الموضوع: للدارسين في كندا

ممكن الي درس او يدرس الان في كندا يعطينا شعوره واحساسه في اول الايام لما وصل للبلد ومتى بدأ

يتأقلم مع الوضع يعني بعد كم يوم من وصوله...

والي يبي يسولف تراني فاضي ومستعد اقرا سواليفه

مواضيع عشوائيه ممكن تكون تعجبك اخترناها لك:

• استفساار
• اريد الدراسة في كندا
• المكاتب اللي تتكفل بكل إجراءات السفر والدراسة ؟؟
• استفسار للأهميه بالنسبة للكمبيوتر المحمول اللاب توب
• الله يخليكم لعين ترجيكم ابغى اجابه على موضوعي
• موضوع للنقاش كيف تحمل مصاريف سفرتك
• تعالوا تجمع معلومات عن التأمين الطبي في كندا
• موضوع مهممممممممممم
• ابي رايكم بصراحة و الدين النصيحة
• رايكم في خط السير يا أخوان
• أوزان الشنط المسموحة على الخطوط؟؟؟
• طريقة الوصول الصحيحة لكندا
• أفضل مكتب لاصدار التأشيرة الكندية بالرياض
• هل يوجد مكاتب سياحه تقوم برحلات الي شلالات نياقر في فانكوفر
• صيغة خطاب الدعوة لزيارة كندا
• افيدونى افادكم الله بخصوص الفيزا الكندية
• برجاء الدخول للاهميه
• تعالووو ضروري عن الفيز الله يوفكم والله الي يجاوب لدعيله نهار وليل
• من يعرف معهد فانكوفر
• فزعتكم يا احوااان

هلا والله يا اخوي....
والله انا بعد ودي اعرف نفس المعلومات....
انا ماشيه لاوتاوا بعد 3 شهور انشالله:110: :110:
بس الله يستر ما ادري ويش باسوي؟؟؟
ع العموم حبيت اقولك انا اعرف بعض الزميلات هناك وكلهم قالولي ان المجتمع هناك مرا كويس وبتتاقلمين بسرعه وفيه كثير عرب
بالذات اذا كنت رايح لمونتريال،انا كنت هناك قبل شهر وكان العرب مرا كثير يعني عادي تسمع اللغه العربيه في الشارع
وفي اوتاوا والله تعرفت على ثنتين عربيات بالمول وكانوا جدا لطيفين...(عشان انا حبوبه اصلا)

مساك الله بالخير m15 انت متى بتسافر ؟ وكم ناوي تجلس هناك؟

هلا ب melting candle ماقصرتي على المعلومات ... ومتى ماحسيتي انك فاضيه ابد ماعليك ادخلي

وسولفي ترى اخوك فاااااااضي ههههههههههههههه .... يعطيك العافيه وبالتوفيق...

هلا بك أخوي ريلاكس أنا الحين في فانكوفر لي كم يوم وبالنسبه لسؤالك كم بتقعد انا ماحب هالسؤال

تدري ليش ؟ ؟ ؟ أقولك ليش لاني احس المده طويييييييييييييييله ويضيق صدري

المهم المفروض سنه بس انا مخليها حسب الظروف ربك يعين ويوفق الجميع ...

هلا والله اخوي...
والله ضيقت صدري :105:
انت سنه وحده وضايق صدرك اجل انا ايش اقول باقعد خمس سنوات:110: :110:
الله يسهل بس....
وكيف شفت فانكوفر؟ يقولون حلوه

هلا اخوي m15 وهلا بك اختي melting-candle

دام انكم تبون تسلفون اسمعوا سالفتي

انا رحت الى فان كوفر قبل شهر وصلني اخوي مطار البحرين وقاعد اسولف معي اخوي درس في بريطانيا سنتين ويعني خبره بالسفر وهالاكلام

المهم قبل لا ادخل التيرمنل قالي كلمه لحد الحين ما انساها واقولها لكل واحد بيسافر قالي هي اول 3 ايام بس وبعدين بتستانس وما ودك ترجع انا قلت في قلبي ههههههههه والله اليوم الرابع انا في السعوديه خخخخخخخخخخخخ
المهم رحت وصارت لي مغامرت انا رحت ادرس لغه لمدة شهرين وبس طبعا اول يوم صارت لي سالفه واكلت تبن بس بعدين الحمد لله اصلا من كثر ما عجبتني المدينه سجلت في جامعت برتش كولمبيا على اني ادرس الجامعه هناك المهم

بس لازم انكت ترتاحون في كل شي يعني الهوم ستي او الابارتمنت اللي انت ساكن فيه تاكد انكم مرتاح
انا اقولها لكم اول 3 ايام وبس

لاي استفسار انا جاهز

أخوي m15 أنا ان شاء الله بجيك في فانكوفر بعد 35 يوم وبجلس قرابة سنة وش رايك تصير صديقي

ابد وسعي صدرك ترى المساله تختلف من شخص لاخر وترى بعد كم يوم تتاقلمين على الوضع كله

اخوي فانكوفر ماتقصر يالغالي اكيد اذا بغينا شي مالنا غنا عنك

اما انت اخوي ريلاكس حياك الله تعال بالسلامه ان شاء الله وتامر امر يالغالي

صباح الخير اخوي m15 كيف حالك انشالله بخير اذا بتسألني عن اول اربع ايام ابقولك احلا مايكون بس الله يستر من الايام الي جاية اخاف اني بطفش انت سولك برنامج حلو وخلك تدري وش انت علية واتوقع ماراح يدخلك الملل بعدين حضك جيت وقت المهرجانات ...وبتوفيق

انا اول ماوصلت هناك تأقلمت :109:
شعب يشجعك على كل شي .. شعب لطيف ومحترم وسهل التعامل معه :115:

صح ان محفظتي ضاعت من اليوم الأول :114: .. وقفلت معي وقلت ( وليي .. العمى على هيك حظ ) :112:
لكني رجعت وحصلت من بكره في الباص ومو ناقصها اي شي :106:


وشكرا

aba وكرتون علوك ( علوك ابو نص ولا ابو ريال )

السلام عليكم

الله يكون بعونكم جميعاً, فعلاً الشعب رائع ومتعاون جداً والتأقلم سهل إن شاء الله الجو حلو والناس حبوبين " ولا أحلى "

اذكر قبل ما أجي لفانكوفر قالوا بتنبسطين " قعدت أسبوع وأنا ماش ما شفت الوناسه " بس الحين ما ودي أرجع : )
وأقولها لك وأنا متأكده انك بتنبسط إن شاء الله

- عندي استفسار عن كيفية الإلتحاق بـ Ubc
اللي عنده أي معلومه عن الجامعه ياليت يفيدني

وبالتوفيق

سلام عليكم ..
انا لي سنة وشوي بكندا الان وبالتحديد في اوتاوا .. المدينة جداً رائعة للي ما يحب صخب المدن الكبيرة زي تورينتو ونيويورك على انها العاصمة الا انها صغيرة وعادية لكنها هادئة والناس فيها قمة في التعامل .. العرب فيها في كل مكان لدرجة اني بعض الاحيان احس اني في لبنان ولا الصومال من كثرهم فيها ... الشيء اللي يتعب شوي هو لما يجي فصل الشتاء برد وثلوج شيء تتعب منه نفسيا انت لكن راح تعتاد عليه ان شاء الله ... اي استفسار اوي شيء انا بالخدمة

تحياتي

والله ياخواني وخواتي راح تحس بالطفش أسالوني أول اسبوع ويمكن أو اسبوعين راح تحس بالطفش أسالوني لأني مجربها أكثر من مره ولكن صدقوني على حسب الشخص بعضهم يتأقلم بسرعة وبعضهم بيتأقلم متأخر شوي بس لازم الواحد يأخذ راحته ولا يفكر في المده اللي باقيه له وربي الأيام تجري ونحن لاندري تغمض عينك يروح أسبوع الواحد ألزم ماعليه مستقبله ولكن شعب ممتاز ونصيحة من أخو لأخوانه اللي يحس بالطفش فيكم يدخل أقرب مقهى أنترنت ويدخل التسجيلات الأسلامية ويستمع للقرآن والله علاج لما في الصدور من الهم والضيق والطفش وانصحكم بالشيخ / ناصر القطامي .... ولاتنسى اللاب توب لازم تشيله معك وأتمنى التوفيق للجميع .... وانا في السعودية الآن ولكن أنشالله بعد الشهرين راح ارجع لكندا وشاكر لكم مع السلامة

يعطيكم العافيه حبايبي على المرور والمشاركات الرائعه ....... وفعلا لازم الواحد مايحاول يضيق على نفسه

دائما لازم نبسط الامور ونسهلها حتى نقدر نعديها على خير وبنجاح .... والله يوفق الجميع ..

وبالنسبه لاي طالب او طالبه في فانكوفر محتاجين لاي مساعده ترى انا هنا مثل اخوكم انتوا آمروا بس ..

مساء الخير m15 وش اخبارك بغيت اسألك بنسبة اذا بغيت اطلع بطاقه شخصية (زي التعريف ) رحت للمكتب قال وين الورقة الي عطوك في المطار والحقيقة ما عطوني شي عندك خلفية عن الورقة هذي ؟؟

هلا اخوي ابشرك انا الحمد لله بخير ونعمه ... وبالسبه لاستفسارك الصراحه مو واضح وش تقصد
لكن حسب فهمي ابقولك .. فيه ورقه اذا كنت راح تجلس في البلد لمده تزيد عن 6 شهور تعطيك اياها
السفاره لما تطلع الفيزا حقتك وهي عباره عن اقامه ( زي الي مع سواقكم بس هذي ورقه )
هذي لما توصل لكندا يطلوبنها منك في المطار وبعدين بالنسبه للتعريف مدري وش قصدك اي مكتب
لكن فيه هنا في فانكوفر مكتب تطلع منه بطاقه مثل بطاقه الاحوال تفيدك في اشياء كثيره حتى في استخراج
جوال غير مسبق الدفع يعني فاتوره وغيره من الاشياء واذا كان هذا قصدك وتبي عنوان المكتب او وصفه
اذا انت بفانكوفر قلي انت بس وابشر اما بالنسبه للمطار ماعطوني الا ورقه مدبسه في الجواز تبين الوقت الي بجلسه ومتى تنتهي الفيزا وبس غيره ما عطوني شي .... فمان الله .....

اقامه ( زي الي مع سواقكم بس هذي ورقه ) :109: ههههههه لا الله يحفضك قصدي الورقه المدبسة في الجواز ما اعطونيها لاني رحت للمكتب تبع البطاقات الشخصية قال وين الورقه المدبسة قلت ما فية :114: قال : اجل عطنا مقفاك !! وانا مستعجل علا البطاقة لانها تاخذ حوالي اسبوعين عشان تطلع وافتك من الجواز لا يضيع .

نعم يا جدي انا في فان كوفر المكتب الي رحت له في المتروتاون في السوق الكبير (والله اني ناسي اسمة)

شف حبيبي اولا اذا كانت فيزتك فوق 6 شهور لازم يدبسون لك الورقه مع الجواز وفيها تطلع البطاقه

الي اسمها الظاهر كنيدين كارد ولها رمز عجزت احفظه icds تراه غلط بس حوله وبدون الورقه ماظنيت

تطلع البطاقه صدقت لكن المكتب الي اعرفه في تقاطع ربسون مع هورنبي مو في المترو تاون

وبعدين تقدر تطلع رخصه دوليه اذا تبيها تغنيك عن الجواز...اوووووووكي...مع السلامه..

اضاهر مهو لازم تكون الفيزا 6 شهور واحد من الشباب فيزته 3 شهور ومطلع البطاقة اما بنسبة لرخصه زين والله اذا بتغني عن الجواز بس عساها تطلع بسهولة من هنا ومشكوور علا المعلومة .