وعليكم السلام ورحمة الله وبركاتة
حياك الله ياغالي بس الرحلة عائلية او شبابية ؟
بالنسبة للجبل فالسكن في فلة ولك الخيار اما تكون في مجمع سكني وطبعاً عيبة الأزعاج وأما تكون منفردة وهذي الي فيها خصوصية شوي
السكن في بالي عندك خيارات كثيرة اذا حاب تفرفش شوي والرحلة عائلية يوجد منتجعات كثيرة خاصة في سيمنياك وتقدر تشوفها في تقارير الأعضاء
اما اذا الرحلة شبابية عندك شاطئ كوتا حلو للشباب والفنادق تختلف على حسب ميزانيتك
التنقل من جاكرتا للجبل بالسيارة ساعة ونص ولما تبغى تروح بالي لازم من جاكرتا الى بالي بالطيارة مدة الرحلة مابين ساعة الى ساعة ونص
المناطق الي تستحق الزيارة في الجبل كثيرة منها حدائق الزهور والفراولة والشلالات وحديقة الحيوانات
وتقدر تزور منطقة باندونق الي فيها المياة البركانية الدافئة
اما بالي فيها برامج سياحية كثيرة طبعاً وتقدر تشوف تقريري عنها رصدت افضل البرامج السياحية
اهم شي لايفوتك ( الرافتنج ) التجديف في الشلال سواء بالأهل او بالشباب مناسبة وممتعة
بالنسبة لي اشوف اندونيسيا اجمل من ماليزيا بكثير لأن الطبيعة فيها احلى لكن يميز ماليزيا الأهتمام بالسياحة فقط
رحلة موفقة واي استفسار حاضرين
المفضلات