل تنصح باخذ برنامج فل تايم او بارت تايم اذا كانت لغتي فوق المتوسط فيما يتعلق بالتلقي وضعيف في الارسال .
3- اي المدن الكنديه اللي تراها مناسبه لدراسة اللغه .
شاكراً لك مقدما

هلا بك اخ مساد ..

1- .. واجهت مشاكل مع العائله الاولى بسبب المدرسه .. عطوني مواصفات عائله فاشله بمعنى الكلمه .. عشان كذا اقول واشدد واعيد واكرر .. اللي بيسكن مع عائله لازم يكون دقيق في طلباته ويتأكد من رد المدرسه ان طلباته اكيد راح تنفذ .. واعطيك مواصفات العائله الممتازه بالانجليزي عشان تنسخ وترسلها لهم ...


Homestay;
1- The family ( parents & 1 or 2 children at most ) MUST be native speakers, or at least they speak English fluently
2- Private room, private bathroom.
برايفت باث روم للي مايحب احد يشاركه حمامه .. واذا عادي عندك اكتب shared bathroom
3- Internet available with no extra charge.
4- No pets
5- I am vegetarian, which means I don't eat meat or chicken. (( seafood is fine )).

طبعاً رقم خمسه كتبت ماآكل لحم ولا دجاج لأني بصراحه شخصياً ماآكل شي مو مذبوح ذبح اسلامي .. والدجاج واللحم مو مذبوح ذبح اسلامي عندهم .. بعض الناس يقولون عادي ذبح اهل الكتاب نأكله .. انا سألت شيخ من قبل وقال لي مايجوز .. والله اعلم



ثانياً .. بالنسبه للفل تايم والبارت تايم .. بصراحه انصحك ماتكثر من الدروس .. يعني خذ بارت تايم وباقي الممارسه تكون مع الطلاب برا المدرسه او مع العائله او بالشارع او بالمطعم او بالسوق او بالبقاله .. ترى المدرسه بس تعطيك الاساسيات وتقولك طبقها برا .. يعني اتوقع بارت تايم كافيه جداً لتعلم الاساسيات ..

هذا من وجهة نظري .. وانت حر في الاختيار ..




ثالثاً .. المدن الكنديه المناسبة للدراسه هي بصراحه تورنتو .. انا مازرت باقي المدن لكن شفت صور لها وقريت عنها .. وكل بيمدح في ديرته اللي يدرس فيها .. لكن تورنتو جامعه كل شي .. انواع الاشكال هنا .. والمدينه حيّـه .. والمواصلات جداً متيسره .. والاسواق كثيره .. ومن اكبر مدن كندا .. يعني بتضيع فيها وبتزهق وانت تمشى .. وشلالات نياقرا قريبه منك حوالي ساعه .. وفيها اكبر شارع في العالم ( يونق ) فيه جميع انواع واشكال ومدري وشو بعد كلها تحصلها فيه .. ومطاعم عربيه وايرانيه حلال .. وفي كل زاويه كوفي شوب ( لمدمنين القهوه ) وشعبها طيب جداً وحبوب وودود .. يعني بصراحه اقولك اختر تورنتو وانت مرتاح البال .. لاتحاتي شيء ابد ..


وبالتوفيق يارب ..

أخوي كريم سبلة..
انا اللحين جالس اسوي جدول بروح تورنتوا يوم 17/7
وبجلس الى 23/7
أذا عندك برنامج مقترح اكون لك من الشاكرين
"طبعا بزور نياغرا ليلة واحدة "
علشان تكون بالصور انا عمري 24 شباب ومعاي واحد بنفس عمري ..
.
.
.
ويعجز لساني للشكر لك على هذا الموضوع الذي استفدت منه الكثير
والله يجزالك خير
.

حياك الله راعي الكاميرا . . . ولو حاضرين


جدولك 6 ايام .. وطالع لتورنتو ...


اقترح عليك تزور الاماكن اللي بقولك عليها .. ورتب جدولك حسب ظروفك ..

في الداون تاون .. خذ الصب وي .. واطلع على محطة دنداس .. وانزل من الصب وي .. واسأل عن Eaton Center (( انت بتكون حول الايتن يعني مره قريب منه بس اسأل عن طريق دخول المجمع)) .. وخذ لك جوله بالايتن سنتر .. وبعدين انزل على ساحة دنداس .. بتحصل ناس ترسم على الرصيف .. وناس تغني (( غالباً يتواجدون بالويكند )) .. لكن يمكن تحصلهم ..
وبعدين اركب الصب وي .. واطلع على محطة Osgoode .. واطلع من المحطه وامش على طريق Queen .. انواع المحلات تحصلها فيه .. وتحصل فيه محطة تلفزيونيه غالباً يكون عندها عروضات ..


اطلع على محطة King .. واطلع على كنق ستريت.. تشوف العماير بالهبل هناك .. وشارع مره مزدحم .. وفيه مطاعم اشكال وانواع .. وفنادق .. وقريب من ال CN تاور .. اللي اكيد لازم تزوره

وبعدين اطلع على طريق يونق .. (( هذا يبي لك تفضي له يوم كامل .. )) لأنه أطول طريق بالعالم .. والتمشيه فيه ماراح تمل منها .. (( الطريق فيه اشكال وانواع المحلات )) محلات ال niggers .. ملابسهم وخرابيطهم .. ومطاعم عربيه .. وكل ابو انواع الاشياء اللي في بالك على هذاك الشارع ..

رح لـ China Town .. وموقعها بالظبط والله ماأذكره .. لكن هي حول محطة Spadina بالصب وي .. والشارع حق التشاينا تاون اسمه سباداينا .. هناك كأنك في الصين .. مطاعم ومراكز وحتى البنوك لوحاتها بالانجليزيه والصينيه !! .. ورخيصه مررره . . . لو في بالك اشياء تبي تشتريها بس غاليه (( ماركات )) تحصلها في التشاينا تاون رخيصه ((

ما قصرت اخوي كريم سبله...
معلومات مفيده جدا لي .. برتب جدولي علي مقترحاتك ...
والله يكتب لك الاجر تعبناك معانا .............
.
.
.

اخي حمودي جيب معاك الشيشه وسع صدرك انا جبت معاي ولا قالولي شي

وبنسه للاماكن الشيش واجد القهاوي اللبنانيه تدهر هناك

وبالتوفيق انشاء الله

ولوو راعي الكاميره ..

حاضرين للطيبين .. بس الله الله بالصور

الاخ كريم سبلة
ماقصرت والله يرجعك لاهلك غانم سالم
سؤالي ..
نحن عائلة 4 افراد.......... كم الحد المسموح من النقد للدخول به الى كندا ؟
شاكرآ ومقدر

حياك الله اخوي شاافي ..

اللي اذكره تقريبا 80% ..

ان مافيه حد (( والله اعلم )) لأني اذكر اني قريت عن هالموضوع من قبل وكنت بروح بكل فلوسي اللي معاي كاش ..

يعني اتوقع انك انت جايب معاك من 3 الى 5 الاف دولار .. تقدر تدخل فيها طبيعي جداً ..

وحتى 10 آلاف دولار ..

يعني لاتحاتي المبلغ اللي بتشيله معاك ..



وتوصلون بالسلامه

اخوى / كريم سبله

يعطيك العافيه عندى استفسار ابيك تعلمنى وش اسوى معليش ازعجتك باسالتى ها البيخه :tongue:

بس ماشاء الله عليك وعلى معلوماتك القيمه والرائعه الله يحفظك خمس وخميسات .



الحين انا بروح كندا لمده 6 شهور دراسه و دافع حق شهرين للمعهد ولسكن مقدما ومعى حوالى 50 الف .

الى ابى اعرفه يخوى وش اسوى فى الفلوس...!!!

احولها من هنا الى دولارت كنديه... او احولها الى دولارت امريكيه ...

ولا اخذها شيكات سياحيه ...او اشحنها فى بطاقه فيزا... ولا ايش اسوى ...؟؟؟


:upset:

والله ياعزيزي انا اقولك ..
50 الف ريال سعودي يعني حول ال 13 الف دولار ..
انا اقول .. اذا انت ناوي تستاجر سياره وتروح تسكن بفنادق ..
وبما ان فلوسك واجد ماشاء الله ..
اقولك خل 2000 دولار في الفيزا حقتك ..
و 1000 دولار كاش معاك اول ماتوصل .. احتياطاً ..

(( ان قدرت تاخذ دولارات كنديه ممتاز .. وان ماقدرت خذ امريكيه لأنها هنا نفس الشيء .. واذا وصلت روح اقرب صرافه بالمطار واصرف ،، واذا جاي تورنتو في ال Eaton Center .. صرافه ))

و 10 الاف دولار شيكات سياحيه ..
واول ماتوصل هنا تروح للمعهد وتاخذ منه تعريف للبنك .. تقول ابي ورقة تعريف اني ادرس هنا وكذا .. ويعطونك اياها ..
والحين جينا للبنوك .. انا بصراحه رحت لكذا بنك .. منها بنك مونتريال .. قال لي لازم تجيب بطاقة تعريف من جهة رسميه في كندا عشان نفتح لك حساب .. + جوازك الاصلي ..
يعني بطاقة المدرسه ماتنفع ..
المهم رح لبنك اسمه Trust Canada ... ماشاء الله فروعه واجد ..
ورهم التعريف مع جوازك .. وبيدخلونك مكتب (( لاتخاف مهب مكتب تحقيق خخخخ ))
بيقولك اذا جالس اقل من 3 شهور .. ماراح ناخذ عليك رسوم شهريه .. واذا اكثر من 6 شهور بناخذ عليك رسوم (( هذا اذا ماخاب ظني لأني والله ناسي )) .. وبعدين قبل لاتسافر تجيهم وتقفل الحساب عشان مايحسب عليك ..
انا والله ناسي .. ماأدري قال لي بيحسب عليك من 3 شهور واكثر .. او انه بيحسب علي اذا سافرت وتركت الحسااب مفتوح بدون استخدام .. فأنت تأكد منهم
والبنك له صرافات كثيره ..
روح للبنك وافتح حساب وحط شيكاتك السياحيه فيه .. ويعطونك بطاقة صراف وانت واقف .. وانت مرتااااااح ومبسوط ..
اذا فتحت حساب علمني عشان ارسل لك رقم حسابي تحول لي فلوس ... جالس اساعد ببلاش انا ؟؟؟؟؟؟؟؟؟؟ :112:
ههههههههه امزح .. حاضرين بأي وقت واي استفسار زائد لاتردد .. :24:

بارك الله فيك اخى كريم سبله

اجل قاعد تساعد خلق الله بلاش ههههههه

( الله يرجك هذا نظامك. ) :tongue:

بس تبى الجد ولله تستهل عيونى المركبه ( وشبيب بعيونك عيونك خلها فى وجهك) :m9:

.......



صحيح ماقلت وعين الصواب وسوف اعمل بنصيحتك ..

بس اريد ان اعرف هل ياخذ البنك هنا عموله على بطاقه الفيزا عند استخدمها فى كل عمليه تسديد المشتريات فى كندا ....؟

اما انه لارسوم عليها عند استخدمها فى تسديد المشتريات كما سمعت من بعض الاخوان ...!!!

و اريد ان اعرف كم سعر صراف الدولار الكندى عندكم الان فى كندا ...؟؟؟

الله لايهنك .

أخوي كريم سبلة ...
تعابناك معنا ...
.
.
لو سمحت أخوي اذا تعرف محل متخصص بأدوات الصيد والحيوانات المحنطة ..
ارجوا أنك تعطيني عنوانه أذا ما عليك كلافة
.
.

ههههههه يور نكست .. اذا عيونك زينه مثل عيوني ماقول لا


بالنسبه للفيزا سمعت ان عليها رسوم .. لكن انا ماعندي خلفيه عن الموضوع هذا كثير والله .. تقدر تستفسر من البنك حقك عن نوع فيزتك وكذا .. وهم يعطونك معلومات الوافيه ..

وسعر صرف الدولار الكندي....

3.32 ريال

http://www.xe.com

الموقع هذا يطلع لك جميع انواع العملات ..

راعي الكاميرة .. راعي المقانيص .. ههههههه

انا والله ماعرف لكن جبت لك عنوان محل عن طريق الانترنت ..


Bass Pro Shops
Outdoor World
1 Bass Pro Mills Drive
Vaughan, Ont L4K 5W4
Phone: 905 761 4000


وصفحة عنوانه واوقات الدوام

http://www.basspro.com/servlet/catal...=94&storeID=11




وصفحة محتويات المحل .......

http://www.basspro.com/servlet/catalog.OnlineShopping



وان شاء الله اكون افدتك!!

مشكور أخي كريم سبله؟؟؟
صحيح أنك كريم ..............
.
.
آه يالمقناص الي يذوق طعم المقناص وانا اخوك ما يتركه ....

.

مايحتاج وانا اخوك ..

مايبيلها كلام ..

@_@


وان حصلت صيدٍ زين .. لاتنسانا من العزيمه

اخوي كريم السبلة صباح الخير وشكرا علا الموضوع الاكثر من رائع سؤالي ابي اي معلومة تعرفها عن مدينة فكتوريا .....

ياهلاا بك

شوف الرابط التالي .. وان شاء الله يفيدك ..

http://www.travel4arab.com/vb/showthread.php?t=61104