الموضوع: مسآفر جديد لاتبخلو علينا بالمعلومات

السلام عليكم ورحمة الله وبركاته

كيف حالكم جميعاً ؟؟ طيبين ؟؟

مسآفر جديد لكندا الرحله تقريباً بعد شهر ونص .. أتمنى المسآعده

رآيح درآسه لغه انجليزيه شهرين في مدينة هاليفاكس .. اللي عنده الخبره ياليت مايبخل علي بمعلوماته عن :

1- طريقة الدفع .. هل يستحسن اني اخذ معي من هنا كاش واخليها معي او اخذ فيزا ، وهل استطيع استخدام بطاقة الصراف الآلي الحاليه للسحب من هناك .. مثلاً هل استطيع استخدام بطاقة صراف بنك الرياض للسحب من مكائن الصرف في هاليفاكس.

2- معي مرآفق سيرافقني لمدة اسبوعين وبيرجع ... حجز الفندق يكون من هنا ولا فيه مجال انه يحجز من هناك اول مايوصل ، نبغى محل الفندق يكون قريب من محل دراستي اللي يعرف طريقه كيف يطلع اقرب فندق للمعهد ياليت مايبخل علي وبعطيه معلومات المعهد ..

3- تقريباً رمضان كامل بصومه هناك ، كيف الصيام هناك ، من ناحية الفطور و السحور ، وهل المعهد لو اطلب منهم يعطوني برنامج خاص في رمضان بيوافقون.

4- استأجار السياره هل يتطلب رخصه غير الرخصه السعوديه.

5- الأماكن اللي تنصحون بزيارتها في هاليفاكس كسياحه ومتعه.

6- معاملة الناس هناك كيف للشاب العربي ..

7- اجراءات المطار عند الوصول هل هي متعبه ..

8- سعر التذكره تقريباً للشخص الواحد 7600 ريال .. هل السعر مناسب ..

9- الجوال كيف طريقة الإستخدام .. هل توجد شرآئح هناك .. ام استخدم الشريحه السعوديه ..
والبلاك بيري بنفس الأسعار .. وكيفية تجديد الإشتراك ..


وشكراً من القلب مقدماً

مواضيع عشوائيه ممكن تكون تعجبك اخترناها لك:

• فزعتكم يا احوااان
• اريد مساعدة بالعلاج بتورنتو بكندا
• الكويت إلى كندا حصلت بــ ريال رايح راجع لكن محتاجكم في استفسار
• أفضل مكان للسكن في تورونتو
• ارجوا مساعدتي والرد سريعا
• بخصوص مصاريف المعيشة فى كندا بشكل عام استفسار
• هاااااي اوتاوا والسكن فيها
• اسئله مهمه اود الرد عليها جزاكم الله خير
• التنقل داخل كندا مساعدتكم ياشباب كندا
• اســــتفسار
• رأيكم بالطيران الكندي
• اسابيعشهر عسل في كندا مين يساعدني
• الذهاب الى تورنتو بعد ايام ان شا الله
• سيكل في كندا
• ساعدوني جوازي وصل لكن بدون فيزا وسبب
• استفسار لزوار كندا
• مدينة
• ممكن تساعدوني في سفري لو سمحتوا يا اخوان
• ياليت الي يعرف شي يفيدني
• أتمنى المساعدة أرغب في شقة فتدقية أو شقة نظيفة بإطلالة على الشاطيء

اهلين وسهلين باهل هاليفاكس اخوي المدينة صغيرة نوعا ما لكنها مريحة وجميلة والناس فيها تعاملهم راقي
انا درست فيها 3 اشهر كانت فرتة من اجمل ايام حياتي
الدفع للمعهد عادي تاخذ فيزا ولا كاش بس لازم يكون معك مبلغ كاش تصرف به امورك
اول ماتروح افتح حساب وبعدين اسحب من بطاقة الرياض بس لاتسحب الا مبلغ كبير عشان العمولة تصير مرة وحدة ويصير تودع المبلغ في البنك على طول
بخصوص الفيزا تقريبا كل المحلات حتى بعض التكاسي عندهم اجهزة سحب يعني استخدم الفيزا عادي
اما المرافق الافضل انك تحجز من مواقع النت , لان الحجز من نفس الفندق بيطلع لك اغلى
او انك اذا نزلت تلف وتشوف الفنادق
عاد الثوم عادي المدينة فيها كذا مسجد والمسلمين كثيرين لاتشيل هم
مادري عن الايجار لكن اظنه بالرخصة السعودية تقدر تستاجر
اذا رحلتك لهاليفاكس مباشرة - الرحلة تمر اجباري بمدينة ساينت جونز وتنزل تختم الفيزا والجواز ( اهم شي اوراق المعهد معك وقلهم جاي دراسة وخلاص يختمون لك
وتطلع الطيارة الى هاليفاكس ساعة ونص تقريبا
سعر التذكرة غالي شوي ابحث يمكن تلقى ارخص
اما الجوال خذ معك شريحة اتصالات stc لان موبايلي فيها تجوال بس احيانا يقطعونه عليك ( شوفه مع اخوي في امريكا وقطعوا عليه الخط
وخذ شريحة كندية
اما الاماكن السياحة عندك حديقة سبرنج قاردن والداون تاون تمشى فيها وعندك الشاطي
وش المعهد اللي بتروح له؟
الله يوفقك

الله يعطيك ألف عافيه يالغالي .. مآقصرت .. الله يوفقك

بالنسبه للحساب كيف أفتح أول ماأروح ، مافهمت عليك يعني افتح حساب هناك ..

وبالنسبه للشريحه كيف أحصل على شريحه كنديه ..

أما سعر التذاكر إذا تقدر تفيدني بموقع حجوزات حلو ، لاني دورت مالقيت

وبالنسبه لإسم المعهد .. بشوف الورقه وارد لك خبر ..

روح اي بنك واخذ بطاقة المعهد وافتح حسابوالشرائح عندك rogers وكذا شركة غيرها شوف عروضهم واخذ الافضل
اما سعر التذكرة شوف مكاتب الطيران اتلقى عندهم ارخص من النت
وفقك الله

الله يوفقك يالغالي ويخليك لعين ( ن ) ترجيك ..

بالنسبه للكولج استقرينا على Kings college .. ممتازه ولا لا ؟ يالغالي ؟

+

بالنسبه للحساب اذا فتحته هناك ، كيف تتم طريقة التحويل ، أنا سمعت عن ويسرين يونيون ، هل لها علاقه بالحساب .. أو اني بس اروح استلم الفلوس من هناك وبعدين اودعها في حسابي

واذا تقدر واكون لك شاكر مدامك قد رحت لهاليفاكس .. تعطيني اسماء المطاعم اللي تنصحني فيها
واماكن اكثر للسياحه والإستمتاع ..

يعطيك الف عافيه

بالنسبة للكلية ماعندي عنها معلوماتاما الحساب خذ بطاقة صراف اي بنك سعودي وبعدين اي شخص يودع المبلغ في حسابك وتسحبه من البنك السعودي وتضيفه في البنك الكندي
طبعا مايمديك تسحب اكثر من 5 الاف سعودي ( بس العمولة ماهي غالية زي الويستر يونيون او الحوالة العادية
اما المطاعم اذكر مطعم لاهوي بس سمعت انه قفل
الباقي ماني متذكرها
الاماكن السياحية ماهي كثيرة في هاليفاكس
انابوليس فالي - وادي يبعد عن هاليفاكس اظن نصف ساعة - انا ماقد رحت له بس يمدحونه
وعندك peggy's cove وهو المكان اللي سقطت فيه الطائرة السويسرية عام 1999 على ما اظن
عندك جزيرة الامير ادوراد تقريبا 4 ساعات بالسيارة
وايضا Cape Breton من اجمل الجزر في العالم تصنيفها الرابع - ايضا مايقراب 3 ساعات
وفقك الله